شهرين مضن تالت الشهور روح خلاص عددو إكتمل أنا في رجاك ماجاني رد رابع الشهور ما محتمل زعلانة و لا شنو الحصل ؟ رسلت ليك أجمل خطاب لليلة ردك ما وصل زعلانة و لا شنو الحصل ؟ ،،،،، وضحت ليك حال الغريب كيفن بيعاني من الهمل شرحت ليك كيفن هجير الوحدة قاسي و كم يحن لي نسمة من دار الأهل زعلانة و لا شنو الحصل ؟ رسلت ليك أجمل خطاب لليلة ردك ما وصل زعلانة و لا شنو الحصل ؟ ،،،،، أجمل هدية من البلد قولة سلام من الأهل تنزل تهب مثل الدعاش زي كان جفاف و الغيث نزل زعلانة و لا شنو الحصل ؟ رسلت ليك أجمل خطاب لليلة ردك ما وصل زعلانة و لا شنو الحصل ؟ ،،،،، أنا عندي ظن ساعي البريد شم العبير عجبوا الكلام نايم عمل شاف الحروف نديانة ريد خلاني أحمل ليك زعل زعلانة و لا شنو الحصل ؟ رسلت ليك أجمل خطاب لليلة ردك ما وصل زعلانة و لا شنو الحصل ؟
10-06-2022, 09:38 AM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
بكتب ليك رسالة طويلة يا امي بكتب ليك رسالة طويلة بدمي اقالدك فيها يا امي واضمك ساعة في حضني ... يا امي وحاتك لا بخت عنوان ومابكتب اسم انسان ومابرمي الجواب في بريد ما بديه ما بديه لزولا كمان في الايد كفاية اقيف وانقش في جناح الريح سلامي الدايرو يوصل ليك يخلي الريح ترتر في المسافة عروس تحيل كل الصحارى بروش مرسلة ليك يا امي وحاتك لا بخت عنوان ما كتب اسم انسان وما برمي الجواب في بريد ما بديه ما بديه لزولا كمان في الايد كفاية اقيف وانقش في جناح الريح سلامي الدايرو يوصل ليك خلي الريح ترتر في المسافة عروس تحيل كل الصحارى بروش مضفرة بسعف بلدي مرسلة ليك يا امي
10-06-2022, 09:45 AM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
انا والاشواق فى بعدك بقينا اكتر من قرايب ما بنغيب عن بعض أبداً اعز اتنين حبايب كنت فاكر الشوق يغيب لحظة واحدة عن فؤادى مع الزمن يتلاشى وجدى قلبى يسلاك فى بعادى وشوقى قال لى مستحيل مرة يتحقق مرادى ولازمنى زى خلى الوفى اى لحظة بعيدة عنك ضايعة من ايام زمانى وكل يوم كان لى فى قربك اتمنى لو احياه تانى وروحى لو غنيتا ليك ماتصور كم اعانى وشوقي ابلغ من غناى وحبى اسمى من معانى كم رسالة يا حبيبى بسطرها اشكى بالبعد يا ناسينى واحلى كلمة منى ليك بضمنها باقة من شوقى وحنيني بين حروفا اشوف خيالك وانت تتبسم لعينى وقبل ما اختم سلامى بتمنى لو ردك يجينى
10-06-2022, 09:49 AM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
بالمعزة بالمودة البينا بي أغلى الصلات بالهوى العشناه بأعصابنا ...خمسة سنين ومات بالعذاب الشفتو والسر الكتمتو وباقي الطيبات استحلفك أترك سبيلي وسيبني وحدي أقاسي وأبكي مر الذكريات أنا بحناني الغالي خصيتك وحبيتك بكل جوارحي وعواطفي العميقة وأنا شلت من أجلك هموم الدنيا قاسيت من جراحها وكل ضيقها لسعادتك إنت كم ضحيت وإتغربت ما خليت طريقة وفي مسيري المضني من أجل الحقيقة كل طائر مرتحل عبر البحر قاصد الأهل حملتو أشواقي الدفيقة
ليك ياحبيبي للوطن لي ترابو لشطآنه... للدار الوريقة لكن حنانك لي أو حتي مشاعرك نحوي ما كانت حقيقة كانت وهم ... كانت دموع مسفوحة بي أحرف أنيقة ما بإيدي لو ضباب الغيرة أعماني وزيف لي الحقيقة إنت نبع حناني إنت كياني إنت الدنيا بهجتها وشروقها وإن حصل زلت خطايا معاك أو ضلت طريقها هل تصدق تنـتهي قصتنا يا أجمل حقيقة نحن عشناها بدموعنا وبالضنى في كل دقيقة ياحبيبي لم تزل قصتنا قصة حب أقوى من الحقيقة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
فيس بوك
تويتر
انستقرام
يوتيوب
بنتيريست