نرجو من بورداب الخرطوم يفيدونا خروف الضحية بكم...ويكون أفضل اذا حولتوا لينا سعر الخروف من الجنيهات السودانية إلى الدولار ..لانه حكاية بالقديم او الجديد بتلخبط راسنا لأننا فكرنا نرسل قيمة ١٠ خرفان وتوزيعها على الفقراء والمساكين ... وجزاكم الله بالخير ... وكمان نريد أن نعرف متوسط مرتب الموظف الحكومي في الشهر كم...عشان نعرف ونقارن هذا المرتب ونسبته بسعر الخروف ونشوف نسبة الغلاء .... وشكرا مقدما ...
06-27-2022, 05:28 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
سلام عليكم الشريحه الاكبر من العمال والموطفين مرتباتهم فى متوسطها اقل من 100 الف (60-80) والعمال بعضهم اقل من 50 الف . اسعار الاضاحى سب الحجم والنوع تتراواح بين 50 /55 الف الى 150 الف يعنى متوسط تقريبا 75 /80 بيكون خروف ضحيه محترم لاصغير ولا كبير . الاسبو القادم (ماقبل العيد مباشرة) مع قبض المرتبات هل ستثبت الاسعار ام ترتفع ؟ . دى معلونات مسح عام الاسبوع الماضى اعتقد ممكن الاخوة صلاح زبير والنزى ممكن يكون عندهم اضافات او تعديل لمعلوماتى دى ربنا يوفقكم لفعل الخير تحياتى
شكرا عاصم على هذه المعلومات ... يعني ممكن نقول أن مرتب الموظف يعادل سعر خروف واحد اذا كان متوسط سعر الخروف ١٠٠ الف جنيه بس ما وريتنا ال ١٠٠ الف جنيه دي ...بالقديم ولا الجديد ... يعني اذا قلنا الدولار بيساوي ٥٤٠ جنيه على حسب ما سمعنا ...فكم سعر الخروف بالدولار اذا سعر الخروف ١٠٠ الف جنيه ....هل نقسم ال١٠٠ الف على ٤٥٠ معلوماتنا الرياضية صفر ...واصلوا من زمان من مرحلة الأساس بنكره مادة الرياضيات لان استاذ الرياضيات كان لئيم ويبهدلنا اذا غلطنا في اي مسألة ...
06-27-2022, 06:02 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
شكرا مرة ثانية وقسمنا ال١٠٠ الف على ال450 وطلع لينا قيمة الخروف حوالي ٢٢٢ دولار..... برضه ارخص كثير من سعر الخروف هنا في بلاد العم سام .. وطبعا ما بنقارن لان الدخل هنا عالي شديد وما ممكن طبعا يكون مرتب الموظف هنا يساوي سعر الخروف. لك الله يا وطني املنا كبير في ان يوم ٣٠ يونيو سوف يغير شيئا في الحالة الراهنة
06-27-2022, 07:24 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
سلامات امتثال.. فى رأيى لو لقيتو نصيحتى مفيدة.. 10x200 = الفين دولار.. هذا المبلغ يشترى عدد 10 دوكة مع لوحاتها الشمسية.. (الدوكة تعمل بالطاقة الشمسية) من الصين.. وتساعدوا عشرة أسر متعففة تفرحون اطفالهم كل العام.. بدل يوم او يومين.. والأضحية غير واجبة أساسا والناس تضحى عشان يفرحوا الأطفال ولا يشعرون انهم أقل من اطفال جيرانهم.
06-27-2022, 10:59 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
Quote: وقسمنا ال١٠٠ الف على ال450 وطلع لينا قيمة الخروف حوالي ٢٢٢ دولار..... برضه ارخص كثير من سعر الخروف هنا في بلاد العم سام ..
