اشهر محلات امدرمان زمان ظرفاء امدرمان

كتب الكاتب الفاتح جبرا المتوفرة بمعرض الدوحة

مرحبا Guest
اخر زيارك لك: 05-11-2024, 05:17 AM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف للعام 2020-2023م

نسخة قابلة للطباعة من الموضوع ارسل الموضوع لصديق اقرا المشاركات فى شكل سلسلة

« | »
اقرا احدث مداخلة فى هذا الموضوع »

07-02-2022, 07:34 PM

مصطفى نور

مصطفى نور
تاريخ التسجيل: 05-13-2022
مجموع المشاركات: 4975

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

اشهر محلات امدرمان زمان ظرفاء امدرمان
ظرفاء امدرمان والله انا من امدرمان وبكتب عن ظرفاء امدرمان وناس امدرمان وكتبت قبل كده اطول موضوع عن امدرمان فى تاريخ المنتديات السودانيه بعنوان امدرمان حبى الكان والله لو انت من امدرمان وما اكلت زمان من طعميه عم حسين دنيا فى الشهداء فى مسطبه مدرسه الاسنان تكون ما من امدرمان وعمرك ما ذقت طعم الطعميه بالشمار الاخضر ولو ما اكلت زبادى عمنا يعقوب القبطي فى بيت ناس شيخ عجب تكون ما اكلت زبادي ولو ما اكلت باسطه عم بين برضة تكون ما اكلت باسطه ولو ما استجرت عجله من عوض كوج فى الشهداء تكون ما ركبت عجلات فى حياتك عجلات رالي المشهوره ولو ما اكلت لحم وسجق من عمك كايرو فى ود دروا تكون ما اكلت لحم ولا بتعرف طعم السجق تقول لى القوصي ولو ماشربت شعير عند برعي المصري تكون ماشربت شعير فى حياتك ولو ما شربت شاى بلبن فى قهوه يوسف الفكي تكون ماشربت شاي فى حياتك ولا جيت وجلست وعامل تفتتحيه وصفقتت الجرسون بعرفك انك ما من امدرمان ولو ما اكلت كبده وعدس فى مطعم الامير فى المحطه الاوسطي تكون ما اكلت كبده فى حياتك ولو ما شربت عصير منقه ولا شربت عصير برتقال ولا مليك شيك فرواله من خيرات فى المحطه الاوسطي امدرمان يكون عمرك ضاع ساكت ولو ما لبست جلابيه الخياط الخيطه ليك كان ابوي المرحوم عبدالرحمن احمدنور الشيخ المقلب بالانصاري تكون ما لبست جلابيه ولا بتعرف تلبس كان بخيط لكل من عبدالخالق محجوب وكل ال عبدالله خليل وكل ال الشبلي وكل ال كبيده وكل ال المهدى وكل ال ابو وكل ال احمد مكي عبده وكل ال ابوالعلاء وكل ال موسي مادبو ووكل ناس امدرمان واغلب دكاتره امدرمان ناس سمير ابارو وناس عمنا الطيب سيدمكي وكل ال دكتور الفاضل سعيد وكل ال الاحمير وكل ال منصور رمضان وكل ال دكه وكل ال الاحمديه فى شارع السوق وكل ابوغالب وكل ال سعيد عبدالنور وكل ال الازهري وكل ال عابدون وكل ال عوض عبدالرحمن حننين وكل ال مبروك وكل ال الشيخ صادق عبدالله عبدالماجد وكل ال عبدالمنعم النزير ولو ما لبست بنطلون ولا بدله خيطهم ليك الشيخ احمد الشيخ الرجل الظريف الذي كان محلو فى بدايه شارع ابورف من ناحيه سوق امدرمان وكان كل ظرفاء امدرمان يجلسون معهم اتذكر منه الدحيش وسيف الدسوقي والفنان عوض الكريم عبدالله والكثير من وجهاء امدرمان ولو ماحلقت شعرك عند اولاد فرحات ناس عباس فرحات وناس بدوي فرحات والسماني فرحات تكون ماحلقت شعر قبل كده ولو ماشربت شاي لبن مقنن عند قهوه عمك ابوشنب جوار الحلاق عباس فرحات تكون ما بتعرف تشرب شاي ولو ما اكلت عيش بلدى من طابونه العيش الجنب التمنه فى المحطه الاوسطي يكون عمرك ما شفت عيش بلدى ولو ما اكلت بسبوسه من عمنا الطيب سيدمكي تكون مابتعرف تاكل حلويات ولو ما اتصورت فى استوديو الوداي عند الهادى المصوراتي تكون ما بتعرف تتصور ولو ما صلح ساعتك لو بايظه عمك حاج فضل الله العرضي تكون ما لبست ساعه فى حياتك ولو ما اشتريت فواكه من ناس عمك جادو فى المحطة الاوسطي تكون ما اكلت فواكه ولو ما اكلت سمك فى المورده عند السوكي ولا شعيب تكون مابتعرف تاكل سمك