أهم ما فيها: الحوار الوطني التشادي أنشقاق فصيل في الجيش في شمال تشاد في الحدود مع ليبيا أمن شرق تشاد مع الحدود السودانية كيفية محاربة البعوض والآفات من جراء السيول والأمطار .. فتح الفجاري في العاصمة أنجمينا لتصريف مياه الخريف.
بريمة
08-28-2022, 01:31 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
اكيد الدم يحن يا اوباما والمربى تربة https://www.0zz0.com اشتقت لي اهلك في تشاد وام التيمان عليك الله امشي سوق معاك حميدتي واطفي النور معاك وسلم الجنسية البنية بتاعك والرقم الوطني بتاع حميدتي لي سلطان دار مساليت وما تقطعو الجوابات عليكم الله علي الاقل عرفت انت جايي من وين يا دباب الدفاع الشعبي في ناس في المركز ما عارفين لحدي هسة جو من وين ولا حتي الطيب صالح ما عارف من اين اتى هؤلاء ؟
البوست ده منطقة علميات
08-28-2022, 07:05 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
الكوكلكس عادل: أولاً خليا نضعوا قوانين الدواس .. كل شيئ مباح .. الضرب في النخرة وتحت الحزام وفي المؤخرة والبطن والضهر ..والركل بالأرجل والطير والهبوط جوز .. متخيل الذي يحصل .. ضرب عينك ما تشوف إلا النور .. والحلبة ليس فيها حكم ..
هاك بالله أستمتع بالحوار التشادي .. التشادي .. شوف الساسة التشاديين بحبوا بلدهم ككيف؟ .. أنا أحب التشاديين وأحترمهم جداً .. وين للساسة السودانيين يقدسون مصالحهم الشخصية وبس .. وين ول أبا التشادي الأستاذ محمد نور .. كان معنا في المنبر وتركنا .. والله مرة سجل لي زيارة في شهر رمضان المعظم مع بعض الأخوة في مدينة الألكسندريةفي فرجينيا.. كان فاكهة ورمان المجلس ..
آليتنى كنت مثل حبيبا االأصيل ود الأصيل في إجادة الفرنسية .. لكن حبة مسّاكات ومراقات .. أستطيع تفهم الحاصل ..
بريمة
08-28-2022, 10:55 AM
adil amin adil amin
تاريخ التسجيل: 08-01-2002
مجموع المشاركات: 37036
Quote: الكوكلكس عادل: أولاً خليا نضعوا قوانين الدواس .. كل شيئ مباح .. الضرب في النخرة وتحت الحزام وفي المؤخرة والبطن والضهر ..والركل بالأرجل والطير والهبوط جوز .. متخيل الذي يحصل .. ضرب عينك ما تشوف إلا النور .. والحلبة ليس فيها حكم ..
هسة مالك قلنا حاجة غلط الحقيقة حارة حميدتي تشادي ويدعم المعارضة التشادية ضد دبي الصغير وسايق السودان بي الخلا وسوق معاك مناوي وجبريل كمان ديل ربعهم في السودان وثلاثة ارباعهم تشاد ومحسوبين علينا سودانيين جنسية خضراء وماسكين اخرطة مناصب سيادية برعاية الامارات ملعونة والديها وزمان مسترمور الفاشر ما بخليهم يصلوها كعوك المركز الوسخ ختاهم لينا في راسنا في دارفور والمركز جيبو لينا تشاديين نظيفين علي العين والراس
08-28-2022, 09:11 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9208
أوكي، الكوكلكس عادل وأستاذنا حسن فرح بدأتم الضرب تحت الحزام بدأ .. وأنا مازلت لم أبدأ بعد ..
أولاً يا الكوكلكس من منطلق الصدق مع النفس، حينما تنتقد شخص أخر عليك أن توجه ذات النقد لنفسك .. وتشوف هل أنت منسجم مع نفسك ..
1. ول أبا حاتم إبراهيم، قال أنت آتي السودان من بلاد شنقيط .. وهذا يعنى أنك لا في عير ولا نفير النوبيين في الشمال .. ولمسنا ذلك من أحبابنا النوبيين سواء هنا في سودانيز أو في بلاد المهجر معنا .. أنهم يقرون بأن نتيجة لتأريخ نوبيا العريق فقد نزحت شعوب كثيرة إلي المناطق النوبية .. ولكي يثبتوا وجودهم وسط النوبيين يتنمرون علي الأخرين بأسم النوبيين وأنت منهم! ..
