سمعت بان احدهم قال انهم ان لم يحتفظوا بكراسي نهب السلطة والثروة فسيعود السودان لحالة الحرب.. وكانه السودان الآ ن سالماً آمناً ... مقولة هذا الموزنجي .. ذكرتني قصة صريع الشيطان والدنانير .. فقد جاء في الأثر ذكر أن عابدًا بلغه أن قومًا يعبدون شجرة.. فغضب وحمل فأسه وخرج ليقطعها.. فلقيه ابليس بالطريق وقال له: إن قطعتها عبدوا غيرها فارجع إلى عبادتك.. فقال العابد لابد من قطعها فقال ابليس اصارعك عليها .. فصارعه فصرعه العابد. ثم قال إبليس وهو مصروع : أنت رجل فقير ارجع إلى عبادتك وأجعل لك كل ليلة دينارين عند رأسك تتصدق منها وتصلح بها حالك ولو شاء الله لأرسل رسولاً يقطعها وما عليك بهم إذا لم تعبدها أنت. قال العابد نعم . فرجع لبيته فلما أصبح وجد الدينارين ثم في اليوم الثاني كذلك وفي اليوم الثالث لم يجد شيئًا .. فغضب وحمل فأسه وخرج ليقطعها . فعارضه إبليس كالمرة السابقة وصارعه.. فصرعه إبليس هذه المرة.. فقال له العابد : كيف غلبتك أولاً ثم غلبتني ثانيًا ؟؟ قال لأن غضبك أولاً كان لله تعالى وغضبك ثانيًا كان للدينارين..
** ومع المجاز.. فجماعة كارتيلات حركات دارفور المصلحة بأركويهم جبريلهم وتوم هجوهم وأردولهم وكوز دارفورهم الناكرها ، صارعوا ولم يصرعوا احداً لا اولاً ولا ثانياً .. وما أدخلهم الخرطوم الا ثورة وعي الشباب وتضحيات شهداء الوطن .. ولن يصرعوا احد ثالثاً .. لان خروجهم ابتداءاً من اجل الدنانير..
صورة رمزية للشجرة
http://
06-26-2022, 11:27 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
بقيت بتاع بلاغة كمان يا ود الزين :) المهم من ناحية نظرية كلامك صاح لكن الفرق المرة دي انهم ما ح يحاربوا الجيش و الدعم السريع البنهتف دا يرجع الثكنات و داك ينحل! فا اتوقع لما نمشي ليهم تعالوا حاربوا الحركات ح يردوا ببساطة - على طريقة البوليس بتاعة دي المدنية الدايرنها - عندنا نضافة ثكنات و ديلاك ح يقول عندنا ترتيبات حل, دا اذا ما كانوا اساسا في جانب الحركات دا البخلي الحركات تهدد بقلب قوي
06-26-2022, 05:22 PM
adil amin adil amin
تاريخ التسجيل: 08-01-2002
مجموع المشاركات: 36925
والقحاتة كيف يا قرد سلمان وشرد وين يا محلووج جيت بدون تمم عندي انا خلاس استملت البورد وقحاتك ديل لو جدعانهم برضو وجينا نحن اسياد الجلد والراس الختمية والحركة الشعبية وحركة نور وجبهة الشرق سمكرنا البلد وعملنا انتخابات بعد سنة نص وانتهي المولد ده مشكلتك شنو قحت لا تمثلني وبعاعيت مايو وقرود الموز وجهين لعملة واحدة ما نافعة يا كعوك امريكا و 9 طويلة الدولية ***** السودانيين ما فيران تجارب انت عملت وثيقة دستورية قعدت الجنرالات ديل 24 شهر في راسنا وجدعت دستور 2005 وحتي رؤية وعلم ودستور علي حسنين قبل يزح جنرالات واحد ترجع الاقاليم الخمسة فقط والمؤسسات ال11 للدولة السودانية ال7 ديل والمحكمة الدستورية والمراجع العام مع الدكلاريشن ووزارة التخطيط والتعاون الدولي واخر حاجة الحكومة المعفنة في المركزي دي ان شاء الله تجيبو عشة الجبل رئيس وزرا ما خاصينا بعد تتحر الاقاليم بي 7 طويلة دي https://www.0zz0.com
06-26-2022, 09:29 PM
محمد أبوجودة محمد أبوجودة
تاريخ التسجيل: 08-10-2004
مجموع المشاركات: 5265
Quote: من ناحية نظرية كلامك صاح لكن الفرق المرة دي انهم ما ح يحاربوا الجيش و الدعم السريع
من ناحيتة نظرية برضو يا ود البشرى هم من الأساس ابتداءاً ما كانوا بيحاربوا في الجيش والدعم السريـع... وكل مواجهة ليهم مع الجيش والدعم السريع كانوا فيها مهزومين.. الحركات المسلحة في دارفور مثلها مثل جنجويد الدعم السريع هي عصابات نهب وقطاع طرق ولصوص متخصصين في قلع وقتل المواطن الاعزل.. تجار دماء واثرياء حرب عملتهم السلاح.. ماعندهم اي وازع اخلاقي ولا مبدأ ولم يشهروا من اجل قضية او وطنية.. جلهم مرتزق كان مترزقيين من ليبيا وتشاد وأفريقيا الوسطى على دماء البسطاء من اهل دارفور.. ثم اصبحو مرتزقة في ليبيا على الدم الليبي . والان بعد الانقلاب اصبحوا يترزقوا من جيب المواطن. جبناء حتى في نهبهم وسلبهم للناس في شوارع الخرطوم تحت مسمى قوات نظامية او مشتركة يتسترون خلف فض المسيرات والمظاهرات لينهبوا المواطنيين هواتفهم واموالهم ، يميزهم " تمازجهم " وكدمولهم ومحدوديتهم وشغفهم لما هو في أيدى غيرهم.. حقاً كما قال وجدي صالح.. يشبهون بعضهم بعضاً .. متمازجين بجبريلهم ومناويهم وجنجويدهم واردولهم وتومهم وعسكوريهم..
