كتب الكاتب الفاتح جبرا المتوفرة بمعرض الدوحة
|
Re: مشرد (Re: أبوبكر عباس)
|
سلام يا مستنير، إبداع والله لكن جاء في الأثر: لا تتمارضوا فتمرضوا فتموتوا مدينتكم دي ما مضمونة ممكن يشوتوك فيها عادي، وما بعيد يشوتوك في شارع بتلقراوند دا تفاءلوا خير تجدوه مرة المذيع قال للفنان إبراهيم عوض: غني لينا أغنية شيل عينيا إبراهيم عوض قال ليهو ابديت ههههه المذيع ضحك قال ليهو ليه؟! إبراهيم عوض قال ليهو: زمان كنت صغير وجاهل لمن غنيتها هسى بعدما كبرت بقيت بخاف من العمى ومن الموت وما بتمناهم حتى لو في غناء
| |
|
|
|
|
|
|
Re: مشرد (Re: عبداللطيف حسن علي)
|
الكاتب يتمتع بمقدرة فائقة في بناء الوعي الحداثي وهنا لم يعتمد او يتخذ مرجعية لاي من المذاهب الادبية او المدارس الادبية المختلفة.. انما اعتمد على رؤاه الفلسفية وعلى مرجعيته الثقافية العالية. فامتلاك النص وتحريك الشخصيات وربط الزمان و المكان والاحداث. مدهش جدا هذا النص الاستثنائي الذي جعل القارىء بعيدا عن الاستسلام لسيطرة" اللاشىء"
| |
|
|
|
|
|
|
Re: مشرد (Re: Ahmed Yassin)
|
بالله اي ناقد راضي عنه المستنير يعمل (حفرياته) في الجزء المكشوف (الدلالي) عشان نفهم الجزء الغامض (الرمزي) من هذا النص المفتوح مثل بوابة عبد القيوم انا غايتو احتفيت به في الفيس بوك بمخ بشري يبحر فوقه قارب من ورق وما عارف دلالته شنو
| |
|
|
|
|
|
|
Re: مشرد (Re: عبداللطيف حسن علي)
|
الساعة تلاتة صباحا وتسعة دقايق وانا صاحي بعبي في سهريج الموية رجعت اذكريات طفولتي ومريم اختي بتملا في الازيار من البحر بالصفيحة بتاعت الزيت ديك.
اتحدى اي بوردابي في الميدل ايست صاحي زي الساعة دي
| |
|
|
|
|
|
|
Re: مشرد (Re: حيدر حسن ميرغني)
|
ابكرونا يا مبدع انتا خيالك واسع وخصب .. لقيتك ماشى كويس بدارجيتنا السمحة لكن ؟؟ ما عارف !! ليه وِحلت فى الحتة دي :
فى دارجيتنا الخط ( مكعوج ) يا حبيب .
| |
|
|
|
|
|
|
Re: مشرد (Re: علاء سيداحمد)
|
يا نذير، أول حاجة؛ ناس غرينسبورو بفتشوا ليك عشان تدفع حق بيت السودان ١٢٠٠ دولار يوم سبعة عشرة ح نشتري دا. بمبلغ ٤٥٠ ألف دولار بالله، شوف واحد من صحبانك رسل ليهو القروش دي
تاني حاجة؛ ماتخاف علي، أنا بقيت أهم شخصية سودانية بالمدينة وعلاقتي بمجرمي المدينة ممتازة ونمت تلاتة مرات في واشنطن استريت قدام الRC
تالت حاجة؛ لازم تقنع صديقك الخواض يعترف بي كزول عبقري الإبداع ما فيها حاجة لو اعترف بالهزيمة
| |
|
|
|
|
|
|
Re: مشرد (Re: أبوبكر عباس)
|
ول أبا المستنير
والله خطير! يا ول أبا الزول الهوم لس قتلك .. ومخك معلق في القزاز .. أها حدثنا، الروح والعقل الذان يحفظان الذكريات ويرويانها .. جبتهم من وين؟ دهين يا ول أبا، أنت كديس عندك 9 أرواح ولا شنو؟!
معجب وممتن ..
