خليني أحكي ليك موقف من عدة مواقف ، مرة أنا قاعد في عزاء بأم درمان وعارف من بعيد إنو واحد من أهل الميت ليه علاقة بالجمهوريين برضه ما بعرفه ولا حصل لاقيته جو جماعة للعزاء وما كان في زول يشيل الفاتحة غيري معهم ؛ فشلت معهم الفاتحة وضيفتهم مويه وشاي من باب إنو العزاء والمتوفي بعنيني أمرهم فقام واحد من الثلاثة سألني : وين أخونا عبد الرحيم ؟! فقلت ليهم : ما شايفو لكن بكون جوة ، الآن بجي ! سألتهم ؛ من باب الدردشة : جايين من وين ؟! عاوز اخليهم يحضروا وجبة ؛ لأنهم قالوا ماشين ؛ فقالوا : نحن جايين من مدني ! نحن اخوانه الجمهوريين ! اللحظة دي أنا بكيت !!! لأنه أنا جمهوري بالحوالة وهم جمهوريين بالأصالة ! وسلمت عليهم من جديد وسألوني : مالك يا أخونا ؟! قلت ليهم : والله أول مرة أشوف لي جمهوري ؛ أنا بسمع بيهم سمع ! فحيوني واستأذنوا مني لأنهم مسافرين راجعين مدني واحتمال كبير يغشوا أستاذ / عبد اللطيف عمر ؛ في الثورة . بالمناسبة، أنا مارست الفكر الجمهوري قبل أن ألتقي بالاستاذ / عبد اللطيف عمر - زعيم الإخوان الجمهوريين - بعشر سنوات ؛ حتى دخلت وسطهم ( ١٩٩٨ م - ٢٠٠٨ م ) أستاذ / محمود محمد طه ؛ يقول : في ناس جمهوريين بالأصالة قاعدين في بيوتهم ؛ وهم ما عارفين نفسهم ؛ وفي ناس معانا لكنهم ما جمهوريين ؛ وفي ناس أصدقاء للجمهوريين وفي إخوانا الجمهوريين كذلك ! ( هنا عرفت ) فيما بعد زولي ( إنو جمهوري ) بتاع العزاء وعلاقتي بيه جيدة للغاية حتى الآن . ده الفرق بين الجمهوريين وباقي التنظيمات التانيه ،( بين المفهومين / الإخوان ) .
Quote: بالمناسبة، أنا مارست الفكر الجمهوري قبل أن ألتقي بالاستاذ / عبد اللطيف عمر - زعيم الإخوان الجمهوريين - بعشر سنوات ؛ حتى دخلت وسطهم ( ١٩٩٨ م - ٢٠٠٨ م )
. ولماذا تركتهم ؟ اخي االعتاق لك التحية
07-25-2022, 02:17 PM
الصديق الزبير الصديق الزبير
تاريخ التسجيل: 04-14-2021
مجموع المشاركات: 369
السلام عليكم محمد الزبير كل عام وانتم بخير *** * ياخي لاحظتَ انك مهتم شديد بالفكر الجمهوري ، وكلما جات سيرة الجمهوريين وسيرة أستاذهم ـ هنا في المنبر ـ إنت بتكون من أول المشاركين . * دا دليل على انو فكر الأستاذ محمود عندو أثر في نفسك ـ بصورة أو بأخرى . * مالك ؟! الشاغل بالك شنو ـ في الفكر الجمهوري ؟! *** * أنا ـ عايز اقول حاجة ، عني بصفة شخصية ـ أنا ال قدامك دا عندي قناعة راسخة بـ انو (الفكرة الجمهورية هي الحق ال ما بعدو إلا الباطل) . * دا يقين وقناعة وصلت ليها ـ وطبعاً ما عايز اقول ليك سلّـِم بـ كلامي دا ، ممكن تعتبر دي وِجهة نظر ـ من حقك تقبلها ، ومن حقك ترفضها ـ إنت حُر ـ على كيفك . * فكرة الأستاذ محمود ـ هي الحق ال ما بعدو إلا