|
|
|
 Re: امانة ماطلعت عربى جزيرة داقس بنتى وبنت اخ� (Re: بدر الدين الأمير)
|
دي تبعات الديسابورا يا قريبي
ما براك والله
انا طبعا مولع وعاشق للكسرة
وبسوي ملاح الشرموط وأم رقيقة والبامية المفروكة نمرة واحد
مرة وصيت ود شاب كان مسافر السودان من دبي
قلت ليه بالله لما تجي راجع جيب لي معاك مفراكة و كنش
عاين لي كداااا
وقال لي البتاعات ديل شنو بالضبط
والقاهم وين
قات ليه بس تمش المنطقة الصناعية
واسأل اي محل اسبيرات
الله كريم علينا غايتو
| |
  
|
|
|
|
|
|
|
|
Re: امانة ماطلعت عربى جزيرة داقس بنتى وبنت اخ� (Re: ترهاقا)
|
تهارقا ياحبيب
هل تصدق نحن
في الجزيرة اي
ضفاف النيل الازرق
حبوباتنا اي جداتنا بسمو
كل انواع السمك بالحوت
مع ان الحوت موطنه البحار
وليس الانهار
وفي ثقافتنا السمك اكل السكارا
ويؤكل بعد شراب الخمر او فى
الصباح الباكر
دى مش غلوتية اكلية
نيل بلا سمك وسمك
بلا فسيخ
| |
|
|
|
|
|
|
|
|
|
Re: امانة ماطلعت عربى جزيرة داقس بنتى وبنت اخ� (Re: بدر الدين الأمير)
|
Quote: قات ليه بس تمش المنطقة الصناعية
واسأل اي محل اسبيرات |
ههههه شكرا على النكتة من الصباح.. وجد كنت متوقع تقول ليه أمشى سوق العناقريب فى أم درمان.
بالمناسبة عندى وكية مدقوقة ناعمة من السودان، والله ريحتها وطعمها تدور تسفها.. حوالى رطلين.. ما عارف أعمل بيها شنو لأنه مافى لحمة ليها هنا.. أى إقتراح سيكون مقدر جــداً.
| |
|
|
|
|
|
|
|
|
|
Re: امانة ماطلعت عربى جزيرة داقس بنتى وبنت اخ� (Re: بدر الدين الأمير)
|
الاخ الغالى بدرالدين الامير
تحيه طيبه
دى زى قصه الرجل الكبير راقد فى المستشففى عندو حبس بول
وفى مرور الدكاتره مرت عليه دكتوره حنكوشه شهاده عربيه ولا من بنات الخرطوم ولا قاردن سيتى ولا العمارات ولا الطائف
والحاج مظنوق فكه من العلاج حبس البول وهو من ناس الاقاليم الطبيبن وقال ليها بابتى
انا عايز اقطع الجمار
الدكتوره مافهمت الحاصل كلوا كلوا قالت دقيقه ياحاج طلعت بره للدكاتره والممرضين وبعض المرضى
وقالت عليكم الله الحاج العيان الجوه ده قال عايز يقطع الجمار فى زول بعرق يقطعوا ليه
اتخييل بالمناسبه انا متاكد الكثيرين من الاخوه الاعضاء جيل 1990 2010 مابعرف قطع الجمار
حتى انا والله لو ماسمعت الكلام ده مره فى وواحد من اهل الوالد جانا زمان فى امدرمان ووقال عليك الله يامصطفى ياوليدى شوف لى الابريق مليان مويه عشان عايز اقطع الجمار
كنت بيكون زى الدكتوره دى وانا عرفت انو داخل الحمام التواليت ال WC
والله عندنا كلمات عايزه ترجمه وعايزه زول فطن عشان يستنج المعنى
مع تحياتى
مصطفى نور
| |
|
|
|
|
|
|
| |
بدر الدين الأمير
أبوذر بابكر
ترهاقا
Abureesh
مصطفى نور
فيس بوك
تويتر
انستقرام
يوتيوب
بنتيريست