بريمة
| |
|
|
|
|
|
|
Re: مشرد (Re: Biraima M Adam)
|
سلام يا مستنير ك زول خارج من جوقة النقاد ومعايير قياسهم الصارمه للعمل الادبى اقول لك الفكرة عبقرية وتفاصيل الاحداث فضاء حر للمتلقى يفسر بما يملك ويحس دون ان ينقاد للمبتدع النص....الفكرة الجوهرية كما وصلتنى ذلك الحوار الذكى بين الذات والذكريات التى القت جمال وبهاء تجاوز مسأوية الحدث ليتحول ويا للمفارقه الى صدفه اكتشاف سعيدة ك التى اعترت عظماء المخترعين حين تشملهم العناية الكبرى ب صدفه تتوج بحثهم المضنى ب كشف عظيم ملاحظة على الهامش.. .......كثف دلاله النص فى رسالتك التى لم تصل للمشرد واضغط على المعانى دون اسراف فى الحبر والقصه سكتها سالكة فقط اطلق القطار فى محفل ادبي رسمى وشعبى
| |
|
|
|
|
|
|
Re: مشرد (Re: Abdelrahim Mohmed Salih)
|
يا لطيف! دا اسمو أدب ما بعد بعد بعد الحداثة، أدب جدع صورة الأديب العندو نضارات وقاعد ليهو في مكتب وعندو اخوانيات بتلاقوا في منتدى مي زيادة، دا أدب بنكتب في ضل نيمة، في بنبر ست شاي، في المقابر أثناء حفر القبر؛ وحي بنزل لحظي ويصل طازج للقارئ. وأجمل ما فيهو لا يتقيد بخرابيط النقاد
| |
|
|
|
|
|
|
Re: مشرد (Re: أبوبكر عباس)
|
يا حيدر، لو الله رسلني للرجرجرة ديل بقول ليهو أبعث معي حيدر أخي أشدد به أزري، لو لا تشجيعك ومؤازرتك الدائمة لما أصبحت من كبار الأدباء، شكراً يا هارون
| |
|
|
|
|
|
|
Re: مشرد (Re: أبوبكر عباس)
|
يا ود الشيخ، الأستاذ محمود قال؛ أجمل ما في الوجود المشاعر، وأنا كنبي بعده أقول؛ أجمل ما في الوجود خيال الذكريات التحيّة لزينب أختك أين ما كانت
| |
|
|
|
|
|
|
Re: مشرد (Re: أبوبكر عباس)
|
زمان يا بريمة، كنت شغال في البطانة، العرب ديل صادوا ليهم كديش خلا وظبطوا بيهو حلة كاربة، قالوا لي أنزل أُكل، أبيت واحد منهم قال لي عرفتها يا حنكوش مدني والله، الكديس دا بعد تاكلو تلقاهو يفرفر جوّة بطنك داير يجري الخلا!!
شكراً يا كديش يا ذواق للأدب الجديد
| |
|
|
|
|
|
|
Re: مشرد (Re: أبوبكر عباس)
|
يا عبد الرحيم، نحن الاتنين مبدعين خارج بقجة ناس الخواض، الفرق بيناتنا؛ أنا بسمع كلام النقاد وبعمل عكسو عشان كدا كسرت شباك التذاكر
| |
|
|
|
|
|
|
Re: مشرد (Re: أبوبكر عباس)
|
اخونا ابا بكر .. نصك دا (كأنه) لاقني قبل كدة .. حا اراسل الخواض خاص ولو صدق حدسي .. كان جيت للحول ما بنخليك.. . . بلس انه المبدع شاهين سبقك كم قبل يوم بنص باتع (انت تبرا من الالم) وهو المرشح الاقوى لجائزة الطيب صالح.. معليش يا بكة على تكسير المقدايف لك انت قاعد تبدع في الردود على بوستات السياسة بذكاء شديد .. . ..
