بنقول أسرار حتى بدون ذكر الاسم الكامل يكفي تقول أسرار بس عشان تعني أسرار الغناء الحقيقي أسرار الطرب الباهي والعالي والمتجلي
أسرار بابكر
بنقول عادت أسرار مش رجعت
فرق لغوي كبير وشاسع طبعا بين العودة والرجوع
اظن بعد كدا مفروض كل مدعيات الغناء والطرب وكل أشباه المطربات يحترمن روحن ويشوفن ليهن اي مجال تاني لانه ما عندهن اي علاقة لا من قريب ولا من بعيد بفن الغناء
استغلن ومعاهن القائمين علي المنابر الإعلامية من قنوات واذاعات وغيرها، استغلو غياب المطربات والمطربين الحقيقيين وادوهم فرص ما بستحقوها
قبل كدا حزنا واتالمنا بعد اعتزال حنان النيل وربنا خالق الجمال أنعم علينا ب أسرار بابكر وتكرر نفس الحزن بعد غياب أسرار كنا نأوي بالقليل البجينا من لدن امال النور وايمان توفيق وبعض الشي من انصاف فتحي وكل الجمال برضو من البديعة شادن محمد حسين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة