|
Re: الأخ مصطفى والله مشتاقين (Re: محمد عبد الله الحسين)
|
: محمد عبد الله الحسين الاخ الغالى دكتورنا محمد عبدالله الحسين والله قلاده لى فى صدرى وقلبى سوالك على والله العظيم اولا ليك الف شكر على السوال وزى ماقال محمد الامين بقولو الغائب عذرو معاه والله يا اخوى محمد مشغول وراء الجرى وراء الحياه والرزق الطيب الحلال وانت عارف انو مرات بتكون متفائل جدا جدا وبتجرى وراء اهداف كبيره وعايزه تركيز المهم عدت اليكم وسوف اكتب فى الخاص عن الشى الممكن يخلينى اختفى ايام وليالى زى ما قال الفنان احمد المصطفى تمر ايام ايام وليالى لكن الوعد انو كل يوم ابقى زيك مرات ادخل واعمل متاوقه وواطلع وتبقى زى قصه يا معاين من الشباك لبك كل الود والاحترام والامانى الطيبه فانت من اعز الاخوه والله واتمنى من الله ان التقى بكم جمعيا فى يوم من الايام التقيت قبل ثلاثه اسابيع مع اول اخ من ناس الموقع الرائع سودانيز اون لاين فى مصر الاخ المقيم فى السعوديه وليد طه ووقضينا حوالى ساعتتين كانت من اجمل ساعات اللقاء زى ماقال برضو احمد المصطفى الامل ان التقى بيكم جمعيا فى يوم من الايام فى مصر او امريكا او حيث اقامتكم وليس ذلك على الله ببعيد كم اشعر لك بالامتنان اخى الغالى دكتورنا محمد عبدالله الحسين واهديك حد يشعر بالسعادة ويمشى يختار البعاد حكمة واللة وحكاية تشغل ازهان العبـاد ناس بتتعذب وحيدةوناس بتنعم بالوداد قبل ما تشوفك عيونى بيك سعدتة وقلبى راد نظرة فى مراءة خدودك احلى مكسب المعاد يا جمال يا عاطفة صادقة انت بتحب العناد ولا بتحاول بدلك تشغل الروح والفؤاد احكى لى قصة غرامك كيف بديت حبك زمان وكيف بديت وكيفن بديت فى الحب كلامك يا ينابيع الحنان كنت بتبادل المحبة ولا بتعاند الاحبة او مقصدك انبل مراد ناس بتنعم بالمودة وليها مجد الحب يعود ناس تحاول ليها مدة ما لقت غير الصدود حكمة واللة وحكاية ادهشتنى من البداية وكيف تكون بكرة النهاية لو عنادك شوفتو زاد
| |
|
|
|
|
|
|
Re: الأخ مصطفى والله مشتاقين (Re: مصطفى نور)
|
قال عطاء بن أبي رباح: (تفقدوا إخوانكم بعد ثلاث، فإن كانوا مرضى فعودوهم، أو مشاغيل فأعينوهم، أو نسوا فذكروهم). الف شكر ليك اخوى الغالى دكتورنا محمد عبدالله الحسين انت نعم الاخ والله
| |
|
|
|
|
|
|
Re: الأخ مصطفى والله مشتاقين (Re: مصطفى نور)
|
اخى الغالى دكتورنا محمد عبدالله الحسين الف شكر ليك على السوال وكان الناس فى الماضى فى الزمن الجميل يسالوا على بعضهم البعض يوميا كان والداى رحمه الله عليه يوميا يسير عده اميال لكى يصبح على عمى وعمتى ويوميا يصبح على الجيران والله ولكن فى الزمن الاغبر زمن العولمه صا التواصل عن طريق الشوشال مديا وانقطعت صلات الرحم وقست القلوب والله المستعان والله شى مولم عندما ينقطع حبل الود وصله القرابه وتنقطع صله الرحم نخسر كل شى والله ولنتذكر جبر الخواطر التى هى من اجمل الاشياء فى الدنيا وجبر الله خاطرك اخى الغالى بالسوال عنى والله شى يفرح الفلب
| |
|
|
|
|
|
|
Re: الأخ مصطفى والله مشتاقين (Re: مصطفى نور)
|
اخيرا اخى الغالى دكتورنا محمد عبدالله الحسين اقول ليك وواهديك ماقال المتنببي من جميل القول وربنا يمتعك بالصحه والعافيه وان يبارك فى عمرك وفى اهلك يارب وربنا يجزيك الف خير عن السوال
| |
|
|
|
|
|
|
Re: الأخ مصطفى والله مشتاقين (Re: مصطفى نور)
|
تحياتي يا سمح الدواخل
الله يعينك ويوفقك
كنا متعودين على رشة طلك البدرية كل صبا وفقدتك أمس واليوم وأظن أول أمس..
فقلت غريبة...
لو ما رديت علي كنت حأتصل عليك في الخاص
الصباح قلت ناس القاهرة ديل بيكونوا نايمين...هههههه
ودي الخالص لشخصك الكريم
| |
|
|
|
|
|
|
|