السلام عليكم تحيه طيبه الاخوه الافاضل كنت امس وطوال اليوم افكر فى ما وصل وال اليه الحال فى الوطن الغالى السودان الحبيب فى الثلاث ايام الماضيه كنت اتحدث مع افراد اسرتى التى عادت من السودان بعد غياب ثلاث سنوات وسالت عن الحال العام وسمعت كل شى عن حال البلد المائل الكعب فى ظل الفساد الذى انتشر ووصل مراحل متاخره جدا مثل اكتشاف داء السرطان فى وقت متاخر سالت عن الصحه فبكيت الى ما وصل اليه الحال فى المراكز الصحيه والصيدليات سالت عن التعليم فسمعت ارقام فلكيه فى المراحل التعلميه من الروضه حتى الجامعه وعن اطفال وشباب فى المدراس الثانويه لا يعرفوا ادنى شى عن التربيه ولا التعليم سمعنا عن حميدتى الذى استلم نتائج المدراس الثانويه واقسم بالله العلى العظيم لو جلس حميدتى وامتحن مع هولاء الطلاب ومساق ادبى وتم اعفاه من ماده الانجليزى سوف يرسب وهان التعليم ووالوطن وفى زمام الحكم الجاهل الفاسد و الجهلاء والروبيضيه وهاكم تعريف الرويبضه عن أبوهريرة، قال: "قال رسول الله صلى الله عليه وسلم: ((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))، قيل وما الرويبضة يا رسول الله؟ قال: الرجل التافه يتكلم في أمر العامة". بالله عليكم الله كم مليون رويبضيه الان فى السودان واسفاه واسفاه على وطنى سالت عن الاخلاق فسمعت مايشيب له الراس والعقل وعن انحلال الاخلاق سالت عن الاسعار واصبت بصدمه الى ما وصل اليه الحال سالت عن الغناء والشعر فسمعت اسماء وواغانى لا اصدق من كتب هذه الاغانى شعراء وممكن يكونوا سمعوا بناس حسين باذرعه وناس الدش وناس عزمى احمد خليل وناس عوض ابوالعلاء وناس التجانى سعيد وناس التجانى حاج موسى وسالت عن كره القدم وسمعت باسماء غريبه وارقام غريبه دفعت لبعض لاعبى كره القدم وانا اجزم واحلف يمين انو لو اجتمع شياطين وانس لاعيبه الكره مع بعض لن يكونوا فى مقام جكسا ولا كمال عبدالوهاب ولا كسلا ولا الرشيد المهديه ولا الفاضل سانتو ولا الدحيش ولا على قاقرين ماذا اصاب الوطن والناس سمعت عن المخدرات واسماء مخدرات لم اسمع بها فى امريكا ولا المكسيكك سمعت عن عصابات اجراميه ومافيا سودانيه سمعت عن تجار يتاجرون بى ارواح البشر سمعت وسمعت وسمعت كنت اتمنى ان اسمع اى شى وواحد ايجابى ولكننى لالم اسمع وبس فقط انا اومن بالشعب وارداه الشعب السودانى لو توحدنا وتركنا الصراع من اجل منصب زائل وتركنا القبليه وتركنا الاحزاب ولكن هل من الممكن وطلع البرهان ثعلب عندما قال لو توحدت الناس واتفقوا مع بعضهم البعض لتركنا لهم الدوله وقامت الدوله المدنيه وهو يعلم علم اليقين انه من سابع المستحيلات ومن هنا بدا الغناء الهابط مشهد قديم: يالماشي لي باريس... جيب لي معاك عريس... شرطا يكون لبيس... ومن هيئة الندريس!! مشهد حديث: أمو الشنافه... العقرب في كتافه... والحمى الرجافه... وطشت لي رعافه... أختو الطويله... البقصت الشيله... عقرب رتيله... تنهيها في ليله!! .