- عارفة البوليس اللى دق ليكم الباب وسألك من العربية اللى كانت واقفة قدام بيتكم؟ _ آى والله لكنهم لقوا سيدها - البوليس داك كان لابس كاميرا فى جسمه وكانت تصور _ لا حول وأنا كان شعرى مبشتن لو عارفة كان رتبته
12-16-2022, 10:25 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
فوائد النّكات لكل مقام مقال، فالرزانة في وقتها مطلوبة، والفكاهة في حينها ظريفة محبوبة، تسرّ السامع وتزيح همومه، وتبعد عنه الكدر وضيق يومه والنكات تجمع الأحباب وتزيد الألفة بين الأصحاب، فيجدها من يسمعها خفيفة ظريفة فيها من الذكاء وسرعة البديهة خير توليفة، وضعت لتدفع الكآبة فتخرج الملل من أبوابه لا سيما إن كانت محمودة ليس فيها ما يخدش الحياء أو الدين أو الأخلاق.
12-16-2022, 10:54 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 33736
الباشمهندس ذات يوم أنا وأربعة أصحابي هنود ماشين نحضروا مادة في جامعة جورج واشنطن في دسي .. نحن طلبة ماجستير في جامعة أخري وكان ذاك اليوم يوم جمعة .. أنا كنت لابس طاقية أنصارية وشال أخضر بتاع الصوفية وعندي سبحة .. واحد من الهنود مسلم أسمو أسحاق لابس طاقية ملونة وطولية .. وثالث من الهنود السيخ لابس عمامة كبيرة. لما دخلنا منطقة جوروج تاون .. جاء كمنفوي عربات الرئيس أوباما .. لحقتنا العربات .. والعربات كلها قللت السرعة .. إلا أنا سائق بأريحية .. ورجال الأمن الخاص للرئيس ركزوا فينى أنا والشاب من السيخ ..
واحد من رجال الأمن قال لينا، أبطأوا slow down بصوت عالي، أنا فووا طلعت الطاقية والشال والسبحة في لحظة واحدة وقعدت بفوق عليهم في المقعد، أسحاق طلع طاقيته ومسكها في يده .. لما ألتفتنا لصاحبنا من السيخ ليقناه جدع العمة في صلب العربية ..
لما مرقنا في العافية، قلنا لصاحبنا بتاع السيخ، ما قلتوا ما بتخلعوا العمة، قال لينا نجاضة المسلمين عارفها كويس .. خلعتم حقنكم وعايزنهم يقتلوني أنا ..!! لسان حاله يقول "تلقوها عند الغافل"!
بريمة
12-17-2022, 00:25 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: لما مرقنا في العافية، قلنا لصاحبنا بتاع السيخ، ما قلتوا ما بتخلعوا العمة، قال لينا نجاضة المسلمين عارفها كويس .. خلعتم حقنكم وعايزنهم يقتلوني أنا ..!!
هههههه.. ياخى دا طلع شايقى دا ما سيخ..
12-17-2022, 07:33 AM
احمد حماد ادريس احمد حماد ادريس
تاريخ التسجيل: 11-05-2006
مجموع المشاركات: 311
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
مصطفى نور
Biraima M Adam
فيس بوك
تويتر
انستقرام
يوتيوب
بنتيريست