الملاحظ لمحتوى فضائياتنا في هذه الأيام يلاحظ التغير في المحتوى المقدم أولا ارتفع المحتوى الاقتصادي ببرامج جيدة المستوى نوعا ما وقللت من الهضربة السياسية والترويج الكان بيتم للحرامية والسراقين مرتزقة السياسة العطالة ناس الباردة وارتفاع طفيف في تناول الفنون اذا في رقي وارتقاء ولو قليل فواجبنا نشجعه انا نقدت بقسوة عشان كان لازم افوقهم والحمد لله في تقدم وده المطلوب وده الهدف
08-05-2022, 03:00 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6284
تناول قضايا معايش الناس بعلمية واحترافية من الملاحظات انفتاح الفضائيات دي في شراء البرامج المعمول عليها جاهزة ساهم في كسر الانغلاق الكانت عايشاه وقدرنا نشاهد أعلام مفيد للمرحلة البعيشها السودان حتى الاستضافات ما شاء الله في نقلة كويسة وناس ما شاء الله عليهم صاح في معدين برامج لسه عقليتهم متحجرة لكن مصيرهم يلحقوا الناس لإشباع ما يريده الناس
08-05-2022, 03:08 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6284
سودانية 24 حسب علمي ماخدة ترخيصها كقناة اقتصادية انزلقت أمكن دون قصد لمستوى القونات وركوب الموجة لكسب مشاهدين لكن رجعت للأصل وهو محمدة الفضائيات في كل العالم أصبحت عشان تنجح أن تتخصص أخبارية مثلا زي العربية والشرق وبي بي سي والجزيرة وسينما زي روتانا سينما ونايل دراما وبي إن اسبورت وتحتكر برامجها عشان تقدر تجيب عائد تغطي بيه منصرفاتها وأرباح الزمن ده أي حاجة بقروش ولى زمن بلوشي
08-05-2022, 03:17 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6284
إضافة صغيرة لنفس الكلام السابق بتذكر صديق لي في سودانية 24 كان مسؤول من السوشال ميديا للقناة قال لي عائداتنا من يوتيوب ضعف عائدات ودخل القناة من الاعلانات أيام كنت شغال معاهم وماسك السوشال ميديا معاهم ومن البديهيات ده من الحقوق فتجيك دخل من أي شخص يستخدم ما أنتجته
08-05-2022, 03:22 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6284
الشروق بتاعت جمال الوالي رجعت نعم لكن لسه ما رتبت أوضاعها فقاعدة تجتر من برامجها القديمة متوقع ليها تقدم أعلام هادف بس تبعد من تدخل رؤى جمال الوالي والكيزان غير كده مصيرها مصير أمدرمان بتاعت حسين خوجلي بالمناسبة أمدرمان كانت مستمرة عشان بتقدم محتوى قوي لكن كان في حزب بيصرف عليها لا أكتر
08-05-2022, 03:24 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6284
الاتأخرت الفضائيات الرياضية تجربة قناة الهلال للبلد اضرت بيها كتير وهي أساسا كانت منهارة عقلية الكاردينال من العقليات المغلقة ولازم تتلاشى من المجتمع السوداني الحديث لأنه ده من الأسباب بتاعت الانهيار والانحطاط الوصلنا ليه
08-05-2022, 03:36 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6284
طيبة عشان متخصصة زي ساهور برغم حرب اليسار لما كل ما متعلق بالدين احتفظتا بأغلب جمهورهم لأنهم اختاروا الطريق الصاح ألا وهو التخصص فقدت الدعم الرآسي والهجرة وتكاليفها واليوم بتبث برامجها بتقنية الجودة العادية الرديئة جدا الناس شغالة k6 واكتر لأنه جودة البث مهمة لكن كان تحطات من توقف الدعم السعودي والكيزاني يبعد منها عبد الحي يوسف وتعمل عدة تغيرات طفيفة ومافي مشكلة ممكن تستعيد بعض المشاهدين التركوها الفضائيات الدينية لها رواج في كل أقمار البث الفضائي في كل الدنيا
08-05-2022, 03:37 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6284
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
توفيق عيسى مكي
فيس بوك
تويتر
انستقرام
يوتيوب
بنتيريست