تعال شوف الجماعة ديل، دقوا الحرامي بالليل .. تانى الحرامي جاء بالنهار معه أخر .. الجماعة دقوهم تانى لما مزقوا ملابس الحراميي والحرامية هربوا .. الجماعة منتظرين بوليس أم درمان ساعة كاملة .. ولم يحضر بعد!!
نحن في بادية غرب السودان، ننجضوا الحرامي طب .. يا ربطناه في قعر شجرة ..
بريمة
09-16-2022, 02:27 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الإخوان ابوالريش وبريمة سلامات في 1996 عندنا صاحبنا تكاسي جديد. شال راكب من شارع الفورتين في مانهاتن عشان يوصلو شارع الخمسة وعشرين هارلم. صاحبنا ماشي لمان وصل التلاتة وعشرين . قام الراكب قالو انا اشعر بألم شديد في الصدر واحتمال تكون ذبحة. وارجوك تنزل وتتصل من الكول بوكس بي 911 ومسك صدرو شديد وهو داخل التاكسي . قام صاحبنا بشهامة شديدة نزل وكسح ناحية الكول بوكس ومن الاستعجال ترك المفتاح في العربية . على أساس انو الراكب حصليه هارت أتاك. . ولابد من نجدتو. صاحبنا اتصل على النجدة وهو بينكلم مع النجدة . قامت المنجدة سالتو عن اسم المريض. صاحبنا التفت ناحية العربية عشان يسأل الراكب عن اسمو. في دي اللحظة الراكب هرب بالتاكسي هههههها قام صاحبنا قال للمنجدة الراكب هرب بالتاكسي حقي . بعدها تغير الحديث من الهارت أتاك الي السرقة. وهاك يا طائرات هيلكوبتر في سماء مانهاتن . الحمد لله العربية لقوها في شارع كم وعشرين سالمة. بعد ساعتين. اتاريهو الحرامي كان داير يوصل مخدراتو . عشان كدا قام بعمل ديك التمثيلية البايخة. والله اليوم داك صاحبنا زهج جنس زهجة.
09-16-2022, 02:45 PM
Abureesh Abureesh
تاريخ التسجيل: 09-22-2003
مجموع المشاركات: 30182
السادة الامريكان... مقتحم مسلح واطلاق نار... والضحية قاعدة في كرسيها وخالفة كراعها اليمين فوق الشمال وهي بتتكلم في الهاتف... غريزيا هي او اي من بشر.. بمشي بتحشر تحت اي استاند وبعمل ساتر ...
نعم يا عثمان موسى شارع ١٢٥ في هارلم ..ونحن كثير بنمشي في الشارع ده ونشتري ومرات بنشوف الرئيس السابق ذات نفسه حايم في الشارع ده وبنسلم عليه... هسع معقولة في رئيس سابق عربي ولا افريقي بتقدر تسلم عليه في الشارع... طبعا اذا اساسا في رئيس سابق عربي او افريقي لان الرؤساء العرب والافارقة اما هو مقتول او مسجون او منفي...
09-16-2022, 07:36 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
وفي شجاعة أكثر من شجاعة كلينتون وهو كان رئيس اقوى دولة في العالم ويمشي في شارع في هارلم وبدون حرس !!! اما الموظف الهجم على الحرامي ده ..عرف انه اذا ما اتصرف كده فهو ميت بلا محالة ... عشان كده جازف ....
09-17-2022, 02:55 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
هيرو شنو؟ عنوان البوست ينفع لى شكلة في السودان او مصر حيث زحام المواصلات داخل الباص .... او في السوق او حفلة. حيث هناك ﻻ مسدسات لا بنادق الية لا كلاشنكوف.... امسك واجلد. اما الزبون المتهور لولا العناية الالهية كان مات هو والموظفة الخلفت رجلها وهي بتتكلم دا مفروض يحاكم لانه عرض حياته وحياة الموظفة "الاخرين" لخطر الموت.. من اجل انقاذ كم دولار؟
09-17-2022, 06:08 AM
Abureesh Abureesh
تاريخ التسجيل: 09-22-2003
مجموع المشاركات: 30182
الزول جرى وأنقذ نفسه: الناس:: لا حول ولا قوة إلا بالله.. شوفوا الجبان دا جرى وخلى البنت مربوطة وراه لا حول لها ولا قوة.. فعلا المروءة انتهت.. يعنى شنو لو مات .. أصلو الموت كم مرة!! ماهو جعلى هـو؟!!