الباطل ـ و جذور الفكرة دي إنسانية ـ ما دينية بالمعنى المعروف عندنا في الدين ـ هي إنسانية ، بتتكلم عن الإنسان من حيث هو ـ بإعتبار أنو الناس أبوهم واحد وأمهم واحدة و ربهم واحد ـ دي الجذور ال بتنطلق منها فكرة الأستاذ محمود ـ و هي جذور بتتخطى العقيدة وبتتخطى اللغة أياً كانت . * عشان كدا هي إنسانية ـ بتتكلم عن الإنسان وعن كرامتو ـ بصرف النظر عن اللون والعرق والعقيدة .... الخ من الإعتبارات الثانوية . * بس الأستاذ محمود ـ ألبسها ثوب الدين ـ ثوب الإسلام ـ و دا ـ من وِجهة نظري ـ كان من أقوى الأسباب ال أدت لخلق العداوة والكراهية والأحقاد ـ تجاه الأستاذ محمود ـ من المهووسين وأصحاب النفوس المريضة ـ في بلاد المسلمين . * والأستاذ محمود ـ كان ممكن يتخذ أساليب تانية ولغة تانية ـ لتوصيل الفكرة الكبيرة دي ـ من غير ما يدخل في صراع وفي صدام مع أي زول ـ ديني أو لا ديني ـ لكن لأنو كل صاحب طريقة هو محكوم بطريقتو . * العداوة والكراهية جات للأستاذ من مِلة المسلمين ـ في الشرق الأوسط تحديداً ـ من علماء الشريعة الإسلامية . * لكن ـ في بلاد أخرى من العالم ـ الفكرة الجمهورية ـ الآن ـ تُناقش في أكبر المنابر و دور العلم ـ في الجامعات الأمريكية والأوروبية .* و عُمِلَت فيها بحوث ورسائل ماجستير و دراسات عليا . * لكن ـ عايز اقول ليك انو : الأستاذ محمود محمد طه ـ صوفي ، صاحب تجربة شخصية في التصوف ـ وهو قال الكلام دا بنفسه . * والصوفي الحق ـ بيكون صاحب شريعة فردية خاصة بيهو ـ في علاقتو بالخالق ، وفي كيفية معاملتو للخلق ، وفي أسلوب طرحو لأفكارو . *** * وبخصوص إهتمامك الشديد بالجمهوريين وبالفكر الجمهوري ـ عايز اقول ليك : لو عندك أي إستفهام عالق في ذهنك وشاغل بالك ـ في فكرة الأستاذ محمود ـ أرجع لمؤلفات الأستاذ محمود واستمع لمحاضراتو ـ ح تلقى إجابة لأي سؤال يكون مؤرقك أو شاغل بالك في الفكرة . * ولو ما لقيت إجابة عند الأستاذ ـ ح تصل للإجابة ال إنت بتبحث عنها ـ بنفسك ـ بنفسك ح تصل للإجابة ال انت عايزها ـ ما ضروري تلقاها عند زول تاني غيرك ـ لو مفكر أو شخص عادي . * بس الشرط انك تكون فعلاً طالب حق ، ما طالب جدل ومناقشات ، وصاحب غرض ـ (الغرض مرَض) ـ الغرض بيعميك عن الحق . * والصوفية ديل ـ هم أشبه بالأنبياء ـ ما أنبياء لكن في نفس الطريق ـ بس الفرق فرق درجات . * وكل واحد فيهم بيعبر عن الحقيقة المطلقة ـ بـ لُغتو وبأسلوبو المحكوم بطريقتو الخاصة بيهو في العبادة ـ لكن الأرضية ال بيرتكزوا عليها واحدة . * والحقيقة المطلقة ـ هي الذات ـ (ذات الله) ـ مطلقة من أي قيد ـ وما ممكن إدراكها أو الإحاطة بيها لا عن طريق اللغة ولا التصور الذهني . * هي فوق اللغة وفوق التصور الذهني