الاخوه فى المنتدى العام فى الموقع الرائع سودانيز اون لاين السلام عليكم فى بوست اليوم سوف احاول ان اجمع كل الاغانى والقصائد التى فيها التعبير عن الزمن وما اكثر هدر الزمن عندنا فى الاغانى السودانيه وياريت الناس تشارك معاى فى البوست
زمانك والهوى اعوانك …احكمي فينا هذا اوانك اهواك كيف اطيق سلوانك حمامة الغصون صداحة فوق اغصانك ذكري لي حبيب …يا حمامة مولاي صانك هاجت عبرتي يا دموعي كيف حبسانك وين تلقي المنام يا عيوني غاب انساك بهواك كيف اطيق سلوانك في صبحي ومساي نازلات دموع سحالك وانا كايس رضاك ..ورضاك اظنه محالك اتعكر صفاي وبياضي اصبح حالك والحال العلي يا ريته لو يوحالك بهواك كيف اطيق سلوانك مدنف وجدي بيك لكن فقدت حنانك روحي وهيبة ليك ..هي هدية طوع بنانك هاروت سحره ماخوذ من سحر عينانك ظلموك لو يقولوا الدر شبيه اسنانك بهواك كيف اطيق سلوانك حسنك مافي لا عجمان ولا عربانك ان هب النسيم هزاكي ميل بانك ادبك وخدرك الضاراك علي ما بانك ما ضر لو اكون انا من احد حبانك بهواك كيف اطيق سلوانك قلبي امين هواك من كل جميلة خلالك يا ذات الجمال فرضان علي اجلالك لي شوفتك مباح دمي العزيز ما غلالك عدتي وعاد هناي يا البهجة هل هلالك بهواك كيف اطيق سلوانك زمانك والهوى اعوانك احكمي فينا هذا اوانك بهواك كيف اطيق سلوانك
08-20-2022, 10:23 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
يا زمن يازمن وقف شوية يازمن ارحم شوية واهدي لي لحظات هنية وبعدها شيل باقي عمري وشيل شبابي شيل عينيا ياعينيا يازمن رفقا بحالي بي حبيب عمري المثالي بي سعاته وبي هناهو بي سروري وانشقالي بي احاسيسو ومشاعرو يازمن وقف شوية واهدي لي لحظات هنية وبعدها شيل باقي عمري شيل شبابي شيل عينيا ياعينيا يازمن ماتبقي قاسي نحن حققنا المحال انحنا هدمنا وبنينا ونسجنا في الخيال الف حيلة الف حيلة لي لقانا يازمن ارحم شوية واهدي لي لحظات هنية وبعدها شيل باقي عمري شيل شبابي شيل عينيا ياعينيا يازمن ارحم حبائب لسه في عمر الزهور يازمن جود عليهم بي دقائق قبل ماتعدي وتمر
08-20-2022, 10:26 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
زمان الناس هداوة بال و انت زمانك الترحال و ليلهم عمره ما سآل و ليلك لي صباحو سؤال قسمتك يا رقيق الحال مكتوب ليك تعيش رحال تسامر في الغيوم أشكال روائع تذهل المثّال شئ سيرة زفة بي طبال و عروسة في جبينا هلال مواكب فرحة من أطفال يحاكوا السمحة ست الخال ***** و قُبّال ما الصور تنشال على خيوط الأمل و الفال و صبح الناس يجيك مرسال يشيلك شوق وسط عينين يوديك مقرن النيلين يخدر فيك عقيد ياسمين و تقوم شتلة محنة مثال أريجها دعاش و حزمة فأل قبال توتي ام خداراً شال عيون ام در لبيت المال ***** غريب و الغربة أقسى نضال غريب و الغربة سترة حال قريب و بعيد حضور و زوال دا روم الاصلو ما بنقال تراقب في المجرة زوال عيونك ما عيون أجيال
08-20-2022, 10:28 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
هات يا زمن جيب كل أحزانك تعال جيب المحن طول يا أسى وكتر ينابيع الشجن جرعني كأس من لوعة من آلام ما المحبوب خلاص خلاني ليك الليلة راح خلف في قلبي الحسرة والشوق والجراح خلي النواح وحيدة في هوج الرياح خلاني ليك أنا يا زمن وخلى الشجن --------------- الليل يهوّد بي ويبقى تلت الأخير يطويني في رحابه الوثير أنا والظنون وعذابي والصمت المثير --------------- خلاني وحدي جناح كسير وانا والدموع والشكوى والليل والشجن رماني ليك راح يا زمن وخلى الشجن من بعد ما علمني ريد فجر عواطفي غنا ونشيد
08-20-2022, 10:37 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
راح الميعاد وزمانى راح والجرح لانام لا استراح لكنى متكتم عليه من جراح أحب جراح ياقلبى ما تسهر معاى ما أظن يفيدنا الأنتظار عدينى فى روضة هناى سكت النغم سكت الكلام جفت ورود الأمنيات ياحليل زمان الإخضرار ياحليل حبيب كان لى نور كان لى ساعة الغربة دار ياريتنى لو اقدر أعيد لحظات من الماضى البعيد وأهدى الزمان كل الحنان لكن رضيت وقلت مابقيدنى أحلم ما بقيد ياحليل ليالينا المضت من غير معانى تنورها يا غالى يا أمل الحياة ومعنى الصفات النيرة
08-20-2022, 10:30 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10913
Quote: يا زمن يازمن وقف شوية يازمن ارحم شوية واهدي لي لحظات هنية وبعدها شيل باقي عمري وشيل شبابي شيل عينيا ياعينيا يازمن رفقا بحالي بي حبيب عمري المثالي بي سعاته وبي هناهو بي سروري وانشقالي بي احاسيسو ومشاعرو يازمن وقف شوية واهدي لي لحظات هنية وبعدها شيل باقي عمري شيل شبابي شيل عينيا ياعينيا يازمن ماتبقي قاسي نحن حققنا المحال انحنا هدمنا وبنينا ونسجنا في الخيال الف حيلة الف حيلة لي لقانا يازمن ارحم شوية واهدي لي لحظات هنية وبعدها شيل باقي عمري شيل شبابي شيل عينيا ياعينيا يازمن ارحم حبائب لسه في عمر الزهور يازمن جود عليهم بي دقائق قبل ماتعدي وتمر
مخاطبة توسل واسترحام لذلك الغول المسرع الذي لا يرحم
توسل بأن يتوقف ولو قليلا رحمة بهذا الشباب الذين في عمر الزهور الذين حققوا المحال و هدموا وبنو في الخيال ألف حيلة للوصال منتهى الروعة في استحضار صور شعرية رائعة شكرا صفصف
08-20-2022, 11:19 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
كل الاغاني توسل للزمن و عتاب على ( الزمن) لكن: ﻏﺪﺭ ﺍﻟﺰﻣﻦ ﻣﺴﺢ ﺍﻷﺣﺎﺳﻴﺲ ﺍﻟﻨﺒﻴﻠﺔ ..ﻭﺑﺪﻻ دي لوم وتعنيف لان الزمن هنا مسح اجمل شىء في الانسان وانبل شىء احاسيسه...
