|
|
|
 Re: يا لسخريــة القــدر.. محمد عثمان الميرغنى (Re: Abureesh)
|
ما اهو انت برضو عامل لينا فيها حاج نظرية وكل فترة شابكنا تطبيق وتطبيق
وبعد كده متابع في قصة الإنسان الكامل و باقي التنظيرات العجيبة.
وين النظريات والتطبيقات طيب - يعني الختمية هم الجهلاء فقط ولا كيف؟؟
يا عمك -شوف ليك "فازلين" او "جك " مويه بااااارد - لانو شكلك ح تبلع ناشف .
جاييك لي قصة "ربيب" المخابرات دي - و مولانا كان بيعمل في شنو في مصر ؟؟
لكن سؤال بالجمبة كده: انت قاعد تعمل شنو في امريكا ؟؟ شغال تطبيقات ولا شنو :(
البوست ده منطقة "رش" - البس ليك "كمامة" و ما تنسى "جك" المويه- عشان تبلع ووووط.
| |
 
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: الشيخ سيد أحمد)
|
نبدا ليك بي ققة بسيطه كده
البرهان سافر لي مصر يستنجد بي مولانا- لييييييه؟
يعني وااااي دي الا يكتبوها عديل كده- البرهان قال واااي.
ده معناها شنو يا "حاج نظرية" معناها انو اذا الجيش عمل "تكس راجع" انو البلد
راحت "شمار في مرقة"- عشان كده عودة مولانا لتأكيد دور الجيش في حماية البلاد
وهو المؤسسة العسكرية الوحيدة التي يجب الوقوف خلفها حفظآ لأمن البلاد.
قول واحد يا "حاج نظرية" -
كسرة: سمعت بي اغنية "ووب علي من ناس النظام - طبنجة ورا والقاش قدام"
امسك بي قدام يا عمك - اوعك تمسك بي ورا- كفاية عليك القاش بس :(
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: الشيخ سيد أحمد)
|
الشيخ سيد احمد
ممكن اسألك أول.. انت شغلتك شنو بطبيقات أو نظريات واللا أى حاجة تخصنى؟
باقى كلامك جاى ليه.. لكن أوع تتكلم عن زول له كامل الحق فى نقد السياسيين الذين
يريدون ان يحكموه ويحكموك. الميرغنى ما مواطن عادى.. طالع يتصدى بحزبه ليحكم السودان
ولو انت تفتكر السودان دا تبع الدائرة بتاعته فأعلم انى لا أقول ذلك. الفرق بينى وبينه هو انه رئيس
حزب من أكبر حزبين فى السودان وأثره سلبا على السودان وشعبه كارثى بممارساته هذه.. أما انا
فمواطن عادى يمارس حقه الدستورى فى نقد السياسيين وكل من يتصدى لقيادة السودان. ما عندى
قداسـة لأحـد. قدس من تشاء لكن اسلوبك دا ما حيفيدك ولا حيفيد سيدك. انا أعلم ان مفاهيم مثل
حق المواطن فى مراقبة السياسيين وحق الحرية والرأى هذه ليست فى قاموسكم أيها الطائفيون. أهو
انت جيت ناطى أول ما شفت مواطن يمارس حقه فى نقد سيدك
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
الشيخ سيــد أحمد كتب:
Quote: يا عمك -شوف ليك "فازلين" او "جك " مويه بااااارد - لانو شكلك ح تبلع ناشف .
جاييك لي قصة "ربيب" المخابرات دي - و مولانا كان بيعمل في شنو في مصر ؟؟
لكن سؤال بالجمبة كده: انت قاعد تعمل شنو في امريكا ؟؟ شغال تطبيقات ولا شنو :(
البوست ده منطقة "رش" - البس ليك "كمامة" و ما تنسى "جك" المويه- عشان تبلع ووووط. |
جاى تعمل شنو لربيب المخابرات المصريـة.. عندك شك؟ عايز أدلة أكتر من الطائرة الخاصة ؟ الظاهر عليك ستبلع كتير.. جهز الفازلين
ليك ولسيدك الميرغنى عشان تبلعوا كويس.. ثابتةبعدين تانى.. شغلتك شنو فى أنا اعمل شنو فى امريكا؟ تعتقد شغال عميل عنا؟
محمد عثمان الميرغنى عميل مصرى لا تحتاج الى جهد يصرف فى إثبات كتير.
يا عمك -شوف ليك "فازلين" او "جك " مويه بااااارد - لانو شكلك ح تبلع ناشف .
جاييك لي قصة "ربيب" المخابرات دي - و مولانا كان بيعمل في شنو في مصر ؟؟
لكن سؤال بالجمبة كده: انت قاعد تعمل شنو في امريكا ؟؟ شغال تطبيقات ولا شنو :(
وفعلاً البوست ده منطقة "رش" - البس ليك "كمامة" و ما تنسى "جك" المويه- عشان تبلع ووووط. وتدى معاك مولاك الميرغنى.
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
يا ابو الريش
فكرة الحزب اساسا هي الاتحاد مع مصر و ين العمالة .
كنت تكون شجاع بما فيه الكفاية و تتحدث لينا عن مهندسي اتفاق جوبا و العمالة 5 نجوم
حمدوك عميل امريكي ( خليه اقول بغم في عمالته ) انت جاي تتحدث عن الاصل و الفصل مش العماله الرخيصه .
ده العماله
مش زعيم سياسي اصلا حزبه يدعو للاتحاد مع مصر و له دستوره الحاكم به و فاز في كل الانتخابات السابقه بعدد مقدر و ان شاء الله في الجايات .
قريب شديد و حا تدخل شلة المراسه .
الزبير الختمي
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: الزبير بشير)
|
| Quote: فكرة الحزب اساسا هي الاتحاد مع مصر و ين العمالة . |
الزبير الختمى عايز يكحلها عماها.. الشيخ..
طيب نحن قلنا شنو ان الحزب عميل من يومو.. بعدين ليه قطعت باقى المبدا؟ الإتحاد مع مصر تحت التاج المصرى.. موش دا كان شعارهم؟ يعنى ما إتحاد بين أنداد.
والندية وين زاتها؟
بعدين كلم زميلك فى الميرغنى الشيخ.. قول ليه يبعد من درب ابوالريش وانا لم أتحدث عنه لا بخير ولا بشر والمنبر يشهد.. هو الذى عامل درق سيدو ويتعدى على الناس.
يعنى عامل شرانى خالص
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
كيف جيت اكحلها عميتها
علي الاقل اطلع علي دستور الحزب و شوف وين العمالة
في سياق تاريخي محدد كانت مصلحة السودان التحاد مع مصر و مصلحة مصر الاتحاد مع السودان
اما نحن كسودانيين ننظر بدونيه مع مصر ده مصيبه
الان في الساحه في حزب اتحادي خلي الاجيال تغير فكر الحزب
ثانيا العملاء في البلد معروفين
نحن علاقاتنا مع مصر معروفه و محسوبه
و متي ما اغير الحزب منهجه باغلبيه نحن مع تيار الوسط لا شيوعيين فاسدين و لا كيزان حراميه
ابو الريش ممكن تقول اي حاجه عن علاقات الحزب مع مصر و لكن عماله ما اظن جانبك الصواب .
بعدين الشيخ هبشك في حته انت هارب منها ليه .
زي ما بكتب اكتب و لا يصح الا الصحيح .
الزبير الختمي
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: الزبير بشير)
|
Quote: كيف جيت اكحلها عميتها
علي الاقل اطلع علي دستور الحزب و شوف وين العمالة |
عميتها لأنك أقريت أن الحزب أسمه الإتحادى لأنه يدعو للإتحاد مع مصر.. وهذه فى حد ذاتها لا غبار عليها، ولكن العمالة تأتى من تخطيكم الحكومة
والتدخل فى السياسة الخارجية للدولة والتخابر مع مصـر بالذات.. بل ان رئيسكم مقره الرسمى لعشر سنوات كان فى مصر.. ثم عاد الان على ظهر طائرة
مصرية خاصة مدفوعة من المخابرات المصريـة.. وزارة الخارجية هى الجهة الوحيدة للإتصال بأى دولة أجنبية.. والرئيس هو الوحيد الذى يمكن أن
يعين مواطن عادى أو رئيس حزب ويوفده نيابة عن الدولة الى دولة أجنبية بعد أن يعطيه التعليمات اللازمة ثم يتلقى تقريره بعد عودته.. ولكن الان فإن
الحكومة المصرية هى التى أوفدت محمد عثمان الميرغنى للسودان بعد أن اعطته التعليمات فى ماذا يفعل داخل وطنه.. هذه خيانة وطنية وعمالة لدولة
ليست أجنبية فحسب بل دولة معادية تحتل ارض السودان.. والميرغنى لا يستطيع ان يتحدث عن حلايب.. هذا تحدى لكل اعضاء حزبه.. حتى لو تحدث افراد
فإنهم غير مفوضين رسميا من الحزب لإدانة مصر فى إحتلال حلايب.. حزبكم عميل ورئيسه عميل لمصر. تخيل لو كل حزب تخطى وزارة الخارجيـة
ورئيسه خرج من السودن وعمل مركز اتصالات وريموت كنترول ليدير الحزب من دولة أجنبية.. حزب البعث من العراق ويدعو للوحدة مع العراق
وحزب الأمة مع دولة أخرى.. هل ترجو للسودان أى مستقبل بعد ذلك؟ أم ان الإتصالات الخارجية من وراء الحكومة حلال عليكم وحرام على الأخرين..