2. النوبيون نصفهم في السودان والأخر في مصر .. وهذه حقيقة تأريخية .. وليس فيها أي مشكلة بالنسبة لي كسوداني، فعادةً شعوبنا الحدودية متداخلة، البنى عامر في شرق السودان، الزغاوة والبقارة في غرب السودان ..
إذن الخلاصة الأولية: أنت بيتك من زجاج .. وأنى لمهشمه فوق رأسك .. أثبت بس. نفس الشيئ ينطبق علي أستاذنا حسن فرح .. المحسي الركابي .. والركابية عرب .. والمحس نفسهم عرب .. وينتمر أستاذنا حسن فرح بأسم النوبيين .. عذبتم النوبيين الحقيقيين عذاب الويل .. وما في أجمل وأرقي من النوبيين الحقيقيين .. لكن تقع في نوبي مضروب مثلكم يكيل في ضهرك كل "تراش*" الدنيا .
--------------------------------- تراش تعنى زبالة .. وهى كلمة أنجليزية .. معربها العبار بريمة هكذا .. وكل ما هو أعجمي فألعب به ..
بريمة
08-28-2022, 04:16 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
Quote: علي الاقل عرفت انت جايي من وين يا دباب الدفاع الشعبي في ناس في المركز ما عارفين لحدي هسة جو من وين ولا حتي الطيب صالح ما عارف من اين اتى هؤلاء ؟
من باب الأمانة التأريخية .. هجرات البقارة إلي السودان جاءت عبر أربع طرق للهجرة .. وبأختصار هى عن طرق النيل من مصر للسودان، وجزيرة "بدين" في الشمالية جزيرة بقارية .. سكانها هم فرع من قبيلة الحوازمة ..، الهجرة الثانية من تونس عبر الصحراء إلي السودان وتشاد .. وقتها لم تكن الحدود مرسمة .. ومن ثم حركة البقارة ما بين السودان وتشاد .. هى شيئ معروف وليس كما تدعى، فالهجرة إلي السودان وتشاد متزامنة .. والأسباب التى أدت إلي ذلك وثقتها في كتابي: "البقارة في السودان: التراث والبيئة" .. والهجرة الثالثة هى عبر البحر الأحمر عبر بوابة شرق السودان وهذه وثقها البروفسير يوسف فضل والكتاب الهولندي نانى أب تانده .. كما أن مؤرخنا الكبير، ضرار صالح ضرار وثق لذات الهجرة .. وأخيراً بعد سقوط الأندلس .. نزحت مجموعات ممن ينتمون إلي القبائل العربية التى ينحدر منها البقارة إلي السودان .. مش شايف نحن نلقب بالجميلون في كل حوض بحيرة تشاد ..
نحن عارفين تأريخنا، لكن المشكلة فيك أنت .. منبت الأصل .. تق تق ..
---------------------------------------- بخصوص مشكلة دباب الترابي .. فرية .. رغم أنى علاقة بالأخوان أعتبرها حلوة .. حفظت معهم كثير من السور الطوال في القرآن .. وذلك من أفضال تنظيم شيخ حسن الترابي .. عليّ شخصياً .. أها يا كيزان السودان، لو الشيوعيين أمثال عادل زروكم أنى فأستجيرونى.
بريمة
08-28-2022, 04:40 PM
adil amin adil amin
تاريخ التسجيل: 08-01-2002
مجموع المشاركات: 37036
خلاس الفيك تعرفت كنت كوز واتعلمت القران عندهم يعني الراتب ما ملا عينك مش ك ده يعلموك الدين الكيزان طيب ليه قاعد في راس النوبة ودينكا نقوك طيلة سنوات الانقاذ ومن جيير الدفاع الشعبي منكم ومن الدباب خليل ضد النوبة والجنوبين ومن جيير العرب ضد الفور 1988 ولماذا وهسة حميدتي ومناوي درويالات الامارات الانتخبهم منو من الاساس ماسكين اقتصاد البلد بي الصورة المشينة دي ومعاهم ثالثة الاثافي جبريل ....جيبو لينا تشاديين كويسين في السودان
08-28-2022, 05:18 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
أيضاً من الهجرات المعروفة التى جاءت بالبقارة إلي السودان .. من ضمنها "تغريبة بنى هلال" .. وهجرات البرامكة من مصر إلي السودان ..
وفي كل الحالتين أنفاً أنا أحفظ أشعار تراثية تؤسس لصلة البقارة ببنى هلال أو البرامكة .. مثلاً في منازل نزول المطر، يقول الشاعر البقاري : "أنا بندر لكم من زمن أبو زيد الهلالي، سبع يوم يحشي حشي، وسبع يوم بدق دق ما بيجئ، وسبع يوم السخو يغطي الجدادة ويلبد الجدي" .. أي سبع يوم المطر يشيل ولا ينزل، ثم سبع يوم الرعد يدق دق ولا شيئ .. ثم سبع أيام أخري ينزل فيها المطر لدرجة العشب يغطي الجدادة .. ويلبّد جدي الغزال .. وهذا الكلام كما يقول الشاعر منذ زمن جدنا أبو زيد الهلالي .. وكلمة ندر تعنى النداء بالصوت العالي ..
أما بخصوص البرامكة، نحن البقارة برامكة عزاز .. أقرأ كتابي: "البقارة في السودان: روائع تراث الشاي" .. البقاري البرمكي، يتحدث عن قصة الكمكلي (وهو الأنسان الذي لا يشرب الشاي) مع الورل (وفي نظر البرامكة حيوان الورل برمكي لا يجوز قتله وأكله، أنظر ماذا يقول، طبعاً الورل يسمى عند البرامكة (زمقة دود الخلا):
وجاء الكمكلي اللعين ود العزبة تارك الصلاة زمقة من شافه كرهه عرف بقتله وزمقة جري يا المشقة وفي المشقة أستخبي
الكمكلي قال كي وطرده، طرده، طرده هنى دربه هنى أتره يا المشقة
الكمكلي طاح بخلقه زقله .. (الخلق هو الثوب مثل الجلابية أو العراقي) ونزل في ألمى بكوس في زمقة ولقاه منطبع لي في عرق شجرة الكمكلي سلا سكين طفحة تاخ ضبحه
وعلقه لي في فرع شجرة .. سلخه ومرق من بطنة شحماية يقولوا لها أججه وظبط لي شية أكله بلا ليمون ولا بصل ولا شطة
والكمكلي اللعين شبع وجاته نعسه وعنى تبلدية أم عنقرة إلوسد خلقه قال ينوم، النوم كلا كلا غلبه وجاته طمة .. (يعنى جاءه طمام من جراء أكل لحم الورل) وقال ماشي لي مرته وفي الدرب لاقوه تلاميذ المدرسة وفيهم واحد حريف، ظريف، نضيف فرقه من مدير الجلسة إلا الصغرة
قال التلميذ أه زمقة وين.. أنا بشم عفنة! والكمكلي قال كي و طرده والصبي دقش به الكترة والكمكلي مرق من الكترة بقدة خلقه ..
والكمكلي مشي لي مرته طلب عرديب، المرة سوته جوررر قرطعه شربه هني الهوا ضربه
الكمكلي قال لي مرته .. قال عيال المدرسة عيال حرام، عيال عزبة! الزول كن أكل لي أكله تبقي لي بمجلغة ..ما بخلوها تطيب له في بطنه
Quote: (وفي نظر البرامكة حيوان الورل برمكي لا يجوز قتله وأكله، أنظر ماذا يقول، طبعاً الورل يسمى عند البرامكة (زمقة دود الخلا):
عشان كده نحن في كوش نمجد التمساح ونحتقر الورل رضاع الغنم والمثل يقول بحر فيه تمساح يقدل فيه الورل برضك احسن من عيال خرتووم ديل بمجدو الضب وذلك مبلغهم من العلم شوف قبة هسة في البورد بمجد شنو كان في ثورة تسقط بس https://www.0zz0.com
08-29-2022, 07:31 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
الكوكلكس عادل، هل أنت تعرف نحن البقارة لا نأكل الورل .. وذلك بسبب حماية البرامكة له .. بأنه أحد منسوبي البرمكة حسب زعمهم .. وفي كتاتي: "البقارة في السودان: روائع تراث الشاي" أنا فندت كل المزاعم التى جعلت الورل حريف شاي!
