|
|
|
 Re: حميدتي يدشن تحالف جديد .. و ڤولكر في الجنين (Re: يحي قباني)
|
حميدتي يدشن تحالف جديد ..
و ڤولكر في الجنينة ..
و نحن نهتف في المنابر و نوزع على بعضنا صكوك الوطنية .. في انتظار المليونية (القادمة) ..
و السوشيال ميديا مشتعله بالتنافس بما قدمته كل منطقة في المليونية (الفائته) ..
سناريو حميدتي اعلاه .. سيناريو مخيف ..
و المصريين عندهم مثل بقول:
اللي سبق .. اكل النبق ..
| |
  
|
|
|
|
|
|
|
|
Re: حميدتي يدشن تحالف جديد .. و ڤولكر في الجنين (Re: هدى ميرغنى)
|
فات علي كاتب المقال أن يقول
أن هذا تحالف (أقليمي) ولن تكون له القدرة
علي الصراع في المجال القومي
ثم أن الخلاف بين حميدتي والبرهان والكيزان
مضخم شوية
ربما كان تفكيرا رغبويا
علي العموم
حتي الآن حميدتي في صف أعداء الثورة
مهما صرح و(غازل)
وهو أصلا زول ما عنده كلمة
ممكن يغير رأيه في أي وقت
ولو داير يبقي في صف الثورة فليطح بالبرهان وعسكريي الكيزان
ويوقف تهريب الدهب والأرتزاق بالجنود السودانيين
| |
|
|
|
|
|
|
|
|
|
Re: حميدتي يدشن تحالف جديد .. و ڤولكر في الجنين (Re: Nasr)
|
Quote: تحياتى أخى باشمهندس قبانى~
الأخبار السمحة دى بتجيبها من وين!
*واشغل أعدائى بأنفسهم… |
سلام هدى ..
ما عارف قرايتك للخبر كيف ..
انا شايف سيناريو واحد قبيح ..
لو انتي شايفه سيناريو اخر و هو بقاء حميدتي في دارفور .. فهو سيناريو اكثر قبحا لاننا سنفقد جزء عزيز اخر من بلدنا ..
| |
|
|
|
|
|
|
|
|
|
Re: حميدتي يدشن تحالف جديد .. و ڤولكر في الجنين (Re: هدى ميرغنى)
|
ما عارف الغرب لو انفصل حا يستفيد شنو ؟؟؟
حا تعتمد دولتهم علي شنو ؟؟؟
ما عندهم اي مقومات لبناء دولة ....
الجنوب لم انفصل قامت فيه حروب داخلية طاحنة
كل السياسيين كانو امراء حرب فاسدين
كمية سلاح كبيرة جدا مع المواطنيين
نفس ظروف غرب السودان ...
الانفصال حا يستفيدو منه امراء الحرب لا مواطن الغرب المغلوب على امره
| |
|
|
|
|
|
|
|
|
|
Re: حميدتي يدشن تحالف جديد .. و ڤولكر في الجنين (Re: ABUHUSSEIN)
|
عندما أنفصل الجنوب كانت كل القوي الحية وقبائلها في الحركة الشعبية
دينكا وشلك ونوير وقبائل إستوائية
قرنق ومشار ولام أكول
ومع ذلك تقاتلوا قتالا عنيفا بعد الإستقلال عن السودان
في دارفور حركات مسلحة من جهة وجنجويد من جهة أخري
ديل بيقولوا عرب وديل بيقولوا أفارقة
وبينهم أنهار من الدم أولريدي
طيب لمن ينفصلوا ديل بدارفور
دايرة درس عصر عشان نعرف الحيحصل شنو؟؟؟؟؟؟
| |
|
|
|
|
|
|
|
|
|
Re: حميدتي يدشن تحالف جديد .. و ڤولكر في الجنين (Re: Nasr)
|
غرب السودان
في قلب الثورةً
في الفاشر والجنينة وزالنجي وكتم وغيرها
هم في قلب الثورة ضد حميدتي وجبريل.
ومع بقية نسيج شعبنا السوداني. في نضاله المشروع من اجل الحرية والعدالة والسلام والتنمية والعيش الكريم
ودارفور فيها عبد الواحد. المعارض لحميدتي. ونظام الحكم القائم
بل وفيها موسي هلال. خصم حميدتي والذي يقول انه مع الثورة
**
حميدتي. غادر وعنصر قسمة لا جمع
واسالو. المجلس العليا لنظارات البجا الذي مزقه حميدتي اربا .. هذا باقرار المجلس نفسه
| |
|
|
|
|
|
|
|
|
|
Re: حميدتي يدشن تحالف جديد .. و ڤولكر في الجنين (Re: Nasr)
|
| Quote: ولو داير يبقي في صف الثورة فليطح بالبرهان وعسكريي الكيزان |
يعنى لو اطاح بالبرهان طوالي تعتبروهو في صف الثورة مثل ما حصل معه بعد اطاحته بالبشير؟
حميدتى مقاول و عندو اى شئ بثمنو و هو يستخدم اثمانه لصعود السلم الي اعلى و انت الحتكون عتبة في هذا السلم.
| |
|
|
|
|
|
|
|
|
|
Re: حميدتي يدشن تحالف جديد .. و ڤولكر في الجنين (Re: Mahjob Abdalla)
|
Quote: يعنى لو اطاح بالبرهان طوالي تعتبروهو في صف الثورة مثل ما حصل معه بعد اطاحته بالبشير؟
حميدتى مقاول و عندو اى شئ بثمنو و هو يستخدم اثمانه لصعود السلم الي اعلى و انت الحتكون عتبة في هذا السلم |
و الله يا محجوب .. مستغرب في حالة الاطمئنان من ناحية حميدتي ..
الرجل اطماعه اكبر من انه ينزوي .. و هو من يملك السلاح و المال الوفير .. و الدولة هشة منهارة ..
اتحدى ان الناس توقعت ظهوره بعد ذهاب البشير بهذه القوة ..
جاء و فرض نفسه بالبطش و العنف .. حتى ظن الكثيرين ان لولا حميدتي لقامت حرب اهلية !!!
اخشى بين عشية و ضحاها .. ان نراه جالسا على عرش السلطة منفردا .. و نحن ما زلنا نتسارع في السوشيال ميديا في نشر المليونيات و اللايفات و التنظير ..
السودان اصبح فيه 40 مليون سياسي .. كم منكم يا سياسيين يتذكر اسماء شهداء مليونية 21 اكتوبر و 6 ابريل دون الرجوع الى قوقل ؟
| |
|
|
|
|
|
|
| |
يحي قباني
هدى ميرغنى
Nasr
ABUHUSSEIN
الصادق يحيى عبدالله
كمال عباس
Mahjob Abdalla
بدر الدين الأمير
Yasir Elsharif
فيس بوك
تويتر
انستقرام
يوتيوب
بنتيريست