|
|
|
 Re: علاقة النبي نوح عليه السلام بجبل مرة .. آمن (Re: Bashasha)
|
اولا زي كلام عمنا ده، كنز لو تعلم، ولكن اوانو ما جا!!
نعم ده، منجم دهب محتاج تنقيب كما اي موقع اثري!!
كما اي منجم او موقع اثري انتا ما بتمشي المنجم او تغرف دهب!!!
ابدا!!
عايز شغل، كما اي موقع اثري!!!
عايز اقول، هذا يسمي ب Oral Tradition وهذا مصدر اساسي في تاريخنا، ولكن ما اتهبش!!
ليه؟
ناسو ماجو!!
في الاول المدرسة السودانية لازم تصل السودان كمدخل، او بعد داك، لما تصبح المدرسة دي خط عام، ممكن يكونو هناك ناس مؤهلين للحفر في المجال ده، ثم مجال لسانا الكوشي!!!
يا الهي!!!
هذا كنز الكنوز، او ما اتهبش زاتو!!
اقصد لسانا الكوشي.
لايهم ياتو لهجة في اركان السودان الاربعة!!
كمثال في لهجة دنقلا، مافي هناك مقابل لي مفردة "دين"!!!!
هذا مهول!!!
نعم مافي مقابل لي مفردة "شكرا"!!!
هذا يزلزل، لو نعلم!!!!
نعم مافي تانيث او تذكير، وهذا خارق، لو نعلم!!!
| |
  
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Bashasha)
|
طبعا بتضحك يا قباني من كلام كبيرنا ده، ولكن من يضحك اخيرا، يضحك كثيرا!!!!!
بتضحك ليه؟
لانو عندك تصور محدد مسبق، لمنشأ، منبع، مصدر، اسياد الكلام ده كما اوهموك، وهذا قطعا خاطئ!!!!
اعلم اصل الكلام ده، وانا ما شغلت الشريط ده للامانة، او من دون ما اسمعو هم جدود عمنا ده، الكوشيين عكس تصوراتك المسبقة!!!
علي كده، مفروض نضحك نحنا، متي ماورجغ الساميين، لو يهود او عرب، بي اشياءنا نحنو، دون ادني المام او بعد ما حورو بما يتناسب او طريقة تفكيرم!!!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Bashasha)
|
مهم جدا الكل يعلم معني مصطلحات بشاشا.
كمثال، من هم الكوشيين او النوبيين، في فهم بشاشا، انطلاقا من مرجعية طريقة تفكيرنا الحالي، المخجلة بحق؟
معليش لا املك الا ان اخاطب سفرجية الرومان في مستعمرة روما الا بالرومامنية!!
مجبرن اخاكم بشاشا، لابطل!!
هل هم امثال بشاشا في اقصي الشمال، حصريا كما يتوهم امثال بشاشا، بوابين سفرجية، مستعبدينا، حملة راية وهم العروبة، الجاكين من اصلهم، الباصقين في وجه ارثهم؟
قطعا لا!!!
اعلم اي مخلوق اسود، دعك من افريقي، بلاش سوداني، فهو نوبي كوشي!!!
جوا السودان، حملة راية هذا الارث هم المرذولين ك"زرقة" الدفعو ثمن فادح جدا جدا، لالتصاق ارثنا الحضاري بهم!!!
بمعني، المرذول، الملفوظ، في السودان المصري، هو غير العربي، اي الكوشي، نعم هو النوبي، وليس اصحاب الحظوة بالميلاد، في السودان الحالي اي امثال بشاشا "العربة"!!
ده صراع بقاء او فناء، حضاري!!!
لهذا ماصدفة كيف السودان الحالي عروبي، بالوكالة، وبناءا عليه، النوبي الكوشي، بمعني غير "العربة" اي "الزرقة" مرذول ملفوظ كنتيجة!!!
من جانب اخر ومن حيث حقائق التاريخ المجردة، نموذج انسان "الزرقة" هو فعلا، وحصريا، المثل ارثنا الحضاري- وليس نموذج امثال بشاشا، ولهذا بنقول ده صراع حضاري!!!!!
نعم النوبي تاريخيا، الكوشي تاريخيا، الكمتي اي "المصري" تاريخيا، كان هو نموذج انسان "الزرقة" وهذا مثبت منذ اكثر من 3,000 سنة من تاريخ اليوم!!!