وماف داعي للفيديو الفضيحة في اقتحام مباني قناة الحدث والعربية...
06-27-2022, 10:32 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
لكن يا ود الزين الفيديوهات دي لقوات نظامية عديل شرطة وأمن و دعم سريع قوات مشتركة دي ما مقصود فيها ناس الحركات قصة مشاركة جنود الحركات في فض التظاهرات لا اعتقد انها حقيقة ولم تثبت وكل المتداول مجرد جكي ولا صورة او فيديو واحد لجنود ا سيارات تتبع لااحدى الحركات
06-27-2022, 01:34 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: لو جدعانهم برضو وجينا نحن اسياد الجلد والراس الختمية والحركة الشعبية وحركة نور وجبهة الشرق سمكرنا البلد وعملنا انتخابات بعد سنة نص وانتهي المولد ده مشكلتك شنو
جقود .. تالله انك لفي ضلالك القديــم .. يا قديم انت من زمن الختمية والفتة ولحمة الرأس .. ولاد سيدك عملوا صنفرة وجلخ... ملصوا الجلابية والقفطان لبسوا من رمينيغيلدو زينيا و جوتشي وانت لسه مباريهم زي الطيــرة وراء السيرة..
تباً لك ..
https://www.0zz0.com
حبيبنا ود البشرى ..
مسألة الحقيقة دي اعتماداً على بيانات مؤسسات دولة الانقلاب فيها نظر .. لانهم في الوقت البتصدر بياناتهم بمقتل ممواطن واحد وقع من سقالة بيكون القتلى برصاصهم على الأقل 17 شاب.. كذا تقرير اعلامي تحدث عن انه حركة تمازج بتاع البغل الطاهر حجر مشاركة في القوات دي .. اضافة للاستعانة بغيرهم من حركات الموز .. زائد عليها كم تنظيم اجرامي تم تحريزه ويحمل افراده بطاقات الجبهة دي او غيرها من قوات ..
الشرطة والجيش ما بيلبسوا كدمول.
06-27-2022, 04:12 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا ود الزين الكلام دا ما قصة اعتمادا على بيانات الدولة, لا بالعكس الناس ادعت من اول يوم مشاركة عربات مناوي وطلع كلام ساي تاني قالوا العدل و المساواة شاركت برضو مافي دليل تمازج حولها تساؤلات كثيرة ولدرجة قيل انها مصنوعة صناعة, بالمناسبة لا تتبع للطاهر حجر و زولهم بتاع تمازج زعل قال استبعدوه من ترتيبات اجتماع الفاشر و هدد بالخروج من الاتفاقية و طبعا كلام ساي المهم الما بتدورو خاف الله فيه :)
06-27-2022, 04:24 PM
Kamal Alalla Kamal Alalla
تاريخ التسجيل: 10-14-2018
مجموع المشاركات: 191
الحركات المسلحة لا تستطيع ان تنتصر على الشعب السوداني ولو تمسك بسلميته ناهيك عن تسليح الشباب الشجعان ديل فشنو خلوهم يفنجطوا وينططوا ويهددوا ويصرحوا زي ما دايرين هو الكلام بفلوس لكن سلطة ليهم تاني مافي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
HAIDER ALZAIN
محمد البشرى الخضر
adil amin
محمد أبوجودة
Kamal Alalla
فيس بوك
تويتر
انستقرام
يوتيوب
بنتيريست