مع انتشار العنف والمشاكل و9 طويله والنهب المسلح ظهرت الاغانى مثال .. قنبله سماحه الزول في الطول والعلاء.... واضربني بمسدسك.... ومع وجود ملاين من البنات الفاتهم قطار الزواج وبقوا عوانس وبايرات قاموا وقالوا : جاياك يا اب شراء جايه افتو معاك يا بشراء لمتين بايره لي سنتين.... واكعب شى وصلنا لمرحله الاولاد الحناكيش فى الغناء السودانى وكانت اغننيه حماده دا جنني... انا بحب موسى (وماعارف من هو موسى ده يكون منو يارب موسى مادبو ولا منو غايتو جنس هبل وغباء وصلنا اليه )..... طبعا ووحداه من المشاكل انو الاغانى الهابطه مربوطه بى القروش والروقه مهما كان جهل الزول القطعوا فيه الاغننيه وظهرت اغانى مثال ... يا يمه قولي بري... انا ما بدور المزارعيه... شنبو يعشش القمريه انا ما بدور المزارعيه..... وبعد اغانى المزراعيه تتطور الاغننيه الهابطه شويه وظهرت لون تانى لون بتاع عدم الحياء والخوف وقله الادب والجساره فى الاغانى الهابطه وفى البنات ومثال : تعال لي براي وبعد العشاء مافي اختشى... ومع انو السودان بلد مترامى الاطراف وكبير وممكن حلم البنات العرس فى اى مكان فى السودان قالوا البنات و ظهرت اغاني مثال : تقوم بينا العربيه تودينا للساده وعربتك المرسيدس وقبل القروش والنهب والسرقه والفساد واكل اموال الناس بالباطل وقبل الرشاوى وقبل ما يكون فى حراميه وفساد كان الغناء وحلم الفتيات قدر الحال وقدر اللحاف وكلت لسائق الكارو نصيب فى الاغانى قبل ظهور العربات والفارهات وغنوا لبتاع الكارو المسكين وقالوا بتاع الكارو تعال لبتاع الكارو براى سيد الراى اب وجيهن صارو تعال تعال با العندك تعال ابوي بيسندك تعال... ف مع الهبوط المستمر في الذوق العام ظهرت اغاني من شاكله ورا ... ورا ومع انو الرجال بقوا مابعرسوا وعلاء المهور والطلبات الكثيره التى جعلت الكثير من الشباب يزوغ من موضوع العرس الموضوع خلاء الاخوات البايرات ولفين يفتشوا على عريس خلاهم يبقوا شلابات ويقبضوا فى الرجال الذين تزوجوا واقرب مثال لذلك : راجل المرا حلو حلا.... وفى الكثير من المرات تحصل الان انو زوجه تكتشف انو جاره او صديقه او قريبه او اخت عزيزه لديها تكتشف انها فى علاقه وحب ومشروع زواج او خاينه مع الزوج فعبرت وقالت عن ذلك يا الخاينه الــ جاسوسه جوه بيتنا مدسوسه... فظهور هذه الاغاني الهابطه يدل على تفشى الجهل وظهور الكثير من الهابطين والهابطات ونمو المظاهر السالبه فى المجتمع وظهور الكثير من الشعوذه والايمان بالسحر والدجل والكاتبه نص الاغاني فنجد مثلا:- كاتبني وين يا؟؟ وعند ياتو شيخ يا ... ويا شيخه زولك شيخك وين؟؟!! ووصلنا الى اعلان قطع العلاقات وصله الرحم فى الاغانى حتى وشوفوا المثال التالى : لا تجيني لا دايرك لي قدمي بمسكو علي.... فرضينا ام ابينا هذا واقع صار الان وفى تدنى مستمر لكل شى فى الحياه التعليم الصحه الغناء الاخلاق الجمال راجل الستره ما تخلي لوكي القرضه امسكي في... وده الحاصل والما عارف المجتمع بقول تعال واجهني بتحداك وريني با القلتو مشيتا ليك مرات بس انتا كترتو...... شايف سكاتي عليك قايلني خايف الرد ما الخوف سكاتي عليك اصلو السكات بالحد...... مشيتا ليك مرات لا بتحصى لا بتتعد... الليله دايرو معاك خلي الزمان تتهد...!!
(عدل بواسطة مصطفى نور on 10-02-2022, 05:28 AM) (عدل بواسطة مصطفى نور on 10-02-2022, 05:29 AM) (عدل بواسطة مصطفى نور on 10-02-2022, 05:30 AM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
فيس بوك
تويتر
انستقرام
يوتيوب
بنتيريست