|
|
|
 Re: وداعا الشاعر صلاح حاج سعيد الشمعه التى ا� (Re: مصطفى نور)
|
الحزن النبيل
وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى فى آخر المدى
فتينى يا هجعة مواعيدى القبيل
بعتينى لى حضن الأسى
وسبتينى لى الحزن النبيل
ومشيت معاك
كل الخطاوى الممكنة
وبقدر عليها .. وبعرفا
أوفيت وما قصـّرت فى حقك
ولا كان عرفة غيرك .. أصادفا
وقدر هواكى يجيبنى ليك
جمـّع قلوبنا .. وولـّفا
وكتين بقيتى معايا .. فى أعماقى
فى أعماق مشاعرى المرهفة
لا منـّك إبتدت الظروف
ولا بيكى أنتهت الأمانى المترفة
ندمان أنا ؟
أبداً وحاتك .. عمرى ما شلت الندم
ما أصلوا حال الدنيا .. تسرق منية
فى لحظة عشم
ندمان أنا؟
وأنا عندى ليك كان الفرح
رغم إحتمالى أساكى يا جرح الألم
وكان خوفى منك
جايى من لهفة خطاك على المواعيد .. الوهم
ندمان أنا؟
أبداً وحاتك .. عمرى ما شلت الندم
أهو نحن فى الآخر .. سوا
باعنا الهوى
وماشين على سكة .. عدم
| |
 
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: مصطفى نور)
|
المسافة
لسـّة بيناتنا المسافة .. والعيون ..
واللهفة والخوف .. والسكوت
ورنة الحزن البخافا
تعدّى بى الفرحة ... وتفوت
وأمشى بى الحسرة .. وأموت
الأمانى الفى سفر
قبل الزمن .. كايسة الموانى
يوم تجيبنى عليك .. بصدّق
إنو مرة الحظ طرانى
وإحتوانى معاك شجن .. عذبنىقبلك
ولسـّة منك .. جايى تانى
تمشى وين الخطوة عنك
ما الزمن بى الحب بلاكا .. وإبتلانى
لى عيونك يا مداين الفرحةوالحب .. والجسارة
عندى ليك مليون بشارة
وألف خير ... والكلمة شارة
وإنتى لمـّا الحب يهـوّم بى عيونى
وفى عيونك بى قى حائر .. بالأمارة
الفرح منك .. يجينى
يعترينى الخوف عليك
خطوة منك .. خطوة ليك
راجى منك بس إشارة
وكلمة تدينى البشارة
ولاّ بيناتنا المسافة ؟
| |
|
|
|
|
|
|
|
|
 Re: وداعا الشاعر صلاح حاج سعيد الشمعه التى ا� (Re: مصطفى نور)
|
سطوة محاسنك
كان نفسى أقولك من زمان
بى الكاتمو فى سرى .. ومكتـّم فى حشاى
مدسوس سنين
بى الشايلو فى عيني معزّة
وفى القلب
ريداً يخاف الغربة والشوق .. والحنين
زاملنى زى خاطر الفرح
وكتين يقاسم الهم .. عزا
وكتين مدامعى تكون جِـزا
وتفتح مباهج الليل .. ظنون
كان نفسى أقولِّـك من زمان
سطوة محاسنك عندى ما كسرة ..جفون
وكت العيون تعبرنى زى خاطر المسا
سطوة محاسنك ما الرخام .. الفى الحرير
وكت الثغير يفجعنى
بى حرفاً .. قِـسـا
سطوة محاسنك عندى وكتين كبريائك ينهزم ..
لى طيبتى .. بى لفظة حنان
وكتين مشاعرك .. تنسجم فى عمرى
تنفح قلبى بى رعشة أمان
سطوة محاسنك عندى
وكتين شوقى يصبح فى هواك
ليل عزّة
ما بتعرف هوان
كان نفسى أقولك من زمان
عينيك وحاتك غربتى .. وأهلى
وبلادى الفيها ضايع لى زمن
عينيك وحاتك شوقى لى زولاً ولوف
من بعدو ساب عينى .. سهن
وانا كنت داير من زمان
أشرح حكايتى معاك ألف
أحكيك .. وأزيد القول .. إلِفْ
وأتمنى لو قلبك عرف
كان من زمان
من قبل ما فى قلبى يتحكـّر
زمان الغربة فى جرح الأسى
من قبل ما حرف الحقيقة الحلوة
.. يتبدل عسى
ويصبح أمانى كسيرة
.. فى خاطر الحنان
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: مصطفى نور)
|
الشجن الأليم
عارفنى منك
لا المسافة ولا الخيال يشغلنى منك
عارفنى
ببقى بعدك فى الأسى
وتبقى إنت الظالم .. القاسى .. النـِّسى
وغصب عنى أشيل ظنونى
وأقول عليك .. إنت المسامح
فوق شجونى
أعيش زمان بالفرقة جارح
وفى إحتمالى وبالى إنـّكْ
إنت سايق فينى ظنك
تحرمنى منك
والمواعيد لا بتشيل منـّك .. تودِّى
لا الشجن قادر قادر يسوقنى عليك
.. أعدِّى
لا التحايا ولا المشاعر الحيـّة
فى عمق الحنايا
لا رسالة تجينى منـّك
لا خبر طمنـِّى عنك
وإنت سايق فينى ظنك
رغم إنك .. إنت عارف
إنـّو منك .. لا الزمن يقدر يحول قلبى عنك
لا المسافة ولا الخيال يشغلنى منك
يا هوى الألم النعيم
خليك على الوعد القديم
وخلينى فى الشجن الأليم
وأبقى فى كل المداين
سكتى .. وسفرى الجحيم
تبقى أيه الدني من بعدك .. تكون
وأبقى أيه بعدك .. أكون؟
عارفنى منك ...
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: مصطفى نور)
|
عزة هوانا
ياجرح عزة هوانا
الساكنة فى حرف الكتابة
أصلو فى .. زمان الأسى المشدود
.. على وتر الكآبة
فى زمان الحرقة .. والخوف ..والرتابة
إنكتم نبض الأغانى
وإنبهم حس المعانى
وإنجرح خاطر المهابة
جيتنى فى الزمن الأليم
قلبى مثخن بى جراحات الهوى
عمرى ضايع فى متاهات النعيم
فى دروب الغربة .. لا تاب .. لا قِوى
كان عيونك فيهن الوصف القديم
معنى فى الحب .. إنطوى
وضاع معاك زمن الوسامة
وإختفى الفرح العلامة
لسة يا حزن الملامة
من سنين دربك .. سلامة
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: مصطفى نور)
|
قلت ليها
قلت ليها وإيدى فى إيديها ..
ودمعة حزن سالتْ
جايى منـِّك .. وماشـِّى ليك
يا مداين غربة طالت
ولو مدارات نجمى ضلـّتْ
سكة السفر إستحالت
كونى فى دربى الحقيقة
اللَّيها ديمة مشاعرىمالتْ
قلت ليها ... وكنت راجع لى عينيها
من أسى الزمن البسافر .. فى المشاوير العصيبة
من متاهات الأماسى
الفى مداها .. الحزن مضناها .. وحبيبا
بينى لا بينك .. مزار
لا محطات إنتظار
ولا مواعيدك قريبة
إنتى يا الفرح الحقيقة .. المستحيل
هدْهِدى الصبر الجميل
وأمسحى الحزن المخيِّم .. فى مدارات الرحيل
قلت ليها
الحقيقة الضايعة بين قلبى .. وعيونك
إنى لا قادر أفوتك .. لا أجيك
وإنِّى ما عارف بدونك
ألقى كلمة حب .. تزف
البشرى فى ساعة مجيك
إنتى عارفة .. وقلت ليك
يانى أكتر زول بريدك
يا نى صفوة عاشقيك
يا نى أكتر زول بريدك
ولسـّة بى حبك .. متيَّم .. ومبتلِى
إلاّ ريدك .. زادنى حيرة .. على العـَلىْ
لا مراكب القدرة ختـّنْ قلبى عندِك
وإنتى لا قلبِك نسانى
.. ولا عَلىْ ..
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: مصطفى نور)
|
اللهم أغفر له وأرحمه وأكرم نُزُله ووسع مُدخله وأجعل الجنة مثواه ومتقلبه ...
ولا حولا ولا قوة إلاّ بالله ...
تحرمني منك
و المواعيد لا بتجيب منك
تودي
لا الشجن قادر يسوقني عليك
إعدي
لا التحايا
ولا المشاعر الحيه في عمق الحنايا
لا رساله تجيني منك
لا خبر يطمني عنك
و إنت سايق فيني ظنك
رغم إنك
إنت عارف إنو منك
لا الزمن يقدر يحول قلبي عنك
لا المسافه و لا الخيال
بتشغلني منك
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: نزار عبد الوهاب)
|
عدّى فات
عدّى فـات ..
زمن العيون الإلفـة
والحضن الملاذ
ورهـافة الحس البلوّن .
ضحكة الناس العـزاز
بعد الحنان .. الكان زمان
إستوطن المطر .. الحراز
روّح زمانى .. وفى رجاك
عانيت قساوة الإنـتـظار ..
فى ضل شبابيك السفر
صادقت ليلات الموانى ..
الـساكنة فى بحر
الأمانى بتنتظـر
لو يوم طيوف لحظك تفوت
تعبر خيالات تمر
قلق المواعيد الضّجر
سهر العيون ... الإحتراز
إتعزز النوم ..فىالخـدار ...
وإتمدد الشقا فى العمر
ملّيت تباريح الجراحات البقت
بعدك أسى وزمناً قسا
وحالاً أسيف
ومشيت أفتش عن
خطاويك القبيل .
واضّارى من زمناً ..
وراك ملانى خـوف
أشتقـت ليك ..
اشتقت أرتاح فى عيون
فيهن ملامحك ذاتا
من غير أىّ .. زيف
وإشتقت لى حكة صباحك .
والدعاش عطر رزاز مطر الخريف
أنا وإنت والدنيا الزمان
الناس وفـا وغنـوّة صفـا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً ..
رضى وحسّاً ندى و زوقاً رهيف
أنا وإنت والـدنيـا الأمـان
ما العمر شتّان بين
أوان زمناً حييتو
وعمر ما بتقدر بتعرف ..
بكرة يصبح حالو .. كيف
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: Ali Alkanzi)
|
اغتربت من السودان قبل ان يسطع نحم
مصطفى سيد احمد
وبعد دخول النت اليوتيوب
استمعت لمصطفى سيداحمد
وتحديدا
Quote: الحزن النبيل
وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل |
وكنت اجهل شاعرها
المبدعون عندنا لا مكان لهم عند الشدائد
والامثلة كثيرة
ليتك تعطيها طرحا
مثلا برعي احمد البشير والمحينة ماتا وهما مشردان
والامثلة لا تحصى
اكرر رجائي
ليتك تعطيها طرحا
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: علي عبدالوهاب عثمان)
|
عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل
منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
والكان أمل فى غيم سماك
.. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .
. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى
.. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن ..
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: مصطفى نور)
|
كتبت ليك
كتبت ليك
لا بينى بينك ريدة .. لا قصة غرام
إخترت ليك
أجمل حروف .. وأصدق فواصل نادرة
فى لغة الكلام
لا قصدى ألهو معاكى بى كلمات غنا
لا شعرى ليك مرجيحة من شعر الغمام
كتبت ليك والله يا قمر الزمان
شان جيتى بى زمن المحنة
وشفت فى عينيكى .. حس أهلى القُدام
كتبت ليك وأنا جايى من زمن الشقا
الممدود على وش الثوانى .. مظللا
تتمدد الساعات سنين
تتفتح الأحزان غريبة .. ومذهلة
وأشتاق أفتش نسمة .. فى الزمن العذاب
وأيامى من كتر الأسى
وكتر العزوف .. والإغتراب
صارت حروف مترهلة
لحظات أسيفة .. ومهملة
كتبت ليك
ووقفت ليك .. لامن لقيتك
جايه من قلب الطريق
ولمحت فيك راحة المشاوير البعيدة
ونفحة النسمة الحنينة
الجاية من قلب الطريق
حسيت عجايب الدنيا .. إتلمـّت .. بقت
جايـّانى من عصراً سحيق
عينيكى حس أطفال بنادوا
القمرة لى الغايب .. يعود
وجبينك الضوّاى
حجا الحبـّوبة فى الزمن السعيد
وأنا فى قساوة الموحش
الزمن المكهرب .. بى الحري
أنا حيلتى أيه
قوليلى يا قمر الزمان
غير أتـّكى .. وأحلم معاك
وأحضن أماسى الصحو ..
