A Polish charity has received a huge phone bill after it lost a GPS tracker that it had placed on the back of a stork, it's reported.
According to official broadcaster Radio Poland, the environmental EcoLogic Group placed a tracker on the back of a white stork last year to track the bird's migratory habits.
It travelled some 3,700 miles (6,000kms), and was traced to the Blue Nile Valley in eastern Sudan before the charity lost contact.
EcoLogic told the Super Express newspaper that somebody found the tracker in Sudan, removed the sim card and put it in their own phone, where they then racked up 20 hours' worth of phone calls.
12-03-2022, 04:35 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 10743
شفتا يا قبة انحنا كدا عباقرة في اخذ حق الغير بوجه لا ملامح فيه فازمة السودان في انسانه وليس من يتصدر المسرح فكلهم نتاج هذا الانسان الكسيح الذي يهلل ان عاش على اكتاف الغير فانسان السودان يعيش في زيف حقيقي وان واجهته بالحقيقة عبس وبسر ثم ادبر واستكبر وما طرحك الذي اشعل النار عليك الا دليل على اننا كحساء جمع كسيح
12-03-2022, 04:47 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: شفتا يا قبة انحنا كدا عباقرة في اخذ حق الغير بوجه لا ملامح فيه فازمة السودان في انسانه وليس من يتصدر المسرح فكلهم نتاج هذا الانسان الكسيح الذي يهلل ان عاش على اكتاف الغير فانسان السودان يعيش في زيف حقيقي وان واجهته بالحقيقة عبس وبسر ثم ادبر واستكبر
وما طرحك الذي اشعل النار عليك الا دليل على اننا كحساء جمع كسيح
و الله يا علي شي محزن ..
العالم يبحث و يتقدم في العلم .. و نحن نتقدم في الاستنكاح و استغلال غيرنا دون ان يرمش لنا جفن ..
كيف و متى تغير الانسان السوداني لهذه الدرجة ..؟؟؟
و الله حالات النصب و الاحتيال اصبح يشيب لها الراس ..
والله الزول ده بالغ عديل كده!!!! بوظ سمعة السودانيين في العالم ....كيف يشيل شريحة من جهاز تعقب هجرة الطيور وكمان يستخدم الشريحةفي اتصالاته الشخصية ...حتى ولو هو امي وما بيعرف ان الجهاز مخصص للأبحاث فما من حقه يشيل شريحة ما بتخصه ويستخدمها لاتصالاته الهاتفية الشخصية ....غايتو جنس محن...
شكرا ليك بريمة الزول الوحيد النظر من الزاوية الصحيحة هي ان الموضوع هو فشل عملية تجسس وليس سرقة شريحة تقول الطرفة ان واحد من الجماعة قال لي جارو شايف المهندس العزابي دة واقف مع مرتك قال ليهو ياخي دة لا مهندس لا حاجة فاكيها في نفسو
12-04-2022, 09:16 AM
نزار عبد الوهاب نزار عبد الوهاب
تاريخ التسجيل: 05-14-2014
مجموع المشاركات: 582
Quote: كيف و متى تغير الانسان السوداني لهذه الدرجة ..؟؟؟
معقولة يا هندسة ... منذ العام 1989م أي ما يقارب من الـ 30 عاماً يحكم السودان عصابة سقت وأروت الشعب كل التفاهات وأقلها السرقة ... وللأسف جاء بعدهم العميل الوسخان والجنجويدي الضهبان ... فماذا ننتظر من هذا الشعب غير التغني بكنا وكنا ... ومازلنا نغوص في ظلمات الجهل والعالم يرتفع في نور العلم ...
12-04-2022, 10:39 AM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: معقولة يا هندسة ... منذ العام 1989م أي ما يقارب من الـ 30 عاماً يحكم السودان عصابة سقت وأروت الشعب كل التفاهات وأقلها السرقة ... وللأسف جاء بعدهم العميل الوسخان والجنجويدي الضهبان ... فماذا ننتظر من هذا الشعب غير التغني بكنا وكنا ... ومازلنا نغوص في ظلمات الجهل والعالم يرتفع في نور العلم ...
سلام نزار .. و الله عارف ماذا فعلت الحكومات بالبلد المغلوب على امره .. انا هنا بسال عن المواطن السوداني البقا قاعد على الهيشة .. و تغير و تبدلت مثله و اخلاقه .. انسان عمره ميات و الاف السنين .. تغير في تلاتين سنة !!
12-04-2022, 11:03 AM
نزار عبد الوهاب نزار عبد الوهاب
تاريخ التسجيل: 05-14-2014
مجموع المشاركات: 582
Quote: سلام نزار .. و الله عارف ماذا فعلت الحكومات بالبلد المغلوب على امره .. انا هنا بسال عن المواطن السوداني البقا قاعد على الهيشة .. و تغير و تبدلت مثله و اخلاقه .. انسان عمره ميات و الاف السنين .. تغير في تلاتين سنة !!
