|
|
|
 Re: الامير (خلا) (Re: Mahjob Abdalla)
|
سلام أخى محجوب~
هذا طفل غير معجزة - فريق الخلاء وحاشيته بيجيبوا الناس دى من وين؟
*فى بوست مجاور واحد من المعجبين بالرباطة قال عليه الشخص دا يظهر إنه VIP😀
حراسة مشددة كما زعماء المافيا ،وكمان لابس مركوب جلد نمر (يعنى قتلة حيوانات أيضا)!
الحاصل فى السودان ،على "مر الأزمان،" يشابه إبادة الأمريكان الأصليين والإستيلاء على أراضيهم ومواردهم.
كان فى ڤيديو مدبلج جنجويدى يتحدث عن نساء وأطفال وواضح إنه الڤيديو مركب ، قال ديل أهلهم من وسط افريقيا (يعنى يجهزوا فى الأماكن والأرقام الوطنية وبعدها يفتشوا ناس يجيبوهم) واضح إنه فريق الخلا يستلب فى الأراضى ويفتش فى مجموعات من خارج السودان عشان يوطنها ويعملها أهل ليثبت مقولته إنهم ما مقطوعين من شجرة.
| |
  
|
|
|
|
|
|
|
|
Re: الامير (خلا) (Re: Biraima M Adam)
|
Quote: لكلام دا أنا ما صاحبه .. قريبك الكوكلكس عادل أمين هو القائل .. أمشي أمسكيهو ..
بريمة |
#لا خير فى علم لا ينفع
مش وريتك تحليل اللغة المنخفضة فى الڤيديو يومها؛
وعدم المعرفة والإدراك على طريقة لما الزول يقول معلومة وإنت تفهمها لأول مرة تجرى الإنترنت وتغرف وتكتب
"دعونى احدثكم …"
*مثال لما كلمتك بكافور الأخشيدى
#معليش أخى محجوب على حرف البوست .
| |
|
|
|
|
|
|
|
|
|
Re: الامير (خلا) (Re: هدى ميرغنى)
|
تحياتى أخى محجوب~
وعزت الماهرى (أبنوس) يا محجوب ، فريق متحول من زعيمه "الفارس 😀" موسى هلال إلى القاتل الthug.
واضح إنه ستكثر الأرانب .
| |
|
|
|
|
|
|
|
|
|
Re: الامير (خلا) (Re: هدى ميرغنى)
|
محجوب وشركاه
امير .. دي يعني في "إمارة " والبني آدم جا ولوه الامارة على اي اساس؟
البلد اتهانت وانتهكت من الخونة في الجيش والمتمردين وناس الخلا ...وااللجان
وقحت .. ومن جميع انحاء الجهات
| |
|
|
|
|
|
|
|
|
|
Re: الامير (خلا) (Re: هدى ميرغنى)
|
| Quote: وعزت الماهرى (أبنوس) يا محجوب ، فريق متحول من زعيمه "الفارس 😀" موسى هلال إلى القاتل |
سلام استاذة هدى,
شفت لي بوست قبل كم يوم من الاخ بشاشا فيهو شئ عن يوسف ابراهيم عزت (ابنوس) و طبعا انا عارف تفاصيل كثيرة بحكم انو الزول ود حلتى من كتم و كذلك ود حلتى هنا في كندا برضو.
طبعا هو في الواقع اقرب ل حميدتى (الاتنين من المهرية) و موسى هلال من الجلول و لذلك ما مستغرب انه تحول الي معسكر حميدتى.
بس هل في جديد تانى هذه الايام؟
| |
|
|
|
|
|
|
|
|
|
Re: الامير (خلا) (Re: Mahjob Abdalla)
|
Quote: محجوب وشركاه
امير .. دي يعني في "إمارة " والبني آدم جا ولوه الامارة على اي اساس؟
البلد اتهانت وانتهكت من الخونة في الجيش والمتمردين وناس الخلا ...وااللجان
وقحت .. ومن جميع انحاء الجهات |
سلام استاذنا احمد ياسين,
طبعا دى من ابتداعات المؤتمر الوطنى و ادخال جرثومة الامراء و اعادة الادارة الاهلية بهذه الطريقة المبتذلة.
الصراحة, عمر البشير و المؤتمر الوطنى اعادو السودان الي ما قبل التاريخ لانو في ظنى منذ دولة علوة مرورا بالسلطنة الزرقاء و الاتراك و الانجليز (يزيد عن الـ 1000 سنة) كان فيها نظم مختلفة و لكنها راسخة علي اسس متقدمة و لذلك ما يحدث الان يعتبر خارج سياق التاريخ.
كنت اظن ان تحطيم اى نظام او مؤسسة يتم من طرف اخر و ليس من داخل المؤسسة ذاتها الا في حالة عمر البشير الذى دمر المؤسسة العسكرية التى تبنته فصار الزى العسكرى و الرتب العسكرية تصرف لكل من هب و دب و بل اعلي الرتب.
