|
|
|
 Re: أنواع الأعضاء في القروبات : (Re: محمد عبد الله الحسين)
|
محمد عبد الله الحسين
تحيه طيبه
كل انواع الاعضاء موجود معنا والله ولكن الشى الجميل مهما كان الاختلاف بينهم تشعر انهم اخوان رغم المنكافات
ولكن هم فى الاخير عشره الايام
عشرة الأيام ما بصح تنساها
كأنو ما حبيتك وكأنو ما عشناها
وضمانا أحلى غرام
ليه فجأة دون أسباب
من غير عتاب أو لوم
أخترت غيري صحاب
وأصبحت قاسي ظلوم
هان ليك فراقي خلاص
وانا برضي حولك أحوم
كان عهدي بيك ترعاني
وأجمل صلاتنا تدوم
أمل المحبة سلام
ياما جنيته عدم
ولا عرفت صديق
لي قلبي غير الهم
كم غيري يشدو سعيد
وأنا في هواك مغرم
ما اظني انا انساك
ومن العذاب اسلم
أسلم من الأوهام
ما كان فراقنا المر
في نيتي أو في إيدي
لكن ظروفك أبت
وقست ظروفي علي
واتلاشت الأحلام
وين حسن ظنك بي
وريني أيه ضراك
لو كا صبرت شوية
عمر السنين أيام
| |
 
|
|
|
|
|
|
|
|
Re: أنواع الأعضاء في القروبات : (Re: محمد عبد الله الحسين)
|
سلام يا حبيب
بوست جميل ورايق
Quote: 6 - المطنش : 🌹
هذا الشخص إللي ما له دخل بمزاج القروب يرمي الرسالة و يمشي ، و مهما علقت عليه ناقدا أو مادحا أو حتى لو شكرته بالاسم يطنشك ، المهم عنده يرمي المشاركة ويشتت ... ،🌹 |
دا النوع اللى بجيب ال ( كثافة ) هههههههههههههههه
تحياتى
| |
|
|
|
|
|
|
|
|
|
Re: أنواع الأعضاء في القروبات : (Re: MOHAMMED ELSHEIKH)
|
شكرا للأعزاء المتداخلين
بمناسبة:
1 - الحبووب 🌹
إذا أرسلت شي في ثواني
يعلق عليه عشان يرفع من معنوياتك ... ،🌹👌🏾
أعتقد زي ده حايز على كل الصفات الجميلة... جابر للخواطر .....رافع للمعنويات.... مخفف للتوتر ...
يوزع البِشر على كل من حوله...
هذا يذكرني شخص كان في المنبر رحمه الله من السعودية هو ..اسمه مين كده عباس او الاسم الأول عباس...
إنسان لم يغب عن بالي أبدا...
| |
|
|
|
|
|
|
|
|
Re: أنواع الأعضاء في القروبات : (Re: محمد عبد الله الحسين)
|
طبعا ممكن الواحد يضيف عدة بروفايلات لأشخاص بتكون مفصلة وتركب على شخص بالظبط...
سبحان اللاه هي الأنواع والبروفايلات والفصائل كتيرة والحمد لله...
* يعني مثلاً في واحد تنطبق عليه مقولة( صمت دهرا ونطق كفرا):
ده بيكون صامت شهور ..لكن لما يرمي كلمة تقول كان أخير يسكت.. لأنه الكلمة بتاعته إما تكون آوت... أو شينة بكل معنى الشنة: جارحة ..مسيئة
رافعة للضغط ...و للدولار كمان..
الصنف ده والحمد لله ما كتير....
طبعا أكان كتير زول بيقعد هنا معاه مافي... لكن بيتحملوا كلمته البرميها مرة مرة.
| |
|
|
|
|
|
|
|
|
|
Re: أنواع الأعضاء في القروبات : (Re: محمد عبد الله الحسين)
|
Quote: هذا يذكرني شخص كان في المنبر رحمه الله
من السعودية هو ..اسمه مين كده عباس او الاسم الأول عباس...
|
اللهم أرحم اسماعيل عباس و أجعل مثواه الجنة.
كان عنوان للكلمة الطيبة والتسامح.
شكراً على الإبتسامة .و تحياتي لك و لضيوفك الكرام.
ليه ماف تصنيف لصاحب الطلب الدائم بأن تنسخ الرسالة و توزعها على
10 أشخاص ؟
| |
|
|
|
|
|
|
|
|
|
Re: أنواع الأعضاء في القروبات : (Re: نعمات عماد)
|
يا سلاااام عليك يا أخت نعمات
فعلا هو اسماعيل عباس وصورته في البروفايل وهو مبتسم...
