♧ لست مجنونًا، و لكن جئتُ رغما عن أنفي £

« 1 »
πفتش عن جقور الدولة العميكة { أخبار بايتة متجددة£
∆إحباط محاولة تهريب حمولى 2 طن عقار ميتة فطاىس
حسبما وردنا رسميا. لعمري إنه لجهد يستحق منا الإشادة بما
يبذله رجال هيئة جماركنا الفتية من تضحيات بعينونعا الساهرة
ذودا ن حياض أقتصادنا الوطني، و صونا لموارد البلاد و خصنا
حصينا و سدا منيعا لثغرات التلاعب بقوت العباد.
(} جدير بالذكر ان شحنة العقارب كانت في طريقها
خارجا لأغرلض تصنيع السميات و الأدوية، خلافا
لقوانين صادر/وارد و ضبط الحياة البرية{موش
حياتنا نحنو أمة خير البرية}.

«3»
(} كسسسرة لا بد منها في المية /
∆ جاءنا في ما وراء الخبر إنو الموضوع فيه
إنة{ إنا لله و إنا إليه راجعون}. طلع دا كلو تمويه؛
و من لونن المصفر تبين إنو العقارب بنات الزينة
بسفن جردقة «ترابية» مطلية بموية دهب مجمر.
فشنو،ياخي ياما تحت السواهي دواهي، و طلعنا
نحنو مكنكشين في ضنب«أتثى الثور»!

قصة رائعةعن معادن البشر ✍️ ..........

∆ أحد مشاهير العرب اعجبته بنت عمه فخطبها
من عمّه ودفع له فيها مائة ناقة مع راعيها مهرا لها !
فقال له عمه :
أنت أحـقُّ بها من غيرك ولكن لا أريدُ مهْرها إلا جـوادك !
اي حصانك الذي تركب عليه فتوقف عن الجـواب لمكانة
الخيل في قلبه ، فنظرت إليه ابنة عمّـه وغمزت له بعينها
من اجل ان يوافق فتنهّد ثم أنشـد بهذه الأبيات الشعريه
مخاطبا لها على مسمع من ابيها.

لصلصلةُ اللجام برأسِ طرْفٍ
أحبُّ إليّ من أن تنكحيني

وقعقعة اللجام برأس مهري
أحب إليّ مما تغمزيني

وما هانَ الجوادُ عليّ حتّى
أجود به ورُمحي في يميني

أخافُ إذا حللْنا في مضِيقٍ
وجـدَّ الركض أن لا تحمليني

جيادُ الخيل إن أركبها تُنجي
وإني إن صحبتك توقعيني

دعيني واذهبي يا بنت عمّي
أفي غمز الجُفُون تراوديني

فمهما كنتُ في نِعَمٍ وعِزٍّ
متى جار الزّمانُ ستزدريني

وأخشى إن مرضتُ على فراشٍ.
وطالتْ عِلّتي لا ترحميني .!!!!

∆فلما سمعت كلامه اغرورقت عيناها
بالدموع وأنشدت تقول :

معاذ اللهِ أفعلُ ما تقول
ولو قُطعتْ شمالي عن يميني

متى عاشرتني وعلمت طبعي.
ستعلم أنني خير القرينِ

وتحمد صحبتي وتقول كانت
لهذا البيت كالحصن الحصينِ

فظُنَّ الخير واترك سوء فكرٍ
وميّز ذاك بالعقل الرزين

فحاشا من فعال النقص مثلي
وحاشاها الخيانة للأمين !!!!!

∆فلما سمع أبوها منهما ذلك علم أنه كفؤٌ لها وقال له :
احتفظ بأبلك وحصانك وبنت عمك !!!!*

∆ فقال الولد لا ياعم خلاص خذ حصاني ..فقال العم لاحاجة لي
بحصانكوانما اردت ان اقيس فيك مامدى تمسكك بمن تحب

∆سلمت أستلذي و اسمك لي تطاولا أناديك هالنولة
دكتورنا يا فتى الأدغال يا نكهة الدرب التحت..قوم
بي و أخد سندة،تجاه ربوع هندة .. با السايق الفيات"
تعرف يا غالي، رغم شوقي ليگ بكل المواسم و الفصول ،
أصلاً ما توقعتك تلبي النداء تجي نلم فيك بكل أريحية
●》 بس الماغسني بالجد ، حد انفقاع كبدي الرطب أن أحدهم
قال لي: توقفت عن قراءة جنس خزعبلاتك دي خسوسن حينما
تنامى إلى علمي اعترافك بعضمة لسانك أنك زول { عنقالي }.

●》بالله دي أمة تستاهل يشفعو ليها البختفو طاقية مادح
الرسول بقروشا في أسواق أربعين و تمبول؟! و هي كمان نعلها
بس المرحومة الراحلة المقيمة (عنقلة) زاتا بقت شتيمة ينبزونل
بيها متل (لكرو)؟! ياخ أقول ليك حاجة: اولن كويس طمنتني
الله يطمنك :إنو أمة اقرأ لا تزال (بتقرأ) وتفك الواو الضكر،
هذه أولن ، ثم ثانياً إن العنقلة نعمةٌ مغبونٌ فيها كثير
من الناس. ولكن ماهم جايبين خبر.
♤ ود ال ح ي ش ان ال ت ل ا ت ة/
مؤمنٌ ملدوغٌ من جُحرٍ مرتين، و حالياً
مؤذنٌ محجورٌ منزلياً بجزيرة مالطة

عمومن ، نبل شوقنا و نفارقكم
نودعكم لا لا ما بنقدر نودع أودع أودع كيف!!
و حتى لو دا حصل نبشركمإننا حنفضل نُقرئ سلامنا
لكل من نعرف و من لا نعرف و من نخطر له أو لا نخطر
له على بال ثم إلى حين ميسرةٍ هدا لينا محجورين منزلياً
بجزيرة مالطة و يبقي عزاؤنافي أن نسخر من أنفسنا گطائر
سمندلي الإهمال يرقص مذبوحا من وطأة الألم ؛ و من شر
ابتلاءاتنا هو ما يهيج فينا جرثومة الضحك مكبوتا گموبة
عطاس في سوق لتشاشة البهاىاو و التوابل، بمنعها ضيق
ذات الشرايين حتى يسيل لعبانا، ثم يجهشنا البكاءُ.

●》لكأن أحدَنا يناجي عالماً مسحوراً طفولي الأنانية،
عزير الوجاهات..حينما تكتب شيئاً يتململ القرطاس تحت
يديك..و تسونامي البحور السبع يزلزل الأرض تحت قدميك..
و حمائمُ زواجلُ بيضاءُ ترفرف عند شحمة أذنيك
و نار الجوى تشب في ممحاتك و مطر هتون يزرف
دمعه سخينا من بين سبائب لحييكو تين شوكي
بأزهارٍ ربيعيةٌ ينبت في سلة مهملاتك.. و تحط
فراشات ملونة ، سكرانة حيرانة على كتفيك
***
▪》ثم حين تهم بتمزيق كل ما كتبت تصير بقايا
قصاصاتك قطعاً مهشمةً من حطام مرايا مشروخة.
كمن نقضت غزلها من بعدِ قوَّةٍ أنكاياً .. أو إذا شئت
الأحرى ، قلتَ: كممكنةٍ من ضرعها كلَّ حاالبٍ ثم
رافسة ٍ فدافقةٍ من بعد كلِّ ذلك كل ما حلب!!

♤ ود ال ح ي ش ان ال ت ل ا ت ة/
مؤمنٌ ملدوغٌ من جُحرٍ مرتين، و حالياً
مؤذنٌ محجورٌ منزلياً بجزيرة مالطة》

في زحام متناقضات كقطع الليل الأسود يضائل
بعضُها بعضاَ. كأن تجد أحدنا ينفجر باكياً في لمة زفاف
بصالة للأفراح ، بينما ينفجر ضاحكاً في سرادقَ منصوبٍ
لتلقي واجب العزاء في أعز عزيزٍ لديه مثلما تداهمه عطسةً
منفلتة في سوق تشاشة لبيع البهارات و التوابل و أهو كلها
انفجارات في انفجارات بطبقة الأوزون. ثم أياك إياك ياخي،
لا تغزس مسماراً في الحائط.. فلا بدَّ غداً أنتَ العائد.. ولا
تتعلم لغةً أخرى..و ماذا تصنع باللغة الأخرى،!!
فقط، قل لي ماذا تصنع باللغة الأخرى؟!!

∆صدق من قال إننا نعاني من اختلال في التنشئة،
ياخي إذا كان الواحد نفسو ينحرف عديييل كدا، لكن للأسف،
ما لاقيلو جيهة مرطبة تتبناه عشان ينحرف زاتو زي الناس!!

خربشات آخر ليلة السبت
طال انتظاري .. ليييك ..يا حلوة العين يا أنتي
و حملت أحزاني و عدت بها متلفحا بالليل و الصمت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
∆أنت منذ الآن لست أنت،بل گائن من كان سواك.
هل كان لزاما علينا أن نسقط من عُلُوّ شاهق،ونرى ‏دمنا
يخضب أيدينا،حتى نُدْرك أننا لسنا ملائكة نمشي عاىغ
الأرض مطمئنين؟! وهل كان ‏لزاما علينا أن نترك قلوبنا
غلفا وبيوتنا عورة و ما هي بعورة لكي نعيش بسلام ؟!!
وكي لا تبقى حقيقتنا عذراء "عارية" كما ولدتها أمها؟!
∆ كم ‏كَذَبنا على أنفسنا و خدهنا غيرنا حين قلنا:
نحن سبح وحدنا و استثناء بلا قاعدة!
‏∆ لأن تصدِّق نفسك أسوأُ من أن تكذب على ‏
غيرك! و لأن نكون ودودين مع مَنْ يكرهوننا،
أفظاظا قساةً غلاظ القلب حتى ينفض مَنْ حولنا،
لعمرك تلك ‏هي دُونيّة المُتعالي، وغطرسة الوضيع!!
لطفا أيها الماضي! لا تغيِّرنا..لتفقدنا ملامحنا!
أيها المستقبل: لا تسألنا: مَنْ أنتم؟وماذا تريدون
مني؟ ‏فنحن أيضاً لا نعلم بعد علم شيئا
‏أَيها الراهن! تحمَّلنا قليلاً و لا نجماتا ما لا طاقة
لنا به فلسنا سوى ظراةيش عابري ‏سبيلٍ ثقلاءِ الظل!

¶ هكذا يكوون البيون شاسعا ما بين الحقيقة وأساطير
الأولين وغطرسة الدجالين، ولقد جاء فى إحدى الأساطير
"أن الحقيقة والكذب التقيا ذات يوم فقال الكذب للحقيقة:
إنه ليوم جميل فدعينا نستمتع به معاً. نظرت الحقيقة حولها
تستطلع في ريبة، فمنذ متى تحدث الكذب بصدق؟ تلفتت حولها
فإذا بالسماء صافية، وأشعة الشمس حانية ونسمة الهواء نادية وزهور
الزنبق والبسلة فى ألوانها الزاهية، فقضت وقتا طويلا بصحبة الكذب حتى
كادت أن تأنس له. وفى الطريق بادرها: أنظرى الماء في البئر رائع، فلنستحم س
وياً. لمست الماء، فوجدته بالفعل رائعا، خلع الاثنان ثوبيهما ونزلا للاستحمام في البئر.
وفجأة، خرج الكذب من البئر وارتدى على عجل ثوب الحقيقة وركض بعيداً وضحكاته
تملأ أرجاء المكان. خرجت الحقيقة الغاضبة من البئر، وركضت وراءه لتسترد ثوبها
وتستر نفسها، لكن البشر فى كل مكان ذهبت إليه راكضة نظروا إلى عري الحقيقة
وأشاحوا بوجوههم في غضب واستهجان. عادت الحقيقة المسكينة إلى البئر
واختفت للأبد من فرط خجلها. ومنذ ذلك الحين، يسافر الكذب حول هذا
العالم الخرف ف مرتديا ثوب الحقيقة القشيب، فيلبي أغراض الناس
ويخاتل الجميع، بينما يتخاشون أن يروا الحقيقة عارية!

♧♧ لست مجنونًا،
و لكن جئتُ رغماً عن أنفي£
(Re: دفع الله ود الأصيل)
*صو ر شعبية في الذاكرة///
*عن نماذج بشرية ربنا براو عالم خلقم لي شنو،
1) نوع الجاي حيلو مههدود داك ومرتو تخت لي الأكل
وتبدأ تحكي ليه في شمارات الحلة أكان ساي تفتح له شهيتو،
يقوم ينفض يدو حردان من الكسرة و تترب يقمزقايم مارق،
لشنو، لأنو بس عجيل ناس فلانة قالو: وقع في الطملة و ما
لقالو زول أبو مروة يرفعو، لأنو ضنبو قالو مقطوع!!
2) ولا واحدن أأخوين لينا معرس ليه مدة و الناس بسألوه :
أها آ زول إن شاء الله قربتو تبقو تلاتة ، يعني شنو تلاتة كمان
بعدما عرسنا وانتهينا، ياخي إن إن شاء المرة حملت؟! أيوااا، والله ماني خابرا علا خايتو زي الشايف أضانا بدت تصفر،
أقبض، تنخت عليك آشقي، يعني أتاريو زولنا النجيض
شغال ينكت في العضان، ولسة ما عرف يجي مشاقق
بالدرب التحت، يا السايق بالفياتقوووم بي و أخد
سندة ، بالدرب التحت تجاه ربوع هندة..
3) والله كمان دا أخونا تربالي من أهلنا ناس
العوض زهجانمن مزازاة الخيران لقضاء حاجته
الطبيعية، فراح مشغل مخو و غفل أمو مشى سوق
أم دفسو جلب مونة سنتم باعا جت و حفر ليهم
بالقريشات أدبخانة عشان" يمرقو فيها زي الناس"
،أها وكتين أمو كشفت المؤامرة، هاجت و ماجت
قالتلو: سمح آ جناي الدخري عشا البايتات و مقنع
الكاشفات ومدرج العاطلات وكت بعت مونة سنتنا ،
أدبخانتك الحافرا دي بعدينك بتملاها بي شنو؟!
* ياخي ينعل أبو دي عيشة ظاطو، والله لولا
ناس طيبانين وحلوين زي ديل نحن ما
نستحق زاتو ينزل لينا مطر!
ربنا يا ربنا رينا جيب المطر عا بلادنا
يا ربنا رب السعود واسقي غنمنا والقعود