الزول هجم على الحرامى بخبرته بعد أن قدر الفرصة صارت سانحة حسب خبرته الناس: ما شجاع ولا بطل.. خاف على نفسه بس.. لكنه عوير هسى لو قتله كان حيخسر كل شئ..
09-17-2022, 06:22 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
غايتو العمل التجاري في أمريكا لحظة الربري علمتنا انك تكون ( فريز ) يعني تتجمد ولارمشة ولا اي حركة. المهاجمين بيكونوا دايرين يخلصوا المهمة في دقيقة أو أقل من دقيقة. ياخدوا القروش والهروب بسرعة . الموت بيحصل لو قاومتهم. انا اكلت رصاصة في الرأس بسبب المقاومة ولو لا لطف الله كنت اكون ميت من سنة 2004 الشجاعة انك تكون راكز وتسلمهم الأشياء بسرعة . في دا التصرف بيكونوا اصحابك وممكن يشكروك( سانكيو ماي مان ) ويفوتوا. طبعا هم ما بيهاجموا المحل الا بعد دراسة المحل . ومنو صاحب المحل أو منو الماسك مفتاح الكاشير وهل المحل باع فلوس قبل الهجوم . يعني بيكونوا مراقبين حركة البيع ولحظة مافي زبائن كتار .
09-17-2022, 07:00 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27555
Quote: قام صاحبنا قال للمنجدة الراكب هرب بالتاكسي حقي . بعدها تغير الحديث من الهارت أتاك الي السرقة. وهاك يا طائرات هيلكوبتر في سماء مانهاتن . الحمد لله العربية لقوها في شارع كم وعشرين سالمة. بعد ساعتين. اتاريهو الحرامي كان داير يوصل مخدراتو . عشان كدا قام بعمل ديك التمثيلية البايخة. والله اليوم داك صاحبنا زهج جنس زهجة.
ههههاي يا عثمان !! زولكم دقس .. ذكرتنى بي أب كباس .. ذات مرة وأنا نايم أحلم أنى أخذت حزمة من الدولارات تقدر بحوالي 40 ألف دولار بقصد تسليمها لأخوانى في الخرطوم ونعود أمريكا .. أها وأنا نزلت الخرطوم .. وأتفقنا نتقابل في محطة البنك العقاري جوار جامعة أم درمان الأسلامية أنا سبقتهم ووضعت شنطة "الهاند باك" في جواري في مقعد المحطة .. المحطة زي العندنا في أمريكا هنا .. قزاز ومقعد طويل ..
أخوانى جوا قمت نسلم عليهم .. زول سحب الشنطة ومشي بها !! خلصت من السلام .. لقيت الشنطة ما في .. أخوانى كل زول سل سكين وقبقبوا ناس المحطة .. أنا ألتفت .. أشوف ليك زول قاعد في الوطاه بعيد ومنهمك بحسب .. قلت للجماعة أراه كم نجروا للزول داك .. جريبنا لقينا شنطتنا معه .. وهو البليد الأخر عندو قروش أكتر من حقتي وضعها في شنطتي!! حاصرناه .. شلنا قروشي وقروشه .. الزول صرخ صرخه مجلجلة .. وهنا بدأ أكشن غريب. جوا عدد هائل من الحرامية لنجدة الحرامى لأخذ القروش مننا .. والدواس بدأ! أخوانى كل زول سالي سكينه وفي مواجهة عنيفة مع الناس ..
الغريبة أنا .. ظهرت مثل ديجانقوا .. لابس فنيلة "كت" بدون أكمام .. وجوار محل الزول كان قاعد .. هناك أخدود مثل الاخدود العظيم .. أنا بقيت أقبض في الحرامية واحد تلو الأخر وألف به صينية .. وأفنه في الأخدود الناس تشوفهم طايحين ... مثل عساكر المظلات .. فنيت جوه الأخدود خلق كتير .. لما تكيفت من روحي ..
أها الحصل .. الزول قبل الأخير قبضته .. ودورت به صينية .. وقبل ما أفنه .. الزول الأخير دفرنى أنا ذاتي في الأخدود .. وصرنا أنا وزولي في صراع قبل ما نصلوا قعر الأخدود .. أي واحد محاول يجعل من الأخر مخدة يقع عليها ..