شايف فى مصر سعر الخروف الخروف السودانى حوالى 2200 جنيه مصرى (حسب اسعار جمعيات خيريه شغاله فى مشروع يعرف بصك الاضحيه تشنرى الصك اللى هو سعر الخروف تلتو لصاحب الاضحيه -يستلم اللحم جاهز -والتلتين يذهب باشراف الجمعيه للاسر الفقيرة )ظروف السودان كانت محتاجه مجهودات منظمات طوعيه خيريه فى الجانب دا
06-27-2022, 11:18 PM
زهير ابو الزهراء
زهير ابو الزهراء
تاريخ التسجيل: 08-23-2021
مجموع المشاركات: 8137
الاخت الكريمة لك كل التحيا في مجموعة من الاصدقاء في سلطة عمان ارسالوا ما قيمته خمسة وثمانون الف للخروف الواحد لعدد 25 عائلة منذ ساعات وهذا السعر الواقعي حسب سعر الخراف الان في السوق عسي ان اكون قدمت ما هو مفيد
عزيزي ابو الريش ما فهمنا حكاية الدوكة دي شنو ؟؟ وبتعمل كيف بالطاقة الشمسية ؟؟ مزيد من الشرح يكون افضل.. وبعدين كلمنا حكاية الشحن والضرائب في مطار الخرطوم ....ناهيك عن السرقة في المطار ....وبعد الدوكة دي تصل يسرقوها عمال المطار ..... والله يديك الصحة والعافية
Quote: مزيد من الشرح يكون افضل.. وبعدين كلمنا حكاية الشحن والضرائب في مطار الخرطوم ....ناهيك عن السرقة في المطار ....وبعد الدوكة دي تصل يسرقوها عمال المطار ..... والله يديك الصحة والعافية
هلا إمتثال.. ختيتينى امام مسؤولية.. سرقات وعمال مطار...وجمارك.. و عشان حل المشكلة دى الشحن لازم يكون تسليم الباب. يعنى ما يختوها فى سوبا وينادوك تشيليها.. فيها زيادة شوية لكنها أضمن طريقة.. وأدينى يومين تلاتة أنجض ليك الموضوع وأوصلك بمكتب أخ سودانى من أفضل الأخوان هناك. عنده مكتب فى مدينة إيوو.. نفس المدينة اللى كنت شغال فيها يديكم المعلومات المحددة والأسعار.. أنا عندى سنتين ما مشيت الصين وما أظن ماشى قريب دا.إحتمال فى أكتوبر لزيارة معرض كنتون.. رحم الله زميلنا كنتونا الذى كان يعمل هناك.. بس مع الأسف لسة أونلاين عشان الكرونا .. وفى معرض كنتون (قوانجوو) للصناعات الصينية ممكن تلقى المنتج دا بأنواع كثيرة وبنص السعر خارج المعرض.. صورة جوية للمعرض:
06-28-2022, 08:13 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
الأضاحي في السودان.. أسعار جنونية و"جلاكسي" الأعلى مرتضى كوكو - الخرطوم السبت 2022/6/25 01:59 م بتوقيت أبوظبي في الخرطوم مع اقتراب عيد الأضحى، يشكو تجار الماشية في السودان من ركود هائل في مبيعات "الأضاحي"، فيما يرجع مواطنون الأمر إلى ارتفاع جنوني للأسعار. يأتي ذلك في وقت يشهد فيه السودان أزمات اقتصادية متواصلة، فاقمت مشاكل المعيشة وهبطت بسعر صرف العملة. وامتلأت الميادين والساحات العامة في العاصمة الخرطوم بالأضاحي بحثا عن المشترين الذين فضلوا العزوف عن الأمر. وأدى هذا الركود في شراء خراف الأضاحي ووفرتها الكبيرة إلى مخاوف التجار من خسائر واسعة. وبحسب جولة أجرتها "العين الإخبارية" في أماكن بيع الماشية بالخرطوم فإن أسعار الخراف تبدأ من 50 ألف جنيه سوداني (صغير الحجم) وحتى 150 ألفا (الكبير زنة 25 كيلوجراما)، وهي مبالغ كبيرة مقارنة بالحالة المادية لأغلب العائلات في هذا البلد. البنك الدولي يدعم إثيوبيا لمواجهة "جفاف" غير مسبوق صندوق النقد: الاقتصاد الأمريكي يدفع ثمن زيادات جريئة لأسعار الفائدة يقول صالح التوم، 47 عاماً، إن أسعار الخراف هذا الموسم عالية للغاية وتفوق مقدرة الكثير من السودانيين، لا سيما أن هناك احتياجات ومستلزمات أخرى ضرورية في هذا العيد. وأضاف التوم -في حديثه لـ"العين الإخبارية"-: "قد لا نتمكن من الشراء هذا العام لأول مرة في حياتي، إنه أمر مؤلم للغاية". وكما جرت العادة، يتم عرض الخراف في الطرقات العامة والساحات ولا يتم التقييد بسوق محدد لتسهيل عمليات الشراء على المواطنين. وتحتضن العاصمة السودانية أسواقا مركزية ضخمة للماشية تقع غرب مدينة أم درمان في منطقتي المويلح وقندهار، ويرتادها صغار التجار والمواطنون. ركود مؤقت ورغم تخوفه من فشل هذا الموسم، رأى محمد الصادق -وهو أحد تجار الماشية في أم درمان- أن الركود مؤقت حيث اعتاد الكثير من السودانيين شراء الأضحية قبل يوم أو يومين من حلول يوم النحر. وقال في حديثه لـ"العين الإخبارية"، إن"أسعار الخراف مرتفعة مقارنة بالعام الماضي بسبب ارتفاع تكاليف الرسوم والأعلاف، ومن المتوقع ثبات الأسعار الحالية دون تسجيل زيادات جديدة عند حلول العيد. وأضاف أن أسعار الخراف هذا الموسم تبدأ من 50 ألف جنيه للأحجام الصغيرة، وتتفاوت الأسعار حسب الوزن والتي قد يصل بعضها إلى 150 ألف جنيه للأضحية ذات الحجم الكبير التي تعرف بـ"الجلاكسي". هروب للأقاليم ووجدت كثير من العائلات التي تسكن العاصمة الخرطوم نفسها مضطرة للاستعانة بجذورها في الولايات، يعني السفر وقضاء العيد هناك أو طلب إرسال لشراء أضحية نظراً لفارق السعر. وهذا كحال حاتم عبدالله -وهو موظف حكومي يسكن الخرطوم- إذ قرر قضاء عطلة عيد الأضحى مع عائلته في إقليم كردفان غربي السودان حتى يجد متنفساً من حجيم العاصمة وغلاء مستلزمات العيد. وقال عبدالله -في حديثه لـ"العين الإخبارية"-: "سوف أمزق فاتورة الخروف هذه السنة لأنني سآخذه مجانا من مرعى العائلة في بلدتي خارج العاصمة، لم يكن أمامي خيار غير الهروب من العاصمة، السفر أقل كلفة من احتياجات العيد هنا". ويتزامن عيد الأضحى المبارك هذا العام، مع أوضاع اقتصادية قاسية يعيشها السودان تجلت في ارتفاع مطرد في معدل التضخم وانخفاض في قيمة العملة الوطنية، مما خلف مستوى معيشة مترديا للغاية. ووفق تقديرات أممية فإن ثلث سكان السودان سيواجهون خطر المجاعة خلال العام الجاري نتيجة الجفاف والتقلبات في المشهد الدولي، في تحدٍ كبير يهدد فرحة العيد.