08-20-2022, 08:32 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
رجيتك وفي انتظار عينيك كملت الصبر كلو انا واشواقي والساعه معادك جينا من قبلو لمن راح زمن جيتك وخطاك في دربي ما طلو شفقت عليك من السكه دموع عيني وراك كملو قبل ما قلت جايني خفته تغيب واتودر عشان ما تنسي زكرتك وقلت براك .. بتتزكر ما خليت قلب فيني شان ما قلت تتاخر يعني اقول نسيتني خلاص وحاتك والله ما قدر رجعت واسفي في عيوني ودرب الرجعه ما عرفتو وكل الجيت بيه من افراح فارق دربي يوم فتو وحالي البي اصبح كيف اريتك جيت براك شفتو وحاتك ما بلومك يوم حتي لو ميعادنا اخلفتو عشان عارفني بستناك ابيت معادنا توفيهو اريتك كنت جيت ساكت وشلت قليبي بالفيهو
08-20-2022, 08:41 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
الساعة خمسة يالحبيب ما تنسى ياحبيب فى شارع خمسة مواعيدنا حبيب بريدو لبسة ساعة فى ايدو ازبط لة مواعيدو اليلة المسافر مع قمل الخاطر زول اليمونة عسلية تانى ما تلمونة اليل مسافر مع جمر الخاطر
08-20-2022, 09:33 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
شوف كم زمن ما شلنا هم و لا عيشت يا قلبي العذاب و سرحت في ليل الشجون ما عرفت لدربك ماب الحب طريق محفوف صعاب و انت لسع في اولو ما قولنا ليك الحب طريق قاسي و صعيب من اولو ما رضيت كلامنا و جيت براك اهو داالعذاب استحملو مرت سنين الشوق معاك و لا هل في دنياك ربيع قاسيت حلاوة الريد دموع راضي و سعيد في الويل تضيع و تسر طريق ما بتوصلو ما قولنا ليك الحب طريق قاسي و صعيب من اولو ما رضيت كلامنا و جيت براك اهو داالعذاب اتحملو يا قلبي قالو الحب عذاب افراحو حافيها الالم في ظلو ما بنغشي المصير في صفاءه ما بنفقد عشم صدقني مهما ليك ظلم ما اظن حنانو تبدلو
08-20-2022, 09:39 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
توجد بعقل الإنسان ساعة داخلية (بيولوجية) تساعده على إدراك مواقيت محددة (صباح، ظهر وليل) وتوجد في قلبه مجازا ساعة رومانسية تشير لمواعيد زمنية ينتظرها بالدقيقة والساعة والشهور.. وتوجد في يده ساعة سويسرية أو أسيوية يعرف من خلالها الزمن وأوقاته رغم استخدامه الهاتف المحمول . ولأهمية الوقت والزمن في حياتنا الاجتماعية والاقتصادية والسياسية والعاطفية تناول شعراء الأغنية السودانية هذا الموضوع مباشرة في مفردة (ساعة - وقت- زمن- لحظة) في العديد من الأغاني. وعبر خمسة عقود زمنية شهدت مسيرة الأغنية وهي تعبر عن الإنسان السوداني وتعاطيه المتعدد مع الحياة والمجتمع والطبيعة . تعالوا معي نستخرج أولا من حقيبة الفن أنموذجا واحدا يقول (الزمان زمانك) اعتراف من المحب بأن الزمن الذي فيه المحبوب هو له وحده لأنه فريد في كل شيىء. أما الفنان أحمد الجابري من أشهر أغانيه (هات يا زمن) مُناجاة مع الزمن وسياحة رومانسية راقية تؤكد أهمية الزمن للمحب وهو ينتظر محبوبه في شوق وانتظار حار ومناداة بابتعاد الهم والحزن. أما الفنان إبراهيم عوض من أشهر أغانيه (يا زمن) الذي يطلب منه أن يتوقف قليلا ويهديه لحظات هنيئة وبعد ذلك ليذهب باقي عمره أينما يذهب فقط المطلوب من الزمن أن ينتظر قليلا ولا يتحرك، وله أغنية أخرى ( يا حليل الزمن البجبر خواطر ثم الزمن الغدار) وهذان الزمنان (الغدار والجابر للخواطر) في أغنية – سلوى- فنان أفريقيا الأول محمد وردي تغنى بأغنية جاء فيها (زمن ماشي وزمن جاي وزمن لسه) ثلاثة أزمان وأوقات.. الأول مضى والثاني قادم من المستقبل القريب والثالث المستقبل البعيد، كل الأزمان داخل الأغنية الماضي، الحاضر والمستقبل. بينما حملت أغنية الفنان خليل إسماعيل (قبل ميعادنا بساعتين) تناولا جديدا ورومانسية غير مسبوقة حينما يغالط المحبوب نفسه في إصرار مبالغ فيه ويظن أنه لم يحضر في مواعيد اللقاء رغم أنه جاء قبل ساعتين من الزمن المضروب . الفنان ود البادية في إحدى أغانيه (عرفتك يا زمن عشقتك) معرفة وعشق لزمن جميل كان فيه المحبوب حاضرا وبالتالي يصدح المحبوب