والأمل البريق
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: مصطفى نور)
|
ما أجمالك
ما أجملك يا سطوة
الفرح البيغمر قلبي
حين اتاملك
وأتخيلك أنت ومعاي
وجنبك أكون اسعد أكون
ما أجملك في قلبي تديني الأمان
والألفة وإحساس الأمل
يهديني سلطان الزمان
رقة شعور وربيع حنان
خصاني بيهو من الأزل
وأجمل عيون
أتناهى في كونا وأكون
فارس رضاها المحتمل
وأتخيل الزمن الجميل
جاييني في آخر قطار
ما أجملك
ما أجملك وأنا في رضاك
والدنيا تمنحني العشم
تبقى الغنا وكل البراحات تنسجم
في خاتري ترتاح الظروف
وكل الفواصل والحروف
يتالفو ويحلى النغم
وألقاك مدار حظي السعيد
وارتاد عوالم حس جديد
وكل الجراحات تلتئم
يا منية القلب المواعيدو السراب
ما ضر لو بعد العذاب
لو مره يوم حظي ابتسم
ومعاك أكون فارس رضاكي المحتمل
وألقاك في آخر قطار منك يصل
ما أجملك
| |
|
|
|
|
|
|
|
|
|
Re: وداعا الشاعر صلاح حاج سعيد الشمعه التى ا� (Re: مصطفى نور)
|
ريدي ليك
ريدي ليك الريح بعرفوا
وشافوا لما كتبت حرفو
ولما بان وسط الكتابة
ضم اسمك بي رحابة
ودس جوه عيون سحابة
عاش بخاف الناس تعرفه
مرة ينسى ويقرو حرفه
ريدي ليك الريح بعرفه
غيمة غيمة وساحة ساحة
واي حته معاك مشيتها
كنت بستاهل مشاعر
في شتا الايام لقيتها
ويا حبيبة الخطوة عنك
غربة ساقتني وابيتها
واعمل ايه يا ست همومي
ماني راحتي معاك نسيتها
وقلت اكتب ليك حكايتي
الفي جناح الريح طويتها
عشان هواك الريح بعرفو
وشافه لما كتبت حرفو
يا سماحة عينيك واحة
للحزانى الفي ارتياحك بلقو راحة
ما الاماني علي بخيلة
يالبريدها ومشتهيلها
الفرحة في عزة صباها
لاني لاقي معاك خاطري
ولاني حاسي معاك صراحة
لو يغيظني الريد يعاند
برضي برضه بزيد سماحة
واصلو ما فترت حروفي
اصله باقي الريح جناحها
ولينا ميعاد في التلاقي
وغربة ما حيطول براحها
عشان هواك الريح بعرفو
وشافو لما كتبت حرفو
| |
|
|
|
|
|
|
|
|
 Re: وداعا الشاعر صلاح حاج سعيد الشمعه التى ا� (Re: مصطفى نور)
|
صلاح حاج سعيد: شاعر المسافة، والحزن النبيل
صلاح شعيب
يعَدُ الشاعرُ الكبير صلاح حاج سعيد أحدَ الأصواتِ السلسه شعريا" المُمَيزةِ في تراثِ الأغنيةِ السودانية.
ولعله عاصر زمانين في مسارِ التطورِ الشعري الغنائي، إذ أسهم مع الجيلِ الذي برز في السبعيناتِ في تجييرِ الأغنيةِ لعاطفةِ المرحلة، ولكن صلاح تمكن في نهايةِ السبعينيات أن يخطَ سطورا لتحديثِ الأغنيةِ مع ظهورِ جيلٍ متمردٍ على نسقِ القصيدةِ التي تُجيزُها لجنةُ النصوصِ الشعرية بالإذاعة.
وعندما ظهر مصطفى سيد أحمد نجماً جديداً في سماءِ النغم وجد فيه مِساحةً ليبثَ خلالِها القصيدةَ المطمورةِ بلوعةِ الشجن، وهمِ القضية. ولما انقضت مرحلتا الثمانينات والتسعينات تمكن شاعرُنا في أن يتمددَ على فضاءِ تجربةٍ وارفةٍ من بستانِ صديقه الراحل الذي لحن له “المسافة” كأولِ عملٍ ينطلقُ به في عالمِ التلحين.
