|
|
 Re: ماضي الذكريات - توزيع وعزف/ هاني عربي 2018م (Re: Hani Arabi Mohamed)
|
ازيك يا هاني وكيف الحال
ماضي الذكريات واحدة من ابداعات عثمان مصطفى المتميزة جدا
زي باقي اغنياته كلها، لكن الأغنية دي ومعاها اغنية "مشتاقين"
من اجمل الأغنيات عنده
الايقاع الانت استخدمته، واظنه دا ايقاع الكيبورد الداخلي طبعا
ما عارف في الكيبورد في خيارات تاني اتقل شويه من دا ولا مافي
لأنه ايقاع الأغنية الأصلي، زي ما في تسجيل اذاعة امدرمان، اتقل شوية طبعا
وعثمان مصطفى في التسجيلات المتأخرة غير الايقاع وعمله خفيف جدا زي ايقاع الريقي
ودا حسب راي أنا المتواضع جدا وحسب تذوقي، اضر كتير جدا بالأغنية ونقص كتير جدا من معناها
أنا بفضل اسمعها طبعا بلحنها وايقاعها الأصلي الأول الاتسجلت بيه في الاذاعة
الايقاع بتغير طبعا يا هناي لما يجي في الحتة البتقول
كنت دائما بعذر
راضي بي حرمان شبابي
وبعد نهاية المقطع دا الايقاع برجع تاني لنفس النسق الأولاني
انا ما سمعت التغيير دا في شغلك هنا، او ربما ما انتبهت ليه كويس لأني كنت بسمع وأنا في المكتب في الشغل
وعجبتني برضو في شغلك شوية ارباع وانصاص التون، رغم حضورها علي استحياء
نتمنى تتحفنا بالمزيد
| |
  
|
|
|
|
Hani Arabi Mohamed
walid taha
أبوذر بابكر
Ahmed Yassin
فيس بوك
تويتر
انستقرام
يوتيوب
بنتيريست