بهذه الهتافية الراقية . الفنان محمد الأمين (الغريب الساعة جنبك تبدو أقصر من دقيقة والدقيقة وانت ما في مرة ما بنقدر نطيقها) لاتحتاج إلى شرح مخاطبة مباشرة ورجاء للمحبوب ألا يسافر.. وفي أغنية أخرى له وهي الجريدة يقول (مرت لحظات وكمان ساعات) والمحب ينظر لمحبوبه يقرأ في جريدة وهو يتأمله.. اقتران غير عادي بين الزمن والإنسان . الفنان عبدالكريم الكابلي (زمان الناس هداوة بال وانت زمانك الترحال) مقارنة بين حالين في زمن واحد.. كما أن هناك أغنيات كثيرة تحمل الساعة والزمن والوقت مثل (كلمني الساعة كم) أو (في اللحظة ديك اشتقت ليك) للفنان محمد ميرغنى ويمكن أن تكون في الساعة تلك اشتقت إليك أكثر من شوق السحاب الراحل وهكذا. سياحة راقية في (ميديا) الوقت عبر الأغنية السودانية الهدف استرجاع صور جميلة فى الذهنية الوطنية لزمن ما وساعة ما كانت حاضرة.
08-20-2022, 09:43 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
مع ساعة الغروب مشيت اسال عليكم حليلكم يا احبة حليل امالنا فيكم.. رحلتو بعيد نسيتو الريد و الحنان الالفه الجميلة و السعد الكان لكن فرقتنا افدار الزماان... يوم سافرت انت بقيت انسان وحيد بكيت من جوه قلبى ربيع عهدى السعيد متين ترجع لحبك تبقى حياتنا عيد.. فى الليل يا حبيبى نورك و انت ضاوى حليلك و انت جمبى فى الزى السماوئ جرح الفرقه يمكن الاياام تداوى...
08-20-2022, 09:46 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
قالوا الزمن دوار .. يا بسمة النوار يا ريت تعود أيامنا .. و نكمل المشوار يا قلبي يا سواح .. قول لي متين نرتاح دمع الحنين خلانا .. ما بنعرف الأفراح قالوا الزمن دوار .. يا بسمة النوار يا ريت تعود أيامنا .. و نكمل المشوار مهما رحلنا بعيد .. أقدارنا ما في الإيد و الذكريات يا قلبي تحفظ جميل الريد قالوا الزمن دوار .. يا بسمة النوار يا ريت تعود أيامنا .. و نكمل المشوار طار البلوم حيران .. بسأل عن الحبّان تغيرت دنيانا .. و إتفرقوا الحبّان
08-20-2022, 09:50 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
الزمان زمانك أهدي لي من فضلك نظرة من رمانك ياالفريد في عصرك قلبي فاقد أمانك حرام عليك تهجرني وترضي بحرمانك بالكمال شرفت مواطن أمدرمانك بالجمال امتزت علي شباب أزمانك يا أنيس الصيد أنا في الغرام إنسانك إنت روح شعري وأنا في الشعر حسانك لوقصدت هلاكي تجدني من فرسانك وان عطفت علي فذاك من إحسانك ياالحنين في نفسك قول لي وينو حنانك شلت قلبي ودمي خضبت بيهو بنانك لو مرقت تمر في الروض علي أفنانك يافريد الريد مال بالقلوب ميزانك من لطافة حسنك والجمال الزانك طول حياتي أفاخر واروي في أوزانك إنت في أفراح وانا في ازدياد أحزانك أيها الفتان حلمك علي ولهانك ذبت من آلامي وعقلي ضاع في رهانك برضي خاضع ليك وانا ياحبيبي مهانك وان نكرت هواي وريني إيه برهانك
08-20-2022, 09:54 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
جاي تفتش الماضي خلاص الماضي ولى زمان وجفت مقلتي الباكية ونامت من سنين أحزان أرجع بالزمن مرة واتذكر حكايتي معاك تلاقي القصة جد مرة وهل راعيت شعور مضناك وكل ما تزيدني في هجرك أقول ليك زيدني ما أحلاك لا نفع التوسل ليك ولا حرماني يوم هماك أسامحك انسى أغفر ليك واجفف دمعك الغالي مسامحك ما عشان عينيك عشان تتعلم الغفران وتصفح لو زمن جار بيك وحاول لو قدرت كمان تقدر رقة الحابيك وعزة نفسي مابية علي أسلم قلبي ليك تاني سنين الهجر بيناتنا وحاجات تانية حامياني ولو رجع الحنين عاود وليك من تاني وداني ولومكتوب علي أحب بحب إنسان يكون تاني
08-20-2022, 10:18 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