الله يسلمك ويكرمك يا هندسة ... شكلك طولتا من البلد ... والله المواطن خلال السنين العجاف دي تغير بمعنى الكلمة فالكيزان الله ينتقم منهم كانوا جاثمين على الوطن والمواطن ... قيل الناس على دين ملوكهم والكيزان نصابين وحرامية وانعكس الحال على المواطن المغلوب إلاّ من رحم ربه وهم قليل ... نسأل الله أن يصلح حال العباد والبلاد ...
12-04-2022, 01:59 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: الله يسلمك ويكرمك يا هندسة ... شكلك طولتا من البلد ... والله المواطن خلال السنين العجاف دي تغير بمعنى الكلمة فالكيزان الله ينتقم منهم كانوا جاثمين على الوطن والمواطن ... قيل الناس على دين ملوكهم والكيزان نصابين وحرامية وانعكس الحال على المواطن المغلوب إلاّ من رحم ربه وهم قليل ... نسأل الله أن يصلح حال العباد والبلاد ...
من ناحية طولت .. فطولت 😔.. لي ٣٤ سنه ما شفت السودان بي عيني .. انا مرقت قبل انقاذ الشؤم بي ٥ شهور .. و المرقه الياها .. و شفت عينات اتغيرت من السودانيين .. بس الغالبية فيهم لسة جمال السودان .. لكن يبدو انه الدمار اكتر ما اتخيلت .. الله يعين الناس على بعضها ..
12-04-2022, 02:08 PM
walid taha walid taha
تاريخ التسجيل: 01-28-2004
مجموع المشاركات: 4252
الحادثة تجمع ما بين اللأخلاقية ، الغرابة والطرافة فى آن واحد :)!هذا طبعا فضلا عن المفارقات الفى القصة !ما عارف كيف شريحة tracker تصلح للإستخدام فى تلفون عادي وكمان يكون فيها إمكانية إتصال ؟! يعنى كان من الأولى إنها تكون حاجة زي شريحة البيانات أو يكون تصميمها لا يتيح إمكانية إدخالها فى هاتف خلوي !!ياخى هما ذاتهم ببالغو عملوها للأبحاث ومخلين فيها رصيد ؟ :) وكمان ما قافلنها برقم سري ودايرينها بعد ده كلو ما تتلطش ؟! أهو جاكم البلطشا ! بصراحة الراجل فاجأ الجميع :) الغريبة سوداني يجرى العدد الكبير ده من الإتصالات بدون ما (الشبكة تطش) :)تحياتي يا قباني،،
Quote: د قباني صلحنا الخطأ المطبعي... بت عطبرة هي بسمات ... انا من جنوب السودان ...النيل الابيض بالقرب من كوستي .. والجبلين والظليط والفشاشوية
معليش ياخ .. بس انتي و بسمات خطكم واحد و سهل الخلط بيناتكم.. زي العربية الشغاله اجره .. ينزل سواق و يركب سواق .. وهي ما بتبطل مدوره طوالي .. ده ينزل ينوم و التاني مدور .. بس يجي راجع التاني يصحا و يدور .. 🙄🙂
12-04-2022, 02:21 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: الحادثة تجمع ما بين اللأخلاقية ، الغرابة والطرافة فى آن واحد :)!هذا طبعا فضلا عن المفارقات الفى القصة !ما عارف كيف شريحة tracker تصلح للإستخدام فى تلفون عادي وكمان يكون فيها إمكانية إتصال ؟! يعنى كان من الأولى إنها تكون حاجة زي شريحة البيانات أو يكون تصميمها لا يتيح إمكانية إدخالها فى هاتف خلوي !!ياخى هما ذاتهم ببالغو عملوها للأبحاث ومخلين فيها رصيد ؟ :) وكمان ما قافلنها برقم سري ودايرينها بعد ده كلو ما تتلطش ؟! أهو جاكم البلطشا ! بصراحة الراجل فاجأ الجميع :) الغريبة سوداني يجرى العدد الكبير ده من الإتصالات بدون ما (الشبكة تطش) :)تحياتي يا قباني
انا الشاغلني اكتر .. مصير الوزينه.. بكون اكلوها ؟ و كت قبضوها و فكوا التراكر من ضهرها .. الفضل شنو غير يتكوها و يسموا عليها ..
12-04-2022, 02:35 PM
walid taha walid taha
تاريخ التسجيل: 01-28-2004
مجموع المشاركات: 4252
ود قباني بسمات بت عطبرة تركت المنبر من زمان وتركت نيويورك عاصمة العالم إلى السودان الحبيب نهائيا وزواجها شهر أغسطس القادم ...قول مبروك مقدما ... ... المصيبة الكبرى ان الزول الحرامي ده ، والبشكر فيه ول ابا بريمة ، يكون بعد ما سرق الشريحة والجهاز ، يكون ضبح الوزينة واكلها ....وبذا يكون ارتكب جريمة ضد الإنسانية و مفروض يودوهو لاهاي ...
12-04-2022, 04:51 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: المصيبة الكبرى ان الزول الحرامي ده ، والبشكر فيه ول ابا بريمة ، يكون بعد ما سرق الشريحة والجهاز ، يكون ضبح الوزينة واكلها ....وبذا يكون ارتكب جريمة ضد الإنسانية و مفروض يودوهو لاهاي ...
