|
Re: الحزب الشيوعي والتغيير الجذرى. مقال نشر أ� (Re: بدر الدين الأمير)
|
Quote: وبالعودة إلى مقال الأستاذ تاج السر عثمان فهو يذكر، وبعد أن أكمل تعريفه للتغيير الجذري، أنه لا بديل من إنجاز مهام الفترة الانتقالية، ومن ثم يقوم بتعداد تلك المهام والتي لا خلاف حولها بين كل القوى السياسية إلا في بعض التفاصيل غير الجوهرية، ثم يفاجئنا في ختام مقاله بقوله " .... وغير ذلك من مهام الفترة الانتقالية التي تفتح الطريق للتغيير الجذري." أي أن التغيير الجذري ليس برنامجاً للحزب للفترة الانتقالية وإنما هو برنامجه للفترة التي تلي إنجاز مهام الفترة الانتقالية." |
🙃🙃🙃🙃🙃🙃🙃🙃🙃🙃 غايتو دي فهما صعيب خلاس ... من المفترض نهاية الفترة الانتقالية الإنتخابات ... السؤال هل سيسمح الحزب الشيوعي بإجراء انتخابات في ظل حالة التغيير الجذري ولا حا يجيب طوريتو ويقلع الناس قبل الإنتخابات؟ التغيير الجذري يعني سودان قديم بي جلابتو ونخبو واحزابو يختفي وسوداني جديد (يتألق) بقيادة الحزب الشيوعي السوداني وحلفائه من الشيوعيين ... 😂😂😂😂😂😂
| |
|
|
|
|
|
|
Re: الحزب الشيوعي والتغيير الجذرى. مقال نشر أ� (Re: Salah Zubeir)
|
Quote: غايتو دي فهما صعيب خلاس ... من المفترض نهاية الفترة الانتقالية الإنتخابات ... السؤال هل سيسمح الحزب الشيوعي بإجراء انتخابات في ظل حالة التغيير الجذري ولا حا يجيب طوريتو ويقلع الناس قبل الإنتخابات؟ التغيير الجذري يعني سودان قديم بي جلابتو ونخبو واحزابو يختفي وسوداني جديد (يتألق) بقيادة الحزب الشيوعي السوداني وحلفائه من الشيوعيين ... |
ملاحظة قوية يا أخ صلاح.. وعبارة التغيير الجذرى أو الجزرى دى هى نفس تقليعات البشير فى كل مرة تكون أزمة إقتصادية يعلن (برنامج إسعافى) ههههه نفس التعبير.ز وفى النهاية البشير ممكن يطلع لوريين تلاتة من القمح وخلاص الإسعاف انتهى.. هسى الشيوعيية نفس النطة بتاعة البشير.. يجيبوا كلمة ما استعملوها قبل كدا زى تغيير جزرى.. كلمة جديدة ولكن مافى هدف جديد.. إعادة تعبئة للأهداف المعلنة للثوار فى لجان المقاومة.. الشئ الوحيد الجديد هو توقيع الحزب الشيوعى.. والان يقومون بتمييع قضيتهم فى التغيير الجزرى ويقولون انه بعد الفترة الإنتقالية.. طيب ليه الفترة الإنتقالية دى ما تكون جزء من التغيير الجزرى؟ تمييع لتفادى الأسئلة. التغيير الجزرى راح شمار فى مرقـة.
| |
|
|
|
|
|
|
Re: الحزب الشيوعي والتغيير الجذرى. مقال نشر أ� (Re: Abureesh)
|
في تقديرى وكما قلت من قبل مقال الاخ الصديق محمد سليمان عبدالرحيم عسير الهضم ومحمد لمن لايعرفه هو احد القادة المؤسسين لحركة حق بخاتم عدلانها وحاج وراقها ومحمد سليمان عبدالرحيم برضو هو احد مرافيد الحزب الشيوعى زمن الراحل التجانى الطيب وداك زمن غير زمن الخطيب ابنا عم ومحمد الذى اعرفه على مدى مايقارب تلاتيت سنة صارم حد التطرف وودود حد الانسانية وكريم حد الكرم ويما اختلفنا برقة وبعنف بس ما اديتو فرصة ولا ادانى فرصة كى نقطع شعرة معاوية ولعل ذلك طبع اهل السودان عموما وفي الجزيرة مكرس اكتر ناس حين الحدة في الراى يتدخل اخر ويقول باركوها حتى لو الحدة تخص مسالة في الرياضيات نباركها ونقوم لكاساتنا وصلوتنا في تقديرى الحزب الشيوعى قيادة الخطيب ابنا عم هو في متاهة ورايح لهم الدرب في الموية هم مع منو وضد منو واخيرامشو وعادو من كاودا وبعدين هو الجزرة ام الجذرة الذال ام الزين هى عند منو يا افندينا ابو الريش
| |
|
|
|
|
|
|
Re: الحزب الشيوعي والتغيير الجذرى. مقال نشر أ� (Re: بدر الدين الأمير)
|
Quote: كدى فهمنى ياابو الريش |
ههههههههه ... عربي الجزيرة دا خلي لي يا ابوالريش ... يا أمير سمعتا بي قلع البطاطس ... ياهو دي زااااتو التغيير الجذري ... الناس ديل نيتم الإطاحه بكل من في المشهد السياسي ... وعلى حسب كلام أمال الزين (الفيديو قاااعد هنا) سودان قديم بي جلابتو ونخبو وسياسيهو يختفي ويتألق سودان جديد بي شيوعيهو وحلفائه من الشيوعيين وأبنائه من الشيوعيين وأحفاده من الشيوعيين ... زمن ستالين تجي ماشي في الشارع يلقوك أفراد الشبيبه يسألوك إنتا شيوعي؟ الإجابة لا بتاخد طلقة في دقنوسك ... نعم بتمشي ... ٢٠ مليون إنسان ماتو وجريمتم إنهم ليسو بشيوعيين ...
| |
|
|
|
|
|
|
|