ـ الذات محجوبة بالإسم وبالصفة وبالفعل . * اللغة عند الصوفية ـ حاجز وحجاب عن إدراك الحقيقة المطلقة ـ عشان كدا بيصلوا ليها عن طريق الإحساس ـ عن طريق القلب ـ ما عن طريق اللغة والعقل . * و دا الفرق الأساسي بين علماء الحق ، وأدعياء الحق . * (الدين شعور وإحساس) ـ ما فكر وجدل وحفظ نصوص . * فـ عايز اقول ليك انو : شرط الوصول لليقين دا ـ هو صفاء النفس ، وصدق القلب في طلب الحق ـ لو عايز تعرف حقيقة فكرة الأستاذ ـ نضِف نفسك من الوسخ ومن الغرض ، وخلي قلبك يكون سليم وصادق في طلب الحق ـ وتاني ربنا كفيل بأن يبين ليك الحق من الباطل . * لكن لو غايتك الجدل وهزيمة الفكرة الجمهورية ، وتفنيدها بالحجج والمعتقدات الموجودة في راسك ـ كدا ح تكون لافي في حلقة مُفرغة ـ طول عمرك ، ما ح تصل لشيء . * الفكرة دي عتيدة ـ مرتكزة على القرءان المكي ـ القرءان الموجه فيهو الخطاب للناس كلهم ـ من حيث هم ـ وفي أي مكان ـ وعلماء الشريعة الإسلامية ال انت أخدت ثقافتك الدينية منهم ديل ـ الفكرة دي ما بيقدروا عليها ولا بيعرفوها ولا بيفهموها ـ أساساً ـ الفكرة في وادي ، و هُم في وادي تاني . * ولو ما عاجبك أسلوب الأستاذ محمود وما عاجبك كلامو ـ ما ضروري ، شوف غيرو ـ في مفكرين تاني غيرو في العالم ـ الآن ـ عندهم مؤلفات ومحاضرات ـ ممكن تطلع عليها وتشوفها . * في كاتب ومفكر ألماني ـ اسمو إيكهارت تول ، وفي المفكر الهندي وحيدالدين خان ، و مفكر آخر اسمو كريشنامورتي ـ ديل كلهم أصحاب حقائق ومرتكزين مع الأستاذ محمود محمد طه ـ على نفس الأرضية ال هو واقف عليها ـ لو ما عاجبك فكر الأستاذ محمود ، شوف مؤلفات الجماعة ال ذكرتهم ليك ديل ـ ح تصل للشيء ال إنت بتبحث عنو ، وقد يكون في ناس تاني غيرهم ـ موجودين الآن ـ في العالم ، أو في التاريخ الماضي ـ ما معروفين . * المهم انك تصل للحقيقة ـ لو بأي سبيل ـ لو انت فعلاً طالب حق ـ ما شرط الطريقة تكون كيف ـ الشرط فقط هو : صفاء النفس ، وصدق القلب ـ في طلب الحق ـ دا الشرط الأساسي . * غير كدا ـ ما ح تلقى شيء ـ وين ما تقبل ح تلقى الباب مقفول في وشك ـ ما ح تصل ليقين راسخ . * ح تكون شايل أفكارك ومعتقداتك الموجودة في راسك دي ـ عن الدين ، وعن الله ، وعن الحياة ـ ح تكون شايلها في راسك وحايم بيها كدا طول عمرك ـ تناقش وتجادل وتتفلسف ـ وإلى ما لا نهاية ـ لا بتقنِع ولا بتقتنِع ـ تضلل نفسك وتضلل ال بيقتدي بيك . *** * أنا ـ ال قدامك دا ـ ما جمهوري ، ولا عندي أي علاقة بالجمهوريين ـ ولا منصّـِب نفسي مدافع عن فكر الأستاذ محمود محمد طه ـ لكن دا يقين وقناعة شخصيةـ عن فكرة الأستاذ محمود ـ نقلتها ليك ـ وانت حُر ـ على كيفك ، لا داير أجادلك ولا داير أقنعك بـ شيء .
