في مواقع التواصل الاجتماعي منذ اسبوع مقالات نقد وجلد الذات خاصة بعد الحديث برهان عن الاستعمار الانجليزي للسودان لاحظت أن هناك تمجيد للبريطانيين وأننا نحن من دمر كل انجازاتهم المقال منقول من الفيسبوك / الكاتب محمد عباس عمر ==================
Quote: بالله نحن ما شعب نستاهل الضرب بالبرطوش ؟ ........ من ذكرياتي في العمل الإداري.... بالله شوفوا نحن السودانيين أعداء أنفسنا وأعداء وطنا كيف....! الخواجات (شركة ريكي الإيطاليه) اللي عملوا طريق سنكات هيا دورديب تركوا لينا خط مياه شرب عذبه من الآبار الجوفيه في قوز رجب ( مياه قوز رجب لاتنضب فنهر القاش يغذيها سنويا)...! انشأوا بيه الظلط وخلوه لينا هديه وكانت المياه العذبه متدفقه يوميا حتي سنكات ....! وكانت في صنابير مياه تفتح في أحواض تملأ بالمياه للرعاة بين كل محطه ومحطه.... ! بقوا إخوانا الرشايده ينزلوا في اي موقع بي إبلهم ومواشيهم ويضربوا مواسير المياه طلقه وتتدفق المياه يسقوا بهايمهم ويمشوا...! إدارة الطرق والكباري تعبت من إصلاح الخط وقاموا قلعوا الوابورات والمواسير....! ووقف المشروع....!
بالله نحن مش شعب ماسوره ؟ بدل نحافظ علي المشروع الهديه ونطوره ونزيد عليه ونوصل المويه الكانت واصله سنكات العطشانه ونوصلها سواكن حطمنا المشروع....! نحن مش شعب نستاهل الضرب بالبرطوش القديم...!
09-13-2022, 09:23 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
حتى في قريتنا النائية (البرقيق ) في أقصاي الشمال جاء الخواجة مستر لانق (اسكتلندي) وأسس مشروع 700حواشة كل حواشة 10 فدان ومضرب في النيل وترعة تنقل الماء الى تخوم الصحراء عام 1940م وبعد ذلك أسس مدرسة أولية ومدرسة وسطى وبعد رحيل بدأ التدهور في المشروع حتى وصل ال يوم الى حضيض اذكر زمان آجدادنا وآباءنا كان يقولوا ضمن احاديثهم ( مستر لانق الله يرحمه ) اليوم دمار كامل لكل ما شيده الانجليز ولم تضيف الحكومات المتعاقبة أي شيء الى أن جاء شارلس بونيه مكتشف الاثار السويسري واسس متحف كرمة للاثار
09-13-2022, 09:59 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5509
استاذنا الحبيب علي نحن شعب مدمر" بكسر الميم التانية " لكل ما هو جميل متخصص في الكلام فقط و حرف ال"حال"ح" حنعمل .. حنسوي وحنبنيهو يوماتي ما تسمع انح الساس والراس والكراس ..اهم ما فينا هو الاختلاف.. مختلفين في اسلوب حتى الحياة.... من ابسط الاشياء ..شوف الخلافات في الجمعيات المهلهلة التعبانة ..طبعا الان كلها شالها الهدم والدمار. يستحيل ان نتفق واذا اتفقنا فإلى حين. ناقصانا التربية الوطنية..... وكفاية شعارات و كلام لا يودي لا يجيب... لذلك نحن شعب وليس امة
09-13-2022, 10:20 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5509
كيف ما ندمر بلدنا ونحن اذا كان المحامي عندنا يلف ويدور ويكذب ويلفق ويزور كيف ما نكون منحطين اخلاقيا اذا كان ( ميز ) الضباط هو وكر للسكر وال################ة. كيف ما نتقهقر للوراء وبيناتنا الخونة وعديمي الاخلاق ........ممكن يبيعوا وطنهم ويفشوا اسراره لمن يدفع... انا سمعت الحكاية دي من اشهر عسكري في زمن نميري قال: واحد من ناس الاتحاد الاشتراكي في بورتسودان مشى ميز ضباط الشرطة لقى جزء قاعد في الحوش ومدورين سكر والنفيب فلان مع فلانة حبشية والرائد علان مع واحدة وكبيرهم العقيد في غرفة داخلية مع واحدة او اتنين.. قال ليهم انا عاوز العقيد.. بعد تاخير اكتر من ساعتين كلموا العقيد قال ليهم( ادبو ..ال ك ..ب ... )دا.. وفعلا ادبوهو .. مشى الخرطوم وقابل نميري ..وحكى ليه القصة .. نميري قعد يضحك بصون عالي ويضرب في التربيزة وقال ليه: الوداك ليهم شنو ؟! دقوك بس؟ كويس انهم ما(..... ) واكمل ضحكته وقهقهاته. دا اسلوب ناس في اعلى سلطة في البلد....كيف ما نكسر وندمر ما صنعه الاخرون البلد؟ ،