إن صلاح حاج سعيد – باسمه ذاتِ الجَرس الموسيقي الداخلي – يمثل بالنسبةِ لجيلنا محطَ الجمالِ الشعري الذي أدخلنا إلى مرحلةٍ غنيةٍ من تلقي المُفرَدةِ الشعرية التي تمتزجُ بالعاطفةِ المباشِرة، والرمزيةِ معا. وبرغم أنه من روُادِ الحداثةِ في الشعرِ الغنائيِ إلا أن تجريبه جاء ملتزما بموسيقى الشعرِ الذي استند عليه في إنتاجِه للمغنين الذين ظهروا في نهاياتِ الستينيات والسبعينيات.
وبهذا المستوى فهو يمثل مرحلةً وسطى بين البداياتِ الشعريةِ العاطفية التي رددها مصطفى وبين التلوينِ الحداثيِ الذي رسمته عدةُ قصائد لصديقيه الحميمين الشاعر يحيى فضل الله، وقاسم أبو زيد.
وهذه الثلاثية الشعرية هي التي قفزت أولاً بنصِ مصطفي سيد أحمد إلى ملامسةِ القضايا الوجوديةِ للسودانيين، والتي عبر عنها صلاح من خلالِ أكثرِ من عَشرِ أغنياتٍ لحنها، وغناها، مصطفى سيد أحمد، وهذا موضوعُ لمقالٍ آخر سيأتي لا شك.
صلاح من مواليد الخرطوم حيث درس فيها الأولية والمتوسطة في الخرطوم شرق، والخرطوم الأهلية الوسطى، وكذلك درس في مدرسةِ جمال عبد الناصر. وقد تخرج في كليةِ الحقوق، ومارس مِهناً متصلةً بالقانون في مؤسسة التأمينات الاجتماعية التي أصبح يوماً مديراً لها.
ولعل أول من قطف الثمارَ الناضجة في حديقةِ شاعرنا الغنائية المخضرة بالعاطفة والشجن*، كان الفنان محمد ميرغني في نهايةِ الستينات بقصيدةِ “كفايه الوحده"، ثم لاحقا “ما قلنا ليك” و”لو كان عصيت أمرك أنا”.
| |
|
|
|
|
|
|
|
|
 Re: وداعا الشاعر صلاح حاج سعيد الشمعه التى ا� (Re: مصطفى نور)
|
يرقد شاعرنا ( صلاح حاج سعيد ) مريضاً دون سؤال
وما أدراك ما صلاح …..!!
زول كتب
لسه بياناتنا المسافة والعيون
واللهفة والخوف والسكون ……
هسا دا زول بخلو بينو مسافة وما بنعرف الحاصل عليه شنو …!!؟؟؟
وهو القائل
لا رسالة تجينى منـّك لا خبر طمنـِّى عنك
وإنت سايق فينى ظنك
رغم إنك ..
إنت عارف إنو منك ..
لا الزمن يقدر يحول قلبى عنك
لا المسافة ولا الخيال يشغلنى منك
شغلتم وانتهت يا ابوصلاح ..!!
صلاح حاج سعيد دا هو الكتب
لقيتو واقف منتظر
تشتاق عيون لي طلعتو
نفس الملامح والشبه
والمشية ذاتها وقدلتو
وصدح بها الرقيق ( الطيب عبد الله ) في أبلغ صور الشوق والحنين والتي ( هبشت ) المتلقي السوداني من جوه
وهو لايعلم أين أخذت الحياة الطيب والسعيد …؟
ليقدل ( حاج سعيد ) مع البلابل وينورن ….!!
وينور كل شارع سوداني ….ويدغدغ قلوب المنتظرين على حافة الأمل وبوابات الرجاء وعتبات البيوت ….!
ونور بيتنا وشارع بيتنا يوم ما جيتنا
يا الهليت فرحت قلوبنا
واطريتنا الليلة وجيتنا
ولم يطراه احد …!!
لم يكن ( صلاح ) يدري أنه يكتب لنفسه وآخرين إنو الحب طريقو قاسي وصعيب من أولو ..
وهو من نثره فينا حروفاً وعطر .….!!
وما قلنا ليك الحب طريق
قاسي وصعيب من أولو
ما رضيت كلامنا وجيت براك
أهو ده العذاب اتحملوا….