السيد على الميرغنى رضى الله عنه لم يخرج من السودان ليقيم خارجه.. ولم يترأس حزب سياسى.. ولكن الميرغنى جمع بين السلطة الطائفية والسلطة
السياسيـة.. ولما يحتارفى السياسة يلبس طاقية شيخ الختمية ليسكت المعارضين له بحق القداسة الدينية.. الأكروبات هذه جاء الوقت لتنتهى، ولحسن الحظ
فإن الكنداكات والشفاتة خرتوا ايديهم من الطائفيـة. وهى الان تلفظ أنفاسها الأخيرة.. الختمية كطريقة صوفية بشيوخها المراغنة مرحبا بها.. وأنا مسمى
على السيد محمد عثمان تاج السر.. ولو زارنا السيد محمد عثمان أكيد نستقبله ونذبح له الذبائح.. ولكن نفس شيخ الطريقة هذا حين يتدخل فى السياسة التى
له كامل الحق فى التدخل فيها كمواطن، ولكنه لو تدخل مستعملا سلطاته الدينية فسوف نقف له بالمرصاد ونقول له بالصوت العالى لا. كفانا المهازل.
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
فى مسرح العبث السياسى، محمد عثمان الميرغنى الذى عاش فى رعاية المخابرات المصرية بل أقام فى مصر عقدا من الزمان لم يعد خلاله.. الان
يعود الى السودان بتعليمات من اسياده المصريين، منها معارضته التدخل الدولى فى السودان.. فتأمل (مع الإعتذار لحسين ملاسى رد الله غربته من المنبر)
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
Quote: الفرق بينى وبينه هو انه رئيس
حزب من أكبر حزبين فى السودان وأثره سلبا على السودان وشعبه كارثى بممارساته هذه.. أما انا
فمواطن عادى يمارس حقه الدستورى فى نقد السياسيين وكل من يتصدى لقيادة السودان.
|
حقك الدستوري "بتاع فنيلتك"
وين كانت الناهة دي لمن "ترك "قفل الميناء - وقال يا فيها يا نفسيها :(
ما تتكلم عن الحقوق وانت عامل ميت مع شيء أضر السودان ككل
قول هنا انك كنت رافض قفل الميناء - الضرر كان على السودان ككل يا بتاع الحقوق الدستورية
تقدر تقول انك كنت رافض - لن تستطيع لأن ذاكرة المنبر حاضرة.
Quote: . ما عندى
قداسـة لأحـد. |
كاااااك - يا راجل - ما تخلينا نجيب من جوووووه.
Quote: قدس من تشاء لكن اسلوبك دا ما حيفيدك ولا حيفيد سيدك. انا أعلم ان مفاهيم مثل
حق المواطن فى مراقبة السياسيين وحق الحرية والرأى هذه ليست فى قاموسكم أيها الطائفيون. أهو
انت جيت ناطى أول ما شفت مواطن يمارس حقه فى نقد سيدك |
وانت فرقك شنو يا (العشا اب لبن ) - يعني انت متعلم ومثقف ولست طائفيآ :)
انادي "محمد الزبير" للشهادة ولا نشرب "حلو مر"
سخن معاك (الباكوورد) طوالي شبكتني "سيدك وتقديس".كااااااك
انا لسه شغال في التسخينة يا عمك ولسه مادخلت ليك في الغريق.
لكن بس للتذكير - قبل كده مش كتبت هنا منتقدآ الشمال في لمحة من لمحات العنصرية؟؟
قول واي - اقصد قول لا:)
جاييك بي مهله - سعة صدرك تخلينا نمعطك معط شديد:(
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: الشيخ سيد أحمد)
|
Quote: حقك الدستوري "بتاع فنيلتك"
وين كانت الناهة دي لمن "ترك "قفل الميناء - وقال يا فيها يا نفسيها :( |
ترك لما قفل الميناء ما أخذ التعليمات من المخابرات المصريـة وكان يمارس موقف هو حر فيه سواء صاح أم خطأ.. هذا كان رأيه ويتحمل مسؤوليته مثل أى
رجل حر.. وليس رجل مسترق وأعطى زمامه لدولة أجنبية تحتل ارضك. أما موقفى من قفل الميناء فقد فهمه الذين لم تكن فى اعينهم غشاوة. وأبشرك ان
الشرق كله سوف يقفل ويستقل .. وكنت أقول ذلك قبل حركة ترك. وهذا المنبر يشهد والإرشيف يشهد. الملاحظ انك لم تعلق على عمالة محمد عثمان الميرغنى
وأكتفيت بالشتائم والتهديد الفارغ. قوم إتلم
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
قلت لي "ترك" قراره من تلقاء نفسه -كااااااااااااااااااااك
انت يا زول بتتابع السياسة في برنامج "جنة الأطفال" :(
شنو القرار قراره لوحده- يا راجل قول كلام يدخل العقل.
بعدين ورينا عمالة السيد "محمد عثمان" في شنو؟؟
قول لينا مولانا عمل كده و كده وكده عشان الناس تعرف.
ياخي ده كلام "بيض" وماعندو تأكيد.
كدي بالله بي رواقة: متين انا سبيتك او شتمتك ؟؟
بدلآ من ان تقول مرحبآ بالسيد "محمد عثمان" بين أهله وعشيرته في السودان
جايي شايت ضفاري وشابكنا عمالة وكلام فارغ.
انت جبت لينا صورة هنا مع "محمود محمد طه" من سنة "حفرو البحر" - أها سويت شنو
من الزمن داك يا عمك- ياخي صورة من زمن الكاميرا "ام بارود " كاااااااك
مفروض من الزمن داك تكون عملت حزب براااااك -
معقول واقف مع محمود محمد طه وما استفدت اي شيء-حكمة الله لابس ليك "عمة" كمان في الصورة:(
والبيشوف "العمه" يقول تحتها..
لاحظ انك لاتقدس أحد - كما قلت انت :)
يا عمك - البرنامج ده ماعندك ليهو تحضير - عشان كده ماتقول انا ما نبهتك.
كسرة: كدي بالله ورينا "فاخورتك" دي فيها شنو؟؟ أدينا "مراقة" ؟؟
ماعندك مش كده؟؟ - يبقى تسكت وتتابع بس وماتعمل لينا هرجلة فارغة.
كسرة قبل الاخيرة: ارمي بياضك ونشوف مولانا كيف كان عميل للمصريين.
آخر كسرة: حاول جيب معاك "قبة" بي هنا - عشان أعمل ليكم "جوز مايخسر" :(
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: الشيخ سيد أحمد)
|
سيدك رأيه شنو فى مشكلة حلايب.. قال شنو عنها..وما هى خطة الحزب لو فاز بأغلبية ومسك الوزارات.؟ اسالك ومتأكد مليون فى المية انك ما عندك إجابة..