لكن والله لو كنت قاعد في السودان كنت حميت أغلب حيوانات حزام التماس عن طريق البرامكة .. بس تعرف اللعبة كيف تعمل من الحيوان إحد الحرفاء .. أغلب الطيور ممكن كنت أحميها .. وطبعاً أنا ذاتي حريف .. وشهادتي معترف بها في مجالس البرامكة .. والله أخوك كان يلف بهم صينية!
بريمة
08-29-2022, 07:31 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
الكوكلكس عادل، هل أنت تعرف نحن البقارة لا نأكل الورل .. وذلك بسبب حماية البرامكة له .. بأنه أحد منسوبي البرمكة حسب زعمهم .. وفي كتاتي: "البقارة في السودان: روائع تراث الشاي" أنا فندت كل المزاعم التى جعلت الورل حريف شاي!
لكن والله لو كنت قاعد في السودان كنت حميت أغلب حيوانات حزام التماس عن طريق البرامكة .. بس تعرف اللعبة كيف تعمل من الحيوان إحد الحرفاء .. أغلب الطيور ممكن كنت أحميها .. وطبعاً أنا ذاتي حريف .. وشهادتي معترف بها في مجالس البرامكة .. والله أخوك كان يلف بهم صينية!
بريمة
08-30-2022, 03:15 AM
adil amin adil amin
تاريخ التسجيل: 08-01-2002
مجموع المشاركات: 37036
وده يا بريمة اكبر نداءاخلاقي انساني في التاريخ يحمي البشر والشجر والطير والحجر بنزلو في كل الاسافير عشان الناس تصحى وتعرف اصلها وفصلها https://www.0zz0.com
وانت تقول لي برامكة وترهات الدولة العباسية
للشاعر اسماعيل حسن بلادي أنـــــــــــا
بلادي يابلادي اهلا يا بلادي
الف تحية ليكي من الفؤادي
بلادي بلادي اهلا يا بلادي
صدورنا حماية ليكي من الاعادي
بلادي انا بلاد ناسا مواريثم في اول شي كتاب الله
وخيل مشدود وسيف مسلول حداهو درع
تقاقيبن تسد الليل مع الحيران وشيخا في الخلاوي ورع
والله كم نخلاتا تهبهب في جروفا الساق
بقرة حلوبة تتضرع وليها ضرع
وساقية تصحي الليل مع الفجراوي
يبكي الليل ويدلق في جداولو دمع
يخدر في بلادي سلام
خدرة شاربة موية النيل
تزغرد في البوادي زرع
بلادي سهول بلادي حقول
بلادي الجنة للشافوها او للبرّة بيها سمع
بلاد ناسا تكرم الضيف
حتى الطير يجيها جعان ومن اطراف تكيها شبع
تشيل الناس وكل الناس وسع بي خيرو لينا يسع
وتدفق مياه النيل على الخيران
بياض الفضة في وهج الهجير بيشع
بلادي الصفقة والطنبور
داراتا تنح باليل
بنوتا تحاكي الخيل
تشابن زي جدي الريل
وشبالا مكنتل في الطريفو ودع
بلادي بلاد من التاريخ
من تيرهاقا لا عن ميسنا
حتى ان جاي خيرو تروع
بلادي امان بلادي حنان وناسا حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع
ديل اهلي ديل اهلي
يبدو الغير علي زاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة وسط الدارة واتنبر كل الدنيا ديل اهلي
عرب ممزوجة بي دم الزنوج الحارة
ديل قبيلتي لمن ادور افصل ديل فصلي
اصحاب روحي والاحساس وسافر في بحار شوقم زمان عقلي
اقول بعضي الاقيهم تسربو في مسارب الروح
يقو كلي
محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي
08-30-2022, 03:30 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
الحوار الوطني السيادي .. التشادي - التشادي .. يتقدم بصورة مرضية ترضي الحكومة والمعارضة والشعب .. تم أختيار 21 عوضاً من الخبراء والشخصيات الوطنية واالذين في دول المهجر ..لبدأ الحوار لتوحيد رؤي وجهود أبناء تشاد من اجل مصالحة شاملة.