09-13-2022, 10:48 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
فنانا الجميل احمد تحياتي يا الحبيب شكرا على المداخلات في الصميم وقصة الضباط ورد نميري نعم يا احمد اذكر زمان الممتلكات الحكومية كان يسموها (الميري) وكأنها متاحة للنهب أو الخراب ( خاصة عمدان التلفون ونواطير المساحة ) حتى في المدارس التربية الوطنية كانت شعارات أنا عرفت معنى الوطنية وحب الناس لأوطانهم عندما عملت مع سلاح المهندسين الامريكي في قاعدة الملك خالد العسكرية في حفرالباطن في الثمانينات وحتى حرب الخليج يا سلام نظرية انجاز العمل بأقل تكلفة ، المواعيد ، مركز التكلفة ، الكفاءة مكتب بدون قهوجي وفراش حتى الكولونيل ينظف مكتبه (التركيز علي المنتج بغض النظر عن أي شيء)
بعد الاغتراب عرفنا أننا لا نعرف حب الوطن فقط لفظي بدون أي فعل قفز في الهواء وعرضة وطرب عندما ترديد الاناشيد أما فعليا دمار
تحياتي فنانا الجميل شكرا على المداخلات الدسمة وخاصة قصة الضباط ايام نميري
09-13-2022, 11:21 AM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
علي عبدالوهاب عثمان اخى الغالى ياليت قومى يتعملون الكثير من عايز تربيه وطنيه وعايز تربيه اخلاقيه لقد انهارت القيم والاخلاق والعيب ليس بلاشك فى الزمن وفى الدنيا بل العيبفينا عندما تركنا العم الكان بربى والخال الكان بربى والجار الكان بربى والمدرسه الكانت بتربى وبقيت التربيه والتعليم بدون تربيه وتعليم والان بتربى القنوات التفلزيونيه والشوراع عشان كده كانت شتيمه عندما زول يقول امشى انت تربيه شووراع ولكن ما الحل الحل اخى ليس فى البل الحل في ان نرجع دور المدرسه والتربيه الوطنيه والاسره فى المشاركه فى التربيه واهم شى فى التربيه حب الوطن والصدق والشجاعه ونبذ كل انواع الشتات وانواع العنصريه والتنمر والشى الاهم من كده انو يكون فى توعييه فى المجتمع لمخاطر كل العادات القبيحه التى هى المسيطره الان على اغلب افراد المجتمع لن ينصلح الحال ان لم نضع الوطن فى حدقات العيون قبل كل شى وان لا نساؤم فى الوطن مهما كانت التضحيات والله المستعان على امر الوطن
مع تحياتى
مصطفى نور
09-13-2022, 12:10 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
حبيبنا مصطفى تحياتي وشكرا لحضورك الرائع دائما وانت من عضو مهم سودانيز وفي قمة النشاط ما شاء الله صدقت الحبيب مصطفى انهيار أخلاقي وسلوكي لأن الحياة لم تعد كما في السابق تكنولوجيا ووسائل تواصل ... الخ وأكثر ما يحدث انحطاط في المجتمع هو الاقتصاد .. الفقر هو أساس المشكلة وعندما ينتشر الفقر والعوز تنهار القيم .. أولاً لا بد من محاربة الفقر .. لأن زمان كان الراتب الشهري والانتاج الزراعي كان يكفي العائلة بل يوفر رصيد البلد في حاجة إلى منتجين وشعب يعمل ويكدح وليس ارتخاء والتنظير السياسي وورش العمل والمؤتمرات لاحظ التلفزيون كل نشرات الاخبار عبارة عن تنظير ووعود وورش عمل واحتفالات واستقبال مسؤلين وتصرحيات (( سوف نعمل ، سنقوم ، سنناقش ، ... الخ ) منذ أول يوم من الاستقلال نفس الحكومات عسكرية او مدنية قفز الى سلطة والامتيازات ..
ونحن شعب مثل السياسيين تماماً ومن أين جاء هذا السياسي هو اخ وابن عم وابن ووالد ...مننا .. وليس مستورد من الخارج يبدو أنني لو مارست السياسة كنت سأسير على نفس النسق نحن شعب مختلف عن كل الشعوب .. نحب الكسب السهل والسمسرة والواسطة والدخل بدون مجهود .. EASY MONEY وأنا جزء من هذا الشعب لا ابريء نفسي .. حتى في الاغتراب لا نمارس الاعمال الشاقة المفيدة فقط أعمال مكتبية وسائقين ومطاعم ... الخ
تحياتي الحبيب مصطفى شكرا لحضور الجميل نورت البوست واصل لأن مداخلاتك مفيدة جداً
09-13-2022, 12:55 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
الاخ الغالى على عبدالوهاب عثمان تحيه ياريت البوستات الهادفه دى تجد الكثير من المداخلات حتى نقدر نغير ولو اليسير فى الافكار وفى المجتمع الناس كلها بقت مثل يوم القياممه نفس نفسى الا من رحم الله والشعب خلاص تعب والله وانهارات كل مقومات الحياه والضنك والتعب اصاب الناس والياس رغم انو لابد من الامل ولابد للصبح ان ينجلى ولابد لقيد ان ينكسر كان الله فى عون الارامل واليتامى والمساكين وياريت نرجع تانى للتكافل الاجتماعى ونتفقد الاهل والجيران والاصحاب وكل من هو هو سودانى لان اللرسول قال الخير فى امتى الى يوم القيامه يارؤيت نعرف احوال بعض
مع تحياتى
مصطفى نور
09-13-2022, 01:50 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
Quote: والشعب خلاص تعب والله وانهارات كل مقومات الحياه والضنك والتعب اصاب الناس والياس رغم انو لابد من الامل ولابد للصبح ان ينجلى ولابد لقيد ان ينكسر
تحياتي الجميل مصطفى نور .. وجودك دعم حقيقي للبوست الاقتصاد هو الاهم ولكن السياسيين عندنا همهم كرسي الحكم ( عسكر أو مدنيين) كل مداخلاتهم ولقاءتهم في القنوات الفضائية لا أحد منهم يتحدث عن الاقتصاد وكيفية ارتقاء بالدخل تنظير .. دستور ومن يحكم وحساسية مفرطة وشخصنة كل القضايا لم يقدم أي منهم أي خطة اقتصادية أو طريقة للنهوض بالجانب الاقتصادي كل واحد يريد تدمير الآخر من الخصوم ..
نحن في مشكلة حقيقية الحبيب مصطفى وكما ذكرت انهارت كل مقومات الحياة
الله يكون في عون الوطن .. أكثر من عشرة جيوش داخل العاصمة فوضى وعدم امن اكيد تشظي السودان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علي عبدالوهاب عثمان
Ahmed Yassin
مصطفى نور
فيس بوك
تويتر
انستقرام
يوتيوب
بنتيريست