|
|
|
 Re: يابكري ويا ود رعية وكل البقية اليكم السلا� (Re: علي عبدالوهاب عثمان)
|
يا ود حماد
ابوالحسين دا ما خلى كورة في كاس العالم
الا كان رأس حربتها
اسا بخطبتك(الشقشقية) دي
جهجهت باكاتو
ورحب بيك
وفوقد داك
جاك مرحبا
ولي امرنا وجامع شملنا
ابوعلوة الحاجة حلوة
والعجب لو جاك مصطفى نور
ود ابا بريمة
ومن النساء بنت جنوب السودان
في اللحظة ديك
مدد كرعينك ساكت
ولا تبالى
| |
 
|
|
|
|
|
|
|
 رد (Re: احمد حماد ادريس)
|
الاخ ابا حسين واستادنا واستاد واستاد الاجيال على بن عبد الوهاب لكم الشكر على الترحيب
| |
|
|
|
|
|
|
|
|
 Re: يابكري ويا ود رعية وكل البقية اليكم السلا� (Re: احمد حماد ادريس)
|
الاخ الغالى احمد حماد ادريس
تحيه طيبه
الف مرحب بيك بين اهلك وواخوانك
وتشرف والله وبقول ايك
رجيتك وفي انتظار عينيك
كملت الصبر كلو
انا واشواقي والساعه
معادك جينا من قبلو
لمن راح زمن جيتك
وخطاك في دربي ما طلو
شفقت عليك من السكه
دموع عيني وراك كملو
قبل ما قلت جايني
خفته تغيب واتودر
عشان ما تنسي زكرتك
وقلت براك .. بتتزكر
ما خليت قلب فيني
شان ما قلت تتاخر
يعني اقول نسيتني خلاص
وحاتك والله ما قدر
رجعت واسفي في عيوني
ودرب الرجعه ما عرفتو
وكل الجيت بيه من افراح
فارق دربي يوم فتو
وحالي البي اصبح كيف
اريتك جيت براك شفتو
وحاتك ما بلومك يوم
حتي لو ميعادنا اخلفتو
عشان عارفني بستناك
ابيت معادنا توفيهو
اريتك كنت جيت ساكت
وشلت قليبي بالفيهو
| |
|
|
|
|
|
|
|
|
|
رد (Re: احمد حماد ادريس)
|
السادة الكرام
علي الكنزي ود بحر ابيض الدي عاش شطرا من حياته بالقرب من جبال الالب في سويسرا
مصطفى نور يا ابن امدرمان البار
محمد عبدالله الحسين ويا ابو عبدالله هلا والله
قسم الفضيل مضوي محمد
علي عبدالوهاب عثمان
تحية شدية شدى الازاهر ندية نداوة المشاعر
تحية من القلب والي القلب ومافي القلب نحوكم كثير لايسعه الا القلب
معزرة في التأخير علي الرد بسبب انقطاع الكهرباء لساعات طويلة
| |
|
|
|
|
|
|
|
|
|
Re: رد (Re: احمد حماد ادريس)
|
هوي يا ود حماد
مالك عايز تقوم علي نيران المنبر الصديقة والغير صديقة
اسا انا في مداخلتي جبت ليك سيرة سويسرا ولا جبال الالب؟
| Quote: علي الكنزي ود بحر ابيض الدي عاش شطرا من حياته بالقرب من جبال الالب في سويسرا |
ثم ثانيا منو القال ليك عشت شطرا من حياتي؟
يا اخي
دي حياتي كلها (٣٨ سنة)
تقول لي شطر
يا اخي فور تخرجي من الجامعة جاد علي ربي بوظيفة في جنيف
وبقيت فيها حتى اشتعل الرأس شيبا
وبلغت سن المعاش الاختياري
واثرت العودة والبقاء مع اسرتي الثانية
المرحومة سماح واطفالنا الثلاث
وهاك يا حكيرة الى يومنا هذا
يا زول انقرع رفقا بالكنزي
لك ودي وجمعة مباركة وصلاة مقبولة برحمة ربي
| |
|
|
|
|
|
|
| |
احمد حماد ادريس
ABUHUSSEIN
علي عبدالوهاب عثمان
Ali Alkanzi
مصطفى نور
محمد عبد الله الحسين
قسم الفضيل مضوي محمد
فيس بوك
تويتر
انستقرام
يوتيوب
بنتيريست