|
|
|
 Re: مشكلة ثنائي العاصمة (Re: أبوذر بابكر)
|
يا سلام لو ترضى علينا تدينا قليل من حنك
أو تسأل مره عيونا كيف بالاشواق حاضننك
لو تسأل يوم تلقانا كل ثانيه بنسأل عنك .....
وكل لحظه هواك معانا يا غالى كتير راجنك
ما قالوا عليك حنين ورقيق بشكل خيالى
بالله يا مطر شوف المخاطبة دي !!
يسعد صباحك ياخي
| |
 
|
|
|
|
|
|
|
|
Re: مشكلة ثنائي العاصمة (Re: أبوذر بابكر)
|
| Quote: الاقتصار علي شاعر واحد |
فى تقديري يا أبو ذر هي أقرب الى (ملازمة) شاعر واحد
وهنالك امثلة كثيرة صلاح مصطفى و محجوب سراج مثلا
عثمان حسين و بازرعة
كمال ترباس و د . كوباني عليه الرحمة
هاشم ميرغى و عزمى أحمد خليل نوعا ما
تحياتي ،،
| |
|
|
|
|
|
|
|
|
|
Re: مشكلة ثنائي العاصمة (Re: walid taha)
|
فعلا يا وليد كلامك صحيح
الثنائية كتيرة في غنانا
ومن ايام الحقيبة كمان ممكن تلقى سرور مع العبادي
وبعد العبادي مع سيد وعبيد
وكرومة مع ابو صلاح وبعده مع عمر البنا
وردي واسماعيل حسن
ابراهيم عوض مع عبد الرحمن الريح ومن بعده مع الطاهر إبراهيم
لكن بالرغم من الثنائية بتلقى كل واحد من الفنانين ديل برضو ما اقتصر علي نفس الشاعر الواحد
ونوع كتير في التعامل مع شعراء تانين
| |
|
|
|
|
|
|
|
|
Re: مشكلة ثنائي العاصمة (Re: أبوذر بابكر)
|
سلام...ابوذر و...وليد
المشكلة دي فهمها واستوعبها وردي سريعا لانه فنان مجدد ومطور
ويكره الرتابة حتى في ترديد المقطع..وردي لا يمكن يكرر نفس المقطع بنفس الاسلوب
زي اداءه الاغنية بنلقى في اختلاف في كل المرات ودا لانه فنان مسيطر على اي مازورة موسيقية
مع انه انا سمعت في جلسة خاصة باضاني صلاح بن البادية انتقد الحتة دي.
وردي واسماعين حسن حصلت قطيعة طويلة بيناتهم .. اتظلم فيها فنان شاب اسمو احمد فرح
اتحدى بيهو اسماعين حسن الجميع لانه يمتلك صوتا فريدا.. . ولكنه اتى في ظل من؟
وردي ابتعد عن اسماعين( القالب الشعري) غنى لى صلاح احمد ابراهيم وابوقطاطي ومحجوب شريف... التجاني سعيد والدوش
كل عمل بقى اخطر من التاني... الياذة سودانية.
بنلقى الخط حق ثنائي العاصمة يسيطر فيهو غناء(المحنة ) والحنية...واللحن الهادىء الجميل لان السني الملحن
كان انسان حنين ومرهفﻻورقيق المشاعر .. وقلبه كان يحب كل البشر.. دمعته قريبة بشكل غير طبيعي.
،معايا معايا في الدرب الطويل"
وانا صغير كانت امي( عليها الرحمة والمغفرة ) بتدندن بالمقطع دا.وانا والله
حتى في حياتها كل ما اسمع الاغنية دي لا اتمالك نفسي من البكاء.
| |
|
|
|
|
|
|
| |
أبوذر بابكر
walid taha
Ahmed Yassin
فيس بوك
تويتر
انستقرام
يوتيوب
بنتيريست