كتب الكاتب الفاتح جبرا المتوفرة بمعرض الدوحة
|
Re: عن البتاع ده و المسمى الجمبري ..أنا اتحدث .. (Re: يحي قباني)
|
اييييييييه زمن أغبر ... من ال sea food night وحكاوي ال Lobster and shrims وتقوم تاني يوم تنقز زي كورة التنس ... لي ال boosh night تقوم تاني يوم مملخ وكل عضله في جسمك موجعاك ... فرق الثرى والثريا ... قباني ياخي شيشك علينا ... في تسعينيات القرن الماضي وفي ليلة ليلاء قارصة البرودة نواحي الربع الخالي (بدع زايد) كانت عيزومة على قفة جمبري (٥ كيلو) وارد رأس الخيمة مع كرتونة هينكان (٢٤ علبة) ... جلس ثلاثتنا في حديقة منزل صاحب الدعوة وامامنا منقد بي نار ملتهبة ومن فوق منو شواية تمتليء بالجمبري ويتم فضها في صينية المنيوم بعد شويها ... وكانت الضحية بعد منتصف الليل ٣ كيمان كبيرة من رؤوس وقشرة ال ٥ كيلو جنبري و٢٤ علبة هنيكان فارغة ... متعة لا تحدها حدود ... نسيت صحن كبير للشطة الحمرا والخدرا والفلفل الاسود المسحونين مع عصير الليمون والملح وبدون دكوة ...
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: يحي قباني)
|
اولادى وابوهم يجيبو وكان عندى طباخ اسمو بستلا بجى يعملو ليهم رحمة الله كان عجب فى كل شى وايدو طاعمة انا ما بقربوا …..ياكلو بتلزز ويردموا القشر زى التسالي قبل كم شهر مشيت دبى نسيبى (زوج بتى ) ضمن اكرامو لى قام اصر يودينى مطعم فاخر للسى فود وقالو يحاولوا معاى غلبنى نهائى واخيرا العزومة رست سمك نيلى ….. يوم برضو واحدة من البنات عزمتني المهم طلبت الاكل قالت لى حاجة لذيذة وبالجد طلعت لذيذة حلقات مقرمشة كدة تدخلا فى صوص وكلما اسالا تقول لى مش لذيذة اكلى بس ….المهم لما رجعنا البيت قالت لى ده شنو ما بعرف حاجة من حاجات البحر دى غايتو الدخلتنى ما مرقت اما الشرمز كفكرة اكلو ما وارد
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: يحي قباني)
|
ليه يعنى خرفان مافى اعمل منها ضلعات وشية صاج وطبايخ مسبكة وافرك منها ملحات واسوى منها سليقة وافت فيها العيش والكسرة والرز …..ولا عجول مافى اشوى الفلتو واعمل منو استيك وأفرم منو واسوى الكفتة اشكال والوان ……ولا صحى الفول مالو وحات الله اجمل اكلة كان صاحى ولا نايم ولا بوش بى زيت السمسم وجبنتنا البيضا الما خمج
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: Amira Hussien)
|
Quote: ليه يعنى خرفان مافى اعمل منها ضلعات وشية صاج وطبايخ مسبكة وافرك منها ملحات واسوى منها سليقة وافت فيها العيش والكسرة والرز …..ولا عجول مافى اشوى الفلتو واعمل منو استيك وأفرم منو واسوى الكفتة اشكال والوان ……ولا صحى الفول مالو وحات الله اجمل اكلة كان صاحى ولا نايم ولا بوش بى زيت السمسم وجبنتنا البيضا الما خمج |
في ديل كلهن انا معاك علما بأن كل اهلي جزارين .... لكن الجمبري حلو شديد و الما اكلو نص عمرو ضايع ... 🤣🤣🤣
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: ABUHUSSEIN)
|
سلامات قبانى و الأميرة أميرة و الجميع تعرفى يا اميرة سنوات المنافى و المهاجر مش علمتنا بس اكل الجمبرى بل و اللوبستر الرهيب بتاع نيو انجلاند ، و الكلام شاودر ،و القواقع كمان . لكن صحى الكستليتة حقتنا و سمك السكى الزمان فى الموردة من الاكلات التى لاتنسى . مع ودى للجميع
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: يحي قباني)
|
سلام تانى واهلا اهلا المعز …..نقدر نقول نوع الاكل تابع لثقافة بلدك ومنطقتك وانا ما فارقت السودان سنة واحدة متواصلة يعنى كان بالغتا شهور واجى جارية ومحل ما امشى باكل ما اعتدت عليه حتى فى ارقى المطاعم …… سمك السكى لى هسة طعمو وشكلو ما راح من عينى ……
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: Amira Hussien)
|
Quote: مالكم ما باو سيرة السوشي وانا من ايام بتذكر فى اسمو 😂 |
قدُر ما قلبتها بي جاي و بي جاي أبت تلفق معاي نهائي ..... 😂 أميرة ياخ دا بي سبب الجمبري و ل السوشي البتتذكري فيه ليك أيام دا ....!!!!! المهم حسب ما فهمت السوشي دا معرفتي بيه إنو سمك معفن يعني ود عم الفسيخ ..... 😂 فا شنو ما جربتو و لا حاولت و ليست لدي الرغبة في تجربته .... خلينا في الجمبري اللذيذ ...