والله أنا فاهم أنت وول أبا يحي وشيخ الكنزي منطلقين من أي زواية .. لكن أنا شخصياً منطلقي من ناحية تكنولوجي .. زول عايش في مناطق ما سمع بهذه الأجهزة ويشيل الجهاز ويفككه ويستخرج الشريحة ويجربها في تلفونه ويشتغل بها دون أن يحاول أن يمر من "زين أو سوداني" أو غيرها .. يعنى لديه فهم بالتكنولوجيا.
ثانياً: هى ما وزينة .. هى بجعة ..! White Stork ..
بريمة
12-04-2022, 05:07 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32948
Quote: المصيبة الكبرى ان الزول الحرامي ده ، والبشكر فيه ول ابا بريمة ، يكون بعد ما سرق الشريحة والجهاز ، يكون ضبح الوزينة واكلها ....وبذا يكون ارتكب جريمة ضد الإنسانية و مفروض يودوهو لاهاي ...
والله أنا فاهم أنت وول أبا يحي وشيخ الكنزي منطلقين من أي زواية .. لكن أنا شخصياً منطلقي من ناحية تكنولوجي .. زول عايش في مناطق ما سمع بهذه الأجهزة ويشيل الجهاز ويفككه ويستخرج الشريحة ويجربها في تلفونه ويشتغل بها دون أن يحاول أن يمر من "زين أو سوداني" أو غيرها .. يعنى لديه فهم بالتكنولوجيا.
ثانياً: هى ما وزينة .. هى بجعة ..! White Stork ..
بريمة
12-04-2022, 05:27 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: والله أنا فاهم أنت وول أبا يحي وشيخ الكنزي منطلقين من أي زواية .. لكن أنا شخصياً منطلقي من ناحية تكنولوجي .. زول عايش في مناطق ما سمع بهذه الأجهزة ويشيل الجهاز ويفككه ويستخرج الشريحة ويجربها في تلفونه ويشتغل بها دون أن يحاول أن يمر من "زين أو سوداني" أو غيرها .. يعنى لديه فهم بالتكنولوجيا.
ثانياً: هى ما وزينة .. هى بجعة ..! White Stork ..
دي الحالة عايش في مناطق و ما عارف !!
بعدين ان قلت وزينة للتسهيل ياخي ..
بعدين هسي المشكلة بقت وزينه ولا بجعة 🙂
12-05-2022, 06:35 AM
walid taha walid taha
تاريخ التسجيل: 01-28-2004
مجموع المشاركات: 4252
أنت فاكر نحن ناس البيئة نقبل مثل هذا الخلط ..؟ البجع له هجرات مهمة .. مثلا بقية الطيور تعبر البحط المتوسط مباشرة
لكن البجع يذهب إما بمضيق جبل طارق ثم عن طريق أسبانيا أو عن طريق فلسطين إلي تركيا ثم يواصل خط سيرة وفي كل ذلك يحاول يتفادي رياح البحر المتوسط ومسافة العبور .
بريمة
12-05-2022, 08:18 AM
walid taha walid taha
تاريخ التسجيل: 01-28-2004
مجموع المشاركات: 4252
Quote: من ناحية طولت .. فطولت 😔.. لي ٣٤ سنه ما شفت السودان بي عيني .. انا مرقت قبل انقاذ الشؤم بي ٥ شهور .. و المرقه الياها .. و شفت عينات اتغيرت من السودانيين .. بس الغالبية فيهم لسة جمال السودان .. لكن يبدو انه الدمار اكتر ما اتخيلت .. الله يعين الناس على بعضها ..
مدة طويلة والله ... الله يقويك وترجع بالسلامة ... أنا تجربتي رجعتا بعد 18 سنة ون قو رأيت العجب العجاب وما يشيب رؤوس الولدان إلاّ القلة القليلة ... صدق الراحل الطيب صالح في تساؤلاته من أين أتى هؤلاء؟؟؟ بالمناسبة يا هندسة الغالبية الطلعت من السودان ديل ياهم المحافظين أكتر من القاعدين في السودان ... ولا نمل من الدعاء بصلاح الوطن والمواطن لأنّ المعدن طيب وإن شاء الله ينصلح الحال ...
12-05-2022, 08:56 AM
walid taha walid taha
تاريخ التسجيل: 01-28-2004
مجموع المشاركات: 4252
Quote: والله الزول ده بالغ عديل كده!!!! بوظ سمعة السودانيين في العالم ....كيف يشيل شريحة من جهاز تعقب هجرة الطيور وكمان يستخدم الشريحةفي اتصالاته الشخصية ...حتى ولو هو امي وما بيعرف ان الجهاز مخصص للأبحاث فما من حقه يشيل شريحة ما بتخصه ويستخدمها لاتصالاته الهاتفية الشخصية ....غايتو جنس محن...
