|
|
|
 Re: بلصورة الحظ يبتسم لراعي غنم بعثوره على كن (Re: Osman Musa)
|
واين مصلحة الآثار من هذه القصة ....كان على مصلحة الآثار ان تقوم بإنشاء سور حول هذه المنطقة
وإرجاع كل هذا الكنز للمتحف القومي لان هذا الكنز والذي يعتبر من الآثار التاريخية يخص الوطن
ولا يخص أفراد ....وعلى مصلحة الآثار التنقيب في هذه المنطقة لاستكشاف قبور الملوك الذي عاشوا
هنا ...وكتابة التفاصيل وعرض ما وجدوه لأجهزة الإعلام ....
حتى تاريخ السودان عاوزين يهملوهو .....بلد فوضى ...
| |
 
|
|
|
|
|
|
|
|
Re: بلصورة الحظ يبتسم لراعي غنم بعثوره على كن (Re: امتثال عبدالله)
|
امتثال عبدالله
اختاه
تحيه طيبه والله الحمدلله من وجد الكنز المسكين ده
حميدتى بخم فى الاطنان ومافى زول قادر يقول بغم والمسكين ده تفتتكرى لو رجع الدعب لمصلحه الاثار
كان مصير الدهب شنو والله التمساح فكى جبرين يجى بنفسه يبلعوا
البلد كلها تمسايح والحمدلله
| |
|
|
|
|
|
|
|
|
|
Re: بلصورة الحظ يبتسم لراعي غنم بعثوره على كن (Re: مصطفى نور)
|
والله كلامك صاح يا مصطفى ....كلامي مفروض اقوله في بلد فيها حكومة وما فيها
فوضى وما فيها تماسيح زي ناس جبريل ومناوي وما فيها حركات مسلحة تعمل من أجل
مصلحتها وتنهب وتسرق موارد وثروات البلد وكأنها فوق القانون زي حركة العدل والمساواة..
ال عدل ومساواة ال.....زي ما قال بدر الدين ود الأمير ....
احسن الراعي المسكين ده يستفيد بدل النصابين والحرامية الحاكمين البلد الان.
| |
|
|
|
|
|
|
|
|
|
Re: بلصورة الحظ يبتسم لراعي غنم بعثوره على كن (Re: دفع الله ود الأصيل)
|
اخونا المترجم الخطير ود الأصيل
سلامات .
الا يا ود الخال قريبك الراعي يستحق عترانو على الجرة المكتنزة بالذهب والفضة والسوميت
والياقوت وفصوص الزمرد والعاج والسكسك.
قريبك ضرب اللوتري .
خبت الجاك بورد.
ياخ نعافر في اليانصيب في مانهاتن زمنا كلو ما صدقت معانا .
يجي قريبك دا يقع في جرة جدك المكتول كمد ؟
ظنيتو جدك دا يا ود الأصيل كان عامل فيها بيل قيت.
ولا الوليد بن طلال .
ياخ خالك الخير ود جبر الدار قال لي جد ود الأصيل كان
صاحب مطامير وطين و وزين وزرايب محتشدة بالزرازير وأم قيردون.
وابوالسعن والقمري المظلل بين شجر الاراك .. اسالو عن حبيبي قولو متين أراك؟
يازول هوي دايرين حقنا في ما في الجرة يا بتاعين السكسك.
| |
|
|
|
|
|
|
|
|
Re: بلصورة الحظ يبتسم لراعي غنم بعثوره على كن (Re: امتثال عبدالله)
|
يا حليلك يا النايمة على حليلك يا بتنا يا امتثال .
اي مصلحة آثار البتحكي عنها ؟
انتي قاعدة وين؟
أبدا ما سمعتي عن شجرة الصندل السرقوها من داخل حديقة المتحف القومي؟
هو فضلت آثار في متحفنا .؟
البلد دي يا بتنا اتنهبت على كبير.
ما سمعتي عن شركة ارياب والنهب الممنهج ؟
الشغلة جاطت يازولة.
| |
|
|
|
|
|
|
| |
Osman Musa
مصطفى نور
دفع الله ود الأصيل
فيس بوك
تويتر
انستقرام
يوتيوب
بنتيريست