لقيتو واقف منتظر تشتاق عيوني لطلعتو نفس الملامح و الشبه و المشية ذاتا وقدلتو و اللفتة و التوب والقوام اوصاف حبيبي و روعتو لكنو يا قلبي الحنين راجيني بي شوق السنين لكنو آه يخلق من الشبه اربعين ،،،،، من كم سنة لا هو عارف ، لا أنا سايبني في بحر انتظار ما عدى في ليلو الهنا واعدني بي لحظات شجون تشتاقا كل الأمكنة أنا في مسار الشوق لقيت ميعادو فرهد وانتنى ،،،،، يا ربي جيت قبل الميعاد و لا الزمن غفلني زاد قصة يغيب ما اظن تكون و ماظن تطوف يوم في اعتقاد جاييهو من مشوار بعيد كايس عليهو بلاد بلاد مرسالو لي دايماً بقول ارجاهو في نفس الميعاد ،،،، انا ديمة يا أجمل ميعاد راجيك وانت علي مطول امشي واكوس في كل بيت واسأل صحابو وكل زول يقول لي هنا هسه كان عنك بيسأل وليك بقول ارجاه في نفس الميعاد ما اظنو تاني عليك مطول
08-20-2022, 10:20 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
طال انتظارى ليلة السبت يا حلوة العينين يا انتى انسيتى وعدك بالقاء هاهنا كم مرة بالله اوعدى وبى ابسط الاسباب غاليتى كم جيتى وكم تعللتى لو قلت انك لست اتيتاً اسكت نيرانك انتى عبر المد عيناى مشردة ترعى خيالك كما جيتى ….. وتصيح بى لن تأتى لن تأتى هل ابلغوك وشايه كذباً ياحلوتى منى فصدقت ام خفت اعين عازلين لنا فى الحى ترقب لنا فاحجمت ام ان مكروها الما بيك لا قدر المولى تأخرت فتصور ما قد بات يعصف بى من عاصف اشعلته انتى وجمعت باقات الزهور هنا ولكم بى ازهارى تزينت القيتها بى جوار معقدنالخالى حزيناً اذ تخلفتى وبكى المسا الوردى وارتعشت كل النجوم عشية السبت وحملت اشواقى وعدت بيها متلفح بالليل والصمت
08-20-2022, 10:26 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
من أشهر الأقوال في قيمة الزمن: الذي يسيء استخدام الوقت هو أول من يشتكي من قصره. لا تخدع بالتقويم.. أيام السنة هي الأيام التي تستفيد منها.. فهناك رجل يحصل على اسبوع فقط من السنة وهناك آخر يحصل على السنة كلها!. والزمن غلبَّنا ياما.. ويا زمن وقف شوية و.. و.. خليك مع الزمن.
08-20-2022, 11:18 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
يا قلبي المقتول امل.. عاصر دموع غنوه لي سيد البلد يا حليلو.. حليلو قال سايب البلد يا حليلو... كل العمر كان لحظه واحده نشوفو و الشوق يكتر يزيد... المغيب من لطفو من دلو الحبيب... من لونو من كرز المغيب... بي شفايفو زي ياقوت ندر... من شكله زي نص القمر... انت المثير مخلوق عشان احلي الصدور.. اشواقنا تتعطر تطير من نفحه من مجري العبير من لفته من جيلو النضير من نظره من جيلو المثير... بيهو القلوب كم تاتمر.. لو مره سيد الناس امر بي نظره بتذوب حجر بي بسمه بتضوي العمر... يا حليييييلو حليلو قال ناوي السفر يا حليلو كيف الوداع لامن يحين وقت السفر... اهديك زهور حشايا ان تمد الزهر اهديك حروف يا اجمل احرف في الدهر... اهديك حنااااااان ما قلبي عندك من زمان... و انا راجي عطفك و منتظر.... اهديك حروف ما قالا زول.. و ما اظن يقولها وراي بشر اهديك عيوني، عشان استريح و الدنيا بعدك ما بتسر يا حليلو
08-21-2022, 01:05 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
الاخ الغالى يحيى القبانى لك الف شكر والله وياريت لو عندك زمن لانو الموضوع عن الزمن تنزل لينا الاغانى فيديوهات وكل الاغانى الموجوده فى البوست ولا تورينى كيف ينزلوا الفيديوهات فى الخاص ولا هنا ولك شكرى وزي ماقال التجانى سعيد
قلت أرحل .. أسوق خطواتي من زولاً نسى الإلفة أهون ليل أساهر ليل أتوه من مرفى لي مرفى ابدل ريد بعد ريدك عشان يمكن يكون اوفي رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد رحلت وجيت في بعدك لقيت كل الأرض منفى زمان الفرقة والتجريح بسيبو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معاية لا بندم ولا بقضي العمر تبريح أصلو العمر شوقا حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح رحلت وجيت في بعدك لقيت كل الأرض منفى منفى
08-21-2022, 08:51 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10913
محمد مجيدو تحيه طيبه والف شكر على المرور والتذكير بكلمات سنه سنتين شويه وواهديك لغننيه المبدع رمضان زايد