يا إمتثال ياخي simply الزول ده لقى طيرة شايلة شريحة و إعتبرها - بطريقتنا - (طيرة ساكت) وشال الشريحة ما أظن فى وقتها يكون خطر على بالو "سمعة السودانيين الحول العالم" وممكن جدا يكون ما معتبرها سرقة ذاتو ! مش الغنية بتقول : نحن ناس بنعيش حياتنا الغاليه بالنيه السليمه وكل زول دايرين سعادتو تشهد الايام عليمه ساب ديارنا و فاتنا ياطير مالو فات اهلو ديارو :) تحياتي ،،
معقولة يا ود قباني ليك ٣٤ سنة ما سافرت للسودان!!؟؟ وانت بتقول انك غادرت السودان قبل مجيء عهد اللصوص والحرامية بي خمسة شهور واظن السودان كان بخير وعافية في ذلك الزمان فما هو السبب الذي جعلك تغادر !؟؟ ..ولكن أيضا أريد أن اطمنك أنه على الرغم من الدمار الشامل الذي أصاب شعب السودان من كافة النواحي الاجتماعية والسياسية والاقتصادية والأخلاقية وخاصة في العاصمة وبعض المدن الكبرى إلا أن بذرة الخير والمروءة والنخوة السودانية الطيبة ما زالت موجودة في ريفنا وقرانا وبوادينا ... وكان مغالطنا وما مصدقنا اسال العنبة الرامية فوق بيتنا ... واسأل كمان ود حلتنا وبوادينا ود الكنزي يحكي ليك طيبة اهلنا هناك .. والله يديك الصحة والعافية ،،،
12-05-2022, 09:47 AM
Abureesh Abureesh
تاريخ التسجيل: 09-22-2003
مجموع المشاركات: 30182
بالنسبة للأخوة الذين ذكروا شركات زين وسودانى.. الشريحة تعمل بالأقمار الصناعية مباشرة مثل الثريا ولا علاقة لها بزين أو سودانى.. وما دامت تسجل حركة البجعة حول القارات فإن الشريحة تكون تابعة لشركة عندها اقمار صناعيـة أو لشركة اكبر منها لها اقمار صناعية.. والجهاز اللى كانت فى داخله فيه GPS مع الأريال بتاعه. لكن الزول طلع الشريحة فقط.. وهنا يقدر يتكلم ولكن المنظمة لا تستطيع ان تتصل بالجهاز إلا من تلفون عادى. وما أظنهم حاولوا ذلك. لأن بروتوكلات الإتصال هى M2M ,أى machine to machine .. والالة machine الكانت فيها الشريحة زولك قلعها ورماها ولذلك آلة (جهاز) المنظمة لم يقدر على الإتصال بها. وهم لم يوقفوه فورا على أمل ان الإتصال يعود.. ربما الطائر دخل فى كهف غطى على الإشارة. ولكنهم اوقفوه فى النهاية لما جات الفاتورة.. طلع ما كان فى كهف ولا يحزنون!!
12-05-2022, 01:10 PM
الصادق عبدالله الحسن الصادق عبدالله الحسن
تاريخ التسجيل: 02-26-2013
مجموع المشاركات: 3245
للسودانيين يا قباني ريادة في ارتكاب كل أنواع السرقات "الفنية" فرواد الحقيبة مثلاً ثبت أنهم كانوا يعرفون أن الحقيبة زجل لكنهم أخفوا ذلك ولم يفصحوا بتاتاً عن مصادرهم!!
فالذي يسرق الزجل يمكنه أن يلطش الكُحل من رموش العين وأن يسرق شريحة اللقالق، وأن يقتل ويسلخ ويشوي لحم الحمام الزاجل وأن يضاعف المرارات ويزيد الغصص والعبرات في حلق أبو السِعِن وأن يفاقم الحزن على مالك الحزين.
ولكن يبقى السؤال يا قباني: كيف تحققت أنت من أن الفاعل سوداني؟
Quote: سوداني يستولى على شريحة اتصال
فبرغم خفة يد السودانيين وسوابقهم وما ارتكبوه من سرقات لا تُعد ولا تُحصى إلا أن الفيديو والخبر الذي أوردتموه لم يُحدد هوية النشال الحريف مرتكب جريمة السرقة التي ربما أفضت إلى قتل وسلق المسكين "مالك الحزين" وإنما اكتفى الخبر/الفيديو وموقع BBC بذكر اسم السودان فقط كمسرح ومكان لوقوع الجريمة..
فقد يكون السارق شخص أزرق العينين (غريب الوجه واليد واللسان) عن السودان جاء من وراء المحيطات البعيدة، وما المانع أن يكون "اللص الظريف" هو أحد منسوبي الجهة المنوط بها أصلاً حماية الحياة الفطرية ورعاية ومتابعة هذا المالك الحزين سواء كان هذا النشال سودانياً او غير سوداني؟؟؟
فسرقة شريحة اللقلق الحزين وقعت في السودان نعم ولا غلاط في ذلك لكن ربما يكون إنسان السودان أكثر براءة من ذئب ابن يعقوب وأشد حزناً من مالك الحزين، وأكثر بؤساً وقلقاً من كل اللقالق
وبالتالي، لا يمكن توجيه الاتهام إليه، ومن الظلم المبادرة بإدانته في غياب أية شواهد أو معطيات تقود إلى مرتكب الفعل المزدوج الشنيع ومن الوارد – وكما أشار الأخوين بريمة وناصر أ. المصطفى - أن يكون إنسان إنسان السودان الحزين ليس في موقع الفاعل المرفوع وإنما المفعول به المنصوب ..