هذا لايعني انو امثال بشاشا مانوبة ماكوشيين، ولكن عكس تصورات ناس بشاشا، "الزرقة" كانو هم الاغلبية، ونموذج انسانو هم اللي قدمو اجدادنا كممثل لارثهم، لدرجة، لدي اوربي ذاك الزمان، كمثال، حتي الذات الالهية بي فهمم، من حيث الملامح، كان "زرقة"!!!!!!!!!!!!!
عيييييييييييييك!!!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Bashasha)
|
اعلاه مركب جدنا "نوا" الي اليوم في كمت!!
لوسالتا سامي اي يهودي تحديدا او خواجة متخصص، حيقول ليك القصة دي جات التوراة من "سومر"!!!
من هم السومريين، مؤسسي عراق اليوم؟
قعا في فهمم كانو ساميين، وهذا نجر محض!!!
السومريين كانو كوشيين، طبقا لذات توراتم!!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Biraima M Adam)
|
Quote: حولاااااا
على قولة أخونا محجوب عبدالله، وأرجو أن أقرأ تعليقه.
ـــــــــــ
تحياتي يا يحيى
أيضا من زكريا سيف الدين الفيديو دا: |
سلامات د ياسر ..
خطورة الرجل انه طلق اللسان .. و يتحدث بلغة العارف و الدارس ..
حقيقة جدير بالبحث عن ما يبحث فيه ..
مشكلة كلامه .. انه يثبت نظريات و خزعبلات صديقي المشوش بشاشا 🙃
ف .. يحلنا الحلّ بلّه ..
تخريمة .. انتو د. بله موسى وين ؟
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: يحي قباني)
|
Quote: حبيبنا منتصر صاحب المختصر
والتحية للجميل قباني ..
يا منتصر الحبيب موسى من اندينا
المهم نتحصل على جواز سفر اسرائيلي
شقة كده في حيفا او يافا على البحر
نحن باقي الفلاشا
تحياتي الحبيب منتصر
والتحية للحبيب قباني |
يا عم علي من أنديكم كيف ..
كلامك الزي دي بجيب لينا الهوا و ما حنخلص ..
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: يحي قباني)
|
Quote: مشكلة كلامه .. انه يثبت نظريات و خزعبلات صديقي المشوش بشاشا 🙃
ف .. يحلنا الحلّ بلّه .. |
قباني ماواقع ليهو خالص، خالص، خزعبلات بشاشا كيف الملفوظين، مرذولين ك"زرقة" في عاصمة محارق الابادة في العالم كلو، اي جمهورية السودان اي "الزرقة"، هم امهات واباء الحياة المنظمة علي سطح هذا الكوكب!!!
بالنسبة لي قباني كلام كهذا خزعبلات، او هنا قباني ليس بفرد!!!
هذه طريقة تفكيرنا كلنا للاسف، بالذات الجلابة!!!
لهذا السويسري اياهو القاعد في كرمة معبود عديل كده، اما امثال شيخنا ديوب، في السودان، ماسمعو بيهو زاتو، ولايسوي في وعي نموذج قباني، لامؤاخذة برطوش، والمصيبة كلها هنا!!!
نعم زي كلام الطير بتاع بشاشا ده، لازم يجي من واحدة زي "الشيخة موزة عشان يدو اعتبار!
عشان السودان كلو يقيف علي فد كراع زي ماحصل لما زارت البجراوية، كيتا في السيسي لما قلبا علي كيزانم!!!!
نعم زي "خزعبلات" بشاشا دي، عشان ماتكون "علم" او كلام "موضوعي" لازم يجي من خواجة او عربي!!!
شفتو المحنة الاحنا فيها؟
اهو قدامكم جبنا ادلة مادية مسك ايد لي مركب "نوا"، عن "اسطورة" نوح "نوا"، اي قصة الفيضان في ارثنا الحضاري، ولكن قباني طلع هذا "خزعبلات"!!!
لهذا لجانا للصعق الكهربي والابر الكوشية، لاننا في غيبوبة، ونعاني من حالة فقدان وعي، ولهذا نتمدد في قاع بشرية اليوم، مغمي علينا، بعد ما جينا واقعين من قمة هرم هذه البشرية، اللي امهاتا واباءها هم "الزرقة"!!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Bashasha)
|
الانطباع العام الضمني انو "نوا" سامي، انطلاقا من نكتة الاصل السامي للحضارة كما نكتة "الديانات" الابراهيمية!!