أها الزول غلبنى تب .. وركب في ضهري .. ورفع رقبتي للخلف .. مثل ناس المصارعة لما زول يبطح الأخر ويركب في ضهره ويفدع رقبته .. لما يدق يده في الوطاه لكي الحكم يخلصة .. لكن البخلصنى شنو أت! وتحت، في الوطاة، ظهرت موية وصخور ورضم كبار ..
ومن شدة الزنقة أنا صحيت تعبان تعب شديد قبل الحرامى ما يلطخنى في الحجار! (الغريبة أخواني ما أشتغلوا بي الشغلة بعد ما أستتب لهم الأمر .. شالوا الشنطة وبدأوا هم يحسبوا في القروش .. هههاي، خير تسوي شر تلقي!!)
بريمة
09-17-2022, 07:35 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
هههههها يا سيد بريمة انت محظوظ انو ابوالكباس الجاك دا ابوالكباس حق زمان دا ابوالكباس منتصف الثمانينات. هسع لو جاك ابوالكباس بكون مره واحدة مختلف. يعني ابوالكباس في دا الزمن القبيح لو جاك . الحرامية فيه اول حاجة بيطعنوك أو يقشطوك ساطور تحت اضانك. وبدون نقاش. شنطتك تشوفها طشاش طشاش وانت تحت تخدير ضربة الساطور وظهر ساطور ابو نص مناشر وقعر حربة نظام المصارين ابوالكباس ما عاد هو نفس ابوالكباس المسالم. الان عمو كبابيسو مرعب يتعامل معاك في احلامك نفس التعامل الحاصل في الزمن المهبب. بعدين يا اخوي في زول بيطلع من امريكا ومعاهو 40 الف وبدون دكلارشن؟ لو قبضوك طالع بيها في المطار ما كنت تاني بتشوف النور .
09-17-2022, 08:53 AM
Abureesh Abureesh
تاريخ التسجيل: 09-22-2003
مجموع المشاركات: 30182
شكرا شباب على إثراء البوست.. ويا أخ عثمان موسى أولا الف حمد الله على السلامة.. وربنا كتب ليك عمر جديد.. ثانياً، كلامك مظبوط 100%، ولكن يوجه لى وليك والأخرين لأننا ملكية ساكت.. أما هذا الرجل.. فما اظن أخذت الوقت لتحليل ما قام به.. أولاً شخصيته.. طريقة الوقفة بتاعته وبنيته الجسمانية تدل على انه عسكرى فى أحدى الأقسام العسكرية.. يجوز المارينز أو السيــل Seal وهى أخطر وأقوى وحدة فى الجيش الأمريكى.. وهو لو لاحظت من بداية العملية لم يرفع نظره عن الحرامى وبثبات وهدوء.. الخواف ما يعمل كدا.. كان ثابت تماماً وينظر للخصـم حتى يجد الفرصة للإنقضاض..طول الوقت ما رفع عينه منه. هذا يعنى عند ناس فنون المارشال، انه سيطر على الحرامى قبل أن يتحرك نحوه. عملية الهجوم وقلع المسدس كلها تمت قبل ذلك بكثير.. ودا كان تنفيذ فقـط. انقض عليه وضربه بين رجليه بركبته وشال منه المسدس.. كل كل هذا فى ثانيتين فقط.. عرف وقبل الإنقضاض حيعمل شنو لذلك كف قميصه أو فانيلته.. يعنى شمــر (بتشديد الراء) قبل إنحناء الحرامى وبدء الهجوم. لاحظت دى؟ برضو لما الشرطة وصلت وضع المسدس ورفع يديه.. وهذا تصرف مهنى لا يعرفه إلا العسكر أو بتوجيه من الشرطـة. وبالنسبة للمارينز والسييل فإن الموت فى الركاب عندهم سنــة.. مدربين انو الحياة والموت شئ واحد.. بس لا يسعون للموت ويخططون تخطيط صاح.