فمن الصعب تحديد هوية السارق، ومن غير المستبعد أن يكون السارق جاء يتأبط "تسهيلات" من المسؤولين واللصوص الكبار و(دخل القش وما قال كش) مستفيداً من جواز سفره السعودي أو القطري أو الإماراتي أو المصري أو الإسرائيلي.. كما من الوارد أن يكون جاء متسللاً كـ"عالِم آثار" من وراء حدود السودان الأخرى المنتهكة والمهتوكة جنوباً وشمالاً والمستباحة شرقاً وغرباً دون ان تلحظه عين الرقيب ودخل في وضح النهار وهو يحمل "بطاقة المرور" لممارسة هواية الصيد الجائر لحيوانته وطيوره متأكداً من غفلة نواطيره، والنوم والشخير لأجهزة أمنه " وحيواناته وطيوره" التي تتكوم فوق كرسي السلطة ويعلو شخيرها في قصرها الجمهوري.
تحياتي .... .. .
12-05-2022, 02:09 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32948
يا أخ أنت رجل بيئة .. طبعاً أمثال ول أبا يحي قبانى وبت أبا إمتثال و ول أبا نزار هؤلاء لا حظ لهم في حماية البيئة .. طائر البجع الأبيض أو اللقلاق (نحن البقارة نسميه أبون غنم ..) هو والبجع الأسود (السمبرية) طيور تضيف للبيئة بجمالها في طيرها في اسراب .. كما أن وجود يعبر عن صحة البيئة وأنتظام دورة النظام البيئي (الإيكوسيستم) .. ربما في العام الماضي .. أحتفل حماة البيئة .. بأول تفريخ للقلاق الأبيض في إنجلترا بعد توقف دام أكثر من 100 عام مما يعنى تحسن صحة البيئة هناك .. أنظر فقط جمال هبوط اللقلق .. وللعلم حينما يذهب إلي اوروبا ينفرد الذكر بأنثاه في فترة الحضانة لكن الهجرة من أفريقيا تتم في شكل جماعي .. نفس الشيئ حدث في هولندا ..
الصورة التالية ألتقطت فوق سماء الخرطوم في السابق .. للبجع العائد في رحلة عكسية من أوروبا .. والأن هذا المنظر أختفي بسبب تغير البيئة في شمال السودان .. (أظن الناس بقوا يحتطبوا علي حساب أعشاشه الضخمة .. قبل ما يفقس الصغار يكون جاء حاطب وهد العش علي رؤوس ساكنيه) ..
بريمة
12-05-2022, 03:29 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
يحى قباني متخصص في ايراد كل ما هو سيء عن السودان .. نماذج خلال هذا الشهر فقط .. (1) جامعة وهمية في السودان. . (2) ابو هاشم يصل حبوا إلى السودان .. (3) رجل اعمال سوداني متورط في غسيل اموال (4) سوداني يستولي على شريحة اتصال ... .. تعليق على موضوع البوست .. الاتصال لكل دول العالم بقى شبه مجاني فكيف يستقيم عقلا انه شخص فاضي يركب شريحة ويقوم يتصل !!!
12-05-2022, 07:36 PM
الصادق عبدالله الحسن الصادق عبدالله الحسن
تاريخ التسجيل: 02-26-2013
مجموع المشاركات: 3245
أنا لم أنفِ احتمالية أن يكون السارق سوداني بل قلت في مقدمة مداخلتي أن لبعض السودانيين ريادة في السرقات ولكني اعتمدتُ على المصادر التي أتيت بها أنت يا قباني فمصادرك نفسها جاءت تحمل صك البراءة للسودانيين فلذلك قلت لك بأن:
Quote: الفيديو والخبر الذي أوردتموه لم يُحدد هوية النشال الحريف مرتكب جريمة السرقة التي ربما أفضت إلى قتل وسلق المسكين "مالك الحزين" وإنما اكتفى الخبر/الفيديو وموقع BBC بذكر اسم السودان فقط كمسرح ومكان لوقوع الجريمة..
فحتى اللحظة ووفق مصادرك أنت يا قباني لم تشر أصابع الاتهام إلى أي سوداني، ولم يثبت أن "السارق" ينتمي إلى منطقة النيل الأزرق (مسرح الجريمة) ولا سواها من أركان ومناطق ومسارح السودان بل و لم تتحدد هوية وجنسية ومهنة من انتزع الشريحة واستحوذ عليها ليجري بها اتصالاته الخاصة قبل أن تنكشف وتنفضح لعبته
كما لم تفصح مصادرك عن تفصيلات ووقائع إضافية تُدين السودانيين وتبرئي الأجانب من سرقة الشريحة وتغسل أيديهم من الدم المسفوح لطائر اللقلق الحزين. فأنت من أغفلت المصادر التي احتقبتها، لكنك برغم ذلك عمدت في عنوان البوست وكذلك في عنوان مقطع الفيديو إلى تلبيس التُهمة ودرعها في عنق المواطن السوداني بلا كتاب مبين ولا حيثية ولا دليل.