جيب تصريح واحد يتيم من سيدك يقول فيه ان حلايب سودانية وستعود لحضن الوطن.. بعدين انا كلمتك انا ما رئيس حزب وما مفكر انضم لأى حزب سياسى
يسعى للسلطة..الصورة بالجلابية والعمة مع الأستاذ محمود ومحمد مهدى المجذوب دى لما كان عمرى عشرينات، وكنت أجول فى كل أنحاء السودان.. حتى
بلاد الشايقية خيطتها بالباجور مدينة مدية من كريمى حتى ارض النوبة.. دا فى اوائل السبعينات.. كنت وين انت.. انا لما خرجت من السودان دفعت الضريبة
وغطيت البلاد من الشمال للجنوب ومن الشرق حتى الجنينة.. أساهم فى نشر الوعى حسب قناعتى.. لا يهم تتفق معها ام لا. الشباب الصغار فى ذلك الزمان
كان كثيرون منهم فى اللهو واللعب.. لا أدرى فيم كنت أنت. فهمت الان؟
تسال أعدد ليك الخيانات.. خذ واحدة بس.. تركه للسودان وهو رئيس حزب والإقامة فى بلد معادية للسودان وتتربص به.. دولة تعلم صغارها منذ نعومة اظفارهم
أن فاروق كان ملك مصر والسودان، فيكررونها مثل الببغاوات وهم كبار.. بلد تحتل ارض سودانية عزيزة. احتلتها بقوة السلاح بعد ان قتلت جنود سودانيين.. وسيدك
متجعص هناك ولا يقول اى شئ.. يتمرغ فى نعيم المخابرات وفى النهاية يعطونه تعليمات ويرسلونه للخرطوم لإفشال الثورة.. يخصصون له طائرة.. فهل
بعد كل ذلك يصرح ان حلايب وشلاتين مدن سودانية وسيعمل على تحريرهـا؟ انت لا تستطيع ان تقول أى شئ هنا.. اسكت بس.
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Arif Nashed)
|
Quote: دولة تعلم صغارها منذ نعومة اظفارهم
أن فاروق كان ملك مصر والسودان، فيكررونها مثل الببغاوات وهم كبار.. |
علاقة مولانا "محمد عثمان" بالحتة دي شنو؟؟
هل مولانا كان وزير التربية والتعليم في مصر؟؟
بعدين انت عايز تنكر التاريخ- فعلا الملك "فاروق" كان ملك مصر والسودان- وفعلآ "محمد علي باشا"
كان قد غزا السودان بحثآ عن الذهب-
دي أحداث تاريخية - مولانا علاقتو شنو يا عمك؟؟
شايف صوتك عالي الآن مع عودة مولانا - أين كان صوتك حين أسس مولانا "السيد محمد عثمان" التجمع الوطني
وكان يصرف على "المتبطلين" و عديمي المواهب ؟؟
أين كان صوت رفضك حينما كان مولانا يستقبل عبر ممثليه كل من غادر السودان معارضآ للإنقاذ؟؟
أين كان صوتك حين تحالف مولانا مع الحركة الشعبية ؟؟
زعيم حقيقي يصل وسط أهله وعشيرته ليساعدهم في بناء وطن يحمل بعض ابناؤه نفس مفهومك "البيض".
أكلت معاك جمبة صور الإستقبال - مش كده- مامشكلة "خت ليك تلجة" :(
قال كان بيعمل شنو في مصر - كان بيعمل في تطبيق :)
كسرة:شكرآ عارف على الكاريكاتير المعبر - فنان يا عارف- اي بالله كتر لينا من النوع ده.
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: النذير حجازي)
|
غلطت يا الشيخ وما عملت معروف لسيدك ولا لنفسك.. والمتعدى
لن يسرح بها. انت تعديت ولن تسرح بها
الشيخ سيد احمد كتب:
للتوثيق وسوف أعود الى هذه المداخلة..
Quote: Quote: دولة تعلم صغارها منذ نعومة اظفارهم
أن فاروق كان ملك مصر والسودان، فيكررونها مثل الببغاوات وهم كبار..
علاقة مولانا "محمد عثمان" بالحتة دي شنو؟؟
هل مولانا كان وزير التربية والتعليم في مصر؟؟
بعدين انت عايز تنكر التاريخ- فعلا الملك "فاروق" كان ملك مصر والسودان- وفعلآ "محمد علي باشا"
كان قد غزا السودان بحثآ عن الذهب-
دي أحداث تاريخية - مولانا علاقتو شنو يا عمك؟؟
شايف صوتك عالي الآن مع عودة مولانا - أين كان صوتك حين أسس مولانا "السيد محمد عثمان" التجمع الوطني
وكان يصرف على "المتبطلين" و عديمي المواهب ؟؟
أين كان صوت رفضك حينما كان مولانا يستقبل عبر ممثليه كل من غادر السودان معارضآ للإنقاذ؟؟
أين كان صوتك حين تحالف مولانا مع الحركة الشعبية ؟؟
زعيم حقيقي يصل وسط أهله وعشيرته ليساعدهم في بناء وطن يحمل بعض ابناؤه نفس مفهومك "البيض".
أكلت معاك جمبة صور الإستقبال - مش كده- مامشكلة "خت ليك تلجة" :(
قال كان بيعمل شنو في مصر - كان بيعمل في تطبيق :)
كسرة:شكرآ عارف على الكاريكاتير المعبر - فنان يا عارف- اي بالله كتر لينا من النوع ده. |
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
Quote: كسرة: حبيبنا أبو العوارف أرفع يدك من حبيبنا أبو الريش
|
سلام يا النذير.. ويا أخى هذا لطف منك.. واخوك متلفز الطائفيين ديل من يومهم.. مساكين.. أبوالريش اللى يحرك ضنبه يضرب الرأس. بس أنا ما عرف الشيخ
دا ليه اتناول لقمة ما يقدر يبلعها.
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
يا عمك انا جاييك بي مهله- البوست ده لسه عندي فيهو كلام كتير .
النذير- شنو يا حبه رافع القزاز كده- ليك وحشه ياخي - عسام عافية.
عارف: شغلك نضيف - عندك الضوء الأخضر - رش من طرف.
يا عمك- قلت لي سموك عليهو كاااااااااااااااك- ماشي كويس - بعد شويه ح تقول كان سوء تقدير مني :)
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: الشيخ سيد أحمد)
|
تحياتي ابوالريش وضيوفه الكرام
فى صحيفة عربي 21 الالكترونية
وتحت عنوان :
ما دلالات دعم السيسي عودة الميرغني للخرطوم؟
نقتبس مايلي :
Quote:
وفي إجابته، قال الإعلامي السوداني حسن إبراهيم، إن "الميرغني وأسرته كانوا وما زالوا ممثلي مصر في السودان"، مضيفا لـ"عربي21": "لكن الوضع الآن تجاوز الميرغني والزعامات التقليدية". |
Quote: من جانبه، قال الخبير في الشؤون الأفريقية، الدكتور خيري عمر، إن "الميرغني في مصر لنحو 40 سنة"، مشيرا إلى أن هناك خلفية تاريخية يجب توضيحها لكي نعرف هدف القاهرة من إرسال الميرغني للخرطوم الآن بطائرة خاصة وفي وداع رسمي.
|
Quote: أستاذ العلوم السياسية بجامعة "صقريا" بتركيا، أوضح لـ"عربي21" أن "الميرغني من فريق تيار الاتحاديين بالسودان"، ملمحا إلى أن "هذا التيار يؤيد فكرة الوحدة مع مصر، وكان سابقا ضد الانفصال عنها، والذي تم عام 1956".
ولفت إلى أنه في ذلك الوقت "صعد تياران، أحدهما (الأنصار) أو حزب (تيار الأمة) أو تيار السودنة، والثاني تيار الاتحاديين أو (الختمية)، حيث عمل التياران في السياسة حتى العام 1989، وتبادلا الحكم منذ الانفصال عن مصر".
وأوضح أنه "بعد انتخابات العام 1986، -لم يحدث بعدها انتخابات أخرى- تطور الوضع السياسي للحزب الاتحادي، ودخل في موجات صراع داخلي بين الاتحاديين أو الختمية وبين الخريجين، رغم أنهما تيار مؤيد للوحدة مع مصر، ما عرض الحزب لانقسامات". |
ركز هنا فى كلام هذا الاعلامي المصري وهو يعبر عن توجهات المخابرات المصرية تماماً :
Quote:
الأكاديمي المصري وباحث العلوم السياسية، قال إن "الميرغني الآن يحاول أن يعيد وحدة الحزب بقدر الإمكان، حتى تكون القوى السياسية القريبة من مصر متماسكة عند عقد أي انتخابات محتملة في الخرطوم، وهذا هو الهدف الحالي".
وأضاف: "الهدف الثاني مترتب على السابق، حيث إنه في تشكيل الحالة السودانية الجديدة، قد تكون هناك مشاركة أو تقاسم بين الاتجاهات المختلفة المرتبطة بمصر والأخرى المرتبطة بإثيوبيا، مثل (تيار الأمة) الذي تعرض هو الآخر للتفكك".
وأشار إلى احتمال أن "يكون حزب الاتحاد ظهيرا للحكومة السودانية القادمة أو ظهيرا للمكون العسكري بالجيش، إذا تم تشكيل الحكومة بالخرطوم بطريقة غير الانتخابات التشريعية". |
وأضاف الاكاديمي المصري قائلا :
Quote: وحول احتمالات تدخل مصر في الحالة السودانية، أوضح أنه "منذ انفصال السودان الذي تم بموافقة برلمان الخرطوم نهاية 1956، وقبلته مصر بطريقة هادئة، ولم يكن نتيجة صراع أو ثورة، وتم بطريقة هادئة، ما مكن القاهرة من احتفاظها بالروابط مع السياسيين السودانيين ومنهم الختمية".
