السلام عليكم ورحمه الله وبركاته الاخوه الافاضل فى الموقع الرائع سودانيز اون لاين تحيه طيبه وكل عام والجميع بالف خير يارب انا طبعا اخوكم مصطفى نور سودانى مقيم مابين امريكا ولايه نيوجرسى ومصر مدينه اكتوبر اعمل فى التسويق وخبره 45 عام فى اكثر من 7 دول هى الامارات امريكا كندا الصين لبييا بعد الثوره الامارات مره اخرى الكويت والان فى مصر لمده اربعه سنوات اعرض عليكم مشروع ربما يكون فيه الخير للكثير منا فى الظروف الراهنه فى السودان الفكره شراء ارض بمساحه ممتازه بناء شقق للاخوه المغتربين وانا احدد الفئه التى احب ان اتعامل معاها الاخوه الذين اعرفهم ويعرفونى فى امريكا وكندا والصين والامارات وهم عدد ليست بسيط وانا اعرف واعمل طول حياتى بالمثل البقول معرفه الرجال كنز وانا اعرف حقيقه الكثيرين من خيار الاخوه فى كل مكان عشت فيه وواخوان افتخر بهم فى كل مكان ووزمان والفئه الاخرى المستهدفه لمشروع الشقق الاخوه من التقيت بهم هنا فى الموقع سوداانيز اون لاين وهناك عدد من القراء ايضا ان كان لديهم فكره شراء وامتلاك عقار فى مصر وانا مستهدف الساده القراء من كتبوا لى فى الخاص او اتصلوا بى لمعرفه العقار ووالدراسه فى مصر المشروع سيكون مسجل فى الشهر العقارى ويكون هناك محامى ويكون هناك تعقدات ووكل شى عن طريق المحامى والمشروع يكون شركه مساهمه عن طريق الاسهم واو عن طريق البيع للعقار وكل شى بكتابه وعقودات ومحامى ومن الممكن تكوين لجنه متابعه من الاخوه الذين لديهم الرغبه فى امتلاك عقار فى مصر لماذا المشروع اولا شراء ارض وبناء شقق فى مصر يوفر حوالى 40 فى المائه من سعر امتلاك شقه تباع او تشتترى من مطور عقارى وتكون جاهزه ويكون فى الغالب البناء بناء تجارى بحت لتوفير المواد والكوالتى ممكن تكون مش ممتازه ولكن عندما نقووم بالمشروع تحت اشراف تيم متخصص فى الهندسه والمبانى والتشطبيات سيكون الشى الامثل والشى الجيد ثانيا ان اريد ان يكون اغلب الاهل والمعارف والاصدقاء ومن عرفت فى حياتى فى نفس المكان لان فى سن المعاش والكثير منا قريبا او الان فى سن المعاش ويحتاج الى مكان فيه بعض الاخوه من يكونوا له رفقاء درب فى السنوات القادمه ولماذا المشروع فى مصر لان مصر مستقره الان وهناك توفر العلاج والاطباء والتعليم للعيال لمن كان لديه عيال فى مرحله الدراسه المشروع ان نجح يوفر لك السكن المريح مع الخدمات الممتازه من قرب الاماكن لكل شى المشروع فى طور الفكره وممكن كل زول او اخ او عضو يدلو بدلوه فى الموضوع وانا متاكد ان هناك الكثير منا لديهم افكار ممتازه ممكن تكون نيره فى تتطوير الكلام ده عشان يكون فى ارض الواقع وانا فى انتظار الردود سوى كانت ايجابيه او سلبيه وان كان هناك تقبل للفكره ممكن نمشى الخطوه التاليه ان شاء الله تعالى وان كان هناك الرفض للفكره اقول للجميع العفو ووالعافيه ويادار مادخلك شر والله يعلم ماوراء القصد والحمدلله فقط كما احب الخير لنفسى احب الخير للاخرين
ما شاء الله همتك عالية .. ولك نظرة مستقبلية كبيرة .. ولكن لا أريد أهبطك أن المنبر كان لديه تجربة في مصر وتدافع الناس لها .. لكنها أنتهت بمشاكل رهيبة وأساءات متبادلة وتهم وخيانة .. والمشروع كان أظن شراء سكن إيجار وعربات أجرة لخدمة المرضي السودانين الذين يزورون مصر للأستشفاء .. أسأل عن المشروع في مصر سوف تجد له أثر بالذات من الأخوة السودانيين القدامي في سودانيزأونلاين .. راجعه لكي تتفادي السلبيات.
