|
|
|
 Re: فلس عام وضايقه معيشية دي الأيام ما حصلت ف� (Re: Osman Musa)
|
سلام عثمان
والله شيء مؤسف أن يصل الحال لهذا الدرك.
الله يلطف بعباده..
أخشى أن تتحقق نبوءة صلاح عبدالصبور في مسرحية "ليلى والمجنون":
يا أهل مدينتنا
هذا قولي :
انفجروا أو موتوا
رعب أكبر من هذا سوف يجيء
لن ينجيكم أن تعتصموا منه بأعالي جبل الصمت أو ببطون الغابات
لن ينجيكم أن تختبئوا في حجراتكم......,..
الله يستر يا عثمان..وربنا يحفظ البلاد والعباد
| |
 
|
|
|
|
|
|
|
|
Re: فلس عام وضايقه معيشية دي الأيام ما حصلت ف� (Re: محمد عبد الله الحسين)
|
الأخ الكريم أستاذ محمد ع الحسين
سلام
وقدر الرقعة البيرقعوها المغتربين والمهاجرين بارك الله فيهم دايبة في السوق زي ملح الاندروس.
وحالة الناس البره زاتها تعبت. و وضحت جوه.
تخيل بلد تقوم منها الي روسيا طائرات محملة بالدهب وما تلاقي حق تمنة الفيتريتا.
الوكية الوجبة الشعبية تعززت على محبين الضرابة.
والبانجقلي الذي كتل بتول أصبح يحاكي الشربوت الاسكوتلندي.
ربك يلطف .
| |
|
|
|
|
|
|
|
|
Re: فلس عام وضايقه معيشية دي الأيام ما حصلت ف� (Re: Osman Musa)
|
سلام الحبيب عثمان
لك التحايا العطرة وأنت تطرق باب الصمت والحزن والعوز،،
الأخبار التي تأتينا عن الأهل والله تحرق ماتبقى من عصب الحياة فينا،،
اليتامى والمساكين وأبناء السبيل صاروا أغنياء مقارنة بذوي الحال المستور في سالف الايام،،
المذكورون أعتادوا على شظف العيش وقلة الحيلة وتدبير الأمور،،
مستورو الحال سابقاً لا خبرة لهم في كيفية التعايش مع مثل هذه الظروف العصيبة،،
لا يعرفون كيف يسألون الناس طلباً للنجدة والفزعة والمساعدة،،
تحولت الحجرات الآمنة في بطون البيوت إلى عنابر اضطرارية للمرضى المسنين من اهل الدار
خوفاً عليهم من عدوى تصيبهم في المشافي ، وهرباً صريحاً من فواتير العلاج،،
تعطلت غرف العمليات في مستشفيات الولايات وصارت العاصمة الوجهة الوحيدة للقادرين
صارت مدافن عاصمة السودان هي خاتمة المطاف لكثير من القادمين بأمل الشفاء،،
وضع مزري بمعنى الكلمة والمتنفذون المتنطعون المسيطرون على خزائن الأمة لهم العلاج أنى شاءوا
بطائرات الإخلاء العامة والخاصة والسفر إلى عواصم العلاج الجديدة حول العالم،،
السودانيون في القاهرة أصبحوا هاجساً لمواطنيها وصار الإعلان بخلوا اي عمارة من السودانيين
عنصراً جاذباً للمستأجرين من المصريين وغيرهم،،
مظاهرات في تل أبيب ومدن الكيان الصهيوني تطالب السودانيين كافة (شمال وجنوب) بالمغادرة
عجبي:
ومتعطلون. عن العمل يسيطرون على سوق السياسة ويحلمون بإقتسام الثروة والسلطة!!
رأفة بأهاليكم أيها الفاشلون ، السودان إن تنازلتم عن أوساخكم وأوضاعكم قادر على
حمل كل سكان هذه الدول التي تهرعون إليها طلباً للحل والمعونة والرأي السديد،،
نسأل الله أن يخلص البلد من شرور الطامعين والحالمين والواهمين بأن هناك سلطة وثروة لتقتسم!!
| |
|
|
|
|
|
|
|
|
|
Re: فلس عام وضايقه معيشية دي الأيام ما حصلت ف� (Re: عبد اللطيف بكري أحمد)
|
الأخ أستاذ عبداللطيف
سلام
اطفال يتصارعوا على الكوشة في بلد محسوبة أنها تكون سلة غذاء العالم .
وفي الضفة السراقة لاندكروزر وكلاشنكوف وتين وزيتون وطول سنين وجرجرة لتطويل مسافة الحكم .
جاطت.
جاطت حابلها ونابلها .
في السوق الافرنجي عادي تشم بعر الحمير وبعر المزنوقين لعدم وجود الحمامات في عاصمة الثقافة العربية .
عادي مريض يطرش مسافة متر من بايعة الزلابية ويعتزر انو هو في الطريق للمستشفي.
وعادي ست الزلابية تتكرم على ( السودانيز بيشنت ) بخمسة حبات زلابية لزوم الكوفار .
البلد يا عبداللطيف اخوي جنة مليانة خير .
بس محتاجة توعية و وطنية. وإدارة جادة .
الخبوب القاعد دا كلو مفروض يعلق في المشانق.
زيت البلد طلع يا عبداللطيف.
البلد نفست.
رقدت ابلكاشة.
يا حليل السودان ويا حليل الخرطوم بالليل.
البارح يا عبداللطيف عندنا عمنا عندو أزمة مات من أثر البمبان.
وكثيرين زيو في عمر التمانين خدموا الوطن زمان والآن ماتوا من أثر البمبان.
في قتل ممنهج يازول .
| |
|
|
|
|
|
|
|
|
|
Re: فلس عام وضايقه معيشية دي الأيام ما حصلت ف� (Re: بشير حسـن بشـير)
|
الأخ بشير
سلام
تصبح وانت ساكي الحافلة على شغلك تحس زي الكانك عايش في كابوس.
كانك ما في السودان القديم .
تحس بي انو زي البلد القديمة فضوها من أهلها وجلبوا ليها تانين.
الظرافة والمدينة الكان بيقابلوك بيها اهل الخرطوم في مطار الخرطوم راحت في ستين داهية.
كلمة سلام . مافي .
كلمة لو تسمح. مافي .
اي اكسكيوز مافي .
اي شكرآ مافي .
اي معليش وآسف مافي .
تبدل الأدب برندوق جديد .
الشوارع عفنة.
حتي القروش المتداولة بين الناس عفنة .
ودي ما عرفتها عفنة ليه .
اللبن مطمبج موية.
والموية مطمبجة طين .
و ود عكار وقع في النار .
وكل الأحلام كوابيس.
وكل العيون ترف .
يمكن الطامة الجاية شنو ؟
ربك يستر .
| |
|
|
|
|
|
|
|
|
|
Re: فلس عام وضايقه معيشية دي الأيام ما حصلت ف� (Re: Osman Musa)
|
اخ عثمان موسى
احكي لك مأساة حقيقة من الواقع
لها رمزية ومعنىً يوافق ما طرحت
في نهاية شهر اكتوبر الماضي ذهبت ومعي اخوتي لقريتي الشوال للعزاء في فقيد لنا
رافقنا احد ارحامنا في سفرنا هذا
بقينا لثلاث ليال
لهذا فضل ان يسافر الى مريحلة ليوم وليلة
ليواصل رحمه وهي لا تبعد مسافة ساعة بالسيارة شرق الشوال
ومريحلة هذه تعتبر اخر نقطة في مشروع المناقل
وتعرف اداريا بمكتب 82
عندما انشئت في الستينات عهد عبود هاجر اليها ثلثي قريتنا الشوال
وقرى كثيرة من النيل الابيض
باختصار تعتبر مريحلة واحدة من مشروع المناقل الذي يرفد المنطقة بانواع الحبوب المختلفة وعلى رأسها الذرة
والطاقة الانتاجية عالية من الذرة
حتى ان المزارع يبيع جزء كبيرا من محصوله
ويبقى في مخازنه ما يكفيه لعام هو اسرته
هذه خلفية مهمة لما سارويه بعد وهو بيت القصيد
المهم لمن عاد هذا الرجل غافلا من مريحلة حكى لنا
انه عندما حان وقت الغداء عند الاسرة التي فضل ان ينزل عندها
قالو ليهو يا عمر اسفين كتير غدانا بليلة
فضحك وقال ليهم انا خرطومي ما بتغدى بليلة
والمربوع كله سبعة بيوت متجاورة هم اهله لامه وابيه
فذهب للبيت الثاني والثالث حتى اسابع
طاف بيوت اهله جميعا
فاقسم ان جميعا لا يملكون غداءً غير البليلة
اذا كان هذا وضع المزارع الذي ينتج الذرة على مستوى الوطن
فما بالك بالاخرين
ووالله لو لا قيم التكافل التي ورثناها اب عن جد
لتناحر اهل السودان في البليلة
ولا احد يتصدى لاس المشكلة
بل كل يتمترس في ذاته
وقضيته الاساسية هي كم نصيبه من الحكم
| |
|
|
|
|
|
|
|
|
|
Re: فلس عام وضايقه معيشية دي الأيام ما حصلت ف� (Re: Ali Alkanzi)
|
صحيح الوضع تحت الوسط ولكنه ليس بهذا السوء الذي يصوره البعض ..
3 كيلو طماطم بواحد الف جنيه ..
4 ارطال لبن بي واحد الف جنيه ..
طبق البيض بحوالي 2 الف جنيه ..
كيلو السمك اشتريته الاسبوع الماضي بواحد الف جنيه ..
و قس على ذلك ..
لو عندك حمار وكارو بتعمل في اليوم في المتوسط 10 الف جنيه ..
واحد جارنا عمل صاج طعمية اشترى منه دفار ...
جارنا التاني انسان معدم وشغال حفر ابيار ..
مع الاجتهاد والصبر الان عنده 2 عربة صرف صحي بالاضافة الى انه باني عمارة من دورين .. اخوه نفس الطريقة ساكن عمارة بالاضافة لي كم عربة صرف صحي..
الكلام دا كله في خلال العشرين السنة المضت..
من كد وجد ..
مشكلة معظم السودانيين ما دايرين يبدوا من تحت ويتدرجوا شوية شوية ..
لا لا داير ليه 100 مليار عشان سعادته يبدأ مشروعه ومعدي اليوم كله قعاد في الجبنة ومع ستات الشاي ..
| |
|
|
|
|
|
|
| |
Osman Musa
محمد عبد الله الحسين
بشير حسـن بشـير
Ali Alkanzi
قسم الفضيل مضوي محمد
فيس بوك
تويتر
انستقرام
يوتيوب
بنتيريست