يا بلال علي ميل ميل على الاذي والنوح بريه لابس بنطلونو .. وأخضر زرعي لونه سيد روحي وحياتي في الشريان سكونه يا رمز السعادة والحب الصار عبادة بضحي بى حياتي عشان خاطر حمادة ميعادو الساعة ستة .. وأجري يا ساعة ستة سيد روحي وحياتي الشال من بصري حته ميل ميل علي برجاك في الجهنمية يا بلال علي خلي شعرك تفه وأطلع تعال لي برجاك جنب الداخلية
08-22-2022, 06:48 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
محمد عبد الله الحسين اخى الغالى والله صباجك نور وعطور وزهور ولك الاحتلاام والتقدير يسعدنى المرور وواهديك اغننيه البى العصر مرورو كلمات زى كلام الطير فى الباقير بس بقت اغننيه هههههه
الليلة وين انا البي العصر مرورو خليهم يقووولو كتير الناس بقولو حبيبي البدورو البغرق في بحورو اخوض النار وازورو انت بحر السماحة يجو العشاق يزورو بلاقي ووين انا البي العصر مرورو خليهم يغنووو يغنو كتير العشقو جنو الريد انتو ماعارفنو امشو اسالو عنو بلاقي وين انا البي العصر مرورو يامالك السوالف السوالف انا عندي ليك سالف الطير لي حنه بي لبنو المخالف صيدة الخلا الجااافلة دي الجافلة بدت علي توالف شوف دمعي انا الزارف الذي مطر القضارف بلاقي وين انا البي العصر مرورو بشيلك مراااية مراية بعاين ليك برايه في صبحي ومساية ياسعدي وهناية كلام الناس دعااااية دعاية معاك انا للنهاية بلاقي
08-22-2022, 07:13 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
كما جاءت في صحيفة الرأي العام والتي يصدح بها الفنان (عبد الله محمد) وقد لا يعرف الكثيرون خلفية هذه القصيدة حيث افصحت الشاعرة انها نظمتها في ابن عمها الذي يحبها ويرغب في الزواج منها إلا انها رفضته , فاصيب بصدمة نفسية , واختلال عقلي , وشاهدته ذات مرة مقيدا بالسلاسل داخل غرفة بمنزل اسرته بالابيض فتأثرت لذلك فنظمت القصيدة وقدمتها للاستاذ المبدع الراحل عوض جبريل في منتدى اتحاد شعراء الاغنية بنادي الخريجين بامدرمان ,فقام بتلحينها واهدتها للفنان (عبد الله محمد) الذي صدح بها واجاد , وكانت سبب شهرته وذلك فى نوفمبر 1977م . كما ان لها قصائد غنائية اخرى كثيرة .. وللعلم (سمرقندية) بجانب كونها شاعرة فهي اعلامية وصحافية عملت في سونا والصحافة ومجلة الاذاعة والتلفزيون ومجلة الشباب والرياضة والاضواء , والحياة والناس وأخبار المجتمع غدر الزمن شغل القليب بالشوق على زولاً بحن طبع الفراق الجوة إحساسي الدفين صورة شجن زاد الألم سبب الفراق البينا كان غدر الزمن غدر الزمن مسح الأحاسيس النبيلة وبدلا عشرة سنين منسوخة بي أحرف وفاء ما أجملا عزاي حروف بعد الشقاء مسح الليالي وحولا سلواي قصائد شاعر إتغرب وزادو بقى الصبر نعمل شنو إلا الحصل بيناتنا ما نفذ القدر يرجع يعاودني الحنين خاطري الكسير يوم إنجبر
صباح الود صباح الإحساس الراقي صباح الرفقة الطيبة والذوق الدفاق شكرا يا ذوق العصر مروره
Quote: محمد عبد الله الحسين اخى الغالى والله صباجك نور وعطور وزهور ولك الاحتلاام والتقدير يسعدنى المرور وواهديك اغننيه البى العصر مرورو كلمات زى كلام الطير فى الباقير بس بقت اغننيه هههههه
الليلة وين انا البي العصر مرورو خليهم يقووولو كتير الناس بقولو حبيبي البدورو البغرق في بحورو اخوض النار وازورو انت بحر السماحة يجو العشاق يزورو بلاقي ووين انا البي العصر مرورو خليهم يغنووو يغنو كتير العشقو جنو الريد انتو ماعارفنو
تعرف الأغنية دي بحس بيها مترعة بالشجن والحنين تجاه الشخص المقصود رغم كلماتها العادية و إمكن المعنى المكرر في لعديد من الأغنيات الشعبوية( يا ربي صاح ولا أنا غلطان؟)لكن...
تتفوق بالإيقاع الحزين و اللزمة البترسل كل واحدة في نهايتها رسالة شوق واشتياق
يمكن بتعبر عن زمن كان فيه الطبيب ( ولا يزال) قمة الهرم الإجتماعي....فهذا الشوق والنزوع العاطفي في الأغنية يحاول اجتياز الحوالجز الاجتماعية
حتى تصل لحبيبها ....الأغنية بتتضمن وجود حواجز في ثناياه...
والله أعلم ولكن لازالت الأغنية تجعلني اتمايل مع شحنات الحنان و الاشتياق القاتلة..