ويرى أن الأمر لن يغضب عسكر السودان، مشيرا لاحتمال أن يكون رغبة مصر في جلب الاتحاديين كبديل مدني لعسكر السودان بتفاهم مع المكون العسكري، لافتا إلى أن "جماعة الختمية منسجمة دائما مع السلطة والدولة منذ الانفصال، ولم تكن بعيدة عنها إلا بمرحلة الرئيس السابق عمر البشير".
وعن احتمال أن يضايق هذا التوجه حميدتي، القريب من الإمارات وإسرائيل، أكد الأكاديمي المصري أن "الخيارات المصرية تتماهى مع التيارات الرئيسية في السودان، سواء قلب المؤسسة العسكرية أو الحزب الاتحادي".
وأوضح أن ذلك الوضع مستثناة منه "الأحزاب الصغيرة الأخرى المتفرعة من الماركسيين والحزب الشيوعي، رغم مكوثهم طويلا في مصر، كما أن حزب الأمة لم يسع لتوثيق العلاقات مع مصر، على الرغم من حكمه السودان لفترات، بل كان يأخذها بعيدا عن القاهرة". |
وأيضاً ورد فى صحيفة العرب اللندنية بقلم احد الصحفيين المصريين :
تحت عنوان : استقبال الآلاف من السودانيين المنتمين لطائفة الختمية بدا مصطنعا إلى حد كبير ومرتبا من قبل المكون العسكري لإظهار التأييد للميرغني الأب.
نقتبس مايلي :
Quote: ويقف جعفر والحسن ابنا الميرغني ونائباه في خندق سياسي مختلف، فالأول يؤيد الحركات المسلحة المساندة لمجلس السيادة وعلى رأسه الجنرال عبدالفتاح البرهان، بينما يقف الثاني مع القوى الراغبة في إزاحته ودعم الحكم المدني في البلاد.
وأسهمت هذه المفارقة في التأثير سلبا على مصداقية الحزب في الشارع، خاصة أنه يعاني من اختلالات هيكلية منذ فترة لم تمكنه من أن يكون رقما صحيحا في المشهد السياسي، وعلى العكس أوحت تصرفات قادته بأنها ماتت إكلينيكيا، حيث تجاوزها الزمن ولم تعد قادرة على التكيف مع التطورات المتسارعة
وبدا انحياز الأب الميرغني واضحا إلى موقف ابنه جعفر عندما حطت طائرة الأول الخاصة في مطار الخرطوم، والتي جرى تجهيزها بمعرفة الرئاسة المصرية، ورفض النزول منها عندما علم أن ابنه الحسن ضمن مستقبليه، واشترط خروجه أولا.
ويشير هذا الموقف إلى أن زعيم الحزب الاتحادي الديمقراطي حدد موقفه المبدئي وأنه يساند ابنه جعفر المؤيد للمكون العسكري
بقوة، وهو ما جعل قوى سودانية تتعامل مع عودته على أنها مساندة واضحة لموقف الجيش على حساب القوى المدنية.
وأصدر الحسن الميرغني بيانا كشف فيه ملابسات وصوله لاستقبال والده في المطار وأسباب خروجه، وحوى معلومات تؤكد أن هناك استهدافا متعمدا له من قبل القوات الأمنية السودانية التي أرادت مضايقته ومحاولة وضعه في منزل تحت ما يشبه الإقامة الجبرية لمنعه من الذهاب إلى المطار وحضور حفل استقبال والده، لكنه صمم على الذهاب وواجه موقفا محرجا من قبل والده.
وكشف بيان الحسن حجم الانقسام الجديد داخل الحزب الاتحادي الذي درج على إلحاق كلمة (الأصل) باسمه الرسمي للتأكيد أن هناك فروعا لا يعتد بها، وضاعف من الخلاف داخل طائفة الختمية الصوفية التي يمثلها الأب كرمز منذ حوالي ستة عقود، وتقلب على موائد أنظمة سياسية، تارة بمشاركتها في الحكم وأخرى بتأييدها عبر انخراطه في صفوف المعارضة.
وفقد الحزب التاريخي جزءا كبيرا من رصيده المعنوي السنوات الماضية جراء كثافة التناقضات التي عصفت بقياداته، وإخفاقه في التكيف مع الأحزاب والقوى الجديدة التي ظهرت عقب سقوط نظام الرئيس عمر البشير، وعدم قدرته على مبارحة خندق موالاة السلطة، بصرف النظر عن هويتها السياسية.
وبدا استقبال الآلاف من السودانيين المنتمين لطائفة الختمية مصطنعا إلى حد كبير ومرتبا من قبل المكون العسكري لإظهار التأييد للميرغني الأب، والإيحاء بأنه لا يزال يحظى بشعبية كبيرة في البلاد ويستطيع توحيد صفوف حزب أرهقه التشرذم مؤخرا، ودحض فكرة أن غيابه لنحو عقد في مصر قلل من حضوره في السودان.
وحوى الإعلان عن قيام القاهرة بترتيب رحلة عودة الميرغني إلى الخرطوم معاني ضمنية بأن مصر تريد استخدام أوراقها القديمة ممثلة في الحزب الاتحادي الحليف التاريخي لها لتوفير قاعدة دعم سياسي للجنرال البرهان الذي تعرض لانتقادات سودانية كبيرة الفترة الماضية بسبب ما تردد حول علاقاته الخفية بالنظام السابق.
وواجه البرهان اتهامات قاسية بعدم قيامه بما يجب للتصدي لفلول البشير التي بدأت تظهر نوعا في التمدد في المصالح الحكومية والمؤسسة العسكرية، وتشارك في تظاهرات خاصة بها في الشارع، وعندما تعهد صراحة بتقويض حزب المؤتمر الوطني والحركة الإسلامية لم يقم بتحركات تعزز مصداقيته في هذا المجال.
وتخشى القاهرة أن تؤدي ضغوط القوى المدنية المتزايدة على المؤسسة العسكرية إلى انفلات الأوضاع أو إصرار البرهان على الاستعانة برديف نظام الرئيس السابق، فشجعت عودة الميرغني الأب باعتباره من القوى الحزبية التاريخية الموثوق بها ويمكنه أن يلعب دورا سياسيا لدعم الجيش في الشارع عبر أنصاره من طائفة الختمية، وتضييق الخناق على فلول البشير، وقطع الطريق على استعادة نشاطهم في الشارع. |
وحقاً شخص فى مقام الميرغني وله مكانة كبيرة وسط مريديه لا يستطيع توحيد ابنيه فكيف له ان يوحد الحزب الاتحادي ثم كيف له ان يوحد السودان ؟؟
خذوها منى واعتبروها سُنّة كونية ما من تدخل مصري فى الشأن السودان الا وارتدت عليها . كل التدخلات المصرية ارتدت على ادبارها وآخرها الانقلاب المشئوم ثم
التدخل السافر فى الوثيقة التى اعادت حمدوك الى السلطة ثم ما كان من امر رفضها من قبل الجميع فى السودان .
والآن التدخل المصري السافر باعادة الميرغنى ليكون دعماً للبرهان او اي سلطة مدنية او عسكرية قادمة كما ذكر الاعلامي المصري اعلاه سترتد ايضاً الى نحر السيسي بحول الله .
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: علاء سيداحمد)
|
| Quote: عندما حطت طائرة الأول الخاصة في مطار الخرطوم، والتي جرى تجهيزها بمعرفة الرئاسة المصرية، ورفض النزول منها عندما علم أن ابنه الحسن ضمن مستقبليه، واشترط خروجه أولا. |
مسرحية هزيلة سيئة الإخراج.. مع الأسف السودانيين يشترون أى بضاعة.. أى حاجة.. أى بطاطس
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
Quote: يا عمك- قلت لي سموك عليهو كاااااااااااااااك- ماشي كويس - بعد شويه ح تقول كان سوء تقدير مني :)
|
بطل الجرسة وأركز.. المهم البوست الجاى عن أسيادك.. ما حنشتغل بالكلاء .. تقدر تكاكى اليوم كله خد راحتك.. وانا مسمى على السيد محمد عثمان تاج السر. زول سواكن
عندك رأى فى دا بله واشرب مويته..
