|
|
 π حزام ناشف£
|
08:45 PM September, 25 2022 سودانيز اون لاين
دفع الله ود الأصيل-
مكتبتى
رابط مختصر
شايف زولك كيسو فعلن فضى و بدا يشتغل نجر أخدر.
علا ينصر دينك جنابو/مونتي تحين قت لي خبراء أجانب عدييل كدي.
والاه بردو تريقة؛ و دا حل تطبيعي و منطقي و ناعم.برضو خليت
البيوض جنب الحجار . برضو جوة الزون. ما أشان كدا بنحب
الجو الرطب برا مدنياااااو برا هرجلة ثورات و بنبان فاضي .
♧ ياخي بالموناصبة، و احد عيال ميكي ماوس بيحكي قال :
أول أمبارح مشينا عفراء مول للتسوق نتبضع و نشتري حاجات
كوتارات. شوية كداو يدخل واحد عملاق ز حاجة ياخ موبالغة
.. عريض المنكبين متر في مترين و أفطس المنخرين شبه متلاشي
تمامن مابين (الجبهة) و ضخم الشلوفتين و فاكي لحية كبيرة كده
بالراحة تجيب شبرين و صوتو يرعد بس نترة مرفعين..و يلا بدأ ليك
هتاف : تهليييل و نحنا وراو قعدنا نهلل حتنا: لا إله إلا الله😦😦و هو
تاتي : تكبير . و نحنا الغبيانين طوالي وراه نكبر :اللاااااااهو أكبر ؛ يلا
و هو: هيللة😭 و نحن لسة مواصلين وراه: هي لله : لا لدنيا قد
عملنا نحن للدين فداء فليعد للدين مجدُه أو تُرق منا الدماء
أو تُرق منهم دماء أو تُرق كلالدماء فلتُرق كل الدماء😱
●》و يلا الأنفاس قامت تتناهف و ابتدينا نتوتر و ننطق
بالشهادتين .. و نستغفر الله.. الموت حق .. و الحياة بالطة.
و شوية كده 😧 يظهرن ليك تلات شويفعات مبحلقات عويناتن
و يتناهفن " زي صوت طفلة وسط اللمة منسية"؛ و جن جاريات
ما مصدقات لقن أبوهن: أيوا يابا نحنا بجاي. ثمح يا ناس في داعي
بالله لجنس بوظان الأعصابو (سيلان) الركبين دا😭 ّ أسامي
الدنيا كلها عدمت.. بس عمك الدولة (العميكة) دا مالقي
غير المفخخات ديل بالله 😟
▪مالا أسماء فطبنة و عشوشة و زينوبة و هند و مريوم؟
ربنا ينتقم منو جاب لينا شلل أطفال رباعي قلنا داعشي و
حيفجر نفسو و نروح معاهو أوانطة بحزام (ناشف) فأنا
غايتو واحد من الراستات الأول شيء.. وقفو قنا ..علا
في النهاية.. رقدو دكوة بالليمون!!
ود الحيشان التلاتة
مؤذن في مالطة
😂😂😂
|
|
 
|
|
|
|
دفع الله ود الأصيل
فيس بوك
تويتر
انستقرام
يوتيوب
بنتيريست