| |
|
|
|
|
|
|
Re: مشرد (Re: قسم الفضيل مضوي محمد)
|
إذا في زول غيري يمتلك مثل هذا الخيال الباتع وأنت تتهمني بالسرقة منه، إذا أثبت ذلك حتى من باب المصادفة سوف أخر له ساجداً وأطلق الإبداع
| |
|
|
|
|
|
|
Re: مشرد (Re: أبوبكر عباس)
|
بعدين يا قسوم، الخواض قاعد يسرق من درويش، أما أنا فنبي مثلي مثل درويش، ماركيز، صالح والمتنبي، نخلق الأدب ويتبعنا أمثال الخواض وغيره
| |
|
|
|
|
|
|
Re: مشرد (Re: حيدر حسن ميرغني)
|
يا مستنير ورد فى الاثر ان هارون كان افصح لسانا لك نبوة الابداع و لحيدر طلاقه اللسان هذا فيما يخص توزيع الادوار فيما يخص العمل الادبي الخواض شاعر متمكن ومبدع لاتنازعه كسبه ولاتغمطه حقه فيما عدا ذلك ف المنبر بينكما. ...والمنبر يرصد لك إقتباسات من نصوصه الأدبية البديعه:)
| |
|
|
|
|
|
|
Re: مشرد (Re: حيدر حسن ميرغني)
|
Quote: أما أنا فنبي مثلي مثل درويش، ماركيز، صالح والمتنبي، |
زماااان المعري قال في الحتة دي (حتة صراع الاجيال) وإني وإن كنت الأخير زمانه لآت بما لم تستطعه الأوائـل أبي تمام (همسيلف )عمل ثورة لما خرج على عمود الشعر .. وأبي نواس قال ما عاوز يكون مقلداتي ومفتون بالسالف ده كله لإثبات إنهم مبدعين على طريقتهم ابدع يا اخا العرب نهلت من نفس مناهلهم (البطانة) المافي شنو
| |
|
|
|
|
|
|
Re: مشرد (Re: حيدر حسن ميرغني)
|
قال المستنير :
Quote: إذا في زول غيري يمتلك مثل هذا الخيال الباتع وأنت تتهمني بالسرقة منه، إذا أثبت ذلك حتى من باب المصادفة سوف أخر له ساجداً وأطلق الإبداع
|
هي بمفهومك للسرقة، مسروقة -وبتقنية تعبانة- من نص اسمه "المفارق الفكهة": مدرس في لحظة النزع الاخير في "البرزخ"، يحكي تفاصيل من حياته :
Quote: لم يدرْ بخلد “سعيد الطيب” ، أنَّه سيستحضر في لحظةٍ من لحظات حياته المهرولة بين القرى والبلاد النائية،وباختصار “الجحور العربية النائية”، كلَّ تفاصيل سنوات حياته الأربعين.ها هي اللحظة قد دنتْ،وهو مسجَّى الآن بمفرق(س) الذي تتفرَّع منه طرق وشعابٌ كثيرةٌ تؤدِّي إلى هذيانٍ طويلٍ طويلٍ طويلٍ. ها هو الآن مغطَّى بشوال سكّر قديم،وحوله كتبه التي تناثرتْ في تضاريس المفرق الذي اكتظَّ بأشخاصٍ يلقون عليه نظرة إشفاقٍ بعد أنْ دهسته سيارةٌ مسرعةٌ،نثرتْ خلايا مخّه على الشارع راسمةًً لوحة سريالية.
|
شفت كيف ؟؟؟
| |
|
|
|
|
|
|
Re: مشرد (Re: osama elkhawad)
|
يا خواض، يا أخي، بالغت!! دي مقارنة مع نص ضعيف جداً، قررت من اليوم أن لا أجعلك لي خصماً ووضعتك مع منتصر وقسوم في مسطبة واحدة،
يا بكري، أخرج لنا أكفاءنا
| |
|
|
|
|
|
|
Re: مشرد (Re: أبوبكر عباس)
|
ول أبا المستنير،
ألف مبروك .. نصك أصيل بنسبة 100% .. بشهادة 3 محركات لكشف الغش ..