ليشكل ثنائيه مدهشة مع الملهم مصطفي سيد احمد حيث كان لقاء السحاب
وكان نفسي أقولك من زمان
بالكاتمو في سري
ومكتم في حشاى مدسوس سنين…..
صلاح حاج سعيد الرمزية في أبهى معانيها …والحب
عنده طعم ….والشوق كما ينبغي ان يكون
الا سايق فيني ظنك
وهذه التي وضع اساسها ود المهدي
وبنيتها انت جروف …
طوريتك في الطين مرمية
كوريتك يابسة ومجدوعة
لا غيبتك كانت مرضية
ولا فوتك كانت مبلوعة
والله رقدتك الدون سؤال دي هي الما مبلوعة يا أبو صلاح …..إلا البلد مفجوعة …..!!!
وسطوة محاسنك عندى ما كسرة جفون
تحدث عن نفسه دون ان يدري في ايقونته الساحرة الحزن النبيل
وبقيت اغني عليك
غناوي الحسره والاسف الطويل
وعشان اجيب ليك الفرح
رضيان مشيت للمستحيل
ومعاكي في آخر المدى
فتيني ياهجعة مواعيدي القبيل
بعتيني لي حضن الاسى
وسبتيني للحزن النبيل…..
تحية الصحة والعافيه لك …والرجل في حاجه فقط الي سؤال….مجرد سؤال…..!!
فهل عز السؤال…..!!
وبين عمر والسعيد حكاية وطن وقصة ريد …!!
وكان نفسي اقولك من زمان
الطيب عبدالماجد
| |
|
|
|
|
|
|
|
|
|
كلمات جادت بها قريحتى الان فى حق المبدع الراحل صلاح حاج سعيد (Re: مصطفى نور)
|
مات الرائع الانسان المبدع صاحب الحس والكلمه والشجن الاليم شاعرنا ( صلاح حاج سعيد )
توفى قبل ساعات دون ان تقدم له دوله الكجر ووزراه السخافه والاعلام اى اهتمام
وما أدراك ما صلاح صلاح حاج سعيد ..!!
صلاح شمعه اضاءت حياتنا بحلو الكلام وروائع الحروف وكتب وابدع ونظم حروف تتلالاء
فى سماء الاغننيه السودانيه اليوم انطفئت الشمعه التى احترقت
وذابت من اجل اضاءه النفق الضيق فى حياتنا لكى نعبر الظلام الذى مازال يتلبس بنا
صلاح حاج سعيد الذى اتحفتنا وقال
جايى من لهفة خطاك على المواعيد .. الوهم
ندمان أنا؟
أبداً وحاتك .. عمرى ما شلت الندم
أهو نحن فى الآخر .. سوا
باعنا الهوى
وماشين على سكة .. عدم……
اى ابداع واى حروف واى بشر انت واى احساس مرهف ياصلاح يامن ارتحلت فى هدوء وفى نفس راضيه مرضيه …!!؟؟؟
وصلاح حاج سعيد الذى تالق عندما قال
لسـّة بيناتنا المسافة .. والعيون ..
واللهفة والخوف .. والسكوت
ورنة الحزن البخافا
تعدّى بى الفرحة ... وتفوت
وأمشى بى الحسرة .. وأموت
وكانك تعلم ما ال اليه حالك وحال البلد وكانت رنه الحزن فى حياتك ومشيت الى ربك بحسره الاهمال وحسرتك على حال الجريح
صلاح حاج سعيد يامن ابدعت عندما قلت
وكتين يقاسم الهم .. عزا
وكتين مدامعى تكون جِـزا
وتفتح مباهج الليل .. ظنون
كان نفسى أقولِّـك من زمان
سطوة محاسنك عندى ما كسرة ..جفون
وكت العيون تعبرنى زى خاطر المسا
سطوة محاسنك ما الرخام .. الفى الحرير
وكت الثغير يفجعنى
كتبت فاابدعت .. وكان نفسى اقول ليك من زمان ياصلاح …عند سماع خبر مرضك
يا ليت يا مبدع يا ابن ( حاج سعيد ) ما كنت كتبت ….!!
