|
|
|
 Re: اللغة العربية والشهادة السودانية (Re: ولياب)
|
أخي الفاضل ولياب
اللغة العربية هي اللغة الرسمية للدولة ويجب الإهتمام بها وتقويتها في
المدارس ليحصل التلاميذ عند الإمتحانت على الدرجات الجيدة، ولكي
يحسنوا التخاطب في المحافل الدولية العربية .
انت تدعو لإعادة النظر فما هو البديل في تقديرك .
تقبل تحياتي ووافر إحترامي
| |
 
|
|
|
|
|
|
|
|
Re: اللغة العربية والشهادة السودانية (Re: Gaafar Ismail)
|
زي ما قال الراحل وزير الخارجية الاسبق وسفير السودان بالقاهرة وعدة دول و مندوب السودان في المنظمات الدولية
محمد مرغني مبارك... النوبي الاصيل.. قال في اجتماع بجامعة الدول العربية." انا ما عربي انا توبي وابوي اتعلم اللغة
العربية عشان يشتغل في السكة حديد".
وردي برضو قالها... اولا انا ما عربي .. انا نوبي ولساني نوبي وغنيت بالفصيح عشان اوريكم انه انا بقدر اغني بالفصيح..
واحسن منكم....
دا الحاصل لينا .. نخن اتولدنا في جزيرة نوبية وما بنعرف غير الرطانة عمرك ما بتسمع كلمة بالعربي الا يجي واحد متفلسف من
الخرطوم اتعلم ليهو كلمتين ..ولا من السعودية ..
تدخل المدرسة... تلقي حصة العربي دي اصعب وازفت حصة ...لان النطق صعب جدا واسم اي حيوان اختلف حسب عقلنا الصغير
قول: ي بلح ...دا لسمو ( بنتي ) او ( فنتي ) حتى الحاء صعبة علينا ججا بننطقها خاء او هاء ...تا تمساح ونحن عارفين انو اسمو (الم ) بضم اللام ....ثا ثعلب... وانا عارف انه اسمو ( ايوكل). والقواعد والنحو والصرف والفاغل دي اناﻻكنت بنطقها ( فايل ) ومعتاها سنين ما كنت عارف يغتي شنة( فئل الفئل ).
| |
|
|
|
|
|
|
|
|
|
Re: اللغة العربية والشهادة السودانية (Re: Ahmed Yassin)
|
ووو ولياب اننقا
إلو ووو اشري
المشكلة أن الرسوب في اللغة العربية تحرم الطالب من النجاح حتى
لو كان درجاته كاملة في المواد العلمية
فقط كان المطلوب يصلوا إلى نسبة تكون مناسبة للطالب حتى لا يحرم من عام دراسي كامل
النسبة المئوية للنجاح في اللغة العربية تكون معقولة ومتاحة للجميع
تحياتي ووو أننقا
| |
|
|
|
|
|
|
|
|
|
Re: اللغة العربية والشهادة السودانية (Re: علي عبدالوهاب عثمان)
|
Quote: تدخل المدرسة... تلقي حصة العربي دي اصعب وازفت حصة ...لان النطق صعب جدا واسم اي حيوان اختلف حسب عقلنا الصغير
قول: ي بلح ...دا لسمو ( بنتي ) او ( فنتي ) حتى الحاء صعبة علينا ججا بننطقها خاء او هاء .. |
فنانا الجميل تحياتي
سيرناقمي
إلى اليوم نعاني من نطق بعض الحروف
في حروف عربية تعمل وجع حلق ( ظ ، ض ، خ ، ح ... الخ ) يا ريت كان يلغوا حرف الخاء
عشان كده الغناء بالنوبية أجمل لأنها فيها حروف غليظة
اذكر في قصيدة تقريبا (العباسي ) البادية:
رفاق الضيف أنى حل هبوا .. لهم للضيف ضم والالتزام
اذا نحروا العشار مودعات .. فلا منً بذاك ولا كلام
اكثر عبارة ضيعت الحصة كاملة هي (حل هبوا)
كانت صعبة نطقها بالنسبة لنا ( هل هبوا) ( هل حبوا)
تحياتي الحبيب وليات
| |
|
|
|
|
|
|
|
|
|
Re: اللغة العربية والشهادة السودانية (Re: الصديق الزبير)
|
استاذنا العجيب الجميل علي عبدالوهاب
والله ضحكتني
( حل هبوا) دي صعبة شديد كتار ممكن يقولو( هلا خبوا )
انت عارف انا لاحظت ان اي طالب من مختلف مناطق السودان عندهم لهجة محلية
بتلقى الطالب شاطر في الانحليزي..
وفي طلاب شطار في كل المواد خاصة الرياضيات والفيزياء والكيمياء والانجليزي
لكن راسب في العربي او جاب درجة بسيطة.
| |
|
|
|
|
|
|
| |
ولياب
Gaafar Ismail
Ahmed Yassin
علي عبدالوهاب عثمان
الصديق الزبير
فيس بوك
تويتر
انستقرام
يوتيوب
بنتيريست