الخيط دا يمكن يكون تخريمة من، أو عطف على، خيط "حقيقة الحقيبة" او يمكن كمان لمحات استباقية لما هو آت هناك، في الموضوع الرئيسي ويمكن كمان يقرأ ك "تصبيرة" الغرض الرئيس منه هو وضع إشارات مضيئة وخلابة، وجاذبة كمان، ولم لا ؟
09-25-2022, 07:41 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8798
قالها مجهور العيون، الانجهر بي نور بدور القلعة عبقري العباقرة وشاعر الشعراء صالح عبد السيد أبو صلاح
قالها في الياذته الأسماء جوهر صدر المحافل
لحنها ورتلها وانشدها فريد عصره وزمانه
عبدةالكريم عبد الله مختار ود مستورة البديعة
بحر الشوق ما ليهو ساحل
وايم الحق والخلق وتالله العظيم
صالح أتى بما لم يأت به الالون وبما لا يستطيعه الآخرون
في شان التعبير عن عظم وكبر وخطوة وقوة الشوق
اول شي تشبيه الشوق ب البحر
وفي شي في الكوكب دا كله اكبر واعظم من البحر ؟
وتاني شي في عبقرية حجم الشوق بعد ما بقاهو بحر
ما ليهو ساحل
خلاص دا بقى هنا شي مطلق وبلا حد ولا نهاية Infinitive يمين بالله واكاد أجزم انه لو قالو ل ابي الطيب ذات نفسه عبر لينا عن سطوة وقوة الشوق ما اظن يقدر يقول كلام صالح دا
آمنت بالله
خمسة كلمات بس
ممكن يحتويها مجلد وسفر كامل من الكلام
09-27-2022, 11:02 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8798
دا تجلي عبيد عبد الرحمن الأغنية هي: يا عين بتخافي مالك
وهي من اغنيات "المجاراة" المجاراة بتكون عادة في اللحن، ودا كان شائع ومألوف ومقبول في اغنيات الحقيبة ومرات المجاراة بتكون حتى في القافية والموضوع، حسب تمكن الشاعر
المجاراة هنا كانت مع أغنية ابو صلاح يا ليل ابقالي شاهد
نفس اللحن
دا ما الموضوع الموضوع هو عبقرية الوصف والصورة في التساؤل كيف شمسين في صباح جبينو ؟
بدون أي تعليق وكل مستمع أو قارئ يسمع أو يقرأ ويتأمل عشان يعرف
اديبنا وشاعرنا الجميل أبوذر يا سلام على الحقيبة شعراً ولحناً وأداء رغم أننا من ضواحي الدنيا اقاصي الشمال واللغة العربية كانت في المدارس فقط وقلة وسائل الاعلام ( الراديو كان بالصف ) ومع انتشار المذياع بدأنا نستمع ونطرب لأغاني الحقيبة صدقني ديل كانوا ناس فوق مستوى البشر مبالغة في الشعر واللحن والطرب والغناء جعلت أمدرمان مرجعية لكل سوداني بأختلاف المشارب
بعيداً عن السياسة كنت أعشق برنامج حسين خوجلي عن أمدرمان والحقيبة لا أتذكر اسم مقدم برنامج عن الحقيبة كان لواء متقاعد ( آه يا عمر ) الذاكرة زيرو لكن حسين خوجلي أمدرمان والحقيبة في اعلى مرتبة لديه
تحياتي يا جميل واصل
10-03-2022, 10:09 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8798
تحياتي يا جميل الحقيبة جعلت امدرمان في الوجدان أنا شخصياً لا أفقه شيء في العاصمة كلها في أمدرمان فقط كنا نزور دائرة الادارسة في الموردة جامع السيد الحسن الادريسي .. هم من جزيرتنا في الشمال رحلوا لامدرمان
تحياتي يا ريت كمان يحضر حبيبنا قباني للمزيد
واصل
10-26-2022, 05:43 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8798
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوذر بابكر
علي عبدالوهاب عثمان
فيس بوك
تويتر
انستقرام
يوتيوب
بنتيريست