بالمناسبة شايفك تشيل وتخت فى تطبيق وما تطبيق.. دا شنو دا الخمج اللى ما مفهوم دا.. أنا مبرمج كمبيوتر وتطبيقات.. وأول برنامج عملته كان لمعهد كمبيوترمان عام 1986 وكان
لأغنية أو نشيد عازة فى هواك.. عايز تقول شنو؟ ما علموك تتكلم دغرى؟
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: علاء سيداحمد)
|
Quote: وأيضاً ورد فى صحيفة العرب اللندنية بقلم احد الصحفيين المصريين :
|
Quote: وبدا انحياز الأب الميرغني واضحا إلى موقف ابنه جعفر عندما حطت طائرة الأول الخاصة في مطار الخرطوم، والتي جرى تجهيزها بمعرفة الرئاسة المصرية، ورفض النزول منها عندما علم أن ابنه الحسن ضمن مستقبليه، واشترط خروجه أولا.
ويشير هذا الموقف إلى أن زعيم الحزب الاتحادي الديمقراطي حدد موقفه المبدئي وأنه يساند ابنه جعفر المؤيد للمكون العسكري
بقوة، وهو ما جعل قوى سودانية تتعامل مع عودته على أنها مساندة واضحة لموقف الجيش على حساب القوى المدنية. |
يا علاء ..
طيارة مصرية .. و صحفي مصري ..
اتم ليك الباقي .. و رسالة مصرية .. و تفكير مصري ..
محمد عصمان ما عارف الله وين خاتيهو و لا هو واقف وين .. يجو المصريين يقول ليك حدد موقفه المبدئي ..
الرجل نزل من الطياره بي مصعد صناديق الجثامين .. و تقول لي حدد ..
| |
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: يحي قباني)
|
Quote: يا علاء ..
طيارة مصرية .. و صحفي مصري ..
اتم ليك الباقي .. و رسالة مصرية .. و تفكير مصري ..
محمد عصمان ما عارف الله وين خاتيهو و لا هو واقف وين .. يجو المصريين يقول ليك حدد موقفه المبدئي ..
الرجل نزل من الطياره بي مصعد صناديق الجثامين .. و تقول لي حدد .. |
سلام يا قباني
كلامك سليم ,, ولكن الاستغربت ليهو كلام ابوالريش ومع انّ ما ورد فى الصحيفتين والذى قمت بنقلها فى مشاركتى
تعزز موضوع البوست تماماً من حيث العمالة والضعف البيّن من حيث انه لا يستطيع حتى توحيد ابنيه للوقوف معه
فى صف واحد فكيف له ان يوحد الحزب وان يوحد السودان ؟؟
ومن ان السلطات المصرية هى التى قامت بتجهيز طائرة خاصة لنقله الى السودان والانكي من ذلك قول الصحفي المصري :
Quote: وأضاف: "الهدف الثاني مترتب على السابق، حيث إنه في تشكيل الحالة السودانية الجديدة، قد تكون هناك مشاركة أو تقاسم بين الاتجاهات المختلفة المرتبطة بمصر والأخرى المرتبطة بإثيوبيا، مثل (تيار الأمة) الذي تعرض هو الآخر للتفكك".
وأشار إلى احتمال أن "يكون حزب الاتحاد ظهيرا للحكومة السودانية القادمة أو ظهيرا للمكون العسكري بالجيش، إذا تم تشكيل الحكومة بالخرطوم بطريقة غير الانتخابات التشريعية".
مشيرا لاحتمال أن يكون رغبة مصر في جلب الاتحاديين كبديل مدني لعسكر السودان بتفاهم مع المكون العسكري لافتا إلى أن "جماعة الختمية منسجمة دائما مع السلطة والدولة منذ الانفصال، ولم تكن بعيدة عنها إلا بمرحلة الرئيس السابق عمر البشير".
|
ولايخفي على الجميع انّ :
- عودة الميرغني من القاهرة قد تمت بمعرفة السلطات المصرية وبتجهيز طائرة خاصة نقلته الى الخرطوم .
- ما حدث من الاجهزة الامنية مع السيد الحسن الميرغني تناقلته اجهزة الاعلام والصحف المحلية والعالمية .
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Arif Nashed)
|
يا عارف ناشد رسمتك الأخيرة الفوق هذه عن شخصى.. وأنا لا أحب الشطارة والتذاكى.. الان لا أطلب منك شئ سوى مغادرة هذا البوست وعدم التداخل معى مرة أخرى إلا إذا تحليت
إذا التزمت بقواعد الأخلاق والأدب.. ترسم زول قاعد فوق تلجة ومؤخرته تحترق؟ ثم تتحدث عن الروح الرياضية..
أخرج من هذا البوست ولا تتداخل فى بوستاتى مرة أخرى.. أخرج فورا من فضلك فأنت لا تستحق المناقشة معك.
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
رحم الله عمكم يا الشيخ، وغفر له وجعل الجنــة مثواه..
نواصل..
قبل أن افصل فى مداخلاتك السابقة التى توقفت، أنت ذكرت ان محمد على باشا غزا السودان.. طيب محمد على باشا دا زاته يطلع شنو؟
البانى تابع للدولة العثمانية وهو أولا فتح مصر وضمها لدولة الخلافة العثمانية، ثم واصل غزوه الى السودان.. فهو ليس مصرى وإنما
استعمر السودان مثلما استعمر مصر.
Quote: محمد علي باشا المسعود بن إبراهيم آغا القوللي (بالتركية العثمانية: قوللى محمد على پاشا؛ وبالتركية الحديثة: Kavalalı Mehmet Ali Paşa؛ وبالألبانية: Mehmet Ali Pasha)، الملقب بالعزيز أو عزيز مصر، هو مؤسس الأسرة العلوية وحاكم مصر ما بين عامي 1805 إلى 1848، ويشيع وصفه بأنه «مؤسس مصر الحديثة» وهي مقولة كان هو نفسه أول من روج لها واستمرت بعده بشكل منظم وملفت. استطاع أن يعتلي عرش مصر عام 1805 بعد أن بايعه أعيان البلاد ليكون واليًا عليها، بعد أن ثار الشعب على سلفه خورشيد باشا، ومكّنه ذكاؤه واستغلاله للظروف المحيطة به من أن يستمر في حكم مصر لكل تلك الفترة، ليكسر بذلك العادة العثمانية التي كانت لا تترك واليًا على مصر لأكثر من عامين. كانت تحت الإستعمار البريطانى (عمليا) وجيوش بريطانيا كانت فى مصر والملك كان يتلقى الأوامر من السفارة البريطانية..
بعدين اراك تكرر مثلهم فاروق كان ملك مصر والسودان.. حين كانت مصر ذاتها تحت الإستعمار العثمانى ثم الإنجليزى.. ولو كان فاروق ملك السودان هل تستطيع تسمية حاكم عام سودانى واحد عينه الملك فاروق؟!! هنيئا لم كرر أكاذيب المصريين
حتى موضوع الحكو الثنائى أكبر كذبة.. الحاكم العام دائما بريطانى وسكرتيره مصرى.. يعنى كانوا سكرتيرات. وأول ما حرك المصريون أذنابهم فى حركة اللواء الأبيض قام الإنجليز طردوهم من السودان شر طردة فى تانى يوم من حركة 24 كان
جميع الجيش المصرى فى السودان فى القطار نحو مصر.. فى 24 ساعة.. وتفرد الإنجليز بكل وظائف الدولة والجيش.
هذه سيرة محمد على باشا الألبانى الذى غزا مصر واحتلها وضمها للخلافة العثمانية التابعة للباب العالى فى تركيا..