احمد ياسين انا بعدما قريت كلام ابو الريش الأخير مشيت شفت الفيديو تاني عشان اتأكد أنه الكلام ده كله حصل ولقيت ان البنت كانت مربطة بحبل وخلفت رجلينها عشان تفك الحبل ..ومن صوتها كانت عاوزة تموت من الخوف .... انا في البداية يرضي افتكرت انها مستهونة الأمر ومفتكرة انها قاعدة في الكرسي وبتلعب بالموبايل والشكلة مدورة.. لكن لمن جات لتلفون المكتب واتصلت بالشرطة عرفت انها كانت مربطة... بس نحن ما شفنا الفيديو من الاول : متين الحرامي ده ربط البنت والزبون ده كان وين في البداية ...
09-17-2022, 03:00 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: . أما هذا الرجل.. فما اظن أخذت الوقت لتحليل ما قام به.. أولاً شخصيته.. طريقة الوقفة بتاعته وبنيته الجسمانية تدل على انه عسكرى فى أحدى الأقسام العسكرية.. يجوز المارينز أو السيــل Seal وهى أخطر وأقوى وحدة فى الجيش الأمريكى.. وهو لو لاحظت من بداية العملية لم يرفع نظره عن الحرامى وبثبات وهدوء.. الخواف ما يعمل كدا.. كان ثابت تماماً وينظر للخصـم حتى يجد الفرصة للإنقضاض..طول الوقت ما رفع عينه منه. هذا يعنى عند ناس فنون المارشال، انه سيطر على الحرامى قبل أن يتحرك نحوه.
انا اختلف معك .. لو دققت النظر حتعرف انو الجرا مسك المسدس ده (البرهان) .. خخخخخخخخخخخخ
09-17-2022, 09:34 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
رد الفعل الطبيعي يا احمد ياسين اذا انا كنت محل الموظفة دي وبعد اضرب تلفون للشرطة ان اهرب خارج الدكان وانتظر وصول الشرطة ..مش يمكن تجي رصاصة طاشة وتصيبك في مقتل... والله قال ولا ترموا أنفسكم إلى التهلكة... العمر مش بعزقة ..زي ما بيقولوا المصريين...
09-17-2022, 11:22 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
امتثال عبدالله تصرف سليم.. وصحي العمر مش بعزقة على قول المصريين انا شخصيا لو في محل و جاني حرامي مساح حتى لو بى عكاز بقلع الدرج مع الكاشير وبسلمو ليهو .. واقول ليهو" يو نيد صمسينق إلس ؟ مان ؟"
Quote: اذا انا كنت محل الموظفة دي وبعد اضرب تلفون للشرطةان اهرب خارج الدكان وانتظر وصول الشرطة ..مش يمكن تجي رصاصة طاشة وتصيبك في مقتل...
التصرف الطبيعى فى الزمن دا ما ينفع.. التصرف بفكر هو اللى ينفع. وأول تصرف أثناء ضرب الرصاص هو الإنبطاح على الأرض أو أخذ ساتر مثلخلف السيارة أو خلف المقعد كما فعلت هذه الببنت.. لأنو لو الزول وقف علي حيله عشان يجرى خلاص إتكشف للرصاص سواء مقصود أو طائش.تصرف البنت كان صحيح 100% لأنها بعد أنهت المكالة ختت السماعة على طول واندست خلف المقعد .. راجعى الفيديو. رغم علمها ان الحرامى مضروب والمسدس مع الزبون لكن النيران الصديقة برضو ما مضمونة. وممكن الرصاصة تضرب حديدة وتغير إتجاهها.
During a Robbery Remain Calm. Obey the robber's commands. Do not antagonize the robber. Consider all firearms to be loaded. Look at the robbers - notice details to aid you in describing them and their mannerisms. ... Take note of the weapon.
Procedures During a Robbery Proper Employee Training Saves Lives Proper employee training of the procedures to follow during a robbery is vital to surviving the confrontation. Conduct documented training and discussion periods so that every worker knows his or her part and has a chance to ask questions. A few minutes of brief review on a regular basis will help to ensure the proper reaction in case of a robbery. The overriding consideration in dealing with a robbery is to reduce the possibility of injury.