تحياتي يا ظريف
08-22-2022, 09:10 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
الاخ الغالى محمد عبدالله الحسين تحيه طيبه ايها الاخ الشفيف الرائع اهديك اجمل ما كتب استاذى عمر الطيب الدوش
اعيشها معاك لوتعرف دموع البهجة و الافراح اعيدها معاك واتأسف علي الماضي اللي ولي وراح علي الفرقة الزمانها طويل علي الصبر اللي عشناه مع طول الألم والليل زمان كنا بنشيل الود ندي الود وفي عينينا كان اكبر حناناً كان وفات الحد زمان ما عشنا في غربة و ما قاسينا نتوحد وهسع رحنا نتأسف علي الماضي اللي ما برجع صحيح انو الزمن غلاب
ومشينا في عذاب وعذاب قلوبنا تتأوه ونحن نتأوه و نفتح للأمل ابواب احبك لا الزمن حولني عن حبك ولا الحسرة وخوفي عليك يمنعني وطول الألفة والعشرة وشوقي ال ليك طول لسع معاي
08-22-2022, 09:48 AM
محمد مجيدو محمد مجيدو
تاريخ التسجيل: 07-06-2013
مجموع المشاركات: 2392
ليه ي قلبي ليه - للعملاق عبد العزيز المبارك ليه يا قلبي ليه .. تاني رجعت ليه ذي أيام زمان .. عدت تحن ليه؟ وحياة الشجن .. وأغلي الزكريات ما تردد كلام .. يحي الفات و مات وما تخلي العيون .. تحكي الأمسيات وتجدد غرام .. يمكن هان عليه مسكين الزمن .. كم اهدانا ريد خلا الدنيا جنه .. وكل ايامنا عيد حلفناهو ننسي .. لو النسيان يفيد وليه بنقولو تاني .. نرجع من جديد ياما حلفته قلت .. لو غررب تشررق تبعد عنن طريقو .. وعن هجرو البيحرق هسه لقيت عيونو .. سيل اشواق يغررق ياتو سبب سهادك .. ما قادر تفررق ليه ي قلبي ليه .. تاني رجعتا ليه زي ايام زمان .. عدت تحن ليه ...
08-22-2022, 03:45 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
كلمات : عبد المنعم عبد الحى غناء : أبو داوود ~~~~~~~~ لوموه اللاهى بالغرام بالله قولوا ليهو الحب شئ طبيعى إلاهى الغرام ما بخير بين كبير وصغير من زمان الحب أمرو فينا يحير يا جميل يا نضير خلى هجرك غير من زمان الحب عمره والله قصير نادوا لينا البنا يبنى لينا الجنة يبنى طوبة حب ويرمى مونه محنه بالكتاب والسنه يعقدو لينا أهلنا انتصر يا حب نحن نلنا املنا سيروا بينا لنيلنا وسوو لينا عديلنا فوق جناح الحب الملائكة تشيلنا يوم تقلب خيلنا فوقا شبان جيلنا والزغاريد حب يا خلى مافى مثيلنا العاقبة لحبانا وللبشاركوا معانا نحن ناس الحب الله ما بنسانا نحن صُّنا هوانا بشرف وامانه يا جمال الحب ويا جمال دنيانا
08-22-2022, 04:33 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
ليه ي قلبي ليه - للعملاق عبد العزيز المبارك ليه يا قلبي ليه .. تاني رجعت ليه ذي أيام زمان .. عدت تحن ليه؟ وحياة الشجن .. وأغلي الزكريات ما تردد كلام .. يحي الفات و مات وما تخلي العيون .. تحكي الأمسيات وتجدد غرام .. يمكن هان عليه مسكين الزمن .. كم اهدانا ريد خلا الدنيا جنه .. وكل ايامنا عيد
حلفناهو ننسي .. لو النسيان يفيد وليه بنقولو تاني .. نرجع من جديد ياما حلفته قلت .. لو غررب تشررق تبعد عنن طريقو .. وعن هجرو البيحرق هسه لقيت عيونو .. سيل اشواق يغررق ياتو سبب سهادك .. ما قادر تفررق ليه ي قلبي ليه .. تاني رجعتا ليه زي ايام زمان .. عدت تحن ليه
08-22-2022, 04:39 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
صفـــــــــوة عاشقيك كلمات : صلاح حاج سعيد غناء : مصطفى سيد احمد قلت لـــــــــيها .. وإيدي في إيديها دمعة حزن ســـــــــالت .. جاي منك وماشي ليك يا مداين غربة طالت .. لو مدارات نجمي ضلت .. وسكة السفر إستحالت .. كوني في دربي الحقيقة الليها ديمة مشاعري مالت .. قلت لـــــــــيها .. وكنت راجع لي عينيها من أسى الزمن البسافر في المشاوير العصيبة ومن متاهات الأماني الفي مداها الحزن مضناها وحبيـــــــــبا قلت لـــــــــيها .. بيني لا بينك مـــــــــزار لا محطات إنتـــــــــظار لا مواعيدك قريبة إنت يا الفرح الحقيقة المستحـــــــــيل هدهدي الصبر الجميل وأمسحي الحزن المخيم في مدارات الرحـــــــــيل قلت لـــــــــيها .. الحقيقة الضايعة بين قلبي وعيونـــــــــك إني لا قادر أفوتـــــــــك لا أجـــــــــيك .. وإني ما عارف بدونك ألقى كلمه حب تزف البشرى في ساعة مجيك وإنتي عـــــــــارفة وقلت لـــــــــيها .. ياني أكتر زول بريدك ياني صفوة عاشقيك ياني راكز الحيل عليك ولسة بي حبك متيم ومبتلي إلا ريــــــــــــــــــدك زادني حيرة على العلي لا مراكب القدرة ختن قلبي عـــــــــندك وإنتي لا قلبك نساني ولا علــــــــــــــــــيك
