كتب الكاتب الفاتح جبرا المتوفرة بمعرض الدوحة
|
Re: الخرطوم الآن جو رهيب .. في محاولة صور (Re: Osman Musa)
|
عاين جاي يا عثمان ... صباحا بدري مشيت سوق حلة كوكو مرسل لي باميه فرك بالفقر ومستلزماتها (بصل اخدر وفجل وجرجير وشطه خدرا وطماطم وخيار) واغراض أخرى ... اها جيت السوق ولقيت السماء بي الحاله دي 👇 ... عندي صاحبي جزار حريف شاورتو قال لي باميتك وقراصتك خليهن في حتتن وشيلن معاك ... أنا مع الفقر بديك ٢ كيلو لحم عجل ما ضاق غير لبن امو ... ومعاهن أم فتفت حقت العجل بيضاء من غير سوء بي ألتيهن ... تمشي هسع يزبطو ليك ام فتفت وتولع نار الشيه ... رغيف نهي ... بعدين بعد الساعة اتنين خليهم يسوو ليك باميتك وقراصتك تاكلن مع المغرب ... والله يا عثمان لي هسي السماء تزمجر زمجرتن ...
| |
|
|
|
|
|
|
Re: الخرطوم الآن جو رهيب .. في محاولة صور (Re: Osman Musa)
|
Quote: باميه فرك بالفقر ومستلزماتها (بصل اخدر وفجل وجرجير وشطه خدرا وطماطم وخيار) واغراض أخرى ... اها جيت السوق ولقيت السماء بي الحاله دي 👇 ... عندي صاحبي جزار حريف شاورتو قال لي باميتك وقراصتك خليهن في حتتن وشيلن معاك ... أنا مع الفقر بديك ٢ كيلو لحم عجل ما ضاق غير لبن امو ... ومعاهن أم فتفت حقت العجل بيضاء من غير سوء بي ألتيهن ... |
سلام الحبيب عثمان موسى
................................
يعنى نحن نقع وين
يعنى شنو يعنى
نظام ( حندكة يعنى ؟؟ ) هههههههههههه
هنيالك
تحياتى
| |
|
|
|
|
|
|
Re: الخرطوم الآن جو رهيب .. في محاولة صور (Re: ANWAR SAYED IBRAHIM)
|
الأخ أنور سلام بلون السحاب ورايحة البرم يا أخ أنور اليوم بعض من أهلنا الكبابيش المهتمين بتربية المواشي والمصدريين منهم محتفلين بنزول المطر . بيسموها ام بشار . اليوم في قندهار ضبحوا الجمال . وطمبروا وعرضوا ومدحوا وشكروا الخالق. لوحات بديعة لشعب مبدع يفتقد الزعامة المتمدنة. اليوم يا سيد أنور المريسة مجان وكبدة الابل بلاش . اليوم تضرب المشاوي تقيف امبوبة وتركب الكداري وتقع الحفر . بلد تحيرك في أي مشهد يا زول.
| |
|
|
|
|
|
|
Re: الخرطوم الآن جو رهيب .. في محاولة صور (Re: Osman Musa)
|
الزول قال :- اندرجت في الصبيب جابت بروق النوو رعودااا احاكن النغمه المواليه هلوووو مــلايـة الحـقـن ام صبـيباً شــــووو جيداً جيتي لي المهله وبرود الجوووو... عكير الدامر يا عثمان جاب ضقله يكركب قال :- السما كل ليل في ضيق وعوه وهرجه ساريتو بتلعلع لي الصبيب مندرجه تقع النقطة في الرأس زي ضربة القرجه(العصا منحنية الرأس). السمبر صبر والمولى فرج كربو ماخاب الميقن وراجي رحمة ربو بي لطف الكريم والإسمو آخرو الدال شبعن البهائم وفرح الأطفال
| |
|
|
|
|
|
|
|