بريمة
07-17-2022, 12:16 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
Biraima M Adam اخى الغالى تحيه طيبه فىى البدايه كل عام وانتم بالف خير وكل من معك اخى انا طرحت الفكره وانا الفئه المستهدفه الاصدقاء والمعارف والاهل والاخوان من يعرفونى واعرفهم وبعض الاخوه من فى الموقع الجميل سودانيز اون لاين والشريحه المستهدفه فى نظرى وانا توقعاتى اشخاص اثق فيهم ويثقوا فى شخصى واعرفهم ويعرفونى ومن تعرفت عليهم من القراء من خلال البوستات التى كتبت عن مصر وفى الاساس ده مش شغل تجارى ده شغل بتاع امتلاك شقه لكل شخص يرغب فى المساهمه فى الفكره وولو نحجت التجربه ممكن الشغل بعد كده يكون تجارى انا اسنتهدف فقط 20 شخص فى المشروع الاول وممكن كل زول يكون عندو شقه فى حدود 190 متر مثال وممكن تكون التكلفه لو اشترى بره الان فى المهندسين المتر تسليم مفتاح بى 15 الف جنيه مصرى ممكن تتضرب الحساب والدولار بى 18.80 جنيه مصرى وتشوف التكلفه كم ممكن لو اشترينا ارض فى موقع ممتاز وقمنا ببناء ال 20 شقه تسليم مفتاح الشقه تكون فى حدود 90 الى 100 الف دولار فى فرق بتاع 50 الف دولار فى السعر بين انو نبنى برانا ولا تشتترى شقه جاهزه التضربيات اوليه ووالفكره عندى ليها سنوات ونفذت نفس الفكره فى الخرطوم فى عماره فى المنشييه فيها 8 شقق كلنا اصحاب وواخوان ووفرنا ملاين فى الشغل ده انا لا اعرض الفكره على 300 شخص الان انا عايز فقط 12 شخص جادين انا عندى 8 اشخاص من الاصدقاء والاهل وورحبوا بالفكره والشغل ده شغل خاص مش تجارى والله
07-17-2022, 12:34 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
دى الفكره نشوف مع بعض الارض دى مثال وممكن يكون فيها عدد من الشقق ودى تعتتبر ارض فى مكان 7 نجوم
قطعة أرض للبيع في بيت الوطن, التجمع الخامس ارض للبيع فى الحى الرابع بيت الوطن - التجمع الخامس نوع العقار: قطعة أرض مساحة العقار: 7,158 قدم مربع / 665 متر مربع الموقع Map بيت الوطن القاهرة, مدينة القاهرة الجديدة, التجمع الخامس وسيط said sanad said sanad true Aqar Share (70 عقارات) تفاصيل العقار للبيع بالحى الرابع بيت الوطن - التجمع الخامس بالقرب من النادى الأهلى قطعة أرض بمساحة 665م مدفوع 25% والباقى على 5 أقساط متساوية رخصة المباني بدروم وارضي وثلاثة ادوار وروف نسبة المباني :- 50% للدور الارضي 55% للدور المتكرر 25% للروف مطلوب : 1,700,000 للتفاصيل او الاستفساراتصل بنا على: إظهار رقم الهاتف مشروع بيت الوطن .. مشروع بيت الوطن هو أحد المشروعات التي تقدِّمها هيئة المجتمعات العمرانية الجديدة، التابعة لوزارة الإسكان والمرافق والتنمية العمرانية في مصر، والمشروع موجَّه خصوصًا للمصريين المغتربين المقيمين في خارج مصر، وذلك من أجل الترابط بين الوطن وأبنائه في الخارج، من خلال إتاحة أراضٍ لهم ولأبنائهم. ميزات مشروع بيت الوطن:- موقعه المتميز في التجمع الخامس قُرْبه من النوادي الكبيرة مثل: نادي البلوتنيوم، ونادي وادي دجلة. قُرْبه من مدينة الرحاب، ومدينتي. وجود مساحات خضراء كبيرة. يُعد فرصة استثمارية متميزة. إمكانية الوصول السريع لأي منطقة سكنية أخرى داخل أو خارج التجمع الخامس. نبذة عن مشروع بيت الوطن:- يملك مشروع بيت الوطن مواقع مميزة؛ حيث يقع في التجمع الخامس بالقاهرة الجديدة بين امتداد الرحاب ومدينتي، ويُحيط به من الشمال طريق السويس، ومن الجنوب شارع الشيخ زايد، ومن الشرق الطريق الدائري الجديد، ومن الغرب كمبوند بالم هيلز.
07-17-2022, 12:49 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25113
سلام مصطفى فكرة ممتازة بلا شك لو لقت الاهتمام والجدية خاصة وأن مصر أصبحت قبلة الكثيرين للإستقرار فيها في ظل الظروف التي تمر بها بلادنا - كلام بريمة برضو ما ترميهو الواطة فعلا المنبر شهد مبادرات من البعض حول مشاريع محددة في مصر والنتيجة تخوين وشتائم بلغت عنان البورد. بالتوفيق
07-17-2022, 02:05 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
حيدر حسن ميرغني اخى الغالى كل عام وانتم بخير اخى حيدر والله انا كلام اى زول من الناس البترد على العين والراس وانا مستهدف الناس من يثقوا فينى وواثق فيهم وهم كثيرين والله والله انا ما فى حوجه عشان اعمل اى شى غلط وعشان اشتم زول ولا زول يشتمنى والله وواهم شى يكون فى ثقه بين الناس والله وانا مستهدف المعارف والله وكل من اعرف ووكل من يثق فينى وواثق فيه وعندما تصبح الفكره حقيقه ربما الكثير من الاخوه يفكروا فى ان يكون هناك مشاريع اخرى السوال لماذا ينجح اغلب الاجانب فى تكوين عمل وبزنسس مشترك ونفشل نحن السودانين والله لماذا الاجابه انو فى عدم ثقه ولا مش كده مع تحياتى
07-17-2022, 02:45 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2185
يا شيخ مصطفى يا حبيبنا تحايا و تقدير زى ما قال ليك الدكتور كلام بريمة دة قلبو كويس الراجل دة ما ساهل ..الكلام البقولوا نحن نقلبو سمرة و بنقرا ما بين السطور و نجيب المكبر كمان عشان يساعدنا المسالة م ثقة او تخوين ... نحن السودانيين المغتربين بالذات اضربنا من حكوماتنا مليون مرة و مشروع سندس و الوادى الاخضر يحكى عن دولارات ضائعة و شقاء عمر راح و دموع مسكوبة اى مغترب من الدول الاخرى لو بس رسل 500 ريال شهرى بيقدر يعمل شقة و لا سكن فى بلدو حتى الزملاء البنغالة عندهم مزارع و قصور ..و هم اقلنا راتبا و اجرا !!! و المصرييين بالذات عندهم عمارات مش شقة !!! ... و افيدك بان معظم زملائنا بكل سهولة اشتروا شقق بمصر المحروسة تمن هذه الشقق يمكن ما يجيب ليهم قطعة ارض ف مجاهيل الخرط وم !!! ( القطعة بتاعت الطا و الواو مقصودة هههه) و ناسنا استعانوا باهالينا بمصر و زى ما قلت اشتروا ف مجمعات و اصبحوا جيران و ارتاحوا و ارحوا .. و اولادهم بالمدارس و الجامعات .. .... طيب خليك عملى يا مصطفى و ابدأ .... دة بعد اذن الادارة و الزملاء و ارائهم و كنت سمعت ان تصاريخ البناء واقفة للافراد ..و ربنا يسهل القواسى و يسعد السودانييين و يريحهم دنيا و اخرة و يريح البريح السودانيين و يجزاه خير
مودتى و تقديرى
07-17-2022, 04:37 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
محمد بدرالدين الف شكر ليك اخى الغالى وانا والله ياخى ماعندى مشكله فى تصاريح البناء وانا مسجل شركه ولدى كل المستندات اللازمه للعمل فى مصر وانا شغال فى العقارات مايقارب من اربعه سنوات مع عشرات الشركات للمطورين العقارين فى مصر وعارف التكاليف الحقيقيه للشقق وغايتو انا عرضت الفكره ومنتظر السلبيات والايجابيات للموضوع وان نجح خير وبركه وان لم اجد الاشخاص من لديهم الرغبه الاكيده والجاديه مافى ما فى اشكاليه ممكن ابيع ليهم شقق من المطورين العقارين من اتعامل معهم وهى شقق مستوى عالى فى كبوندات جديده واقساط حتى 10 سنوات وتدفع 10 فى الميه فقط
07-17-2022, 02:52 PM
Abureesh Abureesh
تاريخ التسجيل: 09-22-2003
مجموع المشاركات: 30182
الأخ العزيز مصطفى ود رعيـة.. صباحاتك بخيـر.. أولا أتمنى لك كل توفيق فى مسعاك فى أى عمل تقوم به يا رب..