Safety Tips Do not resist the robber. The money is not worth risking a life. Take no action that would jeopardize the safety of personnel or customers. Cooperate with the robber and do not try to become a hero. Robbers almost never hurt anyone who cooperates. Do not use weapons against the robber. Introducing another weapon into the situation increases the chances of someone becoming injured during the robbery. No amount of money is worth the risk of endangering a person’s life. Inform the robber of any surprises. If someone is expected back soon or if you must reach or move in any way, tell the robber what to expect so they will not be startled. A suspicious move by an employee may trigger a violet reaction by the robber and endanger the lives of many people. Follow the robber’s commands, but do not volunteer to help. The longer the robbery takes, the more nervous the robber may become and more apt to become violent. Only give the amount demanded, if asked for a specific amount. Include bait money with the cash. This "bait money" could be a bundle of currency with recorded serial numbers (record the denomination, serial number and year of several tens and twenties on a piece of paper kept separate from the register) or concealed dye packs. The silent alarm may be designed to activate by the removal of the bait money. Keep calm. Gun. If the robber displays a firearm or claims to have one, consider it loaded and dangerous to your life. Activate the hold-up alarm, without being obvious to the robber, and alert other employees by using prearranged signals. Be observant. Plan to be a good witness. Try to notice as much as possible about the robber. Make mental notes on the following: The robber’s physical characteristics, including: race, sex, height, weight, facial features (head shape, hair color, eye color, shape of eyes, nose and mouth, etc.) speech patterns (i.e., accents), scars, marks and/or deformities, right or left-handed. Any unusual smells about the person, i.e., drinking, smoke, etc. The number of robbers and their clothing description, as well as any names used by the robbers. Any peculiarities shown by the robber (i.e., smelled of alcohol, appeared to be "high" on drugs, etc.). Description of any weapons used. Try to notice barrel length, barrel color, color of grips, whether a pistol is automatic or a revolver. If the robber uses a note, place out of sight to retain as evidence. After the robber has the money, offer to have employees and customers lie down instead of waiting for the robber to decide what to do such as knocking you down or tying you up.
09-18-2022, 04:55 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Do not resist the robber عدم مقاومة المقتحم .... طبعا المجرم ------ دا الكلام يا يحي قباني والتصرف السليم... والتعليمات التي يجب ان تتبع في مواجهة المواقف المميتة وما اظن بعد التعليمات الاوردها الباشمهندس قباني والتي يجب ان تتبع حرفيا يكون في اي تهور وتعريض حياة الناس للموت ..والخطر .. في مقابل المال. السلاح لا بعرف مارينز ولا صاعقة ولا فنون قتالية
09-18-2022, 05:21 AM
Abureesh Abureesh
تاريخ التسجيل: 09-22-2003
مجموع المشاركات: 30182
وكما قلت هذا صحيح 100% ولكن يقال لى ولك ولكل ملكى.. كما قلت أعلاه فرقت بين المدنى العسكرى.. العسكرى خصوصا السييل ناس الصاعقة كما ترجمتها .. لما كان ينظر اليه كان يدرسه ويكون فى الوقت دا نزل الملف بتاعه كله.. من منا يستطيع القيام بكل هذه العمليات التى قام بها فى ثانيتين فقط؟ خلى الحرامى (محايد) فى ثانيتين فقط.. ثم طوال الوقت لاحظ الصمامة وعدم الإنقسام الذى كان عليه.. ثقة مثل هذه تكون نتيجة تدريبات طويلة. تقول السلاح لا يعرف مرينز ولا صاعقة.. ولكن المرينز يعرفون السلاح.. ودرسوا سيكولوجيات المهاجم وغيرها مصائب كتيرة.. الرجل الذى تصرف ذلك النصرف حربى fighter.. هذه مهنته..
أما كلامك ونصيحتك للملكيين فى محلها تماما ويا ريت كل واحد يلتزم بها.. أنت كلملكى غير مدرب لازم تلتزم بأوامر أى مهاجم يحمل سلاح نارى.. مافى أى طريقة. العساكر ديل خليهم فهم يتصرفون حسب تقديرهم..
09-18-2022, 05:21 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: r Do not resist the robber عدم مقاومة المقتحم .... طبعا المجرم ------ دا الكلام يا يحي قباني والتصرف السليم... والتعليمات التي يجب ان تتبع في مواجهة المواقف المميتة وما اظن بعد التعليمات الاوردها الباشمهندس قباني والتي يجب ان تتبع حرفيا يكون في اي تهور وتعريض حياة الناس للموت ..والخطر .. في مقابل المال. السلاح لا بعرف مارينز ولا صاعقة ولا فنون قتالية
حقيقة انا مستغرب يا احمد في كلام الناس الهنا .. ابو الريش عشان ما يعترف ان اعجابه بالتصرف الغلط في حد ذاته غلط. … دخل في قصة مارينز و seal و عدم الموضوع ..