دفع الله ود الأصيل
٨ أغسطس ٢٠٢٠ ·
تمت المشاركة مع أصدقاؤك
♧ زمهرير ماذا يا شيخي؟ والحنين البيا
ليش ما قدَّرو .. العمر من وين بيشتروا £
♧جاتني طايرة بالوتس£
● قرأت في أثير الأصافير أن هناك رجلاً هولندياً تقدَّم برفع
دعوى ضد حكومة بلده لدى قضائها المستقِل( موش مستغَل)
فيها تغيير تاريخ ميلاده ..و انقاص عمره عشرين عاما .من 69
إلى 49 فقط لا غير وسقف عليها. و قد عزز دفوعاته بأن عمره
البيولوجي دون ال50 خريفاً ، بعد خصم الجُمَع و السبوت و
العطلات الرسمية و أيام رحيح و مساسقة خطاوينا الضائعة
عبر قاعاتا لانتظار( Les Pas Perdus) .
* حيث إنه يعانى كثيراً عند طلب مواعدة النساء لأنَّهُن يعددنه كهلاً
هرِماً يحبو على حافة قبره المندثر ، ونسيانات طبعن إنو الشَّدَر ا لكُبار
فوقو كعاكيل سَّمعاً مطقو ما بتحالى زي ناس ام مارغيبة وعين العجل،
بينما هو لا يزال في مقتبل العمر ..فقط 49 ..عمر الزهور عمر
الغرام عمر المنى . فيا للهناء ..نان و طيب !!!
♧ بادئَ ذي بدءٍ ..لابد في المية من تعريف العمر البيولوجي
علمياً ، و ما أدراني و أدراك . إنه عمر حيوية و فعالية الجسد
الراهنة؛ و يقاس بمعادلة الكتلة الجسمية (الوزن مع الطول و
الدهون في الجسم ) والصحة العامة (و بالذاتالهضم و المناعة)
فضلاً عن البيئة المحيطة من حولك(غذاء - تدخين - كحول و
مدى تلوث صحة البيئة العامة)..و اخيراً نمط الحياة التي
يحياها الفرد بما في ذلك طبيعة العلاقات الانسانية و
التمارين الرياضية. فشنوالما بجيب الزمهرير؟!.
▪》كثيراً ما قلنا إنو الزهايمر دا وهمة كبيرة
و الشباب شباب القلب و الروح ..و العمر لا يُقاس
بالسنوات..و إن الأعمار بيد الله.. و هي مجرد أرقامٍ
.. و هاهو ذا العلم جاء يصدقنا بعد 14 قرناً حسوماً.
فما اكثر أؤلئك الذين يحصون أعمارهم بالسنوات،
لا بالإنجازات .. مع إنو :
دَقّاتُ قَلبِ المَرءِ قائِلَةٌ لَهُ
إِنَّ الحَياةَ دَقائِقُ وَثَوانٍ
فَاِرفَع لِنَفسِكَ بَعدَ مَوتِكَ ذِكرَها
فَالذِكرُ لِلإِنسانِ عُمرٌ ثانٍ
لِلمَرءِ في الدُنيا وَ جَمِّ شُؤونِها
ما شاءَ مِن رِبحٍ وَ مِن خُسرانِ
فَهيَ القَضاءُ لِراغِبٍ مُتَصَلِّعٍ
وَهيَ المَضيقُ لِمُؤثِرِ السُلوانِ
الناسُ غادٍ في الشَقاءِ وَرائِحٌ
يَشقى لَهُ الرُحَماءُ وَهوَ الهانئ
وَ مُنَعَّمٌ لَم يَلقَ إِلّا لَذَّةً
في طَيِّها شَجَنٌ مِنَ الأَشجانِ
فَاصبِر عَلى نُعمى الحَياةِ وَ بُؤسِها
نُعمى الحَياةِ وَ بُؤسِها سِيّانِ

♧ أما هذه {فتُنقَعُ بماءِ الذَّهَبِ الخالِصِ £
♡》وصايا راقيةٌ تسمو بأخلاقنا في الحوار...🌹❣
♡》أحد طلاب اﻹمام الشافعي، يُدعى يونسَ
بن عبد الأعلى اختلف مع أستاذه اﻹمام الشافعي على
، فقام يونس و ترك الدرس ..و ذهب مغاضبًا إلى داره.
●》فلما أقبل الليل... سمع يونس صوتَ طارقٍ على بابه
فقال يونس : من بالباب؟ . قال له الطارق : محمد بن إدريس
فقال يونس ما مفاده : أنه قلب ذهنه في كل من كانوا بالمدينة
من المحمدين أبناء الأدارسة إلّا شيخي الشافعي .. قال : فلما
فتحت الباب ، فإذا بي أمام إمامي الشافعي..يخاطبني بلينٍ:
_ 》يا يونس، تجمعنا مئات المسائل ، أوَ تفرقنا مسألةٌ واحدةٌ..!!! .
_》 يا يونس، لا تحاول الانتصار في كل الخلافات! فأحياناً ما
يكون كسب القلوب أولى و أجدى من نشوة "كسب المواقف"...
_》يا يونس، لا تهدم جسوراً بنيتها ثم عبرت منها..فربما تحتاجها
للعودة منها ذاتَ يومٍ ما. اكره الخطأ دائمًا...!! و لكن لا شأن لك
بالمُخطئ المسيء و أبغض من كل قلبك المعصية..ولكن
كن مسامحاً كريماً ذا رأفةٍ بمقترف المعاصي..
_》 يا يونس، انتقد ففند من القول ما شئتَ..و لكن لا تُرِق ماء
وجه قائله فإن دورنا هو أن نقضي على عين المرض.. لكن، لا نشهر
سلاح دمارنا لاغتبا شخص المريض لله دركم .. فأيُّ سمو أخلاقٍ هذ!؟💞
♧ كسرة : كذلك: لمَّا سئل حكيمٌ : لم لا نتخلص من المنافقين مرة و إلى
الأبد قال: لو فعلنا ؛ إذن لاستوحشت بنا منهم الأزقة و الطرقات.[

