لو قبلتم هذه المبادرة فستكون النتيجة أسوأ من قبولكم الجلوس مع العسكر وتقاسم السلطة معهم فى 2019 انتو مالكم؟ الستم رجال ونساء أحرار أسوياء؟ أنتم الان جلستم مع بعضكم وتدعون الاخرين ليجلسوا معكم.. فماذا ينقصكم؟ المصريون حرموا من أى دور فى الثلاثية ثم فى الرباعيـة، ولذلك يريدون إفشال كل عمل ينجح فى رأب صدع السودانيين.. فهل ترضون أن تكونوا مطيـة لهم فى تدمير السودان. هم قالوا يا فيها يا نفسيها.. رأيكم شنو؟ حتجيبوا مسمار وتفسوها معاهم؟ أتفضلوا. أمشــوا القاهرة.. سينفردوا بكم واحد واحد.. ويدوا كل زول العاوزه.. العاوز قروش يدوه قروش والعاوز مروحة يدوه مروحة والعاوز حاجات تانية يدوها ليه.. ويصوروكم ثم يفرضوا عليكم التوقيع.. تماما مثلما عملوا مع عسكر عبود فى اتفاقية مياه النيل وفى ترحيل حلفا. أمشوا الدلالة دى وبيعوا فيها وطنكم. اسألوهم كيف تحلون مشاكلكم يا أقزام.. لا تستطيعون التحاور كسودانيين. لكن الأمل فى بجان المقاومة.. عينهم مفتوحة وما حينسون لكم خيانتكم لهم وللسودان فى تآمركم مع العسكر وتقاسم السلطة معهم.. لكن عجبنى لكم ان العسكر رموكم مثل المنديل بعد ان تمكنوا من السلطة وعملوا تحالفات محلية ودولية. لو فى أول الأيام سمعتم كلام العقلاء وضربتم الحديد وهو ساخن.. وطالبتم فقط فى رحيل العسكر لرحلوا، لأنهم تلك الأيام لم يعرفوا كوعهم من بوعهم. وكانوا يرجونكم، بل يشحدوكم عشان تشكلوا الحكومة وتستلموها ويعودوا لثكناتهم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Nasr
adil amin
فيس بوك
تويتر
انستقرام
يوتيوب
بنتيريست