خاض محمد علي في بداية فترة حكمه حربًا داخلية ضد المماليك والإنجليز إلى أن خضعت له مصر بالكليّة، ثم خاض حروبًا بالوكالة عن الدولة العثمانية في جزيرة العرب ضد الوهابيين وضد الثوار اليونانيين الثائرين على الحكم العثماني في المورة، كما وسع دولته جنوبًا بضمه للسودان. وبعد ذلك تحول لمهاجمة الدولة العثمانية حيث حارب جيوشها في الشام والأناضول، وكاد يسقط الدولة العثمانية، لولا تعارض ذلك مع مصالح الدول الغربية التي أوقفت محمد علي وأرغمته على التنازل عن معظم الأراضي التي ضمها. |
و
هذا هو محمد على باشا الذى تقول انه المصرى الذى فتح السودان. ولما الإنجليز دخلوا مصر صارت تحت الإستعمار المصرى حتى عام 1954 أى بعد ثورة يوليو بتاعة عبد الناصر بسنتين تلاتة..
| Quote: ولد في مدينة قولة التابعة لمحافظة مقدونيا شمال اليونان عام 1769، لأسرة ألبانية. كان أبوه «إبراهيم آغا» رئيس الحرس المنوط بخفارة الطريق ببلده، وقيل أن أباه كان تاجر تبغ. كان لوالده سبعة عشر ولدًا لم يعش منهم سواه، وقد مات عنه أبوه وهو صغير السن، ثم لم تلبث أمه أن ماتت فصار يتيم الأبوين وهو في الرابعة عشرة من عمره فكفله عمه «طوسون»، الذي مات أيضًا، فكفله حاكم قولة وصديق والده «الشوربجي إسماعيل» الذي أدرجه في سلك الجندية، فأبدى شجاعة وحسن نظر، فقربه الحاكم وزوجه من امرأة غنية وجميلة تدعى «أمينة هانم»، كانت بمثابة طالع السعد عليه، وأنجبت له إبراهيم وطوسون وإسماعيل ومن الإناث أنجبت له ابنتين. وحين قررت الدولة العثمانية إرسال جيش إلى مصر لانتزاعها من أيدي الفرنسيين كان هو نائب رئيس الكتيبة الألبانية والتي كان قوامها ثلاثمائة جندي، وكان رئيس الكتيبة هو ابن حاكم قولة الذي لم تكد تصل كتيبته ميناء أبو قير في مصر في ربيع عام 1801، حتى قرر أن يعود إلى بلده فأصبح هو قائد الكتيبة. ووفقًا لكثير ممن عاصروه، لم يكن يجيد سوى اللغة الألبانية، وإن كان قادرًا على التحدث بالتركية. |
دى تصبيرة ساكت وراجع لموضوع الميرغنى.. دا بس لتفنيد الكذبة المصرية ان فاروق كان ملك مصر والسودان.
| |
|
|
|
|
|
|
|
|
 Re: يا لسخريــة القــدر.. محمد عثمان الميرغنى (Re: Abureesh)
|
| Quote: طيب محمد على باشا دا زاته يطلع شنو؟ |
رضي الله عنه...
يطلع مؤسس السودان الحديث والأب الروحي لتوحيد أراضيه شمالاً وغرباً..
كما يعتبر مهندس النقلة الحضارية للشعب السوداني من حكم الهمج والإقطاع في اللادولة البدائية التي كان يعيشها فيها بعشوائية الي افق جديدة من العلوم والمعارف ونظم الإدارة الحديثة..
فله الشكر التقدير...
اما مولانا الميرغني فجده يطلع اللي مابتدخل المطرة قبته والسوطه شق حجر توتيل..
أها انت تطلع شنو؟
ــــــــــــــــــــــــ..
أتمنى انه الناس عموماً وقت تتكلم عن رموزنا ومقدساتنا يخاطبوهم بما ويليق بعظمتهم.. :)
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: HAIDER ALZAIN)
|
Quote: لزعماء طائفيين جهلة جيلا بعد جيل، وهم المتعلمون المتخرجين من اعلى الجامعات..
والقلم لا يزيل بلم. |
هنا يحدوني سؤال ..!
ماهي الطائفة وما تعريف الطائفيــة ؟
ومهمن كانت الإجابة فهي ستدفعني للقول
أوليس الجمهوريين طائفة.. ومحمود مين داك زعيماً لطائفيين أتبعوه؟
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: HAIDER ALZAIN)
|
| Quote: أوليس الجمهوريين طائفة.. ومحمود مين داك زعيماً لطائفيين أتبعوه؟ |
سلام حيدر
مفهوم الطائفية مفهوم حديث نسبيا.. ولا أعتقد ان هذه العبارة وردت فى طبقات ود ضيف الله .. كانت العبارة دائما الصوفية.. ومحمود والجمهوريون إرثهم واساسهم الصوفيـة.
الفرق بين الصوفيـة والطائفية هو ان الصوفية كانوا يرشدون الناس ويعفون عما فى أيديهم.. كانوا يتقبلون الهدايا دون السعى اليها لتسييـر المسيد وطلاب القران، وكان الداعمون
أو قل المتبرعون بلغة العصر يثقون فى أمانة الشيخ وصرفه مبالغ التبرع على المسيد وعلى الفقراء، وذلك لما يرونه منه من التقشف الشديد فى بيته وفى ملبسه وفى أكله.. ولكن
أما الطائفيون فهم أحفاد هؤلاء الورعيين ولكن بدل ان يستشفوا سيرتهم، عكسوا الاية.. فهم لا يرشدون أحدا ويطمعون فيما ايدى الناس ومزارعهم ونخيلهم.. يستغلون حب الناس
لأبائهم أسوأ استغلال abuse .. ولو شفت حياة الاستاذ محمود من منزل الجالوص الذى بناه له ابن أخيه المهندس حسين رحمه الله.. الى أكله الكسرة والجلوس فى الصينية اخر الناس
ولملمة ما تبقى من الكسرة حول الصينية وأكله.... ولو علمت ان دخله كله كان من عائدات الكتب التى كان يؤلفها، والتى كان معظمها يذهب لطباعة كتب أو نسخ جديدة.. ولو علمت
انه لم تكن له سيارة إلا اللاندروفر فى الخمسينات واوائل الستينيات حين كان يعمل فى المشاريع الزراعية. وكان يتنقل بالبصات والتكاسى حين لم يوجد جمهورى له سيارة.. بل
كان يشمع فى البصات.. وكان فى بعض السفريات الطويلة عبر الولايات يركب فى ضهرية اللوارى.. لو علمت كل هذا فلا يمكن أن تصفه بالطائفية.. تعرف (المقدمة) فى اللوارى
السفرية.. الكبينـة.. كان يخليها للجمهورى الكبير فى السن او المريض ويركب هو مع الناس على ظهر اللورى. (ورا).. وحين سافرنا الى بلاد الغرب وجدنا هذا كقانون يكتب
على البصات أن تعطى الأولوية فى الجلوس فى المقاعد الأمامية للكبار أو النساء الحوامل او المعاقمين.. هذه الحياة البسيطة هى التى جذبتنا اليه قبل افكاره .
لابد من التفريق بين الصوفية والطائفية.. ليس كل من ادعى التصوف هو صوفى.. الطائفى تجده لابس أخضر ومرقع (من الترزى وليس لأنه بلى فرقعه) وتلقاه راكب لاندكروزر.. ثم يدعى
انه شيخ طريقة صوفية.. أشكالهم صوفية ولكنهم مشعوذون pseudo sufia
تحياتى
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
Quote: ما اهو انت برضو عامل لينا فيها حاج نظرية وكل فترة شابكنا تطبيق وتطبيق
وبعد كده متابع في قصة الإنسان الكامل و باقي التنظيرات العجيبة.
وين النظريات والتطبيقات طيب |
يا الشيخ قبل ما اواصل.. من فضلك خليك شجاع ودغرى وتوضح ماذا تقصد بتطبيق وتطبيق والتطبيقات؟ الكلام المبهم ما كويس
قلت ليك انا مبرمج تطبيقات موبايل.. وما عارف شنو الجاب دا فى المنبر.. نشرت تطبيق مجانى هدية للمنبر وفى ناس نزلوه واستفادوا
منه..
تقصد شنو بتطبيقات؟
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
يا هلا والله بي حبيبنا "حيدر"
وبالاخوان - علاء و الفنان "عارف ناشد"- ومرحب بكل من مر - في بوست من لابوست له
زي كأنو شفت "قبة" يتحاوم بي هنا :( - عمومآ برضو مرحب بيهو لأنو ح نمعطو مع "ابوالريش".
قبل اي شيء- نثمن على اللمحة الفنية من أخونا "عارف" - ونقول لي ابوالريش انو ليس من اللباقة أن
ترفض وجود عضو في البوست - طالما البوست مفتوح فالمفروض توسع صدرك وتوسع حلقومك
عشان البلع الناشف ههههههه- مرحلة الفازلين هي مرحلة عسر الهضم - هذا هو المقصد من الفازلين - وإن شاء الله ما نوصل
لهذه المرحلة ونكتفي بي "أم دلدوم" .
طيب نجي لي مولانا السيد "محمد عثمان الميرغني"
كتبت يا ابو الريش إنو مولانا هو عميل للمخابرات المصرية - تبريرك لهذه المقولة هو وجوده في "مصر" لمدة عشرة سنوات.
ياخي في ناس ليها "أربعين سنه" يتيهون في أرض الكنانه - اها ديل يقولوا عليهم شنو؟؟
طيب غذا كان بمفهوم تنو مولانا السيد :محمد عثمان" مكث "10 سنوات" يبقى في نظرك هو عميل - أها يا العشا اب لبن - ناس الأربعين سنه
ديل يكونوا هم المؤسسين للمخابرات المصرية ولا كيف؟؟
قول واحد.
