|
|
|
 Re: رحلـة ثلاث ساعات فى الصين تحولت الى 12 ساعـ (Re: Abureesh)
|
الاخ الغالى ابوالريش
تحيه طيبه
والله انا برضو فى مقلب كان عندى الصديق الغالى من ناس امريكا الاخ عصام مدنى واخوه المقيم فى لندن عثمان مدنى
كانوا ماشين الصين مدينه قوانجو والمهم اتصلوا على انا كنت فى السودان وقالوا تمشى معانا الصين قوانجو قلت ليهم تمام
المهم انا طبعا كنت مقيم فى الصين وماعايز تاشيره المهم هم عملوا التاشيرات وقطعوا التذاكر الى بكين ولم يتصلوا على عشان يخبرونى بانهم قطعوا التذاكر
لى بكين وهم مفتكرين المسافه قريبه والمهم اتفاجات بموضوع التذاكر وفى مطار الخرطوم عرفت انو التذاكر الى بكين فقلت ليهم خلاص نوصل بكين ونركب طياره الى قوانجو
فى نفس اليوم
المهم وصلنا بكين فى المساء متاخرين وكان مافى سفريه ال قوانجو الا تانى يوم الظهر المهم قلنا نمشى نركب القطار والدنيا برد شهر اكتوبر وتانى يوم كان بدايه المعرض فى
قوانجو كنتون فير وكانت برضو فى مشكله حجوزات فى المطار وفى القطار برضو لم نجد اى مقعد وقطعنا التذاكر انو نكون واقفين حتى ينزل اى زول فى المقطوره النحنا فيها
المهم كان المشوار طويل وكانت المسافه بالكليو مترات (٢٬١٣٢٫٢ كم) 京港澳高速公路/G4 و武深高速公路/
القطار الذي يبدأ رقمه بحرف K بطيء ويستغرق 29 ساعة ونحن كنا راكبين فى القطار الذى استغرق 29 ساعه وانا شخصيا كنت واقف حوالى 15 ساعه حتى جلست والله
المسافة بالقطار السريع الذي يبدأ رقمه بحرف T ما بين 21 ساعه الى 22 ساعة لم نجد تذاكر فى القطار السريع
اجرة الركوب تتراوح ما بين 253 يوان وحتى 705 يوان يعتمد على الدرجة وهل سرير ام كرسي وهل سرير علوي ام سفلي
اسم الدرجة الممتازة باللغة الانجليزية Soft Sleeper وباللغة الصينية بالصيني软卧 (اذا كان نظامك يدعم اللغة الصينية فسترى الكتابة الصينية) وتنطق RuanWo
المهم بعد خراج روح وصلنا بعد 29 ساعه الى قوانجو وتقريبا كنا فى حاله يرثى لها والله
ورغم كدة الرحله ممتعه مع انو عذاب
| |
 
|
|
|
|
|
|
|
 Re: رحلـة ثلاث ساعات فى الصين تحولت الى 12 ساعـ (Re: مصطفى نور)
|
يا سلام على الذكريات والصورة الجميلة لبرج قوانجزو.. بعدين انت من زمن ال K-Train.. مساكين.. دا غير انه بطئ هو زاتو تعبان
شديد.. ما فى فرق بينو وبين قطر كريمة ونيالا إلا انه العناقريب طابقين.. اليوم القطار السريع بين شنغهاى وبيكين 5 ساعات فقط.. (بالطائرة ساعتين)
غير السرعة فإن الراحة وسعة الكراسى ونظافتها والإنترنت كأنك قاعد فى غرقة فى فندق سبع نجوم.. وعندك مضيفة تخدمك انت بس والزول التانى.. تكون واقفة على خدمتك.
أقول الزول التانى لأن الدرجة الأولى الكابينة فيها كرسيين فقط.. الكرسى تدوس حاجة يتحول لشبه سرير.. قلت لى ال K-Train
أكيد تكون شفت محطة شنغهاى الجنوبية Shanghai Nan Zhan تقول شنو لمطار دبى. هل شفت محطة فيها اشجار جواها.. ما زهور اشجار عديل..
محطة شنغهاى الجنوبية (صورة جوية).. طبعا القطارات وقضبان السكة حديد تحت الأرض.
قارن حجم المحطة بالعمارات التى على يمينها
أدناه داخل المحطــة... ولولا السياسيين الجهلاء العملاء لكانت محطة الخرطوم اليوم أجمل من هذه.. وحين كانت محطة الخرطوم (عمومى) مضرب مثل فى النظافة ودقة مواعيد القطارات كانت الناس
فى نفس مكان محطة شنغهاى هذه يسيرون بالعجلات. لكنهم بالعمل والإخلاص للوطن قطعوا المسافات بسرعة البرق.. ونحن ايضا قطعا المسافات لكن الى الوراء..
| |
|
|
|
|
|
|
| |
Abureesh
مصطفى نور
فيس بوك
تويتر
انستقرام
يوتيوب
بنتيريست