08-22-2022, 04:43 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
قصة أغنية قطار الشوق!! للشاعر علي محجوب اداء البلابل في حوار مع الشاعر علي محجوب صاحب قصيدة قطار الشوق يقول: عن قصيدة «قطار الشوق» التى تغنى بها عدد من المطربين الى جانب البلابل يقول: «قطار الشوق بطاقة حب لعطبرة.. ولو لا عطبرة لما كانت أغنية «قطار الشوق» وهذه القصيدة ما كتب لها النجاح الا لارتباطها بعطبرة.. فهذه المدينة تستحق الكثير، و «قطار الشوق» محاولة لرد الجميل .. والقصيدة كتبت في ظروف الدراسة الثانوية والبعد عن الأهل ..هى بعض الحنين للمدينة وكل الشوق لإنسانها.. وأول من تغنى بها الفنان بابكر الذَّكَّار، وهو جار لنا في حي الموردة، وفازت الاغنية في مهرجان كبير بمسرح النيل بعطبرة بالمرتبة الاولى، وبعد ذلك انتشرت وتغنى بها حسين شندي ثم البلابل وغيرهم العديد من المطربين». ٭ لا اعتراض على أداء البلابل وعن ارتباط الأغنية بالبلابل يقول: «نعم البلابل رددت هذه الاغنية كثيرا ولا اعتراض لدي على ذلك، ولكن ظللن طيلة الوقت لا يذكرن اسم الشاعر الذي صاغ كلماتها. وفي احتفالية اقامتها شركة «دال» ونقلتها قناة النيل الازرق غنت البلابل مجموعة من الاغنيات وكانت تظهر على يمين الشاشة اسم الاغنية والشاعر والملحن، وذكرت كل الأغنيات بهذه الثلاثية عدا «قطار الشوق» وكانها اغنية تراث واغنية بلا هوية او مجهولة الشاعر. لذا فأنا عاتب أولاً على البلابل وقناة النيل الازرق، ويجب علينا أن نلتزم بقانون المصنفات وحقوق الملكية الفكرية، وأرجو من البلابل تصحيح هذا الأمر». ٭ عطبرة لم تتوقف عند محطة العطبراوي وينفى علي محجوب مزاعم البعض بأن عطبرة توقفت عند العطبراوى، ويقول: «عطبرة لم تتوقف ولكن العطبراوي محطة مهمة في تاريخ عطبرة والوطن عموما. وأرجو أن يتعلم الشباب من تجربة هذا الهرم الكبير فهو تاريخ ناصع وتليد، وعطبرة حُبلى بالمبدعين وهى قادمة لا محالة». ٭ السكة حديد ونادي الأمل وعن السكة حديد ونادى الأمل العطبراوى يقول: «السكة حديد قدمت للسودان الكثير.. فقد نقلت الثقافة والدواء وعملت للناس الكثير، وبها بدأ العمل الاجتماعي والطوعي في عطبرة.. وبنيت المدارس والمستشفيات من خيرها وتجاربها.. وفجرت الثورات وكانت اداة لكل تغيير قطار الشوق قطــــار الشوق متين ترحل تودينا نشوف بلداً حنان اهلها ترسى هنــــاك ترسينا نسايم عطبره الحلوه تهدينا و ترسينا نقابل فيها ناس طيبين فراقهم كان مبكينا يا قطار الشوق متين توصل حبيبنا هناك راجينا متين نحضن عويناتو لمتين يسرع يحيينا يا قطار الشوق ده ليل الغربه فيهو ودار متين تسرع متين تكمل المشوار عشان ما نلقى سيد الناس و نطفي البينا من النار نشوف عينيهو نعسانه و لونو الزاهي كلو نضار يا قطار الشوق حبيبنا هناك يحسب في مسافاتك لو تعرف غلاوة الريد كنت نسيت محطاتك وكان بدرت في الميعاد و كان قللت ساعاتك و كان حنيت علي مره وكان حركت عجلاتك
08-22-2022, 04:51 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
أكمل ثلاثون عاماً من الغياب المجهول الذي أحزن وحير أسرته ومحبيه وكل معارفه من عامة الشعب السوداني !! في بداية حكم نظام الإنقاذ في عام1991م جاءت عربية بوكس تبع أحد الجهات الأمنية واعتقلته أمام والدته الراحله و من بيتهم في الحاج يوسف شارع واحد الي مكان مجهول ولم يرجع حتي اليوم ..!! انه الشاعر المتفرد (أبوذر الغفاري) واسمه الحقيقي هو (إسماعيل عبدالله الحسن ودالمأذون) شاعر أغنية في عيونك ضجة الشوق والهواجس للعملاق الراحل مصطفى سيد أحمد. في عيونك.. ضجة الشوق والهواجس ريحة الموج البنحلم فوقو بي جية النوارس.. ياما شان زفة خريفك كل عاشق أدي فرضو .. مافي شمسا طالعة طلت إلا تضحك ليها برضو والغمام الفيك راحل في الصنوبر يلقي أرضو والصباح إمتد يام كل ماجاوبتي نبضو.. نشتهيك يام نحلم نحكي ليك ..عن المسافة ونشتهيك .. عن سفن بالشوق بترسم..في بحيراتك ضفاف ونشتهيك عن ملامح غنوة طلت في عيويناتك هتافها وبنشتهيك عن حقيقة نهاتي بيها ..وفي أساطير الخرافة ياصباحات المواني حتي لو دربك ترنح في مشاوير الأغاني والجرج إرتد بينا لي زمان الأهة تاني.. يانا لابنتحاشي صدك لابتموت فينا الأغاني ياغنانا المشتهنو ..ياني موعود بي زمانك بي إرتعاش صرخة وجودك يوم يطل ميلادي منو لما اتوسد صباحك..ياتوا ليل يفصلني عنو