نجي لي "الملك فاروق"- اسمح لي اشير لي حاجه أنا قلتها قبل كده - إنو "حيدر الزين" عندو تفسير للأشياء مدهش جدآ- واحده من تفاسيرو
هو تفسيره لشكل الدولة السودانية الحديثة - حيدر أرجع الفضل للملك "فاروق" - شخصيآ أكتفي بتحليل وتفسير حيدر الزين في هذه الجزئية
واتفق معه تمامآ.
قول إتنين
الآن يا أبوالريش نجيك لي قصة الطائفية والصوفية - اول شيء تفسيرك ده "تبلو" كويس - وتبلعوا بي "ام دلدوم" لأنو تفسير ما شايف ليهو اي منطق!!
وانت ناكر لي شنو إنو الفكرة الجمهورية فكرة صوفية في "الشكل والمضمون" - طيب عشان نقرب الفهم.
الختمية عندها شيخها - يقول ويقرر ووووو- نحن ناس جهلاء و متخلفين حسب رايك.
أها الفكرة الجمهورية منو البيقرر ومنو البيقول غير "محمود محمد طه" - قول لي زول قال اي شيء جديد أو عمل إضافة للفهم بتاع الفكرة.
هل في زول واحد عمل كده- لا
طيب ليه نحن جهلاء ومتخلفين وانتو اسياد الرصة والمنصة؟؟
شنو فرقك مننا يا ابوالريش؟؟
على الاقل نحن ما قاعدين نتفلسف على خلق الله وما عندنا مشكلة مع زول.
قول زووووط - اقصد قول تلاته :)
أكتفي بهذا القدر مراعاة لحلقومك من مسألة البلع الناشف:(
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
Quote: رضي الله عنه...
يطلع مؤسس السودان الحديث والأب الروحي لتوحيد أراضيه شمالاً وغرباً..
كما يعتبر مهندس النقلة الحضارية للشعب السوداني من حكم الهمج والإقطاع في اللادولة البدائية التي كان يعيشها فيها بعشوائية الي افق جديدة من العلوم والمعارف ونظم الإدارة الحديثة..
فله الشكر التقدير...
اما مولانا الميرغني فجده يطلع اللي مابتدخل المطرة قبته والسوطه شق حجر توتيل..
أها انت تطلع شنو؟
|
حيدر.. ياخى باللاى أمشى بالراحة شوية..ما سمعت بيت الشعر اللى يقول:
سيروا بسيرى فإنى ضعيفكم...... وراحلتى بين الرواحل ضالع ؟
أولا ما قلت بالنسبة لمحمد على انت شت الكورة فى قونك زى الثعلب.. الشيخ قال محمد على حكم السودان ليدلل على
ان مصر حكمت السودان.. لذلك سألت محمد على نفسه يطلع شنو.. لأنه ليس مصرى بل البانى دخل مصر غازيا واستعمرها
ثم واصل للسودان واستعمر السودان.. ولكنى معك الأتراك فى التركية الأولى هم الذين ادخلوا الطبيخ فى السودان.. بصل
وزيت وتحمير الملاح..الخ.. قبل التركية السودانيون كانوا يسلقوا اللحمة فى المويــة ساى. حتى ملح مافى.
بعدين الكلام ما عن أجداد محمد عثمان الميرغنى.. ولكن عن محمد عثمان الميرغنى.. الذى يتمرغ فى نعيم مصر ويمثل كأنه
مهم عندهم.. وهو ليس مهم عندهم إلا بالقدر الذى يقدمه لهم من خدمات.. وكما قال الشاعر الذى زار الأندلس فى نهاياتها
وتساقطها إمارة تلو الأخرى.. ورأى الحكام ضعاف ومغلوبين على امرهم.. قال:
مما يبغضنى فى أرض أندلس ..... القاب معتصم فيها ومعتضـد
القاب مملكة فى غير موضعهــا..... كالهر يحكى انتفاخــا صولة الأسـد
من ذكرتهم من السادة السادة الختمية كانوا ورعين ومتدينين وراغبين عن السلطة الزمنيـة.. وفى زيارتى الأخيرة زرت ضريح
السيد على الميرغنى رضى الله عنه مرتين.. (الجمهوريون يزورون الضريح كل أول جمعة من كل شهر)
هل سمعت النار تلد الرماد.. لذلك كل احاديثى وكتاباتى لا علاقة لها وغير موجهة للطريقة الختمية.. ولكن لهذا الزعيم بصفته
رئيسا لحزب سياسى اسمه الحزب الإتحادى. وليس بصفته شيخ الختمية.
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
لاحظ عزيز القارئ\ة
كاتب السطور أدناه - إذا رفعتو راسكم شويه ح تلقوهو بيهاجم في الناس ويقول عليهم جهلاء
Quote: من ذكرتهم من السادة السادة الختمية كانوا ورعين ومتدينين وراغبين عن السلطة الزمنيـة.. وفى زيارتى الأخيرة زرت ضريح
السيد على الميرغنى رضى الله عنه مرتين.. (الجمهوريون يزورون الضريح كل أول جمعة من كل شهر) |
يا ابوالريش "سفرجت".
كتب ابوالريش متهمآ مولانا "محمد عثمان الميرغني" بالعمالة للمخابرات المصرية.
ابوالريش الذي زار ضريح "السيد علي الميرغني" مرتين لا يعلم لماذا مكث مولانا السيد "محمد عثمان" كل هذه الفترة في مصر.
ولن يعلم ابوالريش ولن يخبره احد بسبب بقاء مولانا في مصر.. فهل هذا يعطيه الحق بوصفه بالعمالة؟؟
ابوالريش انت تتعاطى السياسة بردود الأفعال وبدون تقييم - وبعد ذلك تصفنا بالجهلاء.
انت محتاج لي "درس عصر " وإحتمال "حصة صباحية" في التقييم للمواقف السياسية ومن ثم بناء وجهات النظر.
السكوت كثيرآ مايكون أفضل - الإفصاح يتطلب توقيت ملائم - فهل السودان في وضعه الحالي ملائم لفتح جبهة جديدة للعداء؟؟
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Arif Nashed)
|
قال صديقنا حيدر الزين في تحليله الحداثي للتاريخ السوداني المعاصر الآتي:
Quote: طيب محمد على باشا دا زاته يطلع شنو؟
رضي الله عنه...
يطلع مؤسس السودان الحديث والأب الروحي لتوحيد أراضيه شمالاً وغرباً..
كما يعتبر مهندس النقلة الحضارية للشعب السوداني من حكم الهمج والإقطاع في اللادولة البدائية التي كان يعيشها فيها بعشوائية الي افق جديدة من العلوم والمعارف ونظم الإدارة الحديثة..
فله الشكر التقدير...
|
هذا تحليل في محله تماما، وقد ناقشت بهذا المنظور صديقنا بشاشة في جدالنا حول "الثورة" المهدية،
والتي كانت انتكاسة كبيرة في المشروع الحداثي، الذي أدخله الاستعمار.
القوى الطائفية كان بإمكانها نظريا تلقف المشروع الحداثي والمضي به إلى الأمام، خاصة انها صاحبة التأثير الطاغي على الجماهير.
نقارن ذلك يما قام الامبراطور "ميجي" في اليابان وتبنه لاصلاحات جعلت اليابان تدخل مرحلة الحداثة بنكهة يابانية.
فبقيت القوى الحداثية الأخرى مثل الشيوعيين قوى هامشية وليس لها سند جماهيري.
كما أن كثيرا من الفئات المتعلمة اختارت ان تنحاز الى طائفتي الجهل والتخلف "الختمية" و"المهدية"..
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: osama elkhawad)
|
مرحبا بالمشــاء فى داره..
Quote: هذا تحليل في محله تماما، وقد ناقشت بهذا المنظور صديقنا بشاشة في جدالنا حول "الثورة" المهدية،
والتي كانت انتكاسة كبيرة في المشروع الحداثي، الذي أدخله الاستعمار.
القوى الطائفية كان بإمكانها نظريا تلقف المشروع الحداثي والمضي به إلى الأمام، خاصة انها صاحبة التأثير الطاغي على الجماهير.
نقارن ذلك يما قام الامبراطور "ميجي" في اليابان وتبنه لاصلاحات جعلت اليابان تدخل مرحلة الحداثة بنكهة يابانية.
فبقيت القوى الحداثية الأخرى مثل الشيوعيين قوى هامشية وليس لها سند جماهيري.