يا احمد ابحديات سلامة الكاشير هو عدم المقاومة و سماع طلبات الحرامي .. و واحده من الاهم الاشياء انه يدي الكاشير تكون ظاهره فوق الكاونتر لو كان ورا الكاش..
اتمنى انه اي زول عايش في امريكا و كندا و شغال في محل او لديه انسان عزيز شغال في محل يأكد عليه انو يراجع اساسيات السلامة .. روح الانسان لا تعوض ..
09-18-2022, 05:59 AM
Abureesh Abureesh
تاريخ التسجيل: 09-22-2003
مجموع المشاركات: 30182
ما تقلدوا العسكرى الفوق، لأنه حسب ما قال صاحب الفيديو متدرب على الماشال آرتس .. وزى ما قلت فى مداخلة سابقة فى التعليق على الفيديو الأصلى.. العسكرى هنا عمل نفس الشئ.. وقف مع المتفرجين لفترة وعينخ عليه يدرس ويتابع الزول لغاية ما شاف أن إنتباهه مشى فى إتجاه تانى، فقام نفذ الخطة التى أعدها مسبقاً وقلع منه السكين.. ولو كان مسدس كان برضه قلعه منه بنفس الطريقة.. مرة تانية.. المدنيين لا يقلدوا هذه الخطوات لأنهم احتمال كبير يموتوا كبير جداً.. هذه تحتاج تدريب عالى على فنون القتال..
09-18-2022, 07:37 AM
Deng Deng
تاريخ التسجيل: 11-28-2002
مجموع المشاركات: 52561
Quote: ههههاي يا عثمان !! زولكم دقس .. ذكرتنى بي أب كباس .. ذات مرة وأنا نايم أحلم أنى أخذت حزمة من الدولارات تقدر بحوالي 40 ألف دولار بقصد تسليمها لأخوانى في الخرطوم ونعود أمريكا .. أها وأنا نزلت الخرطوم .. وأتفقنا نتقابل في محطة البنك العقاري جوار جامعة أم درمان الأسلامية أنا سبقتهم ووضعت شنطة "الهاند باك" في جواري في مقعد المحطة .. المحطة زي العندنا في أمريكا هنا .. قزاز ومقعد طويل ..
أخوانى جوا قمت نسلم عليهم .. زول سحب الشنطة ومشي بها !! خلصت من السلام .. لقيت الشنطة ما في .. أخوانى كل زول سل سكين وقبقبوا ناس المحطة .. أنا ألتفت .. أشوف ليك زول قاعد في الوطاه بعيد ومنهمك بحسب .. قلت للجماعة أراه كم نجروا للزول داك .. جريبنا لقينا شنطتنا معه .. وهو البليد الأخر عندو قروش أكتر من حقتي وضعها في شنطتي!! حاصرناه .. شلنا قروشي وقروشه .. الزول صرخ صرخه مجلجلة .. وهنا بدأ أكشن غريب. جوا عدد هائل من الحرامية لنجدة الحرامى لأخذ القروش مننا .. والدواس بدأ! أخوانى كل زول سالي سكينه وفي مواجهة عنيفة مع الناس ..
الغريبة أنا .. ظهرت مثل ديجانقوا .. لابس فنيلة "كت" بدون أكمام .. وجوار محل الزول كان قاعد .. هناك أخدود مثل الاخدود العظيم .. أنا بقيت أقبض في الحرامية واحد تلو الأخر وألف به صينية .. وأفنه في الأخدود الناس تشوفهم طايحين ... مثل عساكر المظلات .. فنيت جوه الأخدود خلق كتير .. لما تكيفت من روحي ..
أها الحصل .. الزول قبل الأخير قبضته .. ودورت به صينية .. وقبل ما أفنه .. الزول الأخير دفرنى أنا ذاتي في الأخدود .. وصرنا أنا وزولي في صراع قبل ما نصلوا قعر الأخدود .. أي واحد محاول يجعل من الأخر مخدة يقع عليها ..
