|
πشلبونا أولاد الهمباتة..سرقوا نعلات القحاتة»
|
05:08 PM July, 01 2022 سودانيز اون لاين دفع الله ود الأصيل- مكتبتى رابط مختصر ♧ ♧ لست مجنونًا، و لكن جئتُ رغم أنفي £ (دفع الله ود الأصيل) « أحاجي رمزية» «نوادر من بيت كلاوي الهمباتة» ***^^^((((1))))^^**** 《الجنا العلم خالو فتون الهمبتة》 ▪نادرة تحكي أن شقيقةً لأحدهما لعله يكون طه الضرير الملقب ب( الشنفرة ) أو الطيب ود ضحوية (تابط شرا)، كانت تلح إصرارن على أخيها أن يأخذ ابناً لها ليعلمه لها فنون الحرب و مضارب الهمبتة.
▪》و لكن ولدها كان درفوناً سَمِّح و جناياً عاجباه صبينتو بلحيلو شام ريحة صناحو و مو رضيان من لهفة أمو عليه . فكان لديه رأي آخر . شايف فيها منقصه ليه و عدم عرفة ببواطن أمور ولدهاو متل ما قالو سدور الرجال صناديق مقفلة بطبلة سوكرتية.
▪》في يوم خالو ردفو وراه وساقو شايلين السافل كدي قالو حاريين لهم كتلة في حركة أبلاً كدي جيهة صفاق جبل الللبايتور داك قالو ناويين يهمبتولم منهن خمشة. و هم سايرين بعتامير خلاهم داك ساااه لمن نزلولم في تايةً فوق الدرب ، قالو يهجسو فيها شوية.أهاوكتين قريب البياح كدي عمك الهمباتي جاتو صحية قام يتسير و يكطع الجُمار، كجر هدمو و صنقر هنوك. و بهنا الجني كان صاحي مراقبو ليك عويناتو يبرقن وممممر شرار شرار، متل أبو الصقير الجارح.
▪》تقوم إتا يا عشا البايتات و مُقنع الكاشفات براحة تتسرسق متل أبو سعيفة و تشيل مركوب خالك و تعرقو تجيه معوقب بوراه تخت لو النعال تحتو تتلقابا الفسحة. و من حيسك تقوم طاير مكربت بالبعير عري سااه برا بديد؛ شايل الليل دا حيح شيتن نهضي و شيتن كربتيت.لمن صبح عند أمو ختاهن ليها قداما .
▪》أمو خمشت الرماد أتشكحت بو عملت عوضية ردحي و حنان سكلؤب: الليلة ووووب علي ،أخوي كِتِل. ولدا قاللها: يمة خلي المناحة دي أخوك شديد ما عندو عوجة ؛ لكن كدي هاك شوفي هاك ديل حاجات و متعلقات أخوك الكنتي دايراه يعلمني ليگ الهمبتة، هدا بعيرو و شمي مركوبو مليان تب ب(فسحتو). أها أرجيه يجيك راجع گداري و حفيان. دا بس أشان تٱمنن ولدك الخايفة عليه ماني هين و لا ني ع لين أدلات تبش . إرووق بامبي!!!
ود ال ح ي ش ا ن التدت ل ا ت ة مؤذن محجور منزليا بجزيرة مالطا
(عدل بواسطة دفع الله ود الأصيل on 09-05-2022, 03:39 AM)
|
|
|
|
|
|
|
|
|