الطامة الكبرى هو تحطيم مؤسسة الدولة التى يديدرها لتعود الي نظام الادارة الاهلية و العشائر. هذا لعمرى شئ فوق تصور الانسان العادى.
ربما كان يقصد حرفيا انه لن يسلمها الا للمسيح و يعنى ذلك ان لن يسلمها للشعب السودانى كدولة فنحن الان فعليا في وضع اللادولة.
| |
|
|
|
|
|
|
|
|
|
Re: الامير (خلا) (Re: Mahjob Abdalla)
|
Quote: سلام استاذة هدى,
شفت لي بوست قبل كم يوم من الاخ بشاشا فيهو شئ عن يوسف ابراهيم عزت (ابنوس) و طبعا انا عارف تفاصيل كثيرة بحكم انو الزول ود حلتى من كتم و كذلك ود حلتى هنا في كندا برضو.
طبعا هو في الواقع اقرب ل حميدتى (الاتنين من المهرية) و موسى هلال من الجلول و لذلك ما مستغرب انه تحول الي معسكر حميدتى.
بس هل في جديد تانى هذه الايام؟ |
تحياتى وسلامى أخى محجوب~
ما عارفة عنه حاجة جديدة "وشنيعة" زيادة بعد ما جاء فى ڤيديو البعشوم فى بوستات الأخوان دكتور ياسر وبشاشا.
رجعت قريت كتابات أبنوس وتحديدا "مساويط الرماد".
إستغربت هل ذاك الكاتب هو نفسه الناصح لل thug الآن!
كيف الإنسان ممكن يقلب كدا، أو أننى لم أفهم ما كان يكتبه سابقا!
| |
|
|
|
|
|
|
|
|
|
Re: الامير (خلا) (Re: هدى ميرغنى)
|
Quote: رجعت قريت كتابات أبنوس وتحديدا "مساويط الرماد".
إستغربت هل ذاك الكاتب هو نفسه الناصح لل thug الآن!
كيف الإنسان ممكن يقلب كدا، أو أننى لم أفهم ما كان يكتبه سابقا! |
سلام استاذة هدى,
طبعا كروائى او ككاتب في مواضيع بعيدا عن السياسة ممكن ياخد مكانو لكن فى موقع الفكر السياسى, اظن كثيرون هو مثلهم, برمو الطاقية السياسية و بختو الطاقية الاثنية في اقرب ملف.
| |
|
|
|
|
|
|
|
|
|
Re: الامير (خلا) (Re: علاء سيداحمد)
|
Quote: يازول وين ايامك ؟
بركة الشفناك |
و عليكم السلام استاذ علاء و شكرا علي السؤال.
مشيت قلت اذاكر, امكن ابقى خبير استرايتجى (خلا) بس تقول شنو, هذا اليوم الذى يشترك في يومه مع انقلاب نميرى و فى شهره مع انقلاب عبود عسى ان يسقط في شهر عبود القادم
| |
|
|
|
|
|
|
|
|
|
Re: الامير (خلا) (Re: Mahjob Abdalla)
|
طبيب خلاء😀
جاء فى الراكوبة :
| Quote: بالمستندات.. تعيين طبيب مُزيف (بوكو).. مديراً طبياً لمستشفى السوكي التخصصي بولاية سنار |
#عنده مرافعة جاهزة…
| |
|
|
|
|
|
|
|
|
|
Re: الامير (خلا) (Re: هدى ميرغنى)
|
حبيبنا محجوب وضيوفك تحياتي
الامم تبني بالعلم والعلماء ونحن بلد يدمرها الجهل والجهلاء
فلا تتعجبوا ان يأتيكم فريق خلا وامير خلا وطبيب خلا
| |
|
|
|
|
|
|
|
|
|
Re: الامير (خلا) (Re: Arif Nashed)
|
سلام استاذة هدى و استاذ عارف,
شايف واحد مديرى طبى خلا برضو طلع بدير 5 مستشفيات.
اظن قبل اسابيع برضو طلع عن وزير حالي في حكومة الانقلاب (نقل) برضو بدون شهادة. الشىئ الكويس فيهو لما انقبض لم ينكر بل قال انه نال خبرة من العراك في سوق ام دفسو
| |
|
|
|
|
|
|
|
|
|
Re: الامير (خلا) (Re: هدى ميرغنى)
|
سلام استاذة هدى,
اها عندنا خلويين جدد و لا الليستة وقفت علي ديل خلاص.
ربما الان بقى عندنا "مدنيين خلا" بعد ما البيوت كلها سكنوها ناس خلا (جدادة الخلا الطردت جدادة الحلة).
| |
|
|
|
|
|
|
|
|
|
Re: الامير (خلا) (Re: Mahjob Abdalla)
|
سلام أخى محجوب~
Quote:
سلام استاذة هدى,
اها عندنا خلويين جدد و لا الليستة وقفت علي ديل خلاص.