ولم تسطر لنا حلو القصيد لاننا لم نوفيك حقك لاحكومه ولا شعبا كنا فى حاله سبات
ونوم اهل الكهف حتى اخذ صاحب الامانه امانته وكانت فاجعه موتك وفجاه
صحونا لنعزى انفسنا فى موتك ورحليك ولنكتب عنك ونوفيك حقك وخكذا نحن بنى الوطن
وحكومه الكجر لانعرف قيمه ثروتنا التى وهبنا الله لها الا بعد ان نفقدها فانت كنت وستظل فينا الى الابد
ولم يتذكر الكثير منا …!!
ولم يكن ( صلاح حاج سعيد يفتكر ولم نفتكر نحن بتعجيل الرحيل وانا كنت عايز اقول ياصلاح
خليك على الوعد القديم
وخلينى فى الشجن الأليم
وأبقى فى كل المداين
سكتى .. وسفرى الجحيم
تبقى أيه الدنيا من بعدك .. تكون
ويبقى ايه بعدك الشعر والكلمه الرصين وايه ومن غيرك .. يكون؟
لكن العشم يا صلاح انك هناك تكون مع الملهم الزول الحميل
من شكل معك ثنائيه مدهشة الرائع مصطفي سيد احمد تكون معاه فى الحوض
وفى الكوثر وفى جنه تشرب منها شربه لاتظماء فيها ولا تجوع وليس ذلك على الله ببعيد
صلاح حاج سعيد من تجلى وقال
كان عيونك فيهن الوصف القديم
معنى فى الحب .. إنطوى
وضاع معاك زمن الوسامة
وإختفى الفرح العلامة
لسة يا حزن الملامة
من سنين دربك .. سلامة…..
صلاح حاج سعيد يامن كتبت اغلى الحروف وتجسدت فى اغانيك كل الود والمحبه والاخلاص …والحب فى حروف
يامن جعلت فينا ان الكلمه اخلاص ووطن وترجمت فينا كيف يكون الريد ….والشوق كما يجب يكون وينبغى
وسطرت اجمل حروف عندما جادت قريحتك وقلت
إنتى عارفة .. وقلت ليك
يانى أكتر زول بريدك
يا نى صفوة عاشقيك
يا نى أكتر زول بريدك
ولسـّة بى حبك .. متيَّم .. ومبتلِى
إلاّ ريدك .. زادنى حيرة .. على العـَلىْ
لا مراكب القدرة ختـّنْ قلبى عندِك
وإنتى لا قلبِك نسانى
.. ولا عَلىْ ..
والله يا أبو صلاح رحليك وسفرك المفاجى لينا فى لحظات كنا عايزنك
تجبر كسور البلد الموجعه …..إلا الدنيا شالتك لدنيا تانيه وصعبه و مافيها رجوعه …..!!!
وصدقت وكنت صادق عندما قلت
…..
أنا وإنت والدنيا الزمان
الناس وفـا وغنـوّة صفـا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً ..
رضى وحسّاً ندى و زوقاً رهيف
أنا وإنت والـدنيـا الأمـان
ما العمر شتّان بين
أوان زمناً حييتو
وعمر ما بتقدر بتعرف ..
بكرة يصبح حالو .. كيف
اخيرا استاذى الرائع صلاح حاج سعيد جعل الله قبرك روضه من رياض الجنه
وجبر الله كسر الامه السودانيه وجبر الله كسر الحروف التى انت من طوعتتها واستنطقت العصيي منها
مصطفى نور
| |
|
|
|
|
|
|
|
|
|
Re: كلمات جادت بها قريحتى الان فى حق المبدع ال (Re: Ahmed Osman)
|
كلمات الشاعر "صلاح حاج سعيد"
وكتبت ليك لا بيني بينك ريده لا قصة غرام
اخترت ليك اجمل حروف واصدق
فواصل نادره في لغة الكلام
لا قصدي الهو معاك بي كلمات غنى
لا حروفي ليك مرجيحه من شعر الغمام
وكتبت ليك والله يا قمر الزمان
شان جيتي بي زمن المحنه
وشفت في عينيك حس اهلي القدام
وكتبت ليك وانا جاي من زمن الشقا
مرسوم على وش الثواني مظللا
تتمدد الساعات سنين
تتفتح الاحزان غريبه ومذهله
واشتاق افتش نسمه في الزمن العذاب
وايامي من كتر الاسى وكتر العزوف والاغتراب
صارت حروف مترهله
كلمات اسيفه ومهمله
وكتبت ليك وكتبت ليك
ووقفت ليك لامن لقيتك جاي في قلب الطريق
ولمحت فيك راحة المشاوير البعيده
ولفحة النسمه الحنينه الجاية من جوف المضيق
حسيت عجايب الدنيا اتلمت
بقت جاياني من عصر سحيق
عينيك حس اطفال بنادو القمره للغايب يعود
وجبينك الضواي حجا حبوبه في الزمن السعيد
يا قمره اقلبي السنسني الحمره شوفي ابوي جا وله ما جا
وانا في قساوه الزمن الموحش المكهرب بالحريق
انا حيلتي ايه انا حيلتي ايه قول لي يا قمر الزمان
غير اتكي واحلم معاك واحضن اماسي الصحو والامل البريق
قولي لي يا قمر الزمان انا حيلتي ايه قولي لي يا قمر الزمان
.