ومصادرك بالمناسبة لم توضح المصير الذي انتهى إليه اللقلق المسكين وهل قُتل الطائر ترصداً وعمداً، أم سقط لوحده أرضاً نتيجة لصعقة برق أو لدغة ثعبان وسواه من الآفات والحيوانات ، ومع سقوطه سقطت شريحة التتبع في يد "اللص المحظوظ" كرمية من غير رام.
Quote: خلاص بدينا .. زي كل شي قبيح يحصل في البلد يقولوا ليك ديل اجانب ....
لم ألحظ للأسف أي شكل من أشكال القبح في ما جاء في مشاركتي أو مشاركة الأخ بريمة
ففي بوست (رواد الحقيبة كانوا ..... ) رأيناك تنبري للدفاع المتعصب عن بعض السودانيين وفي هذا البوست تحاول – وبلا حيثيات أو قرائن – إدانة وإلصاق السرقة بالسودانيين وتبرئة كل الأجانب وهم – لا السودانيين المساكين - من يحملون أسلحة الصيد المرخصة وغير المرخصة ومن يقودون العربات العابرة للصحارى ويجوبون الفيافي ويضرعون في الغابات والقفار، ويستبيحون جسد الوطن الممزق من حلفا إلى نمولي، ويسرحون ويمرحون ويبرطعون في منتجعات وغابات السودان وحظائره المحمية وغير المحمية. بل ويتعامل أولئك الأجانب مع السودان شبراً شبراً كحظيرة خاصة بهم وقاصرة عليهم ومحمية لمصلحتهم دون سواهم.
Quote: وريني يا الصادق بي نسبة و تناسب انه الشريحة المسروقة الاتلقت داخل السودان ( وده مؤكد ) .. كم احتمالية انه السرقها ما سوداني ....
جريمة قتل اللقالق هي من بدرجة من الخطورة لا تحتمل النسبة والتناسب ولا نظرية الاحتمالات، ولذلك، بعد إذنك، يمكنك إحالة هذا الاستفسار العويص إلى مولانا الحافظ بن بشير فهو الأقدر على الفتوى والإجابة وتفكيك وفحص السؤال ومن ثم تشريحه بمبضع الجراح ومعالجته بنفس المعايير الحيادية والمنطق المتين الذي استعمله واستفدتم منه في بوست (رواد الحقيبة كانو ....)
ومبدئياً -وبحسب مولانا - فإن مهمتك أنت يا قباني:
Quote: أن تثبت بدرجة فوق الشك المعقول صحة إدعائك "بأن الفاعل سوداني" وفي حالة فشلك تكون الفرضية المضادة مقبولة.....
أو كما قال.
فتكم بعافية .... .. .
12-05-2022, 09:04 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32948
Quote: و ول أبا نزار هؤلاء لا حظ لهم في حماية البيئة
والله خطأ غير مقصود يا ول أبا نزار عبد الوهاب .. جاتك في صمة خشمك .. المقصود ول أبا وليد طه ..
ول أبا الصادق
Quote: فتكم بعافية
مافي ليك أي طريقة تفوت .. أنت كده دارش لينا ول أبا يحي قبانى بصورة ممتازة .. واصل العصر .. وخلينى أنا نشرح لهم أهمية أن يكونوا حماة للبيئة .. لأن البيئة تخصهم وتخص أبناءهم وكل أجيال الشعب السوداني ..
بريمة
12-05-2022, 11:39 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: يحى قباني متخصص في ايراد كل ما هو سيء عن السودان .. نماذج خلال هذا الشهر فقط .. (1) جامعة وهمية في السودان. . (2) ابو هاشم يصل حبوا إلى السودان .. (3) رجل اعمال سوداني متورط في غسيل اموال (4) سوداني يستولي على شريحة اتصال ... .. تعليق على موضوع البوست .. الاتصال لكل دول العالم بقى شبه مجاني فكيف يستقيم عقلا انه شخص فاضي يركب شريحة ويقوم يتصل !!!
اولا انا سعيد جدا بمتابعتك لبوستاتي اكيد مستفيد منها .. خاصة انت مساعد ياي قديم .🙂
تاني شي بالنسبة للأخبار السيئة عن السودان .. زمان عالم الاثار بروفيسور نجم الدين محمد شريف رحمه الله في اواخر عهده مع الآثار و المتاحف كان بدا عهد الانقاذ البائس .. الكيزان قالو ليهو الاثار المسيحية كتيره و مافي آثار اسلامية كفاية .. قال ليهم المنحوتات في عرف الاسلام حرام لانو يعتبروها اصنام .. لذلك الاثار المسيحية هي الغالبة .. الكيزان قالو ليهو لا .. لازم تجيب آثار اسلامية .. قال ليهم .. انا ما بعرف من وين اجيبها ( و هو عالم اثار من اول الستينات) .. و انتو كان عارفين وين القاها وروني !!
اها انا بقول ليك الاخبار كلها سيئة و لا تسر من ٤٠ سنة .. فلو لقيت لي اخبار سمحة و ايجابية .. بالله تجيبها ..🙄
12-06-2022, 01:15 PM
نزار عبد الوهاب نزار عبد الوهاب
تاريخ التسجيل: 05-14-2014
مجموع المشاركات: 582
Quote: كيف يعني ما لي حظ فى حماية البيئة أخى بريمة و أن كل يوم الصباح طالع البرميل بكيسين كبار !! أطالبك بإعتذار :)
ول أبا وليد، الموضوع لا يحتاج لأعتذار .. ليس جريمة أن لم يكن الأنسان واعي لأهمية البيئة .. دعنى أحكي ليك قصة .. كنت طالب ماجستير في أوروبا .. وأنا طالب في مجال علوم البيئة .. أها أنا ذاتي حتى تخرجي وخروجي من السودان .. واعي لأهمية الموارد .. لكن لم أكن واعي لأهمية البيئة. الموارد الطبيعية هى جزء من البيئة .. لكن ليس هى وحدها التى تحدد صحة البيئة .. بل كل حيوان موجود في تلك البيئة هو جزء من صحتها .. حتى لو كان ثعابين وقراد وووو ..
القصة: وأنا طالب كنت أشتغل مع رجل يسمى مانوس .. رجل إقطاعي عنده قلعة في وسط مزرعة مليئة برتقال وزيتون وتفاح وعييك .. مزرعة حدادي مدادي .. وأنا في تلك المزرعة أراغب صحة بيئة المزرعة .. أقوم بالتسميد .بأشكال مختلفة كما أشرف علي الناس الذين يحصدوا .. وأنا ذاتي عامل بحصد معهم. ذات يوم وأنا مدردق عربة يد مليانه حصاد وذاهب للقعلة لأفرغها .. وكان الرجل في الطابق الثاني ويراقب من علِ سير العمل .. فإذا بي أسمع صوت فأرة تئن أنين مفجع .. فألتفت ناحيتها .. وجدت ثعبان ضخم التهمها إلا رأسها .. كان في عربتي كوريك .. قبضته بأيدي الأثنين ثم نزلت ليك جوز في الثعبان .. الثعبان نجي بسبب شجرة واقعة وحينما أردت أنزل فيه الكوريك دخل تحتها .. أتملصت الفارة .. وجرت جهة أخري ..
الحصل: مانوس صاحب المزرعة تابع كل السيناريو ثم ناداني .. ما بك يا رجل؟ .. ما بك يا رجل ..؟ .. وأنا شغال كتل في الثعبان ..!! ثم يضيف أجننت يا راجل؟؟! .. رددت عليه بغضب جنيت أنا ولا أنت؟ ثم أردفت ألم تر الثعبان يلتهم الفارة؟ .. وطيب المشكلة شنو؟ رد الرجل .. كيف ما مشكلة؟ هل الثعبان نركه في المزرعة؟
نزل الرجل من عليائه ثم حضر .. قال لي ألم تقل أنك متخصص أو دارس لعلوم البيئة؟ قلت بالفم المليان بلحين ؟ .. هل الثعابين لم تكن ضمن النظام البيئي؟ قلت له نعم؟ .. لم أقل له أي دور لها .. قلت له معاك حق فهمت .. الرجل أعطانى محاضرة عصماء في علوم البيئة .. قال لولا وجود هذه الثعابين لقضت الفئران علي الأخضر واليابس في المزرعة ..
فالطيور يا ول أبا وليد ضمن المكون البيئي .. والمحافظة عليها مثل عيوننا يعنى المحافظة علي سلامة البيئة التى يعيش فيها أبناءنا .. وأجيالنا القادمة ..
بريمة
12-06-2022, 09:02 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32948
Quote: اما انت يا بريمه يا زول البيئة .. كيف تكون رجل بيئة و فرحان (أوي) بحرامي سرق شريحة من ضهر طائر ابحاث بيئية ..
له في خلقه شئون ..
الرجل حتى لو كان رجل بيئة مفروض يشيل الجهاز من الطائر .. والسبب أن رجل البيئة في تلك المنطقة هو المسؤول المباشر عن سلامة البيئة .. وما في أي جهة تتدخل وتجري أبحاث في حيزه البيئي دون أن يكن له علم .. ول سمحت بمثل هذا ممكن أي زول يجئ من خارج السودان أو يرسل أجهزة وينقب عن الذهب واليورانيوم في تلك البيئة ..
بريمة
12-07-2022, 06:22 PM
عادل سمير عادل سمير
تاريخ التسجيل: 08-08-2009
مجموع المشاركات: 434
Quote: الرجل حتى لو كان رجل بيئة مفروض يشيل الجهاز من الطائرhttp://الرجلhttp://الرجل حتى لو كان رجل بيئة مفروض يشيل الجهاز من الطائر
لو كان رجل بيئة كان اخد المعلومات و اطلق الطائر الى حاله لانه يعلم ان الطيور تهاجر و هذا هو الاسلوب العلمى المستخدم لتتبع حركة او هجرة الطيور.ايضا هذا الشخص ليس براعى غنم, بل هو افندى متلسف و يفهم في تكنولوجيا اليوم. لو كان راعيا لابلغ السلطات بوجود جهاز بعد الـ BBQ او لربما خاف اكله ظنا انها قد تسبب له التسمم.قد يكون رجل بيئة بلا ضمير و يعرف ان الشريحة يمكن استخدامها للمكالمات و لذلك ربما اطلق الطائر لحاله و اخذ الشريحة و استخدمها في مكالمات عالمية كثيرة.