كلماته دائما بلسم...
دائما يجبر الخاطر...يسارع في الخيرات
الله يرحمه ويغفر له...
لك الشكر أخت نعمات
كسرة:: الزول بتاع انسخ 10 رسائل ده بنجيبه ليك...هههههههههه
| |
|
|
|
|
|
|
|
|
|
Re: أنواع الأعضاء في القروبات : (Re: محمد عبد الله الحسين)
|
في مقابل الأصناف من البشر المتواجدة في القروبات والتي تسر الخاطر وتشرح الروح هناك أنواع أخرى أعوذ بالله..
من ضمن تلك الأصناف ذلك النوع متعدد.... متعدد ....
- (المواهب؟)
- لا ياااخ....مواهب شنو؟
ذلك الذي يجمع أكثر من صفة غيير مريحة
فهو يجمع بين المترصد ... و كسار الخواطر...و متلقي الحِجج ...وبعد داك عكليت زي الحسكنيت.
ده بكون لابِد ..وكامن....وفجأة لما تجي اللحظة المناسبة... عينك ما تشوف إلا النور....
ده لا بيتنازل ولا بيتراجع و لا بقول خلاص رسالتي وصلت .....
ده بكون مصر يحكّها لما تجيب الدم ذاته..
| |
|
|
|
|
|
|
|
|
|
Re: أنواع الأعضاء في القروبات : (Re: محمد عبد الله الحسين)
|
في ناس في القروب ....زي النسمة الفواحة...
زي الواحة... قد لا تكون شاهدتهم
لكنك تعرفهم بسيماهم.... سيماهم في الحرف ...سيماهم في الرد ..
....سيماهم في اللطف المتدفق من بين كلماتهم...
ولما يغيبوا ( عن الميعاد) بتفتش ليهم في كل مكان...وتنتظرهم بكل الشوق...
...ودواخلك تغني: من شوفتوا طولنا...
مثل هؤلاء يقولون خيرا.. ويصمتون حينما يكون صمتهم دعاء
وحين يتحدثون يكون حديثهم غناء
وشدوهم حداء...
ليتنا مثلهم...
| |
|
|
|
|
|
|
|
|
|
Re: أنواع الأعضاء في القروبات : (Re: محمد عبد الله الحسين)
|
في عالم المواقع الاجتماعيه
..في ناس بتحب ناس على المواقع الاجتماعيه من منشوراتها..
وفي ناس بتحب ناس من رُدودها ..
وفي ناس بتحب ناس من صورة البروفايل ..
وفي ناس بتحب ناس من أخلاقها ..
وفي ناس بتحب ناس عشان وجدوا فيهم الطيبة والإحساس الجميل و الإهتمام و الصِّدق و التبادل بكل روح جميلة والوفاء و المحبة ..
و في ناس بترتاح لناس لما تتحاور معاها
لأنهم وجدوا فيهم الرُّقي و القلب الصافي ..
و في ناس بتحب ناس لأنهم لمسوا فيهم حكايات
دون مقدمات ..
وفي ناس تنتظر منشورات ناس على أن تتحاور معاها ..
وفي ناس قبل ما تنام تستني رسالة من ناس ..
وفي ناس بتسيء الظن بناس
وفي ناس بتتمنى تقابل ناس ..
وفي ناس جرحتها ناس ..
وفي ناس أسعدتها ناس ..
فعلى شاشة هذا الجهاز بدأت حكايات
و انكسرت حكايات
منها الجميل و منها المؤلم ،
منها المُضحك و منها المِبكي
ومنها المُفرح و منها المُحزن
هنا ضحكت قلوب و بكت أرواح ..
هنا تقابلنا ، هنا ضْحكنا ،
هنا فرحنا ، هنا زعلنا ،
هنا تخاصمنا ، هنا تصالحنا ،
هنا ثرثرنا ، هنا حصل الكثير و الكثير
#كن حَسنالمظهر لن تنساك العيون ،
#ولكنكن حَسن_الخُلق لن تنساك القلوب
حتى و إن رحلت ستبقى ذكراك داخل قلوب الناس
منقول برضه
وصباحكم سعيد
| |
|
|
|
|
|
|
|
|
|
Re: أنواع الأعضاء في القروبات : (Re: Abureesh)
|
أخونا الزبير و أخونا أبو الريش
تحياتي
معقولة بعد الناس سمحين الصفات الذكرناهم و بعد ىأن تغنينا بصفاتهم يجوا الوصفتوهم ديل يمسحوا الصورة النضرة دي؟
لكن خسارة....واااخسارة..
