|
|
|
 Re: شذرات ومقتطفات من تجليات وعبقريات الحقيب� (Re: أبوذر بابكر)
|
(١)
بحر الشوق ما ليهو ساحل
خمس كلمات، خمسة بس وفقط
قالها مجهور العيون، الانجهر بي نور بدور القلعة
عبقري العباقرة وشاعر الشعراء
صالح عبد السيد أبو صلاح
قالها في الياذته الأسماء جوهر صدر المحافل
لحنها ورتلها وانشدها
فريد عصره وزمانه
عبدةالكريم عبد الله مختار
ود مستورة البديعة
بحر الشوق ما ليهو ساحل
وايم الحق والخلق
وتالله العظيم
صالح أتى بما لم يأت به الالون وبما لا يستطيعه الآخرون
في شان التعبير عن عظم وكبر وخطوة وقوة الشوق
اول شي تشبيه الشوق ب البحر
وفي شي في الكوكب دا كله اكبر واعظم من البحر ؟
وتاني شي في عبقرية حجم الشوق بعد ما بقاهو بحر
ما ليهو ساحل
خلاص دا بقى هنا شي مطلق وبلا حد ولا نهاية
Infinitive
يمين بالله واكاد أجزم انه لو قالو ل ابي الطيب ذات نفسه عبر لينا عن سطوة وقوة الشوق
ما اظن يقدر يقول كلام صالح دا
آمنت بالله
خمسة كلمات بس
ممكن يحتويها مجلد وسفر كامل من الكلام
| |
  
|
|
|
|
|
|
|
|
Re: شذرات ومقتطفات من تجليات وعبقريات الحقيب� (Re: أبوذر بابكر)
|
من اغنيات الحقيبة القديمة الكانت في مرحلة مبكرة
اغنية "لو تجافي أو تسمحي أنا مني ريدك ما بنمحي"
من اشعار ابو صلاح وغناها الفنان بشير الرباطابي وسجلها سنة 1927
فيها شطر بيت بقول:
والنسيم بالطيب كتّحي
التكتح في عامية وسط السودان هو نثر التراب او اي مادة علي شخص او جسم او ما شابه
وجا منها القول المعروف
الرمادة التكتحك
ابداع ابو صلاح هنا جاي من الصورة ككل، وهي انه المحبوبة بتكتح في النسيم بي عطرها وشذاها
اتخيل بالله زول بكتح مش في جسم او زول تاني، لكن بكتح في النسيم
وبكتح في النسيم بي شنو؟
بالطيب والعطر
| |
|
|
|
|
|
|
|
|
|
Re: شذرات ومقتطفات من تجليات وعبقريات الحقيب� (Re: أبوذر بابكر)
|
عمنا سيد ع. العزيز
في رائعته "غنى القمري على الغصون" قال في روعة الوصف
عوم الوز تقليد مشي
يعني مش مشية الحيبيب هي البتشبه عوم الوز
لكن قلب التشبيه المنطقي الدائما الناس بوصفو بيه جمال المشيه أو مرات جمال الرقيص
وخلى عوم الوز مجرد تقليد لمشية الحبيب
وفي نفس الأغنية برضو بقول
بي ريقو يداو الجنون
اتخيل زول يكون الريق بتاعه علاج للجنون
هههههههههههه
| |
|
|
|
|
|
|
|
|
|
Re: شذرات ومقتطفات من تجليات وعبقريات الحقيب� (Re: أبوذر بابكر)
|
(5)
تاني برضو من ابو صلاح
ومين غير ابو صلاح ال بيأتي بما لم تأت به الأوائل
في اغنية "متلي كم ضايعين"
اصلا لحنها كرومة واهداها لصديقه المطرب البديع الفاضل أحمد
ابو صلاح بقول في واحد من ابيات القصيدة
تهت بين تمعين
ماء ونار وخدار في خديدو مجتمعين
شوف الجمع هنا بين الماء والنار والخدار في حتة واحدة
بالله في زول بقدر يقول زي دا ؟