ثم
مبدئياً ما عندى إعتراض على الفكرة ومافى مانع لو فى مقدرتى لكنت أول من يشترى.. وأراك تقول ان القصد هم معارفك ومن يثقون فيك.. والمشكلة هنا ليست عدم الثقة الله لا جابها.. وأنا أشهد الله أن أكون زبون وأشترى قطعة أرض فى حلايب أو شلاتين.. وأرجو أن أسمع منك أن حلايب أرض سودانية أولاً.. ما ممكن زول يا ود رعية تشوفه يحاول يبيع (سيارتك) ولما تسأله يقول ليك إنه يتكلم مع من يثق فيه فقط.. :) طيب أنا الان اطلب 2000 متر على شواطئ حلايب.. وأضمن لك مية نفر من الناس .
أكثر شئ يحزننى هو مصر.. أرض الأولياء والصالحين والشعب الطيب الكريم المضلل بواسطة حكامه.. أكثر شئ يحزننى أن أن أكون بعيدا عنها وعدم التعامل معها بسبب حكامها وأعلامييها الذين لا يوفـرون وقتا إلا ويسيئون فيه للسودان وشعبه إن لمسوا منهم نزعة إستقلالية عنهم.. وأنا أتحدى أى شخص.. نحن ندع 6 مليار متر مكعب سنويا تذهب مجانا الى مصر من حصتنا.. ولكن لو فى أى يوم حجبنا هذه المياه فسوف يغزون السودان فى اليوم الثانى لأنهم يعتبرون هذه المياه حق لهم وليست سلفة كما كان الإتفاق. أنا أعرف موقفك الحرج الان ولا تقدر تقول أن حلايب وشلاتين مدن سودانية، مثل محمد عثمان الميرغنى.. وما دام لم تقل أنها مصرية فسوف أفهم أنك تعلم أنها سودانية.. السكوت يعنى ســودانية.. هذه ليست سياسة يا أخ مصطفى.. هذه حقوق.. حقوق. ولكن لو نطقت بسودانية حلايب وضرورة استرجاعها فسأكون أول من يدعو لمصر وللإستثمار فيها. تجربــــة: أركب تاكسى للتجربة أو باص.. وقول للمصريين انك ماشى السودان لأنك طولت من حلايب.. وشوف رد فعلهم.
