غاب السودان، عن المشاركة في اجتماع دبلوماسي لكبار المسؤولين في الدول الموقعة على اتفاقيات “أبراهام”.
ولم يشارك وفد من الخارجية السودانية في الاجتماع الذي استضافته البحرين اليوم، والذي ضمن سلسلة جولة الرئيس الأمريكي جو بايدن للشرق الأوس للمرة الأولى منذ توليه منصبه.
وقالت مصادر دبلوماسية لـ”الراكوبة” أن الخرطوم لم تتلق دعوة لحضور الاجتماع رغم توقيعها على الاتفاقيات.
شارك في الاجتماع كبار المسؤولين الدبلوماسيين في الولايات المتحدة الامريكية وإسرائيل والمغرب والإمارات والبحرين ومصر التي أبرمت اتفاق سلام سابق مع تل أبيب عم 1979م. ال رئيس مجلس السيادة عبد الفتاح البرهان، خلال لقاء تلفزيوني سابق أن العلاقات مع إسرائيل ليست “مجمدة أو منقطعة” .
ورغم ذلك أكدت المصادر أن الخارجية السودانية لم تتلق دعوة لمثل هذا الاجتماع أو غيره في أوقات سابقة.
06-27-2022, 07:07 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
عمر قمر الدين واقف وراء نصر الدين عبد البارى لحظة التوقيع على إتفاقية أبراهام! فى اللقاء - الفيديو مرفق - قال ما عندهم علم! طيب كان يقول ما كان عندنا علم فى الأول لكن فى يناير 2021 وقفنا عديل خلف نصر الدين عبد البارى عند التوقيع *فى الفيديو المرفق من الدقيقة 22:55 إلى الدقيقة 25:01
06-27-2022, 08:36 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
تحياتى العزيزة دكتورة نعمات~ أمونة طوالى تقول للجماعات "ناشطين" ، أنا فى نظرى الوزراء والمجموعات الجابوهم وقتها من خارج السودان "معظمهم" ولاءهم للمجتمع الدولى وبنكه وصندوقه. وحأفضل أبدًا زعلانة من التعويضات القلعوها من خشم أطفال الشعب السودانى ، مع ملاحظة إنه المتهمين ما سودانين وناس حمدوك ومنو ومنو ما كلفوا نفسهم يقولوا لا ما بندفع عايزين محكمة عادلة ونجيب محامين ونشرح وجهة نظرنا بالعكس دكتورة هبة قالت استعجلوا لقطوا القروش ، طبعا قبل بتاع المافيا رجل الأعمال ، ريئس الغفلة فترته ما تخلص. 335$ مليون دولار! والقتلة الكيزان قتلوا الشعب السودانى وهربوا أموال السودان فى حساباتهم خارج السودان ، ونحن الشعب المسكين ندفع تعويضات عن نظامهم! وكمان ترمب قال حتى ال 700 مليون إعانة السودان زى باقى الدول أيام الكوفيد، قال يدفعها تعويضات لناس سبتمبر 11، كويس إنها ما شالوها. وهسه القروش محرومين منها بعد قلعوا قروشنا وكان إبتزاز ليس إلا لإنه الإرهابين لسه قاعدين - أمروا الجماعات الولاءها للمجتمع الدولى أدفعوا عشان نشيل إسم البلد الإسمها من قائمة الدول الراعية للإرهاب وما علينا بالإرهابين (دا منطق شنو دا!)- طوالى حمدوك وهبة وغيرهم نفذوا عشان يختوها فى سيرتهم الزاتية "رفعوا السودان من قائمة الدول الراعية للإرهاب😀) …فقيد الأمة جون قرنق قال فيما ما معناه إنت كان ما أديت فرصة ما فى زول بيطلع فى رأسك (كتبتها بتصرف)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هدى ميرغنى
نعمات عماد
فيس بوك
تويتر
انستقرام
يوتيوب
بنتيريست