وأما الجلية فبالجد خطيرة قوي£
قال لييييييييك👇
سودانين كانوا شغالين فى السعودية
و كانوا يسكنون فى بيت مستأجر ويسكن
معهم فى نفس البيت هندي مسكين فى غرفة لوحده .
∆ وكان السودانين يأكلون مع بعض . اما الهندى
فيأكل لوحده لانو هندوسى اسمو راج كومار، المهم ،
∆ و كان الهندى بحضر معه افضل انواع التوابل
والبهارات من الهند وفى احد الايام سافر الهندى
في اجازه الى الهند وترك غرفته مفتوحه وفيها
كل انواع التوابل ..وكانوا اخوانا السودانين كلما
احتاجوا توابل دخلوا غرفة الهندي واخذوا
ما طاب ولذ لهم من التوابل الهنديه ..
∆وبعد فترة رجع السيد راج كومارمن اجازته ولما
دخل غرفته خرج وهو مصدوم يصرخ يولول ويتمتم كالمجانين
بلغة ال"ما لا يعلم "सूडानी क्यों हैं, यह मेरे पिता की राख है؟
فقامو يسألوفيه:: مالك ياخوي منزعج كده ليه ؟!! قال لهم أنا عندما
سافرت تركت والدي في الغرفه لوحده وبحثت عنه اليوم فلم اجده..
سالوه وإيه إللى جاب ابوك فى الغرفة!!؟مش انت قولت انه
مات من زمان ؟؟؟قالهم ايوة مات من زمان و حرقناه
وحطينا الرماد بتاعه فى علبة وجبت العلبة معى و
حطيتها هنا كانت جنب التوابل بتاعتى ولما
جيت من السفر دخلت عشان اسلم
عليه لقيت العلبة فاضية ...
∆واحد منهم سأله يعنى ما كان فلفل إسود ؟!
كسرة من عندنا:
* يعني لهمقوه زي تُرتار الكول، بقى يا حلاتو مع
القراريص بالملوحة ، أو التركين بلغة أهلها ناس
عمو ابوعلو\ة تقلع أضافرينك تاكلن معاها
😂😂 تاغي زولك اللفي السعودية 🇸🇦
ده ما يكون من الجماعة الاكلو الهندي
بهار و راح فيها المسكين سمبهار!
🤣🤣🤣😹
منقول بحب

كبسولة قبل الزواج

يوميات رجل مهروش£
معا لنشر ترند#اتهرش ولا تنكرش.
==================
∆عايز اعترف ليكم إعتراف خطير قد يكون مفيد ..
زمان اخوكم كان حمش جداً وصعب .. مافي (مرا) بت(9)
بتقدر تخالفني في الراي ... ولو الولية حاولت تعمل سيك ميك
بحتِّو معاها قَرَض طوالي .. بقلب البيت دا فوق تحت 👿
∆ الحاصل، في الأونة ديك كانت كثافتي بتصل 200/150
عادي والمصران العصبي الأعور يوماتي هايج وجيبي ما بيخلى
من الحبوب المهدئة والبنادول الأندروس والنوم ساي في تلتلة.
¶ المهم قعدت في الواطة وضرَّبت ليك الشغلة دي اخماس في
أسداس لقيت نفسي كدا بضيع وهم ساي،وبضيع الوقت على أمِّي
ومرتي ووليداتي في مواضيع اصلاً مخستكة لا بتودي لا بتجيب!
قلت يا ود خليك شاطر وريح نفسك وريح الجماعة يعني win- win.
وقررت أقلب الموجة. وبديت يا زول أرخي شوية شوية وبقيت أسمع
الكلام واتهرش عادي .. والغريبة متكيف كمان .. ولو في حاجة بتغيظ
أقعد أضحك وأقول قرررر..و الله يجازي محنك يا هناية لا هناية😊
ولو عصروني في طلب لو بقدر بنفذوا بنفذوا طوالي ، أصلاً القروش
رايحة رايحة المهم (تشتري دماغك يا معلم) ولو ما بقدر بقول
أبشري في أقرب فترة ممكنة بنفذه طوالي هو انا عندي كم
في الدنيا زيِّك 😍ولو زعلو مني زعل الدلع اللذيذ داك
هاك يا طبطبة وهاك يا جرسة (مصطنعة طبعاً )
∆ أها يا زول تعال شوف النتيجة 😁أخوكم بقو
بيأكلوه في الخشم والاوضه مبخرة والهدوم علي
سنجة عشرة مغسلة ومكوية !!هو اساساً لو ما اتهرشتا
وعملت رايح كدا (ومعاها بسمة) لا باكل ولا بشرب!!
وعلى الخطة دي يا مان بقيت بتهرش عاااادي وبضحك
من جوة قلبي ضحك شديد وصحتي اتصلحت و بقى مخب
رايق ولوني فتح وعندي جضوم.. ولو الشغلة كتمت شديد
بقوم بتخارج من البيت براحة بمشي لمحمد صاحبي اتونس
واضحك واقرقر معاهو ، بس اهم شي (ركزوا معاي ) اهم
شي لما اجي راجع البيت بجي شايل معاي هدية للمدام
ياخ أي حاجة انشاء الله كيس تسالي المهم في النهاية
الأمور بتسلك جنس تسليكة 😍علي احسن ما يكون 😍
∆هسا الصباح دا ماخد لي هرشة مظبوطة في سبعة حاجات
مع بعض وما قادر اتذكر هي كانت شنو (ما كمان بقيت بروفيشنال
😁) بس الأمور عدّت على خير بفضل التكتيك الجديد وهسا الجماعة
بيعملوا لي في قهوة الجمعة بكل طقوسها وبخورها وأخوكم متجدع
فنجال ورا فنجال وبيمسدوا لي في كتافيني .. يعني كمان اتهرش ساي
😁 ٱخر مرة قست الضغط لقيتو 119/75 يعني أقل من الطبيعي شوية
الدكتور لما استغرب !!وفي آخر استطلاع للرأي الاسري قالوا بقيت
جدن ظريف و أكلي رغيف وبشتاقوا لي قبل ما أطلع من البيت،
∆ شفتوا النعمة دي كيف !!؟ وبصراحة كدا الراجل المابتهرش
لمرتو دا زول رايح ساي وبضيع في وقتو نفسو ووليداتو.
الهرشة بتخله بس لكن مابتكتل..بكتل ركوب الراس🤣

#انضم لمجموعة ريح أعصابك للبحوث العلمية!

😁😁😂😂😂🤣😂😂😂

《علمتنا صروف القظر و نوائب الدهر الكثير المُيير
من دوس عصر تابى الانسلاخ من ذكرتي المخرومة الخرِبة》
سمح أقووول ليك حاجة و ما تجر و تضحك حتى يسيل لعابك ثم يُجهِشك البكاء :
ذات مرةٍ ابتديت أجازف إﻗﺎﻣﺔ ﻋﻼﻗﺎﺕ ﺻﺪﺍﻗﺔٍ حميمةً ﻭ ﺗﻌﺎﺭﻑ ﻣﻊ أﻧﺎﺱ ﺧﺎﺭﺝ
عالم الأشباح من مفسفسين ومتوترين وموتسبين، يعني على أرض فقه ﺍﻟﻮﺍﻗﻊ ﺍﻟﺤﻘﻴﻘﻲ،
و طبعن دا ﺑﻨﻔﺲ ﺍلأريحية ﻭﺍﻟﻄﺮﻳﻘﺔ السالكة عبر منصات التناصُل اللا-اجتماعي ولا
أخلاقي إطلاقاًﻟﺬﺍ ﻧﺰﻟﺖ إﻟﻰ ﺍﻟﺸﺎﺭﻉ العام ﻭ ﺑﺪﺃﺕ ﺑإﻳﻘﺎﻑ ﺍﻟﻤﺎﺭﺓ لأﺧﺒﺮﻫﻢ ﻣﺎﺫﺍ
أﻛﻠﺖ ﻗﺒﻞ ﻗﻠﻴﻞ ﻭ ﺑﻤﺎﺫﺍأﺷﻌﺮ ﺑﻬﺬه ﺍﻟﻠﺤﻈﺔ ﻭﻣﺎ ﺍﻟﺬﻱ أﻧﻮﻱ ﺍﻟﻘﻴﺎﻡ ﺑﻪ بصُحبة ﻣﻦ.
و ﺑﺪﺃﺕ بإﻋﻄﺎﺋﻬﻢ ﺻﻮﺭاً من ﺣﺪﻳﻘﺔ منزلنا الكائن بقاع مدينة الصفيح.
وﺻﻮﺭﺗﻲ ﻭأنا أﻗﻮﺩ ﺍﻟﺴﻴﺎﺭﺓ..ﻭ ﺻﻮﺭﺗﻲ سيلفي مع رفاقي قرود
شمبانزي أثناء تناولنا المثلجات وصوﺭاً ﺗﻮﺛﻖ لهم ﻧﺸﺎﻃنا
ﺍﻟﻴﻮﻣﻲ سوياً!وقفت ﺑﺠﺎﻧﺐ ﺑﻌﺾ ﺍﻟﻤﺎﺭين و المارين و
المارَّت الأحياء منهم وال"الحيَّات" والميتين
والميتات، ﺍﻟﺬﻳﻦ ﻳُهامسون ﺑﻌﻀﻬﻢ بعضاً
لأﺳﻤﻊ ﺣﺪﻳﺜﻬﻢ ونجواهم ﻭأبدي إﻋﺠﺎﺑﻲ!

*ولكنِّ لا أخفي عليك اندهاشي من مواقف بعضهم مني.
إنهم لا يطرحون ععليك إلا أسئلة غبيةً، فيُجبرونك على الرد عليها بأجوبة
أشدَّ منها سذاجةً و غباءً . يسألونك مسلن عن(تِفَّةِ) شعرك دي، لا عما إذا كان
تحت تلك القبة فكي مُتفرسٌ أم فأرٌ ميتٌ؟! أو يسألونك: في أي مجال تعمل، لا
ماذا كنت تصبو لتكون بارعاً؟!أو يسألونك كم تملك لاعن كم ضيعتُ من عصارة
جُهْدِك و وقتكسدىً؟! أو يسألونك عن أخبار المرأة التي تزوجتها ، لا عن أخبار
تلك التي كنت ولا تزال تَعشقُها؛ و يُحِبُّ ناقَتَها بعيرُك؟! أو يسألونك :ما أسمك
لا ما إذا كان لهذا الاسم شنَنٌ يوافق طبقك؟! أو يسألونك: كم عمرك لا: عن عُمُرِك
فيم َبعزقته، أو عن شبابك فيم ضيعته ، أو مالك فيم أفنيته .. قبل أن ت زول قدماك؟!
أو يسألونك: أي مدينة تسكن لا عن أي مدينةٍ أفلاطونيةٍ فاضلة تسكن و جدانك قبل
أن تُسلم مفاتحها لأوباش التتار و جُهَّال المغول و لم ترتد أشرعتك شواطأها بِعْدُ؟ا
أو أنهم يسألونك:هل تُصلي لاهل تخشى لومة لائم في صلاتك سِوى الله تعالى
و الذئبعلى غنمك، ؟! لذلك ، فقد آثرْتُ فتعودْتُأن أُجيب على هكذا سخافاتٍ
في صمتٍ و بهدوءٍ غالباً ما يأتي بعده مباشرتنانفجار هُبُوبِ العاصفة.
فنحن حين نصمت نُجبر الآخرين لتدارك أفواههم قبل أن تغزوها
بكتريا العفن من طول السكات بت المني . و من يُعاتِبُني على
ذلك قلت له:لا تُؤاخذني،إذ إنَّ"يَدَاكَ أوْكَتَا وفُوكَ نَفَخَ"

* لكن تصور بفضل مجهودي المُضني هذا
اكتشفت إنُِّن مجازفاتي بهذه ﺍﻟﻄﺮﻳﻘﺔ المهببة ﻭالأﺳﻠﻮﺏ
الهمجي و الراقي في ذات الوقت، قد آتت أُكُلها ﻓﻲ ﺍﻟﻌﺎﻟﻢ
ﺍﻟواقعي و كان لها مفعولها السحري، فحتى ﺍلآﻥ أﺻﺒﺢ
لدَﻱ ﺛﻼﺛﺔ أنفار ﻳﺘﺎﺑﻌﻮﻧﻨﻲ، ألا وهم:مُخبران ﻣﻦ مباحث
أمن الدولة ﻭ ﻃﺒﻴﺐٌ ﻧﻔساني هو زاتو مهبوش

دفع الله ود الأصيل
من كتاب الخبر المنقوش في ترويض الافاعي و الوحوش ..
*أربع زوجات لرجل مشتكيات على بعض في المحكمة. .
قال القاضي : أكبر وحدة فيكم تتكلم .
وساد الصمت !!
وعم السلام.
وانتشر الأمان في ربوع الوطن
وإلى هذه اللحظة ملف القضية مغلق 😂😂😂
_____
وقع رجل في جزيرة كلها نساء .. فقررن إعدامه ..
و قبل الإعدام سألوه عن طلبه الأخير ..
فقال أريد أن تعدمني أقبح إمرأة في الجزيرة .. !!!!
طبعا لحد الآن عايش و فتح محل وأحواله عال العال .. 😂😂
القصتان ملطوشتان من كتاب " كون حكيم مع الحريم
😂😂😂😂😂😂😂😂
أراد صالح أن يسافر بدون زوجته
فأرسلت له زوجته :
ﺳﺄﻗﺘﻠﻚ إن سافرت !!!
فرد عليها برسالة:
"الميت ﻻ‌ ﻳﻤﻮﺕ اﻻ‌ ﻣﺮﺓ ﻭﺍﺣﺪﺓ ،،
ﻓﻜﻴﻒ تقتلين من ﻣﺎﺕ فيك عشقا" !
لها أسبوعين تفتح الرسالة
وتقرأها وتبتسم خجلاً !
🙈 و صالح يتجول بين الدول فرحا
....................
من كتاب الخبر المنقوش في ترويض الافاعي و الوحوش ..
😂😂😂😂😂😂
‏شايب سألوه: ما شاء الله عليك يا عم
عمرك ٨٠ سنة ، لكنك ما زلت تنادي زوجتك: ياعمري ، ياحياتي ، ياحبي !!!!
علمنا ماهو السر ؟
قال: أنا أصلن ناسي اسمها وخايف أسألها تنكسف.
😂😂😂😂

(3)
يا أن منكوم ياخي إنت فعلن مننا وفينا.
لكن كلامك في عمنا نابشو، طب ما ريحني.
طبعن موش لانو ممكن يكون حقيقة فعلن. و لكن
الخوف إنو ممكن ينطبق علينا معاهو لأنني أولاد (حجة)،
هي قصدي خُفرة واحدة. ياخي من زمن الناس حونان ، ربع
الرطل يرسف القزازة ومصران العرنون سبعة ياردات، ايام
ناسوليد الحسين، بشير ود التهامي و،الجريفاوي، معروف أوشي
و كوكوودالكدرو، ما تنسى عماتك ناس نسمة الصباح ، حوة
بت عبد النبيو ست أوبها و دبوية بت المطرو هلمَّ جرة، رد الله
غُرُباتِهم جميعاً و أقال عَثَراتِهم.
# و طبعن أنا ما حأقول ليك أنا كان اسمي منو(لزوم غتاتة ساي).
علا عشان تآمن إني من الحرس القديم و النوارس الهاربة ، حأديك
مداخلة معاي لعمك نابشو على صفحات عنقريب الراكوبة في ثوبها
القديم.كان البوست بعناون:"الشعيرية، صحي و الله
غلتانة شن جابك شاقة فيافي البطانة؟!!
@ قال ليك ولدنا باشري دقش البنادر ودخل جامعة الخرتوم. أصبح في البركس
من أول يوم قام ساقوه صفرة المين، ماسك لو عضم مشاش يكد فيهو و يصيح :
وينكم أناس تاي الله عووك،أها ما قت لكم من قَبُلْ( من كد وجد؛ و من استراح راحح؟!).
المهم غايتو هناك صاحب الحناكيش والناس أبان لقمتن تنقط دهن للكوع.
#مرة واحد من هؤلاء اندرع ليك في ولدنا دا قال إلا يزور البطانة ؛ سمع عنها في شعر
عَبْدُالله ود االبنا (حياك الغمام). قام باشري قال ليه خلاس آزول أرح (هاك الغمام دا) هناك
إحنا الضيف نكرمو طب نضبح لو الشايل ما في أي مشكلة.علا مما تجي لتماطيق اللصاق و لغاويس
التيك أوي ديل(متل ناس دجاج كنتاكي و كلاب سانوتشي و آيسكريم لومني)! فوالله علا تنوم بايتالقوا.
غايتو أرقى حاجة ممكن نقدمها ليك بس نسو ليك قاشيد و لا نضبح ليك ورقة شعيرية, وكمان دي ذاتا
علا يركبو ليها مشوار بالحمار يجيبوها من حلة عبدلاه (متل الداية).المهم المصيبة بقت مقابلة ب
اشري ، و معاه أهلو كولهم قعدو يتلبجو. ركب ولد تام زينو (أخت باشري) جاب كيسين من
الما تتسمى شعيرية( أبو كديس) أصل بلادو. الدرب كل يكرف فيهن تقول فتيل رش كارينا.
# يلا طوالي قام ضبحوهن و سلموهن لتام زينو لتباشر مهمة التباخة و قامن كدي
إتلملمن ليك معاها صويحباتها بنوت الفريق بي صمتن متل يوم لمة عُوَاسة اللابري:
ناس بت الشوبلي و العاجبة و الزرع ولَّى و مطر العطاش الرشَّا كولهن جن ، العمياء
شايلة المكسرة أها تقومي يا تام زينو ترمي الشي دا في (الكنتوش) و (تتبريه) لبن ألبل
مكسور بموية. و بهناك الجنيات في الخلوة منلمين احتفاء بالجنا ضيف اللنادر الأملس
أب ريحتن حلوة دا دربس دربس. { و كمان حلات فارشين ليه برش من زمن الجهدية،
سنة أم دقنوس قاعد فوقو ؛ أها كل ما يجي فوج داخل يقوم ضيف الجن يسلم عليهم ،
يقوم البرش يطوطو ؛ و تاني يفروه. لحدت ما زهجو ختو لو شافعين بهني
وهني متل البياكم ،حتين البرش شوية كدي رسي و هجس}
# تقوم تام زينو بعد شوية تكورك ليك من فوق الصريف ( الظاهر ما عرفت تتعامل
مع تكنولوجية العصر دي. فبعدما هي والمعاها فركن فيها زين لمن قربت تدردم), قامت
تصيح للجنا باشري: يا باشري خوي هوي مد لي رأسك قابلني بي فوق الصريف بجاي
عندي معاك حديث. هنا أخونا تقول طابوقة وقعت على صنقورو، حسَّ بإنو لازم يكون حصل
عك في الطبخة. مالك آ شقية سويتي شنو (كأنو متوقع الكارثة) تام زينو قالت لو: آخوي السايبة
دي خلاس نجضت أها نَعَشِكَّا ليكن بي ترتار ويكة نلايكَّا ، ولا كيفن عاد؟. قام باشري ينافض في
يدينو زهجان قال ليها: أقول ليك قولة يا زولة؟ لايقوها و الباقية باقيةا! وقد كان, بالفعل أتلايقت
الشعيرية لأولمرة بالتاريخ .وجابوها حارة ،توشل موية ختوها لضيفنا تعيس الحظ وهو كمان
للسخرية شالمنها خابور ماكن كدي تأمله جيداً و بدأ يخاطبه قائلاً بلسان الحال: والله
يا الشعيرية أنتيالغلتانة ، ودا أقل من جزاك ، شن بجاي جابك شاقة البطانة؟!
تِرَيمة صغيرونة:-
ما أخشاه أن تكون معظم المفردات غير مفهومة لكثير من القراء!
دي تبقى كارثة. و في الحالة دي ، دا ما يبقاش عنقريب ولا حاجة ؛
إنما( شاليه سبعة أنجم ،على شاطئ الراحة الفي دُبَيء داك.)​، ولا يعترو
فوقو عروبنا الفهمونا ناس صلاح فقيدة وأهلنا الشبارقة، الحَرقة نور الدين
و الشدايدات ود عجبنا و العيد الكريم ، الرحيمات ، حفيرة و ، غلخ.
ود الأصيل
:: كاتب نشـــط::
Sep 11, 2018#5
،​