الزول الظريف ده بيجتاز كل الخطوط الحمر و السود والصفر...
وزي ما قالوا الحسنة معطت شنب الأسد...
بالله خلونا مع الظريفين...البيسكرنا تعبيرهم..
| |
|
|
|
|
|
|
|
|
|
Re: أنواع الأعضاء في القروبات : (Re: محمد عبد الله الحسين)
|
أخوي ود الحسين
سلامي وتحياتي وجمعة مباركة
Quote: هذا يذكرني شخص كان في المنبر رحمه الله من السعودية هو ..اسمه مين كده عباس او الاسم الأول عباس...
إنسان لم يغب عن بالي أبدا...
|
اظنك تقصد أخونا وحبيبنا الراحل اسماعيل عباس ، رحمه الله وغفر له .. إنسان بمعنى الكلمة
كان معنا هنا في الرياض لسنين طويلة .. وهو أحد أنشط بورداب الرياض ، هو وأسرته .. كانوا
فاعلين جدا في مجتمع الرياض .. وراحلنا اسماعيل كان هو ايقونة بورداب الرياض وحادي ركبهم
وزعيمهم الذي لا ينازع .. فقدناه ونحن أحوج ما نكون إليه .. لأنه انسان حقيقي وود بلد أصيل .
مالك عاوز تقلب علينا المواجع أخي ود الحسين .. خلينا في القروبات وأنواع المشاركين فيها ..
مودتي ،،،
( ليمو )
| |
|
|
|
|
|
|
|
|
|
Re: أنواع الأعضاء في القروبات : (Re: abdulhalim altilib)
|
أخونا العزيز عبدالحليم -ليمو
Quote: ظنك تقصد أخونا وحبيبنا الراحل اسماعيل عباس ، رحمه الله وغفر له .. إنسان بمعنى الكلمة
كان معنا هنا في الرياض لسنين طويلة .. وهو أحد أنشط بورداب الرياض ، هو وأسرته .. كانوا
فاعلين جدا في مجتمع الرياض .. وراحلنا اسماعيل كان هو ايقونة بورداب الرياض وحادي ركبهم
وزعيمهم الذي لا ينازع .. فقدناه ونحن أحوج ما نكون إليه .. لأنه انسان حقيقي وود بلد أصيل .
مالك عاوز تقلب علينا المواجع أخي ود الحسين .. خلينا في القروبات وأنواع المشاركين فيها ..
مودتي ،،،( ليمو ) |
والله ما طالبني حليفة لكن ما تصدق الإحساس بالفقد الذي دخلني حينما علمت بوفاة اسماعيل كأنني قابلته أو عشرت أو صادقته ...
لكن من مجرد مداخلاته الودودة وردودة التي تعبق بالإخاء والسماحة وذلك الوجه البشوش في البروفايل كل هذه بنت في داخلي اواصر اخاء لاخ لم التقيه ولم اعرفه..
له الرحمة والمغفرة
ولكم حسن العزاء يا حبينا ليمو
ود الحسين
| |
|
|
|
|
|
|
|
|
|
Re: أنواع الأعضاء في القروبات : (Re: محمد عبد الله الحسين)
|
تحية الصباح البهيج أصدقاء المنبر ورواده
تحية من القلب والوجدان
الحمد لله طال هذا البوست وتدد واستطال بالرغم من أني لم أظنه كذلك...و لكن يبدو أن من دخل يود أن يرى نفسه في هذه المرآة...
ومن منا لايود أن يكونجميلا وودودا وطيبا ومحبوبا من الجميع....وإن كانت اليد قصيرة..
المهم المقدمة منقولة ولكنها استدرت كلمات وتعليقات من هنا وهناك فأثرت البوست إلى حد ما...
في الختام إن كان ذلك ختام ...الحب والاحترام والتقدير لكل الأعضاء ..حتى من ظن أنه بعض ما ورد يخصه أو هو معني به ..ولا استثني إلا من وجد شيئا جميلا يخصه..
العفو والعافية يا أحباب ودمتم..أنقياء..
| |
|
|
|
|
|
|
| |
محمد عبد الله الحسين
مصطفى نور
ANWAR SAYED IBRAHIM
MOHAMMED ELSHEIKH
هدى ميرغنى
نعمات عماد
الزبير بشير
Abureesh
abdulhalim altilib
فيس بوك
تويتر
انستقرام
يوتيوب
بنتيريست