ولو ما جيت ماشي بصننيه محطه مكي وسلم عليك جبريل بتاع الحركه تكون ما يتعرف ذوق ناس الحركه زمان ولو ماهزر معاك ودالخولي فى شارع مكي تكون ما من امدرمان ولو ما سمعت نكات ود نفاش تكون ما من امدرمان ولا ما شفت السميح ولد شارع ابورف تكون ماشفت زول سمح اخلاق وظريف ولو ما وقعت فى كره القدم واتفكت رجلك ووشالوك لي بت بتي رجعت ليك الفكك تكون مالعبت كره قدم لو ما اكلت فول من دكان عمك احمد المصري فى شارع الدكاتره تكون ما اكلت فول ولو مرضت وكان دكتورك بتاع الاطفال دكتور فواد تكون ما طفل عادى ولو ما طهرك اسماعيل الطهار تكون ماعارف شنو ههههه ولو عندك عرس ولا مناسبه وماغني فيها الفنان الذري ابراهيم عوض تكون مابتعرف تجيب فنان والان نكتب عن بعض ظرفاء امدرمان ظرفاء امدرمان عمنا الراحل المقيم احمد داؤد الرجل الذي كانت لاتفوته دافنه في المقابر فى كل انحاء امدرمان وفي يوم كان يقف في بوابة مقابر احمد شرفي عصرا فساله احد الماره. ... (خبر ولا دافنه ياعم احمد ) ... فرد عليه (خبر وجاين ندفن التلغراف) ... رحم الله العم احمد احد ظرفاء امدرمان مره عم احمد دواد جاء ماري بدكان الوالد عبدالرحمن الانصاري مستعجل قام الوالد ساله مالك مستعجل كده ياحاج احمد قال للوالد والله ماشين نحرق هندى من تجار امدرمان مات وماشين غرب امدرمان عشان نحرقه وانا عايز الحق لانو متحركين من النادى الهندى فى حي العمده الان وخايف ما احصل من ظرفاء امدرمان العم خوجلي الذى كان مشهور عنه انه ياكل الاخضر واليابس فى امدرمان ويقال انو اصبتوا دعوه وواحد من الشيوخ قال ليه ان شاء الله تاكل ماتشبع اظنو نفس الشيخ دعي على الحراميه ناس البشير قال ليهم ان شاء الله تسرقوا ماتشبعوا وسرقوا البلد كلها ههههه نرجع لموضوع عم خوجلي والله ان اتذكرو كان رجلا نحيف يشتغل حمالي فى السوق عندو حمار من القصص الانا متذكرها عنو انو مره كان عند الساده الاحمديه فى شارع السيد على الميرغني جوار بوابه ناس ابوالعلاء حوليه المهم جاء عم خوجلي وربط الحمار ودخل شافوا عمنا حسن السيد زعيم الاحمديه فى ذلك الوقت قام قال ليه يا حاج خوجلي والله المعزايم كثيرين اليوم عشره صحون فته مدنكلات حقتك براك ويزيدوا ليك اللحم شويه طبعا عم خوجلي على مضض وافق وقد حصل انو ضرب العشره صحون فته ومعاهم شاي مدنكل ووانصرف القصه الثانيه ذكرها لى ابوي عبدالرحمن الانصاري قال لى مره فى شاب شغال فى فرن فى سوق امدرمان ووهو من اولاد القري وجاي امدرمان كرت كرتونه فى فرن وواول يوم يشتغل جاب طاوله عيش بلدى سخن من الفرن بالعجله لي سوق امدرمان ووجنب سوق التمور وقف يبيع فى العيش المهم ما باع امكن خمسه عيشات جاء عمنا خوجلي ماشي بحماره قام فى زول قال ياعم خوجلي رايك شنو فى العيش البلدى السخن ده عمنا خوجلي قال والله ريحته ضاربه من بعيد شي سمح بالحيل المهم قال الرجل لعم خوجلي فطرت قال ليه لا والله قام المهم قال للعم خوجلي اه بتاكل كم عيشه عم خوجلي قال ليه والله كان اتوهطت فى واطه الله دى باكل الطاوله كلها قام الولد بتاع العيش مفتكر عمنا خوجلي كضاب قام قال ليه والله تاكلها كلها انا ماعايز منك ولا مليم المهم قام فى وواحد عمنا تاني كان فى طاوله تانيه فاضيه كان الولد مغطي بيها العيش عشان مايبرد اشتري لعمك خوجلي ملوه بتاعت تمر قنديله سمح وعم خوجلي دور فى الطاوله عيشه عيشه ومعاها تمرتين وجنبو جك مويه المهم عمك ياكل وياكل وياكل فى العيش البلدى والتمر القنديله ويشرب مره مره جقمه مويه والولد سيد العيش بقي منطط عيونه وماقادر يصدق انو عمك خوجلي قرب يكمل الطاوله ولما خلاص الطاوله قربت تكمل الولد سيد العيش قعد يبكي وقال للجماعه الليله