«سرك في زير»
👈حكاية من دفتر قديم 👉
👇👇👇👇
صديقي مصعب ... زول بكاي وضعيف قدام الجمال الانثوي
...خاصه لو كانت انثي طويله بيضاء فارعه..مره عتر ليهو في
واحدة بهذه المواصفات فبكي فيها بكاء الارامل والثكاله... وقرر
الزواج منها..(.طبعا هو متزوج بنت خالت زوجتي..)..فشالتو
الهاشميه العشقيه واتوكل وصارح زوجتو بنيته الزواج
... (..طبعا هو بعد ما فاتح البنت واهلها ووافقو عليه
بلصمين بالعشرة حتي مشي كلم زوجتو..)
∆ آها القيامة قامت واخد ليه طوبتين تلاته
وكميات سباب وشتايم من زوجتو... ثم حملت
زوجتو متاعها وابنائها وتركت البيت ومشت بيت
ابوها....(..طبعا زوجتو زوله فاضله ومامقصره معاهو
ابدا حتي اهلو لما سمعو بيه عايز يتزوج عليها قاطعوه..)
∆انا جاني الخبر مشيت ليه احاول اقنعو لكنو صمم علي تنفيذ
الفي راسو وما قدرت اقنعو.... ففكرنا انا وبعض الاخوان نطرشق
ليه عرستو دي مشينا لي والد البنت العايز يتزوجها وتكلمنا معاهو
انو مصعب ده زول عندو اولاد وزوجتو ما رضيانه عرسو وطلبت منو
الطلاق وانو حتي اهلو قاطعوه وترجيناهو حفاظا علي الاولاد وبيت مصعب
ما يتخرب يرفض ليه الزواج من بنتو...عمك طلع اصلي قالينا زولكم ده لمن
جاني لي بنتي قال لي زوجتي موافقه انو يعرس تاني.. قلنا ليه كذب عليك..
زوجتو حردانه عند اهلها وطالبه الطلاق واهلها واقفين معاها.... قال لينا كان
كده زولكم الكضاب ده ما بنفع معانا وطوالي شال التلفون وضرب لي مصعب
وقال ليهو انا ما عندي بنت للعرس... طلعنا من عمك مبسوطين... صاحبنا
مصعب طبعا حاول اسبوع يقنع عمك ابو البنت ويراضيهو لكن عمك اوفي
بي وعدو لينا ووقف قنا... والقشه التي قصمت ظهر بعيرنا مصعب انو البنت
اتصلت عليهو وطلبت منو تاني مايتصل عليها وانو البينهم انتهي...
∆ آها هنا مصعب وقع في مطب لا عرس ولا بيقدر يرجع زوجتو زي زمان
لانها كانت مصره تتطلق...جاني في البيت طلب مني امشي اتوسط وارجع ليهو
زوجتو....قلت ليهو شوف ياخوي مرتك دي تاني ما بترجع بي اخوي واخوك و حتى
لو رجعت ما بتثفيىلبك نيتا زي زمان لانها فقدت فيك الثقه.. قال لي طيب الحل شنو..؟!
قلت ليهو مافي حل غير ندعي انك ما كنت في وعيك وانو البنت الكنت عايز تعرسها ربطتك
عند فكي.... قال لي والله فكرة... قلت ليهو طيب انا بلم الناس وبنجيك في البيت بفهم اننا
عايزين نقنعك ترجع زوجتك. وانت طلع هدومك كورك فينا واقعد ابكي اواضحك واعمل ليك
حركات جنون كده واطردنا من البيت والباقي خليه عليا ...لكن اهم حاجه تتقن الدور..وافق
∆...كلمت الشله بالخطه وافقو عليها... واليوم التاني لمينا ناس الحله وبعض اهلو قلنا ليهم
نمشي لي مصعب ده نقنعوا يرجع مرتو..وافق كثيرون يمشو معانا... ولحسن الحظ اخو مرتو
وهو كان صاحب مصعب وصاحبنا مشي معانا...مشينا لي زولنا في بيتو و قعدنا نتكلم معاه.
فجاءه زولنا حسب الخطة قام يشتم فينا ويكورك و مره يضحك و ملص جلابيتو قال لينا انا
مسخن... اتقن الدور اتقان عجيب حتي نحنا لمن بدينا نصدق إنو صاح كشكش.... بعد شويه
دخل الاوضة جاب ليهو بسطونة خيزران واول زول معرني انا ليك بي قشطة لمن اضنيني
صفرو.. ودور في باقي الجماعه بساطين وهو يكورك امرقو من بيتي... غايتو قمنا نحنا اصحابو
مسكناهو وقلنا للجماعه المعانه انتظرونا برة البيت عشان الزول يهدأ شويه بنجيكم... الجماعه
طلعوا... انا قلت لي مصعب يازول ضاربني مالك الله لا كسبك ما تضرب زول غيري.... قال لي
ضاحكا لو ضربته زول غيرك وقام ضاربني اسوي اشنو.. اضربك انت لانك سيد الخطه وفاهمها.
∆ خليناهو طلعنا للجماعه لقيناهم متفقين انو مصعب ده ما نصيح وانو الناس تشوف ليهو شيخ
..... (ما حوجونا لاي حنك مننا)...وقالوا انو البنت الكان عايز يتزوجها شكلها عملت ليه عمل..(نحن طبعا
اتكيفنا جدا خطتنا نجحت...)... قلنا ليهم خلاص نحنا بنسوقو مايرنو في سنار بنعرف لينا شيخ فيها بيروب المويه ... قالو لينا علي بركة الله ولمو لينا شيرلنغ كمان...... بس الما كنا خاتنو في الحسبان انو اخو زوجتو قال يمشي معانا سنار..(طبعا نحنا فكرتنا كانت نمشي انا ومصعب وواحد من الشله لي واحد صاحبنا في السامراب نقعد معاهو يومين ونجي راجعين نقول للناس انوالشيخ لقي الزول عاملين ليه كادوك.. وطلعو منو وعالجو..) طبعا بقينا امام الامر الواقع اتفقنا مع مصعب انو نمشي سنار جد جد ونقابل شيخ جد جد... عشان اخو المره ما يشك فينا ويطرشق الخطه...(خاصه انو اي شيخ تمشي ليهو لو انت نصيح بقول ليك انته مربوط .....ما كلهم دجالين ساكت...)..آها الصباح انا ومصعب ونسيبو اخو زوجتو. وصاحبنا نزار ركبنا مشينا مايرنو..(طبعا صاحبنا مصعب عمل ليهو فاصل من الجنون كده في المواصلات بطلب مننا عشان نسيبو ما يشك..). وصلنا هناك اتصلنا بواحد معرفه رتب لينا مقابله مع شيخ مشهور بالدجل .. مشينا ليهو .. حكينا ليه الحاصل وكما توقعنا الشيخ طوالي قال لي مصعب انت عاملين ليك عمل شربتو في بطنك مع قهوه... وقال ليهو لكن ما تخاف انا بعالجك... ادانا بيضة دجاج وقال لينا الفجر تكسروها ليهو في كبايه قهوه وتسوطو البيض والقهوه ويشربن وبأذن الله حايطرش العمل الشربو...طبعا الخبر السعيد الفرح زولنا مصعب انو مدامو سمعت بيهو وسمعت بينا مشينا نعالجو في سنار اتصلت تطمن عليه......... معناتها المكنه قسمت... يازول الصباح دغش جبنه كبايه القهوه فيها نص قهوه وكسرنا فيها البيضه وسطناها وقلنا لي مصعب اشرب... (.. طبعا مصعب كان خايف ما يطرش.. انا قلت ليه يازول لو جبته الشيطان الاحمر وسقيتو بيضه نيه من الصباح بطرش.. خلي انت الدجال يا خوي زول مفتح... انت حاتطرش ....وحاتطرش ماده سوداء واللهي القهوة وحاتمشي ليهو ح يقول ليك وصف لي طراشك تقول ليه لونو اسود يقول ليك بس العمل طلع..)..
∆صاحبنا شرب القهوه المخلوطه بي البيض... دقيقتين دور استفراغ وبي غزارة... لمن الاستفراغ وقف
صاحبنا مصعب عاين لينا وقال لينا انا وين والحصل علي شنو...... طلع ممثل كارب ابن الكلب... عملنا نفسنا بنحكي ليهو في الحصل منو وهو عمل فيها مندهش وقال انو ما مزكر اي حاجه وانو زي الكان في بير وطلع منها وقعد ويعتزر لي نسيبو وشبك نسيبو اعفي لي اتلومت معاك....... طبعا نسيبو صدق الحكايه واتبسط و
قعد يضحك و شبك ليك مصعب يازول انت ما كنت واعي نحنا عافين ليك تب... و مصعب شال التلفون و اتصل
علي زوجتو وبكي ليها واستسمحها... برضو قالت ليهو ما عليك لوم انت كنت عيان.... رجعنا الي الشيخ وكما توقعت قال لي مصعب وصف لي طراشك لونو شنو مصعب قال ليهو اسود قال لينا بس العمل طلع.... رجعنا الخرطوم لقينا زوجة مصعب في بيتها وعاملين كرامه كمان... ضربنا اللحم.. وجرينا مصعب علي جمبه قلنا ليهو دي مرقناك منها لكن تاني لو كررتها شيل شيلتك براك... قال لينا تاني التوبه... ولي هسي مصعب تاني ما جاب سيرة عرس تاني.... وظل السر بيننا نحنا اصدقائه الاربعه.....👉
ملحوظة:
👇👇👇👇
سر مصعب ده بيني وبينكم ما يطلع لي بره..😅😅

