أجمل هتاف يوم 30....
ياقاتل ياسفاح ,,,ياصائد الارواح
ياصانع الاتراح,,,يانازع الافراح
سببت لينا جراح,,,مليت بيوتنا نواح
وين الشباب وين راح,, ,وين الشباب وين راح
ماقلنا سلمية ضد الحرامية,, ,,وسلام وحرية والدولة مدنية
وحكومة شرعية
منو الغدر بينا ,,,,وقلبوها نار حية, ,,,حقد وكراهية
انتو البديتوها ثورتنا خنتوها, ,,,بالدم سقيتوها بالنار حرقتوها
لوكنتو صنتوها بس ماقلبتوها, ,,,كان شفتو عزة عديل(عزة بفتح العين )
الغنى ليها خليل وبنات ملوك النيل,, ,,بلد الجروف ونخيل وساقياها موية النيل
وعطبرة وتوتيل, ,,كاسيها خير وحرير
كان شفتو عزة زمان, ,,بلد السلام وامان
من خيرة الاوطان, ,,,في قمة البلدان
بس انتو ياظلمة ياقاتلي الطلبة,, ,,جوا البلد قتله وبراها مرتزقة
قتلتوا اخوانا ثكلتوا اماتنا, ,,,بكيتو اخواتنا وافجعتوا جيرانا
حطمتو امالنا هديتوا احلامنا
الدنيا غرتكم والسلطة اعمتكم,, ,,,والقوة نستكم احكمتوا قبضتكم
غيرتو لهجتكم وبدلتوا كلمتكم
وجهتوا لينا رصاص والمدفع الرشاش,, ,والدانه فوق الراس او بالكجر نتداس
ماقلت ياخناس حتبقوا لينا اساس,, ,,وللوطن حراس
وين العهود يااااناس
الليلة ماخايفين, ,,الليلة يوم 30
بس انتو ياناسين, ,,,يوم الحساب والدين
من القصاص فارين, ,,,من الله وين رايحين من الله وين رايحين
.....
كلمات تهز الجبال.
الويل للبرهان
الويل للكيزان
الويل للسجان
الويل ثم الويل من غضب الديان.
#الثورة_مستمرة_الردة_مستحيلة
#حرية_سلام_عدالة
#نعم_للدولة_المدنية
#العسكر_للثكنات_الجنحويد_ينحل
#البرهان_كوز_وسخان
| |
عبدالقادر محمد
فيس بوك
تويتر
انستقرام
يوتيوب
بنتيريست