انا اعمل شنو مع سيد الطابونه ويبكي والجماعه يضحكوا فيه وقالوا ليه انت مش قلت عمك ده كان اكلها انت ماعايز قروش منو المهم الولد لما اتجرس الجماعه الحاضرين القصه لموا ليه قروش الطاوله كامله وكمان زياده شويه وقالوا ليه تاني اعمل حسابك لو شفت عمك خوجلي ده اوعك تهزر معاه القصه التاليه عن هلال مريخ ذكرها لى الوالد عبدالرحمن الانصاري قال مره المريخ غلب الهلال 2 صفر وجاب القوننين اللاعب قله بتاع المريخ المهم فى وواحد ببيع قلل فى سوق امدرمان وجاء وواحد مريخابي ماشي جنب بتاع القلل وشاف وواحد بعرفه هلالابي موت كان دكانه جنب بتاع القلل وقاعد فى كرسي بره الدكان و شايل ليه عكازه عشان اى زول يتكلم معاه ولا يشغلوا بموضوع الكره والهلال والمريخ يقوم عليه بالعكاز المهم الزول المريخابي ذكي شديد وداهيه جاء لبتاع القلل وقال بصوت عالي عليك الله اعزل لى قلتتين سمحات كده عمك الهلالابي فهم الموضوع وقام بالعكاز كسر القلل كلها وهاج فى الزول المريخابي والناس قعدت تضحك وقام بعد ما القصه هدات دفع قروش كل القلل كانت ناس ظريفه ووايام جمليه والله ولى عوده مره اخري اموت ركن تقال هذه العباره من قبل الشباب حين يشاهدون بنت جمليه تمر أمامهم. وعبارة (أموت ركن)، مصدرها أم درمان، لان الباسطة التى فى ركن الصينية اكبر من غيرها من ذوات الحجم العادى، ولان صينية الباسطة توضع غالباً فى شكل مائل، فكل العسل كان يتركز فى الركن، لذا كان الصبية يقولون لمن يود شراء الباسطة: موت ركن يازول وعمنا (بيّن)، بائع الباسطة الشهير كان يتضايق عندما يطلب البعض الركن فى رأس الصينيه ويقول: ـــ لا والله دى حاجزنها لى زول..! لان اخراج الركن فى أول البيع، يشوه منظر صينية الباسطة الجميل، وعادة من يطلب الركن يكون من غير اولاد امدرمان، لان اولاد امدرمان يعرفون ان (عمنا بيّن) كان يتضايق من هذا الطلب ... الصبيان الجرو الصبيان الجرو سابوا عروضهم هملوا يا يمه .. ساعة الضرب مابيحملوا.. قصة الاغنية دي قال ليك طبعاً زمان كان في عداء رهيب بين ناس ودنوباوي وناس ابوروف .. كان مافي زول من من ناس ودنوباوي بعد المغرب بيجي شاقي ابوروف والعكس .. لانه كان بيتضرب لما يشهوهو العافيه اها يوم واحد من اولاد ودنوباوي عايز يعرس بت من بنات ابوروف .. والسيره كانت بالكرعين طبعاً جايه من ودنوباوي والحكامه قدامهم بي دلوكتها .. بس اول ما دخلو ابوروف لمو ليك فيهم اولاد ابوروف دقوهم ليك دق العيش .. يلا اولاد ود نوباوي قاموا جارين وسابو النسوان ومن ضمن الخساير كانت الغنايه كراعها اتكسرت .. فشالوها دخلوها بيت خالد ابو الروس جبرو ليها كراعها .. يلا قامت قطعت الغنيه دي نبذ لي اولاد ود نوباوي وقالت ليهم الصبيان الجرو سابو عروضهم هملوا ساعة الضرب مابيحملو اللذيذ في الموضوع انو لما الاغنية اشتهرت وطبعاً اتبناها خالد ابو الروس قاموا ناس الامن زمن نميري جوهو في البيت .. لانو كان في مقطع فيها بقول ( ساعة الضرب اصبح شديد .. التقيل فات السوق الجديد ) يعني السمين فيهم جري لمن فات السوق الجديد .. فقاموا قالو ليهو ياخ منطقة السوق الجديد منطقة الرئيس فعيب تكون في الغنيه .. فقام غيرها وعملها ( التقيل فات المهر العنيد ) وفيها مقطع لذيذ جداً بتقول ليهم فيهو ال فذو من خوف ما غبايا !!؟ ديل قمحو عشم الولايه اطروني ساعة الحاره جايه بي ( صدري ) ببقالكم حمايه والشي الغريب انو اولاد ودنوباوي عاجباهم الاغننيه دي وحافظنها وتلقاهم في الحفله يرقصوا ويتنططوا فيها وهم ماعارفنها اساساً نبذ ليهم الا رحم الله ظرفاء امدرمان اجمعين ولي عوده مره اخري مع تحياتى مصطفى نور (عدل بواسطة مصطفى نور on 07-02-2022, 08:50 PM)

07-02-2022, 07:54 PM

حيدر حسن ميرغني

حيدر حسن ميرغني
تاريخ التسجيل: 04-19-2005
مجموع المشاركات: 25108

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: اشهر محلات امدرمان زمان *ظرفاء امدرمان * (Re: مصطفى نور)

بوستك شيَق كالعادة

Quote: والشي الغريب انو اولاد ودنوباوي عاجباهم الاغننيه دي وحافظنها وتلقاهم في الحفله يرقصوا ويتنططوا فيها

عاادي ياخ

ياخي ناسنا في عطبرة كانوا برقصوا في اغنية " الوليد الضيف غرَقتنو كيف" كان يغنيها مصطفى مضوي هي اغنية بكائية كُتبت في ولد ضيف غرق في الاتبراوي او النيل

07-02-2022, 08:14 PM

مصطفى نور

مصطفى نور
تاريخ التسجيل: 05-13-2022
مجموع المشاركات: 4975

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: اشهر محلات امدرمان زمان ظرفاء امدرمان (Re: حيدر حسن ميرغني)
حيدر حسن ميرغني اخوي الغالي حياك الله وكل عام وانتم ومن معكم وكل الاهل وناس المنبر بخير والله اخوي الغالي حيدر حسن ميرغني انت من الذين يفتحوا شهييتي للكتابه والله دائما اعرف انك من الذين سوف يردوا على البوستات لك مني جزيل الشكر وخلينا نشوفك فى ام الدنيا مصر انت ومن معك من الاهل والله البيت بيتكم والله العظيم دمت انت ومن معك بالف خير واهديك ياريت .. ياريت ياريت من اول وريتنا أنك يمكن تتأخر يوما كان غايتو اتطمنا شوية وبحرك يالليل وطغنا نجومه بيقولوا الغايب عذره معاه وفى غيابك يامانشيل اللوم مرت لحظات …….. وكمان ساعات طالة وحياتك منتظرين لو وشوش صوت الريح فى الباب يسبقنا الشوق قبل العينين ونعاين الشارع نلقاه غارق فى دموع المغلوبين العيد الجاب الناس لينا ما جابك يعني نسيتنا خلاص … مع انك انت الخليتنا نغني الحب ذكرى واخلاص صبحت دمعتنا وزادتنا كدا حاول اعرف لينا خلاص شال النوار ظلل بيتنا من بهجة فضلنا وحاتك منتظرين شوف وين روحتنا وديتنا وين مع تحياتى مصطفى نور

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]