تحياتى
07-17-2022, 03:34 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
Abureesh تحياتى وكل عام وانت ومن معك بالف خير ابوالريش والله حيرتنى والله كل ما افتح لى بوست بعيد السياسيه انت تجرجرنى وتدخلنى فى موضوع السياسيه وانا والله اكرهه شى اسمو السياسيه وكره القدم عليك يا ابوالريش الله يرضي عليك خلى البوست يمشى فى مصب انو يكون فى مشروع شقق للاخوه فى مصر ولا اقول ليك شى ممكن فى السودان عشان اكون ريحتتك من موضوع مصر مع تحياتى
مصطفى نور
07-17-2022, 04:25 PM
Abureesh Abureesh
تاريخ التسجيل: 09-22-2003
مجموع المشاركات: 30182
الأخ العزيز ود رعيــة شكرا والحديث انى كلما تفتح بوست أبوالريش يقلبه سياسـة يحتاج الى مراجعة.. يوجد بوستين فقط للدعاية لمصر وباقى بوستاتك التى تداخلت فيها كانت أما عن الأسفار او الحكم المفيدة...الخ. والحديث عن مصر والدعاية لمصر عندى هى عين السياســة.. طيب أيه رأيك هل الدعوة للتطبيع مع إسرائيل والإستثمار فيها سياسـة واللا ما سياســة؟ طيب إسرائيل لا تحتل أرضنا.. ومع ذلك نقول ان الدعاية لها سياســة!! أنت يا اخ مصطفى تتحدث الينا كسودانيين ووجهت حديثك للجميع، لذلك يحق لنا أن نقول رأينا.. ما ممكن دولة تحتل أرضنا، وتحلم، بل تعمل ليل نهار للأضرار بالسودان حتى يعود لإدارتها كما تدعى وتدرس صغارها فى المدارس أن السودان اساسا بلاد مصرية فرط فيها عبدالناصر.. وتعمل فى كل المحافل الدولية ضد مصلحتنا.. ما ممكن نقرأ لأحد اخوتنا السودانيين يدعو الى ترك السودان والعيش والإستثمار فيها وتقوية إقتصادها.. والله وما طالبنى حليفة لما قلت انت فى بداية هذا البوست وتكلمت عن حال السودان وقلت:
Quote: اعرض عليكم مشروع ربما يكون فيه الخير للكثير منا فى الظروف الراهنه فى السودان
والله العظيم فرحت واستبشرت لأنى اعتقدت انك تدعو لمشروع فى السودان يصلح "الظروف الراهنة فى السودان" فإذا بى مع الأسف أصاب بخيبة الأمل حين علمت ان الحل المقترح هو ترك السودان وشراء بيوت فى مصر والإقامة هناك.. فى الوقت الذى علينا أن نشجع الطيور المهاجرة للعودة والإستثمار فى السودان.. أو تركهم لتقديرهم على اقل تقدير. أرجو يا أخى مصطفى أن لا تضيق بالأراء المختلفة، فإن فى هذا المنبر ما لم تخالف قواعد المنبر فإن النقاشات مفتوحة بحرية تامة ولك كامل الحق فى تفنيد اراء الآخرين وليس إسكاتهم لمجرد الإختلاف. موضوع حلايب عندى ليس موضوع ترف سياسى كما تتراشق الأحزاب، وإنما موضوع وجود وإهانة مستمرة (وحقارة) ولو ما قدرت عمل شئ تجاهها فإن الأجيال القادمة ستعمل على ذلك.
07-17-2022, 04:48 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
سلامات الاخ مصطفي نور المشهور( بودرعية) يا اخوي مع احترامي لفكرتك لكن والله انا في تقديري دا شئ محزن شخص خرج من السودان بإرادة نفسه واختار يعيش خارج السودلن بإرادة نفسه هذا حق من خقوقه وهو حر في اختيارته. لكن يدعو ويشجع الآخرين من ابناء البلد لكي يشتروا شقق خارج السودان يا اخي دا كلام عجيب يا اخي السودان دا عيبو شنو ؟ طيب اذا كان هذا تفكير البعض من السودانيين . . السودان بتعمر كيف ومتين ومنو البعمرها ؟ يا اخي سودانا دا بتخلفه ومليشياته وعنصريتنا الضد بعضنا والحروب الدايرة في كل لفة دي . وصفوف الوقود والرغيف ومشاكلها الما ليها حد ي احسن للسودانيين من اي دولة تانية . انا بدعو وبشجع اي سوداني يشتري ويبني ويعمر السودان لانو في نهاية دي بلدك. مايمر به السودان من مشاكل وظروف في هذه المرحلة مجرد أزمة وستنتهي قريبا.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
Biraima M Adam
حيدر حسن ميرغني
محمد بدرالدين
Abureesh
محمد نور عودو
فيس بوك
تويتر
انستقرام
يوتيوب
بنتيريست