أها الزول غلبنى تب .. وركب في ضهري .. ورفع رقبتي للخلف .. مثل ناس المصارعة لما زول يبطح الأخر ويركب في ضهره ويفدع رقبته .. لما يدق يده في الوطاه لكي الحكم يخلصة .. لكن البخلصنى شنو أت! وتحت، في الوطاة، ظهرت موية وصخور ورضم كبار ..
ومن شدة الزنقة أنا صحيت تعبان تعب شديد قبل الحرامى ما يلطخنى في الحجار! (الغريبة أخواني ما أشتغلوا بي الشغلة بعد ما أستتب لهم الأمر .. شالوا الشنطة وبدأوا هم يحسبوا في القروش .. هههاي، خير تسوي شر تلقي!!)
بريمة
العبار بريمة بلل
الناس بتحلم بأحلام سعيدة، وأنت تحلم بمثل هذا الحلم العنيف؟
الظاهر أنك أكيد ضارب لك عبابير من خمور فرجينيا المضروبة والمعروفة بانها رديئة، في منطقة ليسبرج، وأكيد أنك متعشي ب ام جقاجق. علشان كده بتحلم بمثل هذه الاحلام !
09-18-2022, 01:37 PM
Abdelrahim Mohmed Salih Abdelrahim Mohmed Salih
تاريخ التسجيل: 04-13-2016
مجموع المشاركات: 958
سلامات يا ابوالريش وضيوف البوست من راى عدم المقاومه حتى لو كان مارينز او بوليس فى ملابس مدنية....ماهى فائدة المقاومه؟ لم يكن هناك تهديد لحياة شخص ما الحرامي كان حا يخم الدولارت ويتخارج وهناك كاميرات مراقبة وبوليس يمكن يتقبض ويمكن ما يتقبض لكن ليس هناك سبب ان تعرضك حياتك للخطر المارينز مهما كان متدرب هناك إحتمال ولو بسيط ان يصاب برصاصه طائشه او يصيب الحرامي وبعدين حا يكون سين وجيم من ضمنها لماذا هاجم الحرامي وهو لايملك التفويض رسميا...شهامه او Civil Courage ما بتحلوا بعدين كن تلتله المحاكم خلاصه القول الزبون اتهور ساى
09-18-2022, 02:24 PM
Abureesh Abureesh
تاريخ التسجيل: 09-22-2003
مجموع المشاركات: 30182
أخانا عبد الرحمن، مرحب بيك.. والدفاع عن النفس لا يحتاج الى تفويض مسبق أو فتوى.. القانون معك دائما لو ثبت انك كنت تدافع عن نفسك .. وهو يرى ان الحبل يبرم له فكان تصرفه دفاعا عن النفس.والرجل وأمامه المرأة المربوطة.. والحرامى يجهز الحبل ليربطه هو أيضاً .. وهو لا يعرف بعد الربط هل الحرامى سيجبن ويرتعب ويقتلهم أم لا.. كل شئ وارد وبمرور الزمن الحرامية يكونون متوترين أكتر ومرعوبين أكتر.. بعدين الزول دا يعرف مقدراته القتالية ويعرف يحسب بالضبط الزمن المطلوب لتحييد الحرامى بعد مراقبته ودراسته.. والكلام القاعدين تقولوه دا كله ينفع مع المدنيين. بعدين أنا ذكرت أن المارشال آرتس تدربك على فنون القتال.. الدفاع والهجوم.. ويوروك كيف تقلع المسدس والسكين من المهاجم حتى لو أمامك وموجه الى صدرك.. ضربة واحدة بيديه على يد المهاجم وترى المسدس طاير فى السماء.. بعدين هم بالمناسبة لا يخافون الموت.
09-18-2022, 02:28 PM
Abureesh Abureesh
تاريخ التسجيل: 09-22-2003
مجموع المشاركات: 30182
عارف يا أخ احمد ياسين أصعب تجربة هي تجربة لحظات رعب الرابري. واقبح صورة تمر عليك في حياتك هي صورة ماسورة المسدس كاتم الصوت أو صورة ماسورة المشين قن. مصوب عليكم. اللحظات زي السنة والمسدس مصوب جهاتكن وانتو في ركن المتجر. ياخ بينك وبين الموت شعرة. وفي رمشة عين يمر عليك تاريخ حياتك كلو وتتخيل نعشك مرسول بالقطرية على السودان وتتخيل بنات عمك يردحن. ولحظة تنفرج وتتنهد وتحمد ربك . تحس زي الجدعوك من قمة جبل كلمنجارو. فلم مخيف وتجربة مرعبة ههههههها .