حكى احد الاخوة من مدينة دنقلا وقال انه كان عندهم تربال شغال زراعة وفي احد الايام سقط في مزرعته طائر فقام مشى اتفحصه ولقى في شريحة في احد رجليه ولم كان الرجل لا يعرف القراءة او الكتابة انتظر إلى نهاية اليوم واخد معه الطائر إلى القرية وكان هناك استاذ لغة انجليزية اطلعه على ما وجده فقاموا بمراسلة الجهة الموجود عنوانها في الشريحة فالحصل انه استدعوا التربال إلى المانيا وذكر لي ذلك الاخ انه التربال لاول مرة يلبس بنطلون وقميص بالاضافة الى انه لاول مرة يشوف الخرطوم .. في الاخير ذلك الشخص وبسبب ذلك الطائر هو مقيم في المانيا مع أسرته ### يستفاد مما سبق انه برضو في اشراقات سودانية كتيرة لم تلق حظها من النشر .. وقديما قيل .. والذي نفسه بغير جمال لا يرى في الوجود شيئا جميلا ..
هسه يا قسم الفضيل زولنا الحرامي ده اذا اتصرف زي ما اتصرف زول دنقلا وبلغ السلطات والسلطات بلغت الجهة المعنية الارسلت الطيرة دي سواء كانوافي المانيا او انجلترا مش كان برضه احتمال يستدعوهو هناك في انجلترا ويدوهو اقامة هو واولاده وشويتين يدخل اولاده المدارس هناك وواحد منهم يتفوق ويدخل اكسفورد ويتخرج ويبقى عالم ذرة ويعود للسودان ويصنع لينا قنابل نووية ويصبح السودان من الدول المهابة ونسترجع حلايب بمجرد مكالمة تلفونية ..... شفت الاحلام كيفن..... ولا مستحيل تحت الشمس ... المصيبة البرهان وحميدتي يكونوا حاكمين البلد لغاية الوقت داك ويستخدموا القنبلة النووية لفض مظاهرة ويختفي السودان من الوجود ....
12-07-2022, 11:45 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: هسه يا قسم الفضيل زولنا الحرامي ده اذا اتصرف زي ما اتصرف زول دنقلا وبلغ السلطات والسلطات بلغت الجهة المعنية الارسلت الطيرة دي سواء كانوافي المانيا او انجلترا مش كان برضه احتمال يستدعوهو هناك في انجلترا ويدوهو اقامة هو واولاده
لو عنده ربع فهمك ده ما كان ريحنا !؟؟ عموما كتر خيرك يا بتنا كفيتينا عناء الرد .. 🙂
12-07-2022, 11:48 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: حكى احد الاخوة من مدينة دنقلا وقال انه كان عندهم تربال شغال زراعة وفي احد الايام سقط في مزرعته طائر فقام مشى اتفحصه ولقى في شريحة في احد رجليه ولم كان الرجل لا يعرف القراءة او الكتابة انتظر إلى نهاية اليوم واخد معه الطائر إلى القرية وكان هناك استاذ لغة انجليزية اطلعه على ما وجده فقاموا بمراسلة الجهة الموجود عنوانها في الشريحة
ما ذكرت أنت يسمى طريقة Catch-and Re-catch .. تقبض الطائر وتضع عليه نمرة وبعض المعلومات ثم تطلقه .. ثم تعاود مسك الطيور في نفس المكان الذي أطلقتها منه العام المقبل .. وهذا ليس له علاقة بوضع أجهزة في الطيور ..
بريمة
12-08-2022, 03:28 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
تحياتى والسلام~ أخى العزيز باشمهندس قبانى والله قصة "الحمامة الزاجلة" 😀دى عاجبانى جدا. لكن يبدو الشخص او الجماعة الوقعت فى إيدهم ديل فاهمين وعارفين لأنه غريبة يفهموا قصة الشريحة وكمان محادثات لقدر دا بالمناسبة الماكينزم بتاع التتبع دا شغال كيف؟ تانى شئ حقيقة وبصدق - أعظم ما فى السودان ، الإنسان السودانى . #السرقة المجيهة ماركة مسجلة للقتلة والجنحويد والكيزان - يسرقوا فى موارد السودان ويقتلوا فى الشعب السودانى.
12-08-2022, 05:08 AM
يحي قباني يحي قباني
تاريخ التسجيل: 08-20-2012
مجموع المشاركات: 18742
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
Ali Alkanzi
Biraima M Adam
Nasir Ahmed Elmustafa
نزار عبد الوهاب
walid taha
Abureesh
الصادق عبدالله الحسن
قسم الفضيل مضوي محمد
عادل سمير
Mahjob Abdalla
هدى ميرغنى
فيس بوك
تويتر
انستقرام
يوتيوب
بنتيريست