الكوكلكس عادل تابع .. كيف الحوار .
بريمة
08-30-2022, 03:41 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
الكوكلكس عادل تعال شوف أنت قاعد تزور في تأريخ الشعوب .. ككيف؟
هنا الملك ذمار بن علي يهبر .. أعظم ملوك حمير في اليمن السعيد .. أنتم لطشتم صورة تمثاله لتجلوا منها تمثال أخر مفتري .. أنتم مسيلمة الكذاب في نجر التأريخ
Quote: وده يا بريمة اكبر نداءاخلاقي انساني في التاريخ يحمي البشر والشجر والطير والحجر بنزلو في كل الاسافير عشان الناس تصحى وتعرف اصلها وفصلها
كل شيئ تكتبه فيه نجر .. العالم أجمع أعترف أن أفضل نداء إنساني هو حديث المصطفي (ص) في حجة الوداع .. أَيُّهَا النَّاسُ، إِنَّ رَبَّكُمْ وَاحِدٌ، وَإِنَّ أَبَاكُمْ وَاحِدٌ، كُلُّكُمْ لآدَمَ، وَآدَمُ مِنْ تُرَابٍ، أَكْرَمُكُمْ عِنْدَ اللهِ أَتْقَاكُمْ، وَلَيْسِ لِعَرَبِيٍّ فَضْلٌ عَلَى عَجَمِيٍّ إِلاَّ بِالتَّقْوَى ..
شوف النداء: أيها اناس .. وليس أيها المسملين ..!
لكن أنت تكذب علي النوبيين .. أنت شوعي ويمثلك أمثال الفيلسوف نيتشه في قوله:
Quote: يقول نيتشه فيلسوف الغرب: "الضعفاء العجزة يجب أن يُفْنَوْا! هذا هو أول مبدأ من مبادئ حُبِّنَا للإنسانية! ويجب أيضًا أن يُساعَدوا على هذا الفناء.
عليكم النبي دي فلسفة شنو دي..؟ بدل مساعدة الضعفاء الذين قال فيهم المصطفي: مَا آمَنَ بِي مَنْ بَاتَ شَبْعَانًا وَجَارُهُ جَائِعٌ إِلَى جَنْبِهِ وَهُوَ يَعْلَمُ بِهِ ..
لو أتبعنا زولك الفيلسوف نيتشه .. كان أنت أول زول قتلناك لنخلصوا الدنيا من أمثالك الفقرء .. لكن سماحة الأسلام تدعو لمساعدتك
بريمة
08-30-2022, 04:17 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
بريمة واخرين بريمة دا عبارة عن"انسكلوبيديا" مصغرة... يسرح ويمرح جغرافيا وتاريخيا في مناطق الغرب يمتلك ادوات تلك المناطق .. ثقافة وتراث وفنون. البوست منطقة مشتعلة لا تخمد اوارها ومع وجود عادل امين ..استعرت وشب ضرامها
عادل جعل من البوست منطقة عمليات .. لكن هو ما قدر الدواس الثقافي في غربنا الحبيب .. حدود معرفته من الشمال حتى الخرطوم .. وله جهد قليل في منطقة الجزيرة والجزيرة أبا تحديداً ..
هذا البوست يحاول الأجابة علي سؤالين مهمين جداً بالنسبة لنا كسودانيين: 1. نقل تجربة الحوار التشادي - التشادي .. وهو حوار بصورة عامة يتطابق مع ما يجري في السودان .. هناك حكومة إنتقالية .. وحوار وطنى تشادي-تشادي .. والمحاولة الأن محاولة إنجاح الحكومة الأنتقالية والأنتقال إلي حكومة ديمقراطية منتخبة تجمع كل شتات المعارض والداخل. والنجاحات التي أحرزتها تشاد حتى الأن من ضمنها المضي قدماً بالحكومة الأنتقالية .. ليس هناك تعطيل .. كما أن آليات الحوار تم وضعها .. وأخرها بالأمس تم أنتخاب 21 عضواً يمثلون المنسقية العليا للحوار الوطنى .. وهى منتخبة قومياً لتقود الحوار مع الحكومة والمعارضة وكل فصائل القوات المقتالة .. وسوف أحاول نقل شيئ عن رئيس المنسقية العليا للحوار الوطنى ..