صدر تحت توقيعي وإمضائي
بريمة
| |
|
|
|
|
|
|
Re: مشرد (Re: أبوبكر عباس)
|
Quote: كمان بتاع أغاني الهشك بشك داير يشارك! |
ابدا .. لا داير اشارك لا من يحزنون .. بس الحجاي ما بغلط كده ههههههه
قصتك تعبانه زيك كالعاده .. تلاوي في الحروف و الكلمات و تبدا يالفصحي و تنزلق للدارجي ..
غايتو .. ههههههههه
| |
|
|
|
|
|
|
Re: مشرد (Re: يحي قباني)
|
أستاذ أسامة أحبطتني ياخ كناقد حصيف كان تنورنا عن قدرة المستنير الفذّة في خلق عوالم مبدعة جديدة حقيقة النص المرة دي فيه تقنيات فنية عالية
| |
|
|
|
|
|
|
Re: (Re: حيدر حسن ميرغني)
|
ليه ما نقول: لولا اختلاف المدارس لبارت الجمل ؟ ولم اقل الحروف لان الحروف هي اللغة التي تستخدمها الجمل .
اسامة وبكور الأتنين اصحابي لذا تنطبق علي نظرية القصور الذاتي في اي اصطفاف .
| |
|
|
|
|
|
|
Re: (Re: حيدر حسن ميرغني)
|
ليه ما نقول: لولا اختلاف المدارس لبارت الجمل ؟ ولم اقل الحروف لان الحروف هي اللغة التي تستخدمها الجمل .
اسامة وبكور الأتنين اصحابي لذا تنطبق علي نظرية القصور الذاتي في اي اصطفاف .
| |
|
|
|
|
|
|
Re: Re: (Re: MOHAMMED ELSHEIKH)
|
إذن تولى بريمة الكوفة يا مستنير وقد فعل ما فعل وكلنا شهود :) وحيدر تكفيه الوزارة حتى يستب لك الامر وتتفرغ لمقارعه القلم وضروبه المختلفه...ليس دعوة حرب بل إبداع فيما يتعلق ب الجد مازلت عن رأى ان فكرة النص عبقرية يلزمك اصلاح الحواشي وتقليل اللغه الدارجية يعنى جمله او كلمه دراجية قريبه للفصحى ستكون افيد طبعا دا كلام زول متلقى عادى بل ولا حتى مواظب على القراءة والله على ما اقول شهيد
| |
|
|
|
|
|
|
Re: Re: (Re: Abdelrahim Mohmed Salih)
|
يا ود الشيخ، لازم تختار بيني والخواض، ما ممكن نكون في درجة واحدة!! متأكد إنك بتحبني أكتر منو بس انت زول حساس وتراعي لمشاعر الشاعر الضال
| |
|
|
|
|
|
|
Re: Re: (Re: أبوبكر عباس)
|
يا عبد الرحيم، دا اسم حسابي بالواتساب رسل لي طلب صداقة، قاعدين نناقش في كلامك دا؛ Abubakr Ahmed Abbas وصورة البروفايل صفقة شدرة خضراء
| |
|
|
|
|
|
|
Re: Re: (Re: أبوبكر عباس)
|
…وهكذا تلوَّنت المفارق أمام روحه،وهي تسرع الخطو على رصيف شهيقه الأخير. وبالفعل كان “سعيد الطيب” سعيداً و هو يتأرجح في برزخٍ ما بين الحياة والموت. كان مولعاً بالسرد. لكنْ بعد فشله في أنْ يصبح قاصَّاً أو روائياً غير مشهورٍ،كان يتمنَّى أنْ يمتهن عملا يوفِّر له فيوضاً من السرد،والاستماع إلى سرد الآخرين والردِّ عليهم،كأنْ يكون محلِّلاً نفسيَّاً أو اختصاصياً اجتماعياً. وقد صرف النظر عن ذلك لأنَّه لا يستطيع أنْ يوفِّر قوته الضروري من الاستماع إلى والردِّ على تداعيات البشر. و ها هي الفرصة أخيراًً قد واتته ليحقِّق أمنيته في ذلك البرزخ الضيِّق الذي يأمل أنْ يملأ به ما فاض من مفارقه الفكِهة.
