π واجب العزاء في حبوبة أليزا\بيص¢

«النسابة عين شمش»
قبال كدي لامن قلنا المغدورة الشهيدة
شيرين بت أب عاقلة بتنا و كمان من طيبة
الشيخ عبد الباقي، كان نلقالنا شلية في الميراث
قام طارولنا الشماشير في لهاتنا قالو علينا لبط.
أهل تعالو انحشرولنا هنا بين البصلة وقشرتا

∆ إنترمت البارحة صاحبة الجلالة الملكية
لؤلؤة التاج البريطاني الآنسة أليزا\بيص و دخلتنا زاتنا
نحنو في حيص\بيص. زي ما شفتو في كل الفضائيات
∆ المرة دي للمو خابر قصتا تبقالنا في الحسبة ختيبة
شرعن و غانونن لجدنا يونس ود الدكيم، يعني بالعربي
الفسيخ كدا «Aught To Be» حبوبة ، أي: على اعتبار
ما كان سوف يكون لو كان عرسا لاقى الختاتان.
يلا علينا جاي لنضن نفر

∆ حباب شيخي شيخ الترابلة ، أبقى
لا جوة النگرم مسواك شاي و جبنة و أي حاجة.
∆ أيوة سرادق العزاء عندنا بجاي والناس نمل.
لكن خلنا نجيب ليكم الزيت حبة حبة ، طبعن
بتعرفو المهدي و الثورة المهدية و ود تورشين ؟
طبعآ كلمة ثورة دي بتاكل معاكم جنبة يا حناكيش
بعد المهدي جاء الخليفة عبد الله ود تورشين التعايشي
و هو من ريدتو و محبتو و تقديرو لي يونس ود الدكيم
قال ليو نعرس ليك فيك\تور\يا أم و لا قريبة اليزا\بيص
ملكة بريطانيا دي زاتا الإنترمت أمس لمسواها اللخير.
(} علا الوكت دا فيك\تور\يا عاد ما كانت فيكتوريت
السرور تكييف و أكل نضيف شوية كدا و تولع فيك
ما وافقت طوالي كانت منتظرة ود الدكيم يرسل ليها
بوكيه ورد و دبلة أماظ، جاتو تتفاجأ تقول واووو ماي
قود يا دگومتي و تتمنع شوية! لكن هو اللي فاجأها بي
سروالو ملفوف بجلد قرنتية ولا شعارنا، وحيد القرن!
يلا علينا جاي لنضن نفر

∆ ههههاااااوووو .ما ترا قبضا
∆علا يا شيخي مالك عليا ما تمشيها في اللباد
نحنو مهما بعبصنا في تاريخنا ما حنلحق ناس
تعوم شقير، اللي قالو أصلو عميل مدسوس
في مخابرات الاحتلال المسمى ثنائي!
∆ خليك قريب الزيت جاييك

∆ يلا جيناك يا شيخي بي عنكوليب النجيضة،
وعلى فكرة النسوان عليهن جنس حركات! وكت سألوا واحد
آدمي وليس جدنا ،ولله العزة و أولي العزم من أنبيائه و رسله
أتحبها ؟ قال من غير دسديس و لا غتغتة: آاااي بموت فيها و
أحب ناقتها بعيري, زول واضح و صريح؛ علا لما سألوا واحدة
من صويحبات يوسف أتحبينه ؟ بري يا يمة أبرا واستبرا وأمش
الخرتوم أقرا و هي دايبة في دباديب القليب الراسمو حتة , دا
لما كانوا محنكين فوق سطوح شاطئ الضباع حداكم في دبي،
أها لما نزلوا في ضلام هرتومنا هنا بالليل آدمو كان بفتش ليها
بالنهار و يهجس ينوم بالليل لكن حويوة كانت تگوس ليو بالنهار
رحيح و شايلة الليل دا حيح و لامن لمو في بعض جاتو مخوية
بس طيارة مسيرة بدون طيار، سألا كنتي يا زولة قلقت عليك
ل قالتلو وااااو يا أدومتي هو إنت إمتى،دانا كنت مستنياك
تيقي براحتك,بس راحت علي حتة نومة و تسيتك !!
~نومة مين يا ست إنتي داحنا دافننو سوا!

∆شفتو المكر دا شفتو الشفتنةدي منو
دي حواء اللي هي حبوبة منو حبوبة فكوية..وسمح
فكوية منو ختيية يونس ود الدكيم و يومي جد منو؟!
جد الأمين و علي أولاد الدكيم..و اللمين بقى جد منو؟!
جد فتحو جبد ..و اللمين ود خالة منو؟ود خالة جدي عبد
اللطيف ود بابكر و ديل جدودن دكيم و ربيط و بريط
أها دكيم دا يطلع جد الدكيماب و أصيل أصل اللصيلاب
متل مو ربيط جاب الرباطاب و بريط أخوه جد البريطان
وأها العلجة حبوبتنا و لا مي حبوبتنا؟ يلا تدونا الفاتحة
و كشف المواجبات تنزل لينا بنكك من مشيت شفتها
عرفتها فكت اللوحات على عمر ناهز ال ٩٦
سنة زهزن و برضها صغيرة و جاهلة ٩٦
دي بتعادل بي بالسوداني بالميت
٢٢ سنة و شهرين و تلاتة يوم
ياا، علينا جاي لنضن نفر!