| |
|
|
|
|
|
|
|
|
|
Re: كلمات جادت بها قريحتى الان فى حق المبدع ال (Re: مصطفى نور)
|
صلاح حاج سعيد
ومرقت من
قلبك مشيت
طفت الشوارع
والمدن
لفيت حوارى
الدنيا جيت
فتشت فى
عيون الزمن
لى سكتك
وكم من مشيت
لا لقيتك انت
ولا بقيت
القى المواعيد يصدقن
لا بعدك الايام صفن
لا قدرت اعرف وجهتك
و سرحت فى خاطرى
وسهيت فى ذكرتك
سفرك و مشاويرى
وتباريح سكتك
خرز السبح
ممدودة فى جيد
الامانى المستحيل
شقهة حروف اللقيـا
فى غفلة أسى
الزمن البخيل
رنة خطاك
سايقانى للحلم القبيل
نتلاقى ما نعرف مدى
واتجاوز النغم الصدى
واتسابق العمر الجميل
أصحى و معاى
يصحى الشجن
و يفيق أساى
و اساك يجن
و القاكى يغلبنى الكلام
و يشرقنى بالاسف الحزن
و يكفيك خيال
فى غمرة
الاسى و المحال
القاك شقى العمر اللى فات
و القاك فرح فى غفلة مات
و يلقانى فيك مسدار
يغنيلك أساى
دوبيت يجر نمك
على حرقة حشاى
قمرا طلع فى غيم سماى
بقّ وخبا وحاريهو
فى الزمن اللى جاى
وحاريهو فى الزمن اللي جاي ..
| |
|
|
|
|
|
|
|
|
|
Re: كلمات جادت بها قريحتى الان فى حق المبدع ال (Re: مصطفى نور)
|
صلاح حاج سعيد
سكت الكلام
من قبل ما اشرح حكايتي معاك
وازيد القول ولف
سكت الكلام يا حلوة في خاطري
وغلبني اقول حرف
يا الاحلى من كل الكلام
وكتين تغازل الكلمة شان نوصف وصف
من وين اجيب كلمات وفيك
بحر الكلام غرقني في حيرتي ونشف
وكيفن اصف يا حلوة كون
قلبي الغرير ما حتى شاف زيه وعرف
عنده الحنان
غيمة العيون العامرة بالالفة
وتحن فاقدة الولف
خصل الشعر ليلة محاق
تغزل سبايب الوحدة فوق وترف
وهج الحرير اتدلى وشوش بي الحنين
والغربة يوم شالتي الاسف
هدهدني في صدر الخيال
طاف بي بلاد الدنيا في لحظة ترف
يبكي الدرب ساعة يفوت
حتى الطريق شاركني في حبه ورجف
يا ريتني لو حبري الغمام
ريشتي الندى وخاتري ارتعاشات الحرف
كان قلت قول بالغت فيك
يا صدفة احلى من الصدف
| |
|
|
|
|
|
|
| |
مصطفى نور
نزار عبد الوهاب
محمد عبد الله الحسين
Yasir Elsharif
Ali Alkanzi
علي عبدالوهاب عثمان
بدر الدين الأمير
Omer Abdalla Omer
Ahmed Osman
فيس بوك
تويتر
انستقرام
يوتيوب
بنتيريست