منقوووووووول

+ درامة التشكيلي دي ذكرتني بحكاية ود النضيف
كانت تحجينا بيها حبوبتي بت ود التاي ذاك الطفيلي كان
عائشاً على موائد الولائم ،يزاحم فيها الأطفال المشردين ، فذات
مرة من المراير ، حاول خداعهم بأن أرسلهم غلى جانب الأخر من
القرية على أنو فيها وليمة و لمَّا أنطلق الشفَّع يركضون فلا يلوون على
شيٍ يُذكر ، تلفت ود النضيف حوله و ذُهِل من عزمهم بدت له الكضبة
و كأنها أمراص واقعاً فراح يلاحق الصبية قبال ما يلحس الحلل ويخلو
خشمو ملح ملح،ف نسي أنهاكانت مجرد خدعة لتشتيتهم و لكنه ما لبِث
أن شتت وراءهم.هكذا يا صديقي ، هي الدنيا دبنقا
بس إنتا ما عليك ‘ لا تدردقي بشيش.
ود ال ح ي ش ان ال ت ل ا ت ة
رافع أذان ساي ع الفاضي بجزيرة مالطة
مالطة ، يعني: مالصة قاعدة ملَط

أنا بتاع مقالب مهدينا يا مزهمر، الله يهديك و يدينا
وكمان أجي ناطي زي العاقرب، تحين دي ما بــــــالخت فوكا عديل
يلا تعال هاك وكتين الله جابك و ما يجيب عقابك ، حاجة كدا من بيت
كلاوي ♧ جنونُ العَظَمَةِ الكلكي تاجٌ فَوْقَ رؤوسِنا..لا يَراه عاقِلٌ£
دي من وحي الحرب اللسة مدمرة شعللوها ا لقحاطة ولبدو متل عقارب الجُكال
♤ عقارب الساعة الآن تتراجع بزماننا القهقرَىلتُشير إلى لحظات جنون عظمةٍ
متوهمةٍ ليست إلا ؛ تماماً على غرار مدينة أفلاطون الفاضلة!!
♤ فدايناميكا منطق الأشياء من حولنا راكبةٌ صهوة ذاك الجنون.
فهذه مباسم السجائر في المنفضة تتبادل القُبلات و تشتعل كجمرات البخور
و هي تذوب أنيناً و تتلاشى عشقاً في حضن مسرجةٍ تفوح بعبقالبارود ..
الليل بهيمٌ و أسراب النجوم متكئةٌ متثاقلةً على كتفيه تغالبجاذبية السقوط
ارضن سلاح ، إمام سلطان النعاس كسأن من يُدافع الأخبثين..
●و هذا الشفق الممتد عريضاً بلون ردائه الكستنائي .. راح يتقلص كما العرجون
القديم من رقعة كانت تبلغ مليون ميلٍ مربعٍ.و النُّسيمات و الخُصَل تتمايل بهستيريا
رقصة الفلامنكو على ضفاف بحيرة البجع على أنغام نايٍ مبحوحٍ و قيثارة جنائزية
لا أكاد أعيها بيدَ أنِّي فقطأتحسس أنينها كما يستبين بريحٍ وشواشُ عشرجٍ زَجِلٍ..
● أضواء الإنارة بالمكان تتقافز كأسراب الفراشات الحيارى.. و هناك عاشقٌ
ولهانٌ تمدَّد على أريكةٍ خشبيَّةٍ متراقصةٍ كسن الورم يدعو شريكته لمماسة
عادة الجنون ( سرِّيَّاً )ثم مدّساقيه ليكشف عن جواربَ مزركشةٍ الألوان .
. مجازفاًعبثاً إشعالَ ولاعةٍ في فمه من رأسِ سيجارٍ كوبيٍّ!
♤ود الحيشان التلاتة/
مُؤذنٌ بجَزيرةِ مالِطَة!!