ربما الان بقى عندنا "مدنيين خلا" بعد ما البيوت كلها سكنوها ناس خلا (جدادة الخلا الطردت جدادة الحلة). |
*مستشار خلا
*قاضى محكمة خلا
*معتقلات خلا
…
| |
|
|
|
|
|
|
|
|
|
Re: الامير (خلا) و البروفيسور (خلا) (Re: Mahjob Abdalla)
|
سلام لكل الزملاء وليكم خالص التحايا وللوطن الانعتاق من العاهات الكونية المزمنة
كما اجتناب الخمر عند بعض المفسرين يعد اكبر من التحريم لأن الشخص يذهب اليه قاصدآ وكذلك مال اليتيم.
يا ليت المدعو في الصورة كان امير/ناظر/عمدة، يا ريت لو كان اي شيء غير الذي هو عليه فعليآ.
المسألة اكبر من القراءة التلقائية لمجرد صورة.
ربما كان الأجدر ان تجمع معلومات اولية عن اسمه والمنطقة والسيرة الذاتية العامة لصاحب الصورة. عندها ارجح انه ستطرح اسئلة مختلفة وتتفتح زوايا لم يسلط عليها النور بعد وهي جزء من التدمير والهدم الاجتماعي الذي ظل يمارس بالفرض وسياسة الامر الواقع.
اعرف انه لا توجد معلومات مباشرة في المداخلة لكن المؤكد ان المداخلات المقدرة تعتبر بريئة جدآ مقارنة بالواقع او ربما متفاءلة.
هذا الوطن مكلوم هذا الجرح ينذف هذا الهمام مهموم ووطنا ينباع للغير
| |
|
|
|
|
|
|
|
|
|
Re: الامير (خلا) و البروفيسور (خلا) (Re: Mohamed Adam)
|
سلام استاذ محمد ادم
ربما لتقديرات شخصية قررت اتحفظ بس يا ريت صاحب الصورة كان امير خلا او رباطي او شيء اخر غير الحقيقة التي هو عليها.
وعندما تداخلت في البوست ليس لتأييد رأي دون اخر ولكن ليقيني انكم وبصدق نواياكم تعملون لمصلحة الوطن كما اتابع بس حبيت الفت انتباهكم لمزيد من التدقيق واحترامي للكل
| |
|
|
|
|
|
|
|
|
|
Re: الامير (خلا) و البروفيسور (خلا) (Re: Mahjob Abdalla)
|
| Quote: ربما كان الأجدر ان تجمع معلومات اولية عن اسمه والمنطقة والسيرة الذاتية العامة لصاحب الصورة. عندها ارجح انه ستطرح اسئلة مختلفة وتتفتح زوايا لم يسلط عليها النور بعد وهي جزء من التدمير والهدم الاجتماعي الذي ظل يمارس بالفرض وسياسة الامر الواقع. |
سلام اخى محمد مصطفى محمد,
شكرا لمرورك الكريم.
الصورة اظن مأخوذة من الفيديو الاول. كنت قد استمعت للفيديو من قبل في هذا المنبر.
موضوع البوست مبنى علي تسمية (امير) لانو في الادارة الاهلية كلها في السودان لا يوجد منصب امير.
تراتيبية الادارة الاهلية تبدأ بـ (الناظر او السلطان او الملك ) حسب مناطق السودان المختلفة و هى اعلى سلطة اهلية بأعتبار الناظر او الملك و السلطان صاحب الارض او الحاكورة (سلطة كاملة: ارض و سلطة) . تحتها تكون العموديات و المشايخ.
جاءت حكومة الانقاذ ابتدعت منصب امير للتحايل علي الاهلية و تقنين مجموعات قبلية صغيرة موجودة بعموديات داخل حواكير كبيرة و لكنهم يريدون الاستقلال عن الحواكير و تأسيس حواكير داخل الحواكير الجديدة.
لو كان تم تعريفه ب ناظر الكواهلة ما كان حتى انتبهت له.
حسب الفيديوهات اعلاه, تم تعريفه بـ امير و لذلك فهو امير و تم تأسيس سلطته في عهد الانقاذ او في اسوأ الحالات في عهد حميدتى. في هذه السانحة ممكن تدينا معلومة زيادة غير الذى بنينا عليها هذه البوست.
| |
|
|
|
|
|
|
| |
Mahjob Abdalla
هدى ميرغنى
Biraima M Adam
Ahmed Yassin
علاء سيداحمد
Arif Nashed
محمد مصطفى محمد
Mohamed Adam
فيس بوك
تويتر
انستقرام
يوتيوب
بنتيريست