ده، موضوع مركب، شائك بحكم الصراع الكوني الدائر حول ارثنا الحضاري، الهبرو، القلعو، مستعمرينا مستعبدينا، بني قوقاذ!
لهذا نجد "حام" جد "الزرقة" طبقا للنسخة السامية، ملعون، او بالميلاد، فقط لانو "زرقة"!!!
طيب، ماعشان كده امثال بشاشا، عاملين فيها "عرب"!!!!!
صاح امثال بشاشا "فجعة" الان قالبين او عاملين فيها نوبيين، او تاني "حصريا" يا للنكتة بحق!!!!
ولكن اول الغيث، قطرة!!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: يحي قباني)
|
قرقرقرقرقرقرقر!
قباني رمش!!!
ولهذا كاس يرهب بشاشا، بتكفيرو، عشان يتخارج!!!
ياقباني خدك:
الملحد ماسوداني، اطلاقا!!!
نعم العلماني، ماسوداني، اطلاقا!!!
هؤلاء حمبرات ثقافة مستعبدينا، والسلام!!
بناءا عليه، اعتراضنا علي تعريف/مصطلح "ابراهيمية" كاصل ومصدر لماتسمي أديان!!!
اختلافنا هنا!!!
هذه "ديانات" سودانية، نوبية، كوشية، صرفة من حيث المصدر، المنبع، المصدر!
ابراهيم ألهو كان رع، لماجانا كلاجي، كما اهلو غير مؤمن!!!
جاييك، بالتفاصيل..
حقك راح!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: يحي قباني)
|
يا بشاشا نبي الله إبراهيم الذى ورد اسمة فى القران هو رع؟ هذا سؤال فقط
السؤال الثاني من اين عرفت ان رع هو إبراهيم عليه السلام
بصيغه اخرى ماهو مصدر معلوماتك القطعية التى تنثرها على جنبات المنبر دون وجل
باقى الاسئلة ستظل حبيسه حتى نتأكد من الجدية واسس الحوار بعيدا عن مفردات خالدة تنسف الموضوعية نسفا:)
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Biraima M Adam)
|
Quote: حولاااااا
على قولة أخونا محجوب عبدالله، وأرجو أن أقرأ تعليقه. |
سلام دكتور ياسر و باشمهندس يحيى و كل زوار البوست,
طبعا التسجيل ده جانى قبل شهور و بحكم انو ما عندى في التاريخ نصيب كبير, استمعت و انبهرت و جاء فى بالى حكاية العرضحالى الكتب للزول الجاء شاكى, فقالو بعد ما قرأ الكلام, بكى و قال "تارى انا مظلوم قدر ده و ما كنت عارف". علي ذات النهج, قلت تارى انا عندى تاريخ قدر ده و ما كنت جايب خبر.
المهم, احكى ليكم عن قريتى , التى تسمى قرية "قبة الشيخ صالح" و صالح هذا ينسبه اهلنا الي سيدنا النبى صالح الواحد داك.
عندما كنا صغار, كل القرى المجاورة تأتى ل تحج في عيد الضحية فى هذا الجبل, يطلعون من الجانب الشرقى و ينزلون من الجانب الغربى. في قمة هذا الجبل توجد مقبرة شواهدها حوالي 10 امتار (ولي الله), و يقال ايضا في كل عيد ضحية الناس بشوفو ضوء يتصاعد من الجبل و يفسرونه ان الولى ذاهب الي الحج.
طبعا في جيلنا ما شفناه لكن بحكو في الزمن البعيد شوية.
عموما الاساطير كثيرة و قصص علاقة منطقة دارفور بالانبياء كثيرة جدا و لا ادرى صحتها من عدمها. وجدت تفاسير اخرى كثيرة عن اسماء المناطق و تتطابقها مع الاسماء باللغة النوبية, مثلا كلمة (عين (اين) فرح وعين (اين) سيرو) و كما عرفت كلمة (عين او اين) تعنى (الجميلة) مثل اسم (نفراين) البنت الجميلة و من هنا يقولون بأرتباطها باللغة العبرية اى اللغة النوبية و اللغات الدارفورية بعضها مرتبطة بالعبرية.