09-18-2022, 04:16 PM
Abdelrahim Mohmed Salih Abdelrahim Mohmed Salih
تاريخ التسجيل: 04-13-2016
مجموع المشاركات: 958
فعلا مرات التصرف غير المدروس ممكن يأتي بنتائج عكسية لو تتذكر يا ابو الريش ابن اخت الفنان الراحل صلاح ابن البادية حاول يلحق بحرامي خطف حقيبة نسائية من يد أحدى النساء في شارع عام الحرامي قبل للوراء وهو جاري وضربه طلقة اودت بحياته .. كانت حادثة مؤسفة جدا
09-18-2022, 08:06 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
غايتو يا ابو الريش عندك مغالطات اصلو ما حريفة إنت كتبت عنوان بوستك "زبون شجاع ..............." الناس إتداخلت وقالت ليك تصرف الزبون متهور وخاطئ وكان ممكن يؤدي بحايته وحياة الموظفة كان ممكن تتفق معاهم وتقول إنو فعلاً تصرف متهور وتحتقظ بوصفك له بالشجاعة في العنوان. لأنو الشجاعة والتهور ما بتعارضوا مع بعض. بدلا عن ذلك جيت قلت إنه من المارينز وفي الحالة دي يبقى عنوان بوستك مضلل لأنو في الحالة دي تصرف الزبون لا يعزى لشجاعته بل يعزى لتدريبه على مواجهة مثل هذه المواقف. وبالتالي يلزمك تغيير العنوان.
09-18-2022, 08:09 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: ماهى النصيحة التى يقدمها البوليس الامريكى للمواطنين فى مثل حالات كهذة؟ حتى لايكون الامر متروك للإنطباعات الشخصية
مرحبا عبد الرحمن النصيحة هى لا تقاوم أى شخص شايل سلاح نارى وأعطيه كل ما يطلب من الفلوس أو الأجهزة.. الشرطة تقول ذلك (للمواطنين) وليس لناس المارينز.. وأنا فوق قلت الكلام دا من البوست ألأول. يعنى بوست الإفتتاحية.. لكن متحير هل الناس قاعدة تقرأ ما يكتب؟ يكرروا كلامى فى كل مداخلة.. حاجة غريبـة.. فرقت ووضحت الفرق بين المواطن العادى وبين المهنيين من قوات الصاعقة او المارينز أو قوات ال Seal.. وقلت ديل أساسا مدربين على كل أنواع الدفاع فى أحلك الظروف.. وعندهم تقنيات تخليهم يوروا أكبر كتال كتلا الطفى اللمبة منو.. انت جديد فى البوست ولكن للاخرين لو الموسيقى دى عاجباهم ممكن الواحد يكررها ليهم. شرحت فى بداية البوست سلوك الزبون ثانية بثانية فوق ما شرح صاحب الفيديو.. وقلت لا تقلدوه فهو شخص مدرب تدريب عالى، وأتيت بفيديولشرح ذلك.. وهم يكررون لا تقاموا الحرامى الذى يحمل مسدس.. خلاص يا شباب دا رأيكم انتم وليس رأيى هنيئاً لكم.. رأيى كان غلط وشكرا على التصحيح... المشكلة هى الناس دائما تتوقع رأى واحد.. يسلم واللا ما يسلم.. لكن مجرد ما تتكلم عن مواقف مختلفة وافراد مختلفين، وانو الموضوع ليس ابيض وأسود.. بعض الناس تفصل منك طوالى.
09-18-2022, 10:12 PM
Abureesh Abureesh
تاريخ التسجيل: 09-22-2003
مجموع المشاركات: 30182
حافظ شايف الشئ الطاير فى السماء داك؟.. اتفق معك هى غنماية ما طيـرة.. و( المارينز ما شجعان).. ينفذون اللى تدربوا عليه بس.. والزبون ما ممكن يكون من مارينز
كويس معاك كدا؟
09-18-2022, 11:32 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Biraima M Adam
Osman Musa
Ahmed Yassin
يحي قباني
Deng
Abdelrahim Mohmed Salih
حيدر حسن ميرغني
Hafiz Bashir
فيس بوك
تويتر
انستقرام
يوتيوب
بنتيريست