لقد لاحظت انك وضعت في قناتك في يوتيوب هذا المقطع الذي يحتوي على أسئلة عن الفكرة الجمهورية في ركن الأخ دالي الأسبوعي قبل عدة أسابيع تقريبا:
Quote: مداخلة الأستاذ / بدر الدين العتَّاق ، مع الدكتور / أحمد المصطفى دالي ، الحزب الجمهوري ، 1 / 5 / 2022 8 Aufrufe 03.05.2022 مداخلة الأستاذ / بدر الدين العتَّاق ، مع الدكتور / أحمد المصطفى دالي ، الحزب الجمهوري ، 1 / 5 / 2022 0 Mag ich nicht Teilen Clip Speichern بدر الدين العتاق
تكملة المداخلة:
Quote: مداخلة المهندس بدر الدين العتَّاق مع الدكتور أحمد مصطفى دالي ، الفكرة الجمهورية ج 2 / 29 / 5 / 2022 1 Aufruf 17.05.2022 مداخلة المهندس بدر الدين العتَّاق مع الدكتور أحمد مصطفى دالي ، الفكرة الجمهورية ج 2 / 29 / 5 / 2022 0 Mag ich nicht Teilen Clip Speichern بدر الدين العتاق
من خلال تصفحي للفيديوهات فيي قناتك فيي يوتيوب عثرت على هذه المناحة واستمعت إليها:
Quote: مناحة : السيد المرحوم / علي يعقوب الحلو ، رحمه الله .2020 م 9 Aufrufe 20.07.2021 مناحة : السيد المرحوم / علي يعقوب الحلو ، رحمه الله .2020 م 2 Mag ich nicht Teilen Clip Speichern بدر الدين العتاق
فخمنت أن لك علاقة قرابة بالسيد/ علي يعقوب الحلو عليه رحمة الله ورضوانه. فهل تخميني صحح؟ وما هي علاقتك؟ سأحدثك عن علاقتي بآل الحلو، ليس فقط بعمنا الجمهوري الراحل السيد عباس عيسى الحلو بل أيضا بالسيدين الراحلين حلو موسى الحلو وصديق موسى الحلو، عليهم جميعا الرحمة والرضوان. فوالدة كل من حلو موسى وصديق موسى هي الطاهرة الخليفة شقيقة الطاهر الخليفة والد والدتي أم الخير.
ياسر
07-25-2022, 04:52 PM
السر عبدالله السر عبدالله
تاريخ التسجيل: 11-10-2006
مجموع المشاركات: 1505
لقد عاصرت احمد مصطفى دالي في جامعة الخرطوم وكنت دائما احضر الندوات التي كان يعقدها في قهوة النشاط ويحضرها أيضا الكيزان والشيوعيين والمنتمين لأحزاب الأمة والاتحادي ...وقد كان الرجل يتميز بصبر عجيب ودائما تجده مبتسما وهو يواجه الهجوم العنيف من بعض الحضور ،،وكنت أقول دائما لنفسي يا رب امنحني شيئا بسيطا من صبر هذا الرجل وأخلاقه العظيمة .... والله هو الذي حبب إلى أن أقرأ مؤلفات الأستاذ المرحوم محمود محمد طه... ومن هنا نرسل تحياتنا للدكتور الأستاذ أحمد دالي اينما كان ... واتمنى ان احضر ندواته اذا كان لا يزال يقيم هذه الندوات ...
07-25-2022, 07:29 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48860
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدر الدين العتاق
الصديق الزبير
Yasir Elsharif
السر عبدالله
صديق مهدى على
MOHAMMED ELSHEIKH
فيس بوك
تويتر
انستقرام
يوتيوب
بنتيريست