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Mahjob Abdalla)
|
رَأَيْتُ عِيسَى ومُوسَى وإبْرَاهِيمَ، فأمَّا عِيسَى فأحْمَرُ، جَعْدٌ، عَرِيضُ الصَّدْرِ، وَأَمَّا مُوسَى فَآدَمُ، جَسِيمٌ، سَبْطٌ، كَأنَّهُ مِن رِجَالِ الزُّطِّ.
الراوي:عبدالله بن عمر المحدث:البخاري المصدر:صحيح البخاري الجزء أو الصفحة:3438 حكم المحدث:[صحيح]
قال الشرَّاح: الأدمة: شدَّة السُّمرة، والزُّط: جنس من السودان.
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: muntasir)
|
اذا قال العلم أن أصل البشر كان في أفريقيا فمتى وجد الإنسان الأبيض لذلك المنطق كما قال عاطف خيري كل الملائكة سمر 😅 بعدين محجوب ده ما عارفو جاب الإسم ده من وين أكتر من يسمى بأسامي الأنبياء هم أهل غرب السودان فعادي آدم وإسحاق يكونوا من هناك
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: muntasir)
|
ياعبدالرحيم،
قتا لي ابراهيم هو رع؟
لاحولا!!!
معقولة؟
قنا ليك ابراهيم ده، كان ألهو امون رع، أو هو تعلم قدر العرفو من اجدادنا!
نعم ابراهيم ده اسم سوداني، نوبي، كوشي نعم بتاع "زرقة"!
معناه: عبد رع، نعم عبدالله بالعربي!
لهذا لماجانا كلاجي، في امريكا ذاك الزمان اي كمت الاضحت "مصر" ماكان مطهر!
لهذا اجدادنا طهرو في آخر عمرو، الكان ماشي علي ال100 تخيل، كاشهار بالفهم الوهابي!
نعم الختان "الفرعوني" بالنسبة لاجدادنا لما تصل سن البلوغ، كان يعني بداية "التكليف" بي فهم الثقافة العربية!
بذات الطريقة، اسمك انتا ذاتك "عبدالرحيم" يعني "عبد رع" لو تعلم!!!
نعم أسماء امون الحسني، تحولت الي "أسماء الله الحسني" أو ده نقل بالنص، من ارثنا، ولاجديد هنا!!
بنفس الطريقة، انتا بتصلي يومي، من دون ماتعرف، للاله امون، اي "اميين" في سورة الفاتحة، لانو الصلوات دي، حقتنا احنا تحديدا وحصريا!
نعم اجدادنا وقبل ما العرب يلودو كبشر، كانو بصلو بدل 5 اوكات، 7 اوكات، أو هم من اخترع "غسل الجنابة"، الصوم، والحج وهذا قبل عشرات آلاف السنين!
نعم اركان الإسلام دي، نحنو من وضع اساسا!!
اذن موسي كان سوداني، اي "زرقة"!
لفظ الجلالة "الله" سومري، وبالتالي سوداني، نوبي، كوشي!
يهوه، أقدم مرجع ليهو وجد منحوت في السودان!
معظم انبياء التوراة سومريين، وبالتالي سودانيين، اي "زرقة" واب الأنبياء جميعا اي اوسار، اي إدريس بالعربي، سوداني أو طاقيتو هي ذات طاقية الانصار الواحدة دي كماهي!
يازول مفردة "نبي" لغة سودانية!
في المداخلة الجاية حنجيب ليك الدليل بتاع أصل اسم ابراهيم، وهذا تحذير رسمي، قد تقع من طولك، من الخلعة!!!
يتبع!!!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Bashasha)
|
سيد البوست، قباني، قام هابر!!
طبعا كجلابي، جا يسخر، يضحك، سن سن في كلام عمنا "الزرقة" اعلاه، ولكن قنا ليهو ومن يضحك، اخيرا، يضحك كثير!!!!
مع التسليم انو ترهات "الفييلد نقا" بشاشا، هذه، لاتعني شئ بالذات ل"الهاوس نقاز!!!
نعم كوننا ملموميبن الان هنا، ساعة العشا، أو بنتونس ك"نقاز" بعد نهاية يوم عملنا بالسخرة، فلامعني اعترف لترهات كهذه، ولهذا في تقديري، الموضوع ده ليؤخذ بجدية، بنحتاج اقلاه لي 100 سنة من تاريخ اليوم!