| |
|
|
|
|
|
|
Re: Re: (Re: osama elkhawad)
|
بصراحة يا مستنير انا مستغرب فيك شديد
تعلم انك صدقى اكن لك من الود والاحترام ما اكنه
لكنك تسعى لأن تكون شيء اخر لا ادري لماذا .. شيء اخر اقل مما انت فيه
يا صديقي انت اعظم واقدر واعلم مما تتمناه
فبالله عليك كن كما انت فقط ودع قوم الانس والجن يتقاتلون في اقوالك ولا تأبه فهم لا يعلمون ما تعلم
مالي اراك تنحدر الى الهاوية بلا سبب
ام انك غير ما حسبت؟؟؟؟؟؟؟؟؟؟؟؟
| |
|
|
|
|
|
|
Re: Re: (Re: Haytham Ghaly)
|
أقصد رقم حسابي بالفيسبوك يا عبد الرحيم، رسل لي طلب صداقة Abubakr Ahmed Abbas
محتاج لملاحظاتك لتحرير النص أو حاول حرر النص هنا وأعد كتابته وأضف واحذف ما تراه مناسب
| |
|
|
|
|
|
|
Re: Re: (Re: أبوبكر عباس)
|
اكتشف الكاتب بعد انتهائه من تدوين هذيانات سعيد الطيِّب، أنَّ هنالك كثيرا من الكلمات غير المفهومة للقارئ العادي،مما يساهم في استغلاق النص. فقام ببحثٍ مُضْنٍ عبْر المقابلات الشخصيَّة، والرسائل البريدية، و المحادثات التليفونية، والإيميلات، و “مذكرات”سعيد الطيب التي تم ترميمها بعد أن غمرت خلايا مخه المتناثرة أجزاء منها. وكان أنْ توصّل الكاتب من منفاه الكاليفورني-إلى القاموس التالي:
خلايا مخه المتناثرة
| |
|
|
|
|
|
|
Re: Re: (Re: osama elkhawad)
|
تحياتى يا مستنير اما الفيس فقد هجرته منذ زمن بعيد ناس الفيس لواميين وزعيليين وانا بكتب بما تيسر زى البدو فى قصص بريمه هب تقوم تمشى وتجي بعد زمن
فيما يتعلق ب سؤالك ملاحظتى عديل كدا يا زول انت اوع تكون شايفني ناقد لاسمح الله:) صديقك عجب الفيا سيعجبه النص فى تقديرى إذا اطلع عليه *اختيارك للمشرد الأبيض حرفنه منك وتدل على فهمك لحياة الخواجات ودا كلام عايز حبر كتير نتركه هكذا *النص عموما مسبكوك دون حشو لايفيد ويشد القارئ من قوله تيت الى ما بعد الحياة بل يتيح نافذة للمجهول طالما تمنى البشر التعرف عليه لغه النص فى معظمها تخاطب* القارئ السودانى لذلك إذا عدلتها بعض الشئ ب لغه فصحى لتوسع دائرة القراءة عبثية الموت تناسب المتشرد* ظاهرا لكنه سبب من اسباب كثيرة اختلت فيها مفاهيم اساسية وذاك المشرد يخوض يوميا تجربه الموت وشبه الحياة يوميا بنافذة روح باردة بدون انفعال اى كان نوعه يمر فى سمائه الحوار مع المتشرد بعد الموت* قصيرا نوعا ما ولايشفى شمار القارئ المنبهر ب الحدث سياق القصه يدور فى زمن محدد* واستطعت ب تداعى الذكريات المتناثرة على اطراف الزجاج والفسيلوجيا ان تمط الزمن الى وجهتك ودى كمان حرفنه منك من الاشياء المهمه عدم التطويل فى السرد وترك براح لعقل القارئ يملئه بخيال وتصور ليس الضرورة ان ينساق للكاتب يااخوى دا قطع اخضر من زاويه تذوقى اللحظى ولم اتبع مدرسه او منهج ما فقط ما اعتمل فى نفسى وانا اقرأ النص وعلى فكرة دى قرايه واحدة ما زدتها لسه.... وعندى راى فى فعل الكتابه عموم لم يحن وقته ولن يحين تستعين ب مؤثرات مختلفه المصادر ل تحفيز طاقه الابداع منبر بكرى احد هذة المؤثرات:)