كما أن كثيرا من الفئات المتعلمة اختارت ان تنحاز الى طائفتي الجهل والتخلف "الختمية" و"المهدية".. |
الى حين ميســرة.. الليل مشى.. صباح الله بخيره
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Abureesh)
|
الأخ الكريم المهندس ابوالريش
والاخوان الكرام
سلامات
يا ابوالريش ياخ وكتين تتحدث عن الأدب حقو الأدب تطبقو انت في حديثك عن السيد محمد عثمان
انا ما اتحادي لكن السيد محمد عثمان رمز كبير من رموز السودان .
وايه يضيرك لو احترمتو .
ومافي حد يسألك في وقفتك القوية مع ترك المدعوم من الانقلابي ابوهاجة.
مع كامل الأحترام والتقدير لما تقدمه من منافع للمنبر .
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: Osman Musa)
|
Quote: الأخ الكريم المهندس ابوالريش
والاخوان الكرام
سلامات
يا ابوالريش ياخ وكتين تتحدث عن الأدب حقو الأدب تطبقو انت في حديثك عن السيد محمد عثمان
انا ما اتحادي لكن السيد محمد عثمان رمز كبير من رموز السودان .
وايه يضيرك لو احترمتو .
ومافي حد يسألك في وقفتك القوية مع ترك المدعوم من الانقلابي ابوهاجة.
مع كامل الأحترام والتقدير لما تقدمه من منافع للمنبر . |
الأخ الكريم عثمان موسى.. شكرا على الكلمات الطيبات فى حقى وأرجو أن يكون لى طرف منها.. وأنا أستفيد كثيراً من المنبر
وأحاول أن أساهم بالمليم الذى عندى..
بعدين ياخى كلامك دا بداية ميلان فى ميزان العدل.. ومن ناحية منطقية فأنت قلت:
"مافي حد يسألك في وقفتك القوية مع ترك المدعوم من الانقلابي ابوهاجة."
طيب يا أخ عثمان.. هل أنا سألت زول من وقفته مع الميرغنى فى التعامل والتخابر مع مصر.. ما شايف هنا فى مشكلة منطقيـة؟ logic problem
فى ناس كتير فوق وأولهم الشيخ سيد أحمد.. هل انا سألتهم وهاجمتهم فى شخوصهم لماذا يقفون مع الميرغنى، سوى عبارات
وجهوها لى فرددتها عليهم؟ بالعكس هم ارادوا بكل سبيل إستفزازى والإساءة الى شخصيا حتى يتحول النقاش بعيدا عن الميرغنى
ولا يهمهم ان رددت عليهم الإساءات ما داموا صاروا درقاً للسيد ولكنى فوت عليهم هذه بقدر ما استطت.. رغم انهم كادوا فعلا
يجرونى فى هذا الإتجاه. لم أتوقف عند تلك الإسـاءات ولم أطلب من أحد من البورداب أن يقف مع الحق وليس معى أو يدافع
عن حقى فى نقد القيادات السياسيـة.. بل البعض حاول تصويرى وبطريقة شاطرة على انى ضد الختمية.. ولكن ثبته وقلت ان
الطريقة الختمية على العين والرأس وهى عقيدة ملايين الناس.. بل قلت بالحرف (أقرأ المداخلات اعلاه) ان السيد محمد عثمان
لو اليوم زارنا كشيخ الختمية فسوف نرحب به ونضبح له الضبايح.. ولكنه كرئيس لحزب سياسى فهذا موضوع اخر.. لا قداسـة هنا..
والإحترام لا يلغى تسمية الأشياء بأسمائها.. لو تخابر مع أى دولة أجنبية وضد مصلحة السودان بل لمصلحة تلك الدولة الطامعة دوما
فى ارض ومياه السودان، ولعابها دائما يسيل لإستعمار السودان، وتحتل ارضا سودانيا بعد أن قتلت جنودنا.. يعيش فى تلك الدولة سنوات تحت
حماية مخابراتها ودعمهم له ولحزبه بكل اشكال الدعم فلا يمكن تسمية هذا سوى الخيانة الوطنية.. والأدلة كثيرة.. فهل
نلجم قلمنا ولساننا لأن رئيس الحزب هذا زعيم الختمية؟ لا.. هذه اعتبرها بهلوة وأكروبات.. القفز من مقعد لمقعد والإحتماء بقداسة
الطريقة االدينية لتكون درعا له من نقد إخفاقاته وفشله فى السياسة..
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: ABUHUSSEIN)
|
شكرا على التنيبه يا ابا حسين.. (تم التصحيح) المقصود العضو اللى اسمه عارف اللى اصر على تخريب البوست بدون أى سبب.. بدون اى سبب
دى خت تحتها خطين.. يرسم سخف يملآ بيه الصفحة فلا تعرف اخر مداخلة كانت متين ووين إلا بصعوبة وبعد ان يفرض عليك مشاهدة
سخفه هذا.. وهدفه هو تغطيس المداخلات حتى لا يجدها القارئ بسهولة.. وبهذا يدى خدمة جليلة لسيده موضوع البوست.
وقد كتبت لبكرى ثلاث مرات وارسلت له رسائل نصية ولم يستجب.. ما عارف ليه ولا يهمنى أن أعرف ليه.. ما قام به عارف
ضد قوانين المنبر.. استهتار وإساءات وسخف لا يستفيد منه أحد.. لم أرد عليه برسومات لأنه لو رددت عليه برسومات فأعلم ان بكرى سيوقف
عضويتى (أنا) ويلغى الباسوورد ويرسل البوست للخور. وهذا لا يعنى انى اتحدى نظام بكرى لأنى وافقت عند التسجيل على كل إجراءات الإدارة بدون ان اسأل عن السبب.
لذلك وجدت ان أفضل إجراء هو ترك هذا المنبر الذى لا يوفر البيئة الصحية للنقاش الموضوعى الهادف وممارسة الحق بحرية فى نقد السياسيين
بدون أن تتعرض لهجوم شخصى من خلفاء وأتباع هذا الزعيم أو ذاك، إلا إن كان النقد نمطيا مثل نقد الصحفيين الميت المكرر الذين لا علم لهم بالسياسة أصلاً.
لا تهتم وأنا أعرف أين أكتب بدون ان أتعرض لتخريب البوستات أو المسخرة. وأعترف هنا انى استفدت كثيرا من هذا المنبر فى ممارسة الكتابة، وأتمنى ان
البعض يكون قد استفاد ايضا من مساهماتى المتواضعــة عبر السنين. شكرا بكرى.
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: علي عبدالوهاب عثمان)
|
الاخ ابو علوة
والاخ محمد
والله افزعني طرحك ونهضت من سريري
فزعا
للقول للاخ ابو الريش
من تجرأ عليك حتى حملك للمغادرة؟
يا اخي انا (حجازي) عملني حرامي جهرا فصبرنا عليه
والله انسان مثلك جدير بالاحترام والتقدير والمحبة
وكما قال الاخ محمد
ليس الولاية لك وحدك في مغادرة المنبر
ونحن احباؤك لنا حق الفيتو
لكم ودي
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: محمد الزبير محمود)
|
Quote: اتصرت يا علاء فى تخريب البوست.. والان الطائفيون وأذ1نابهم من أدعياء الثقافة يرتاحون من شخص اسمه ابو الريش.
أمشى شارع الهوا وجر اول خروف واحتفل.
وهذه اخر مداخلة لى فى هذا المنبر العظيم بعد عشرين سنة. شكرا لبكرى ابوبكر. |
ابوالريش قول بسم الله
وانا دخلي شنو مع من تتعارك معه ؟
يازول امسح اسمي فى المشاركة المكوته اعلاه .
اتهام الابرياء ما حبابو يا ابوالريش انا لا خربت بوستك ولا جيت جنبك .
| |
|
|
|
|
|
|
|
|
|
Re: يا لسخريــة القــدر.. محمد عثمان الميرغنى (Re: علاء سيداحمد)
|
| Quote: اتهام الابرياء ما حبابو يا ابوالريش |
انت برضو قول بسم الله وخت الرحمن فى قلبك..
مافى شئ يخلينى اتهم بريئ.. اتهمه لشنو؟
دا كان خطأ وتم نصحيحه.. الشكر لأبى حسين.. كان الخطأ فى موضعين.. فى الأول صححته فى الموضع
الال ولاحقا رأيت التانى وصححته.
| |
|
|
|
|
|
|
| |
Abureesh
الشيخ سيد أحمد
الزبير بشير
Arif Nashed
النذير حجازي
علاء سيداحمد
يحي قباني
HAIDER ALZAIN
osama elkhawad
Osman Musa
ABUHUSSEIN
علي عبدالوهاب عثمان
Ali Alkanzi
فيس بوك
تويتر
انستقرام
يوتيوب
بنتيريست