ولكن اذا "البيه" سيدنا، مخدمنا، مالك وعينا، ردد كلام كهذا فقطع شك لانحتاج لي اكثر من شهور، ولكن "البيه" ماغبي عشان يعوق روحو بي كلام زي ده، مدمر لي مصالحو!!!
بعد نثبت الأصل السوداني لي اسم "ابراهيم" عبد رع، كما "ابرها" بالعربي، سننتقل لي حواء أو ادم، عشان نفرطق التصور الوافد الاجنبي، الذكوري، الحالي، ونعيد تركيبو من أصلو الكوشي!!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Bashasha)
|
نعم Servant Of RA
وقع ليكم، كيف اب الانبياء الساميين، مش مطلق انبياء، كان "عبد" رع؟
كان الهو امون رع؟
شفتو اصل مفردة "عبد" لغويا اي AB؟
جاييكم للاسماء الاخري، اليهودية افتراضا، كلها سودانية!!!!
يا زول اسرائيل زاتا كاسم من حيث الاصل، التعبير ده سوداني!!!
عييييييييييييييييييييييييييك!!!!
نعم "اسرائيل" باختصار او في كلمتين، جاية من "ارض رع"!!!!!!!!!!!!!
هل صدفة انو ماحصل سوداني، بي حروف عربية، رصا كلام زي ده؟
مش عجيب او غريب جدا، او كلام كهذا غير مطروق؟
هذا مانعني لما نقول وعينا، ارض محتلة، مستعمر، مستعبد، مسترق!!!!
اها، تاني حتقولو لي المرتد ابن ابي السرح هو الجاب ليكم الاسلام باللالف واللام، اذا اب انبياء الساميين كان بعبد رع؟
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Bashasha)
|
| Quote: بعدين محجوب ده ما عارفو جاب الإسم ده من وين أكتر من يسمى بأسامي الأنبياء هم أهل غرب السودان فعادي آدم وإسحاق يكونوا من هناك |
سلام منتصر,
و كيفك ليك زمن ما شايفنك.
المهم انا اسمى (محمد احمد) و الذى صار (محمد احمد محجوب) او اخيرا الي (محجوب).
نعم حسب اليوم الذى يولد فيه الشخص, ياتى الاسم او كما يقولون اسم الكتاب. يعنى لو في الاسرة في خمس مولودين يوم جمعة تصير اساميهم (ادم و الدومة و ادومة و ادماى, ادمو, الخ)
محظوظين ناس عبدالله لانو عندهم 99 فرصة (يوم السبت) و كذلك ناس الاثنين (حميدتى, حمدوك , حمادة و حميد و الخ).
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Mahjob Abdalla)
|
ماسر انتشار اسم "ادم" في غربنا، اي المركز؟
هؤلاء قوم ادم لو تعلمون، بي فهم اجدادنا، مش فهم تلاميذ، تلاميذنا!!!!
كما كل جوانب ارثنا الروحي، هناك تعريب، تهويد، تاريب "من اوربا" لاشياءنا، بواسطة خريجي خلاوينا ديل!!!
نعم صيغة، مفهوم، معني، قصة، ادم الاصلية مختلفة عن المتداول في الثقافة السامية، الذكورية، المادية بطبعها، وهذا طبيعي، لانو الكل بينظر للاشياء وفق مرجعية عدسات ثقافتو، اللاصقة، والفرق هنا!!!
اهما مافي هذا الامر، ان هؤلاء من حيث اصل "اديانم" اطفالنا والسلام!!!
| |
|
|
|
|
|
|
|
|
|
Re: علاقة النبي نوح عليه السلام بجبل مرة .. آمن (Re: Bashasha)
|
يا باشاشا مصدر المعلومات العلامه دكتور شارلس فينش من القادة الميدانيين للحراك الكوشى هذة حجتك بين العالمين وتفترض ان نسلم بها
وماذا عن الفرعون الغريق فى البحر متعقبا كليم الله فقط ك مثال
ان تكتب التاريخ كما تتمنى وتفسرة بما يخدم تصور مسبق لديك.... وتستشهد بكل ما يخدم فكرتك
| |
|
|
|
|
|
|
| |
يحي قباني
Yasir Elsharif
علي عبدالوهاب عثمان
السر عبدالله
Bashasha
Biraima M Adam
Abdelrahim Mohmed Salih
Mahjob Abdalla
HAIDER ALZAIN
فيس بوك
تويتر
انستقرام
يوتيوب
بنتيريست