2. البوست يؤسس لأحترام متبادل ما بين الشعب السودانى والشعب التشادي الشقيق .. فكلمة جارنا الغربي الحبيب .. أنظر كلمة "حبيب" .. وأنظر كلمة جارنا الغربي "الشقيق" .. هذه مفردات لا تعتد بها الحكومة السودانية .. لأسباب منها أن حكومات السودان المتعاقبة تأريخياً يتحكم فيها ساسة شماليون وهم ضعيفي الصلة بالسودان الغربي .. أيضاً تجد الأذاعة والتلفزيون السودانس لا يهتمان كثيراً بالشعب التشادي بمثل ما يهتمان بأخبار مصر العروبة .. أنا عايز الشخص السودانى حينما يزور تشاد يعرف أنه في دولة شقيقة.
الشعوب هى التى تبنى الصداقات .. وأنا أريد أن يكون الشعب السوداني صديق للشعب التشادي ونفرض ذلك في الوسائل والوسائط المختلفة.. الشعب التشادي غنى بثرواته وتراثه مثل الشعب السوداني .. ونحن نتحدث لغة واحدة وندين جميعنا بالأسلام ..ولدينا مكونات سكانية مشتركة بين دولنا .. ما المانع أن تكون بوابتنا الغربية سوق تجاري مشترك؟ .. هناك أكثر من تسع دول في غرب أفريقيا ضمت إليها تشاد في كتلة إقتصادية واحدة تسمى دول الإيكواس .. وتلك الدول تكون في مرمى حجر أقتصادياً إذا ما تصالحنا مع جارنا الغربي وأحترمنا حاجاته ..
بريمة
08-30-2022, 04:47 PM
adil amin adil amin
تاريخ التسجيل: 08-01-2002
مجموع المشاركات: 37036
يا بريمة تشاد ما فيها كيزان من الاساس وما في جامعة الدول العربية ورعاياها في السودان جزء من سبب البلاوي معقول سلام جويا كلو زغاوة وكمان الجنجويدي جا امس يمسك البلد دون مسوق قانوني او دستوري وشغاليمن دلالين للامارات مشكلة السودان واضحة ما عايز درس عصر لشباب ده ما دير يمسك درب علي محمود حسنين ومباري قووونات قحت ديل
08-30-2022, 09:16 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
أستمع لأحد شعرائنا .. هو الهداي "أبزل" .. في هذه المقطع تحدث عن ثلاثة قبائل كبيرة وهى المسيرية، الحوازمة والرزيقات .. عدد منقابهم .. ودعاهم إلي نبذ الحروب والركون إلي السلام .. وكعادة الشعراء العرب دوماً يبدأون بذكر المحبوبة والغناء في النساء ثم العروج إلي لقب الموضوع ..
لاحظ عادة رمي القروش .. التى أكتشفنها "القونات" في الخرطوم مؤخراً وأصبحت تشاد قبلة لهن .. في الحقيقة هى عادة سودانية متأصلة في غرب السودان .. ونحن نمارسها بصورة طبيعية من هجرة قبائل البقارة إلي السودان من قبل قرون مضت ..
طبعاً يا ول، هذه النقطة ح تخلق إشكالية: وكعادة الشعراء العرب .. فلهؤلاء الذين لا يقبلون بعروبتنا .. طيب نحن أفرو-عرب.
------------------------------------------------------- الكوكلكس رقد رز .. غلبه الذي يقوله ..
بريمة
08-30-2022, 10:51 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
يا أخوانا السياسة والله من سماها "لعبة قذرة" قد صدق .. هل تصدقوا المعارضة رفضت الحوار ..!! .. في الوقت الذي سمح لهم الرئيس دبي بحوار مفتوح دون سقوف ؟!!
بريمة
09-01-2022, 09:30 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
يا أخوانا السياسة والله من سماها "لعبة قذرة" قد صدق .. هل تصدقوا المعارضة رفضت الحوار ..!! .. في الوقت الذي سمح لهم الرئيس دبي بحوار مفتوح دون سقوف ؟!!
بريمة
09-04-2022, 11:21 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
adil amin
Hassan Farah
Ahmed Yassin
فيس بوك
تويتر
انستقرام
يوتيوب
بنتيريست