∆ نحن موش ساقطين تاريخ و بس يا مهدينا،
بل انكسر لينا الدش خسوسن بعد حبيبو ود ياسين جابلبنا أصل
العلجة و فصلها و كمان مسك كشف «النقطة» بوظ لنا كل حاجة.
ويا ريت لو كان رفعنا الفراش و نهينا العزاء بلصق آخر أيقونة (Like)
على قبىعا المندثر و طي آخر صفحة دردشة (شات) كأحدث تقنية تبادل
للتعازي متل ما هو حاصل مسلن عبر منصات التناصل اللااجتماعي و لا حتى
أخلاقي بين قروبات قبيلة الشابين و الشابات المفسفسين و المفسفسات،
الموطسبين والموطسبات ، و المتوترينوالمتوترات ، و المنستغرمين و
المنستتغرمات الحييين منهم و منهنَّ و «الحيَّات» بالواتو الأموات.
(}ودي بقى تعتبرآخر تقليعة في صيحات موضة التعازي على الواطس،
الفيس و تويتر و انستاغرام؛ وما إلى هنالك من صرخات و،ما أنزل الله
بها من سلطان و لسةجاية في الطريق، على الأقل بالنسبة لواحد أمي
و متخلف و فاقد تربوي تكنولوجياً زي حلاتنا كدا، و الأيقونة هذه قد
تحمل فقط اسم الُمُتَوَفَّى مع لقطة سلفي للحظات لفظه لآخر أنفاسه
مع ملصق ديباجة بنبذه خاطفة عن عمرهم الذي أمضاه هاملاً و
مبرطعاً على حل شعره في (البَروالتَّقَّوِي)؛ و ليس بالضرورة
(البِرِّ و التَّقْوَى)، وبمسحة حزن مصطنعة(كطع خدر) ،
إذ يكتفي السيدات و السادةالمعزونبوضع أيقونة
تكشيرة معبرة أو عبارة/(Like)،و كأنما لو كان
الفاجعة عاجبا الواحد وسارة بالو؟!
ود الحيشان التلاتة

∆والله عاد يابوحميد ما قصرت معانا
طب من تعالى تحرر للبكا ، و كنا بالجد ناويين تسوق
معانا عوضية ردحدي و حنان سكيب، لكن خفنا من
مجاسفة ما تغني معانا.عمومن بعد انترام الجلكينة
قلنا نفض اعتصام فراشنا و تقبل على و ريثا.

«يكشف الطبيب سبب تورم أصابع الملك تشارلز»
∆ حيث كشف طبيب الظروف الصحية المحتملة التي
قد يعاني منها الملك القادم للتاج البريطاني تشارلز الثالث
بعد أن لاحظ مقربون لدى البلاد الملكي "أصابعه المنتفخة".
ولقد سلطت وفاة والدة الملك البالغة من العمر 96 عامًا يوم
الجمعة الماضي الضوء على صحة جلالة الملكة ، حيث كانت
تعاني الملكة من إجهاد متزايد خلال سنواتها الأخيرة.
∆ لكن الآن تحول الاهتمام إلى ولى عهدها و وريتثع رضها
و المناهز بعمره ال73 عامًا ويديه الحمراوين المنتفختين ، مع
مشاركة الصور عبر منضات التناصل اللا-اجتماعي منذ وفاة
الملكة إليزابيث الثانية. علماً بأن تورم الأصابع قد عانى منه
الملك الحالي لسنواتٍ عدةٍ، حتى أن الملك نفسه أطلق
عليها مازحا "أصابع النقانق" في عام 2012 أثناء
قيامه بجولة في أستراليا بعد رحلة طويلة.
Doctor reveals why King Charles's fingers are so swollen
A doctor has revealed the possible health conditions the new King Charles III may be suffering from after royal fans noticed his 'swollen fingers'. The death of the King's 96-year-old mother on Friday brought to light Her Majesty's ailing health, with the Queen suffering increasing fatigue in her later years. But now the attention has turned to her 73-year-old heir and his red and swollen hands, with pictures being shared across social media since Queen Elizabeth II's death. Swollen fingers is something the now-King has suffered from for years, with the monarch himself even jokingly calling them his 'sausage fingers' back in 2012 while on tour in Australia after a long flight.

حي الله أستاذي الكريم ابن الأكارم جعفر إسماعيل،
و ياريت تلحقنا بي فديو االمناحة دي، و إن شاءالله تكون مصاحبة
بإقاعات الدنقر ، و هي لمن لا يعرفها من الحناكيش ، و أنت طلعن
بريء منهم ، عبارة عن كم قرعة مكفيات وومطفحات فوق طشت
مليان موية للطرق عليها بعصي رفيعة من الخيزران، لگي تعطينا
أنغاما جنائزية حزينة تقطع القلب الرهيف مع رقصة الردحي.
∆ هذا و لا عزاء لخبرية مهدينا الزاعمة بنسبة العلجة
لآل البيت، و هو نسب سوف لن ينفعها بشيء!