| |
|
|
|
|
|
|
Re: Re: (Re: Biraima M Adam)
|
يا "عم عبد الرحيم" كيفك؟ بخصوم الملاحظات هي موضوع نقاش مع المثقف الكبير هاشم الحسن والمثقف التاني أبسن، لكن ما قاعد أقدر أعمل بيهن في كتاباتي لسبب مرتبط بسؤالك عن فائدة الكتابة؟ صديقنا الشاعر الخواض حالياً مجتهد وتعبان ونفسو قائم يجيب نصوص تشبة هذا النص، الما عارفو الخواض، انو أنا ما قاعد أقرأ كتير والهتش الجابو دا ما حصل شفتو قبل دا، عدم القراية لنصوص وروايات كتيرة بخليك عندك أفكار حقتك خاصة ولكن في نفس الوقت بخليك ضعيف في فن الكتابة المصنوع أو المتعارف عليه، بعدين كتاباتي بتحصل في وقت وجيز ومعظمها كتبته مباشرة في كي بورد سودانيز أو الفيسبوك وما قاعد أراجعو، وبعدين برجع أقرأ الكتابة باعجاب شديد وبقن جزء من خياتي والله، شخصية زي عثمان منقة كتبتو في عدة كتابات بقيت لي زي الصديق الحقيقي الغاش معاي جزء من حياتي، هسّ نص مشرد دا من يوم كتبتو ما قادر أشتغل وكل يوم بقعد بالعربية في باركنق أتفكر فيهو وبجيني وجع وقبضة في بطني فيهن إحساس بسعادة مخلوطة بحزن شديد وشاعر كأنو في حاجة من جسمي مرقت.
عشان كدا ما بقدر ألتزم بالنصائح فأنا زي النبي فقط أحرك شفتاي
| |
|
|
|
|
|
|
Re: Re: (Re: أبوبكر عباس)
|
يا هيثم، ما عارف مناسبة مداخلتك دي شنو؟ وهل هي ليها علاقة بهذا البوست أم هي افراز لنقاش لك خارج البوست؟ يعني سودانيز دي قاعد ينكتب فيها زي بوستي دا كتير؟ عشان انت تسيب نص بهذه الروعة وتديني نصائح رابعة ابتدائي دي؟
يا أخي، أنا بحررك من الود القديم وأكتب الدايرو، هو بعد وصفتني بكوز في مداخلتك السابقة ببوست في مكانٍ ما؛ تاني في شنو من الود انت محتفظ بيهو؟
| |
|
|
|
|
|
|
Re: Re: (Re: أبوبكر عباس)
|
الى السيد المستنير نحن جمهور القراءة الصامته نشكرك على تلك المتعه السردية الكتابه فضاء الروح المرن تشبه آلام الميلاد ومتعته وهناك من يضن بها على الجمهور كما يفعل صديق هنا بل لايقراء ما يكتب مرتين إلا فيما ندر.... ملاحظاتك حول تقنيات الكتابه صحيحه لكنها لن تصنع جذوة ابداع كامنه يحررها القلم وتجربه الحياة إن تكون فى ارض بكر وتكتشف البدهيات وسحر المشاعر هذا حلم عصى المنال والتأثير ليس ب الضرورة بقراءة نصوص الاخرين ف مسرح الحياة كله روايات واحداث تخاطب وعى ولاوعى لاتملك ان تغلق بابه استاذنا العظيم فى علم التشريح تنسب له مقوله ان thalmous هو بوابه الوعى بدونه تظل المشاعر العظيمه مجرد إشارات عصبيه وتفاعلات كيميائيه
| |
|
|
|
|
|
|
Re: Re: (Re: osama elkhawad)
|
لي زمن كل مرّة أشكر أخونا عبد الرحيم على مداخلاته الرائعة التي أستحقها، نحن كمبدعين لمان قارئ وقاص مبدع زيك يشاركنا بهجة إبداعنا، والله، بنكون سعيدين سعادة لا يعلم بيها إلا رب الكون الله يخليك يا عبد الرحيم
| |
|
|
|
|
|
|
|