عزيزنا ابو الريش لسع انت ما شرحتنا بالتفصيل الدقيق ماهي الدوكة وكيف تعمل وما فائدة الدوكة وكيف تعمل بالطاقة الشمسية ... ولك الشكر .. وانا شايفة الصور الجبتها دي اظنها الواح الطاقة الشمسية ... والله يديك الصحة والعافية
06-29-2022, 08:24 PM
عمر التاج
عمر التاج
تاريخ التسجيل: 02-08-2008
مجموع المشاركات: 3428
السلام عليكم ورحمة الله.. الأضحية ما واجبة على الفقير ولذا فان الصدقة الجارية أفضل وادوم أجرا شاركوا في حفر ابار أو خزانات مياة أو حتى رافعة يدوية (كرجاكة) يشرب منه الإنسان والحيوان والطير
الدوكة انا بعرفها بالحيل يا محجوب لكن معقولة في دوكة بيشتغل بالواح الطاقة الشمسية ... واذا فعلا بتشتغل بالطاقة الشمسية تكون حاجة عظيمة ومفيدة جدا. انا ريفية بدوية قروية وما بت مدينة ...ونحن في القرية بنسميها الدوكة وبنسميها الصاج ... وهسع عندنا هنا في البيت صاج بالكهرباء لمن بت السيد النوبية تشتاق للقراصة النوبية بتستعمل الصاج الكهرباء .. وشكرا للمعلومة
06-29-2022, 10:15 PM
Abureesh
Abureesh
تاريخ التسجيل: 09-22-2003
مجموع المشاركات: 30182
Quote: وهسع عندنا هنا في البيت صاج بالكهرباء لمن بت السيد النوبية تشتاق للقراصة
بس ياها دى زاتها.. والطاقة الشمسية عشان تولد الكهربا دى زاتها لأن السودان مافيه كهربا زى نيويورك.. الفرق الوحين هو انه الصاج (الدوكة) مصممة بطريقة تستفيد من أى فولت كهرباء efficient .. وبرضه تأخذ وقت شوية أطول عشان لفة الكسرة تنجض.. لو لقيت صورة أجيبها.. هى اساسا مصممة لعمل scrambled eggs لكن الفكرة واحدة.
Quote: سلامات امتثال.. فى رأيى لو لقيتو نصيحتى مفيدة.. 10x200 = الفين دولار.. هذا المبلغ يشترى عدد 10 دوكة مع لوحاتها الشمسية.. (الدوكة تعمل بالطاقة الشمسية) من الصين.. وتساعدوا عشرة أسر متعففة تفرحون اطفالهم كل العام.. بدل يوم او يومين.. والأضحية غير واجبة أساسا والناس تضحى عشان يفرحوا الأطفال ولا يشعرون انهم أقل من اطفال جيرانهم.
فكرتك جميلة يا محمد ، لكنها في المكان والزمن الغلط ، طبعا انت تنطلق شئت ام ابيت من رؤية الفكر الجمهوري في الأضحية والمقال الذي يعاد نشره لنصف قرن في هذا المنوال ، ولكن الحمد لله الناس رغم العوز تجدهم اشد تمسكا بالسنة وبالعادات ....... يا جميل خلي الناس تعيد وتنبسط وتجتمع وتفرح ، وبعدين نشوف موضوع الطاقة برواقة ......... واصلوا وضحوا تقبل الله منكم جميعا ...... تحياتي
سؤال جانبي لاخينا ابو الريش لو سمحت صاحبة البوست ، واقترح ان يفتح فيها بوست منصل ( ابو الريش ) ايهما افضل الطاقة الشمسية ام نظام التخزين في بطاريات مع جهاز انفيرتور ؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة