حين يجتمع الفساد مع البيروقراطية، تضحك بس. فى زمن النميرى.. زمن الكشات السودانيين كلهم خصوصا الشباب كانوا مجبرين استخراج البطاقات.. لأن الكشات كانت للأجانب.. لذلك مشيت مكتب استخراج البطاقات عشان اطلع بدل فاقد. وأظنه كان فى شارع البلدية أو المنطقة نفسها.. الضابط بتاع التحرى قال لى ياخى ما عندنا ليك بطاقة والرقم دا بتاع زول تانى. ورانى الملف بتاعى.. لقيت رقم البطاقة والاسم والعنوان فى ام درمان كلها معلوماتى.. بس الصورة ما بتاعتى.. ولقيت وظيفتى موطف فى وزارة الأشغال!! يا النبى نوح.. كلمت الضابط بالتزوير ولكنه لم يقتنع.. وبعد محاولات وتدخل واسطة.. قال لى أمشى للأشغل وجيب منهم خطاب يثبت انك ما حصل اشتغلت معهم.. والله العظيم هذا ما حصل.. ولحسن الحظ المستشارة القانونية للأشغال كانت الأستاذة اسماء محمود محمد طه، وبعد أن شرحت لها المشكلة حولتى للباشكاتب بمذكرة.. الباشكاتب كتب خطاب لناس القوى العاملة أو أى كان إسم مكتبهم، ليقوموا بالإجراءات.. مشيت ناس القوى العاملة واديتهم خطاب الباشكاتب المبنى على توصية المستشار القانونى!! ناس القوى العاملة أول حاجة قالوا لى مافى طريقة لأنه لو أديناك خطاب نخت النسخة وبين.. ما عندك ملف معانا؟!!! وبعد استشارة الباشكاتب كان لازم يفتحوا لى ملف.. ملف عديل كدا ضمن موظفى الأشغال.. بس عشان يختوا فيه خطابات المستشار والباشكاتب وصورة من الخطال لوزارة الداخلية.. كدا ارتاحوا لأنهم كان لازم يختوا فى خطاب الداخلية الرقم المسلسل الذى يشير للملف هههههه.. ادونى الخطاب المطلوب أخيرا وفيه أن السيد فلان لم يعمل فى وزارة الأشغال فى أى وظيفة وفى أى وقت.. وكدا اتحلت المشكلة والداخلية رجعت لى شخصيتى المسروقة وطلعت بدل فاقد البطاقة.. اليوم عندى ملف فى وزارة الأشغال وسوف أزورهم فى زيارتى القادمة للسودان.. على الله يمكن القى معاش واللا فوائد ما بعد عدم الخدمـة.
11-06-2022, 09:15 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27457
Quote: وأظنه كان فى شارع البلدية أو المنطقة نفسها.. الضابط بتاع التحرى قال لى ياخى ما عندنا ليك بطاقة والرقم دا بتاع زول تانى. ورانى الملف بتاعى.. لقيت رقم البطاقة والاسم والعنوان فى ام درمان كلها معلوماتى.. بس الصورة ما بتاعتى.. ولقيت وظيفتى موطف فى وزارة الأشغال!!
الباشمهندس، أظن دا خطأ شائع يقع في السجلات .. نتيجة تطابق الأسماء تم وضع بطاقة الشخص الأخر بصورته في فايلك .. أتوقع بعد ما أثبت أنك غير صاحب الصورة .. أن يتم بحث فايله ووضع بطاقته فيه .. وأستخراج بطاقة لك ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Biraima M Adam
فيس بوك
تويتر
انستقرام
يوتيوب
بنتيريست