برضو بقول في نفس القصيدة
اشواقي ليك طالبين
قلبي وهو معاك
يا ليتو لي قلبين
يا الله يا صالح
| |
|
|
|
|
|
|
|
|
|
Re: شذرات ومقتطفات من تجليات وعبقريات الحقيب� (Re: أبوذر بابكر)
|
اديبنا وشاعرنا الجميل أبوذر
يا سلام على الحقيبة شعراً ولحناً وأداء
رغم أننا من ضواحي الدنيا اقاصي الشمال
واللغة العربية كانت في المدارس فقط
وقلة وسائل الاعلام ( الراديو كان بالصف )
ومع انتشار المذياع بدأنا نستمع ونطرب لأغاني الحقيبة
صدقني ديل كانوا ناس فوق مستوى البشر
مبالغة في الشعر واللحن والطرب والغناء
جعلت أمدرمان مرجعية لكل سوداني بأختلاف المشارب
بعيداً عن السياسة كنت أعشق برنامج حسين خوجلي عن أمدرمان والحقيبة
لا أتذكر اسم مقدم برنامج عن الحقيبة كان لواء متقاعد ( آه يا عمر ) الذاكرة زيرو
لكن حسين خوجلي أمدرمان والحقيبة في اعلى مرتبة لديه
تحياتي يا جميل واصل
| |
|
|
|
|
|
|
|
|
|
Re: شذرات ومقتطفات من تجليات وعبقريات الحقيب� (Re: علي عبدالوهاب عثمان)
|
حبيبنا وقريبنا ع.ع.ع.
كيف الحال
الحقيبة وغناها وشعرها وفنانيها
عالم تاني
ممكن تتكتب فيه آلاف المجلدات
الزول المقصود هو الفريق شرطة ابراهيم احمد عبد الكريم
سيد الذواقة والمحبين للفن عموما وللحقيبة خصوصا
برنامجه كان اسمه "نسايم الليل"
واسم البرنامج هو نفسه اسم اغنية للشاعر عمر البنا
| |
|
|
|
|
|
|
|
|
|
Re: شذرات ومقتطفات من تجليات وعبقريات الحقيب� (Re: أبوذر بابكر)
|
تحياتي يا جميل
الحقيبة جعلت امدرمان في الوجدان
أنا شخصياً لا أفقه شيء في العاصمة كلها
في أمدرمان فقط كنا نزور دائرة الادارسة في الموردة
جامع السيد الحسن الادريسي ..
هم من جزيرتنا في الشمال رحلوا لامدرمان
تحياتي
يا ريت كمان يحضر حبيبنا قباني للمزيد
واصل
| |
|
|
|
|
|
|
|
|
|
Re: شذرات ومقتطفات من تجليات وعبقريات الحقيب� (Re: أبوذر بابكر)
|
سيدنا صالح تاني
لو مسكنا ابو صلاح دا براهو
ما بننتهي حتى مطلع فجر الابداع والتجلي والطرب
وبرضو في "متلي كم ضايعين"
قال
غيرو شفنا متين
فرع بان اينع
اثمرلو رمانتين
كلنا شفنا وبنعرف البان وفرع البان
لكن فعلا ما حصل شفنا البان، حتى لو اينع، بثمر ويطرح رمان
ههههههه
وهنا تتجلى عبقرية سيدنا صالح
استخدام اللامعقول وغير المنطقي في خلق الصورة والمقاربة
ابو صلاح اصلا مفتون ب البان وبحبه جدا
زي ما قال في
في فريع البانه
المن نسمه
يتمايل حاكى
المنقسمه
فريع البان هنا هو البحاكي في المنقسمه
مش العكس
بالمناسبة اغنية فريع البانه دي
هي الأغنية الوحيدة اللحنها محمد احمد سرور من اشعار ابو صلاح
وبعدها حصل الخلاف الشهير بين شعراء ومغنيين الحقيبة
وبدا ما عرف بعد داك ب "المضاربات"
ودي قصة تاني
| |
|
|
|
|
|
|
| |
أبوذر بابكر
علي عبدالوهاب عثمان
فيس بوك
تويتر
انستقرام
يوتيوب
بنتيريست