08-22-2022, 04:55 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
المصير كلمات الشاعر : سيف الدين الدسوقى غناء الفنان الذري : إبراهيم عوض ليه بنهرب من مصيرنا نقضي أيامنا في عذاب ليه تقول لي إنتهينا و نحن في عز الشباب ؟ ،،،،، نحن في الأيام بقينا قصة ما بتعرف نهاية إبتدت ريدة و محبة أصبحت في زاتها غاية كنت تمنحني السعادة و لي تتفجر عطايا و لما أغرق في دموعي بتبكي من قلبك معايا ،،،،، نحن في ماضينا قوة قوة تتحدى الصعاب تقطع الليل المخيم تمشي في القفر اليباب كنا للناس رمز طيبة و كنا عنوان للشباب لسة تايهين لينا مدة بنجري من خلف السراب ،،،،، تاني ما تقول إنتهينا بتنهي جيل ينظر إلينا باني أمالو و طموحو و معتمد أبداً علينا نحن قلب الدنيا دي نحن عز الدنيا بينا تاني ما تقول إنتهينا نحن يا دوب إبتدين
08-22-2022, 04:58 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
عافبة منك الشاعر : علاء الدين عثمان عبدالرحيم غناء : عبدالرحيم ارقي . عافية منك وراضية عنك سو رضايا وما بيخيب الرضا والدتو يا جنايا أنت من يا دوب صغير من زمان دايماً معايا أنت ديمه أمامي ساير ما بخليك بي قفايا ما بتغيب من عيني لحظة ولا حصل سبتك ورايا لا من الله يشيل أمانتوا أنا ببقي خاصاك بالرعاية ليَ يرعاك البيرعي ليَ بيك يبرد حشايا أصلك أنت هديه منو والله بيك أجزل عطايا جيتني واحد مالي تانى رحمه في آخر صبايا قبل ما أفقد قدرتي وقبل ما تنهار قوايا جيتني ذي بدر منور وفجأة طليت في سمايا انت لما خلاص كبرتا دار تسيبني أعيش برايا دار تفارقني وتهاجر والحزن يصبح جزايا كيف يهون لك تحزن أمك شان تحقق ليك غاية كان مسافر شان علاجي بلقي في شوفتك دوايا كان عشان تسقينا مالك نحن بحنك روايا كان عشان كرعينا راحل نحن بي بعدك حفايا كان مهاجر شان تعرس خير أبوك مالي التكايا خيرو وافر أبوك يحمدوا مراحو مليان بالسعايا وبالقروش الجيب مجكن ولسه برضو الجايا جايا برضي منك ما بقصر بحفر أديك المعايا كان ده كلو كمان شُوي ّ بتلقي في دهبي الكفايا أصلي من سويتو ناذرا إبقي لي أيام قسايا خاتا للزمن البعاند لي سعادتك يا عشايا أنت من شبيت صغير راسي ما بتحتاج وصايا ما حصل خيبتا ظني ولا فشل فيك زين غنايا لا تسيب أمك تهاجر يمه محتاجي الحمايا لا تسيبني وراك ترحل. إنت ياك ضُلي وضرايا أنت فوق الحوبة مقنع إنت للمكشوف غطايا دايري منك تبقي جنبي جنبي في فرحي وبلايا دايري كان قحيت اتبنك ارفع اقسملك غتايا أنت ساعة تبقي جنبي تبقي ضُلي وتوب قفايا وما بخاف ظلم الليالي وأنت ياك عكاز عمايا دايري أقضي عميري جنبك أصلو قارب للنهايا خايفي كان سافرتا ترجع تلقي فاضي البيت بلايا حينا ما بتنفع قروشك وما تجيب لك أم سوايا ماني عارفي سبب رحيلك يا وليدي شنو الحكاية إلا تبقي براك شايف في فراق الوالدة غايه ما بعاتبك وما بلومك لو رحلت بلقي في الأمثال عذايا علي حجر دايماً قليبك وقليبي كله عليك جنايا .
08-22-2022, 05:05 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
الطيور المهاجرة مصطفى سيد احمد والله نحن مع الطيور المابتعرف ليها خرطه ولا فى ايدها جواز سفر نمشى فى كل المداين نبنى عشنا بالغناوى و ننثر الأفراح درر و الربيع يسكن حوارنا والسنابل تملا دارنا والرياحين والمطر والحبيبه تغنى لينا لاهموم تسكن دروبنا ولا يلاقينا الخطر لو بقينا مع الطيور المابتعرف ليها خرطة و لا باكر ياحلوه لما اولادنا السمر يبقى افراحنا البنمسح بيها احزان الزمن نمشى فى كل الدروب الواسعه ديك والرواكيب والمدن تبقى أكبر من مدن ايدي في ايدك نغني والله نحن مع الطيور المابتعرف ليها خرطه ولا فى ايدها جواز سفر .
08-22-2022, 05:12 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
غـدر الزمن شغل القليب بالشوق على زولاً بحن طبع الفراق الجوة إحساسي الدفين صورة شجن زاد الألم سبب الفراق البينا كان غدر الزمن غدر الزمن مسح الأحاسيس النبيلة وبدلا عشرة سنين ممزوجة بي أحرف وفاء ما أجملا عزاي حروف بعد الشقاء مسح الليالي وحولا سلواي قصايد شاعر إتغرب وزادو بقى الصبر نعمل شنو إلا الحصل بيناتنا ما نفذ القدر يرجع يعاودني الحنين خاطري إنكسر يوم إنجبر
08-23-2022, 10:24 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
محمد عبد الله الحسين
Ahmed Yassin
يحي قباني
محمد مجيدو
فيس بوك
تويتر
انستقرام
يوتيوب
بنتيريست