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: ABUHUSSEIN)
|
Quote: مالكم ما باو سيرة السوشي وانا من ايام بتذكر فى اسمو 😂 |
الاسبوع الفات ده اكلت سوشي ٣ مرات ..
و القبله عزمت شاب سوداني جميل اول مره ياكل سوشي و اعتمدو طوالي ..
يا ابو حسين هو ما معفن ابدا .. بس سمك ني لكن من اسماك معينه .. من اجمل ما يمكن اكله .. السوشي زاته فن في حد ذاته .. و اخوكم بياكل بالعصيان زي المولود في اليابان ..
اكل السوشي متعة لا تضاهى ..
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: يحي قباني)
|
ابو حسين غلطة مطبعية مالك شابى لى فى حلقى ……… باقى لى كان تجربو شكلا احسن من الجمبرى عامل زى قطع الجاتو الصغيرة وكمان اكلو بالعصى تجربة جديدة قبانى هنيا لكم ……وانا طالباك عزومة لما اجى نيويورك فى الصيف ان شاءالله يا جيتكم فى كندا كان لقيت طريقة ولا انت اسهل تجى وبالمرة تعزم معاى ابو حسين
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: Amira Hussien)
|
Quote: يا ابو حسين هو ما معفن ابدا .. بس سمك ني لكن من اسماك معينه .. من اجمل ما يمكن اكله .. السوشي زاته فن في حد ذاته .. و اخوكم بياكل بالعصيان زي المولود في اليابان ..
اكل السوشي متعة لا تضاهى .. |
يا ابو اليا البنت امنية معجبة شديد باليابان حكومة و شعبا و اي حاجة براها اتعلمت كتير من اللغة اليابانية و عندها عصايتين طوااالي بتاكل بيهم اقول ليها شكرا ترد علي بالياباني المهم قدر ما حاولتني نمشي نجرب السوشي دا ابيت ليها كلو كلو ... غايتو بعد كلامك دا احتمال اجربو لي و لي زماني ...
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: ABUHUSSEIN)
|
Quote: ابو حسين غلطة مطبعية مالك شابى لى فى حلقى ……… باقى لى كان تجربو شكلا احسن من الجمبرى عامل زى قطع الجاتو الصغيرة وكمان اكلو بالعصى تجربة جديدة قبانى هنيا لكم ……وانا طالباك عزومة لما اجى نيويورك فى الصيف ان شاءالله يا جيتكم فى كندا كان لقيت طريقة ولا انت اسهل تجى وبالمرة تعزم معاى ابو حسين |
آي بالله يا امورة دائما حاولي دخليني في (الملح الدولي) العابر للقارات دا ... 🤣🤣🤣 غايتو ابو اليا ابو الكرم ما بقصر و نحن (انا و انتي) نستاهل ...
لكن برضو ما قلتي لي (باو) دي قاصدة بيها شنو .. ؟؟؟ ابت لي كلو كلو .... !!!!
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: يحي قباني)
|
Quote: سلامات قبانى و الأميرة أميرة و الجميع تعرفى يا اميرة سنوات المنافى و المهاجر مش علمتنا بس اكل الجمبرى بل و اللوبستر الرهيب بتاع نيو انجلاند ، و الكلام شاودر ،و القواقع كمان . لكن صحى الكستليتة حقتنا و سمك السكى الزمان فى الموردة من الاكلات التى لاتنسى . مع ودى للجميع |
ابو نوره يا صديقي .. كلما ذكرت اعلاه ثم اخوك جرب اكل الحصين مع الطلاينة هنا .. و ناوي على التماسيح في مشواري الجاي لفلرويدا او نيو اورليانز ..
| |
|
|
|
|
|
|
Re: عن البتاع ده و المسمى الجمبري ..أنا اتحدث .. (Re: يحي قباني)
|
Quote: يا ابو اليا البنت امنية معجبة شديد باليابان حكومة و شعبا و اي حاجة براها اتعلمت كتير من اللغة اليابانية و عندها عصايتين طوااالي بتاكل بيهم اقول ليها شكرا ترد علي بالياباني المهم قدر ما حاولتني نمشي نجرب السوشي دا ابيت ليها كلو كلو ... غايتو بعد كلامك دا احتمال اجربو لي و لي زماني ... |
عدول يا صديقي ..
اكل السوشي داير نظام .. و مدخل ..
لازم تبدا بال ماكي سوشي بالخضار بس غشان تتعود على طعم ال sea weed
بعد داك اخف سمك هو السالمون .. و برضو تبدا بي Spicy Salmon Rolls
حتين بعد داك تغرق في السوشي و الساشيمي و لسه بالسالمون ..
بعد داك تتطور للتونا .. ثم باقي الاسماك .. اخر حاجة تجربها حاجة اسمها Sea urchin - Uni و لو امكن حاول اتحاشاها لانها قوية شديد و هي اصلا حلاتها تكله مارقه من البحر طازه .. this is the sea urchin
| |
|
|
|
|
|
|
|