تحويل مدرسة في دنقلا من الخيام لأحدث نظام - تعالوا يا ناس

Quote: ما يخموكم زعماء حركاتكم بكلام النضال وادعاء التهميش .. كل السودان هامش .. بس في مواطن واعي بخدم بلده و اهله .. وفي مواطن .. غير واعي مستقلنوا كمندرات الحركات المسلحة بتاجروا بحروبوا وهم بانين عمارات في الخرطوم و اولادهم خارج السودان .. ومخلنكم انتو للجهل والاحتراب في اللاشي ..

Quote: بيبنا الجميل زهير تحياتي نحن ناس ضواحي الدنيا معظم المنشأت والبنيات من حر مالنا ليس من اليوم ولكن من تاريخ بعيد يرجع للثلاثنيات من القرن الماضي الاباء والاجداد من زمان كانوا يسافروا مصر ولديهم جمعيات وأول مشروع زراعي تعاوني كان في حفير مشو في منتصف الثلاثينيات .. وأقام فيه شاعر الفنان خليل فرح رحمه الله الجميل أن لدينا نظام الجمعيات في المهاجر والاغتراب عام 1955م تقريبا السيد اسماعيل أزهري هو راجع من باندوق تمت استضافته في جمعية حفير مشو بجدة ما كانت في سفارة ولا دبلوماسية والموضوع موثق في مكتبة الجمعية ================== الحبيب زهير .. اسم السودان لم يكن معروف لدى أهلنا زمان يعني الخرطوم هو السودان ====== اليوم في السعودية كل قرية من قرى دنقلا لها جمعية مبنى مؤجر يجتمع فيه أهل القرية في الاغتراب ، فراش أموات ، تجمع اخواني في عطلة نهاية الاسبوع (ونسة كوتشينة) ومناقشة مشاكل قريتهم ( كشف اجباري بمبالغ محددة ) من لا يدفع يكون منبوذ وهكذا يتم تاسيس المدارس ومصحات .. ودعم المحتاجين والعلاج ============== قبل سنوات كنت عضو في لجنة دعم جامعة دنقلا ( كلية الطب) تتخيل يا الحبيب زهير تم جمع (600ألف ريال ) وأجهزة الكلية أجهزة حديثة سمعنا بعدها أنه تم تحويل بعض الاجهزة الى جامعة الخرطوم كلية الطب ================== زمان أهلنا في حلفا كان يقولوا ( قطر السودان ) للقطار الخرطوم حلفا والدتي الله يرحمها جاءت الحج سألها مسئول في مطار جدة ( انت سودانية ) قالت : ( لا أنا من ارتقاشا) وهي جزيرتنا استغرب المسئول ان هناك دولة في العالم اسمها أرتقاشا .. وتم استدعائي وشرحت لهم الموضوع ضحك المسئول وقال ( انتو من بدو السودان ) تحياتي الحبيب زهير حاولت ان اضعك في الصورة وهذه الممارسات مستمرة حتى اليوم واولادنا واخوانا في امريكا وأوربا ما يقصروا أبداً تبرعوا بعربات وبناء عنابر في المستشفى عندنا مودتي يا جميل ...