|
كتب الكاتب الفاتح جبرا المتوفرة بمعرض الدوحة
|
|
 Re: قمــرية قالـت للتــانيـة مـالـك .. إنتي لس (Re: يحي قباني)
|
الاخ القباني
تحيه طيبه
والله غايتو اليوم بيكون بتاع القماري فى الغناء السوداني يلا نشوف اكثر زول عندو شرك للقماري منو
من كلمات سيد عبدالعزيز
حبي بيك ليلتنا ليليه
حبي بيك ليلتنا ليليه
ليله كانت من جنان رضوان
ليله فيها الحظ بسم لي
والسعود حفاها بالرضوان
النجوم في سماها مدريه
بنور فوق نورها مطليه
بسمت بسمه الفرحان
اعتدال الطقس يخال لي
النسيم يمشي ويجيب لي
من روائح الورد والريحان
هي لاشك ليله قدريه
مناظرها ساكنه خمريه
حوت بهجه وحواري حسان
روائح انفاسك عطريه
هي ليله والا دريه
بعمرو يبدل الانسان
مناظر غاليه عطريه
حوت كل ايه شعريه
حوت بهجه ولطف وحنان
واشراقة طلعه قمريه
رشاقه جسمتها طريه
يجيك معنى الحرير اللان
بدت في حله دريه
زهت كزهور في زهريه
تمثل معرض الالوان
كأنها شعله نوريه
اتت في صوره سحريه
لتظهر قدره الفنان
اروم في طهاره علويه
بنور انوار سماويه
اضواء تسمو بالوجدان
المعاني الفيها مرويه
قليله ونسبتها شويه
في اوصاف زهرة السودان
| |
 
|
|
|
|
|
|
|
 Re: قمــرية قالـت للتــانيـة مـالـك .. إنتي لس (Re: مصطفى نور)
|
اغنية يا قماري سيد خليفه
أبني عشك يا قماري
قشة .. قشة
وعلمينا كيف على الحب
دارنا ينشا
رغم العواصف .. برضو واقف
ماليهو رعشه
علمينا يا قماري سر المحنة
وكيف بتبني ياقماري
من قشة جنه
وكيف تخلي الحب دوام فوق المظنة
وكيف نهلنا على مهلنا
حبنا الما فيهو غشه
أهي نجوى أم دعاء أم أماني
أم نداء لي أليف ليس داني
أم حنين ودعابة
أم صلاة مستجابة
أم تزيلي بيها وحشه
يا قماري هل طال يوما
بيك سهادك
وحبيبك هل غاب يوماً
عن ميعادك
هل قضيتي الليل ساهرة
ودموع خديك ظاهره
وضياء عينيك أعشى
| |
|
|
|
|
|
|
|
|
|
Re: قمــرية قالـت للتــانيـة مـالـك .. إنتي لس (Re: يحي قباني)
|
نحن راجعين فى المغريب
كالسواقي النايحه وسط الليل
حنين الدنيا ممزوج في بكاها
زي طيوراً
في الفروع محتارة بتفتش جناها
البيوت والناس بتسأل عن صبية
فارقت حلتنا زي طيراً غريب سافر عشيه
ما حرام ماضيك يصبح ليك أسيه
يا سلام لو كان جفاك بي حسن نيه
كنت نسيتنا الوصيه
المفارق عينو قويه
لا سلام منك وما منك تحية
للوراك خليتو عايش في الأسيه
قمت زي طيراً غريب سافر عشيه
ما قبيل وصوني يا حليل الوصيه
كت مكضب .. كنت ناسي
دابو صدقت المفارق عينو قوية
أوعه ليل الغربة ينسيك
ريحة الطين في جروفنا
والتميرات البهبن ديمة راقصات في حروفنا
والدعاش والغيم رزازاً في العصير
بالفرح بلل كتوفنا
أنحنا راجعين في المغيرب
للديار ما حد يشوفنا لا نشوفو لا يشوفنا
| |
|
|
|
|
|
|
|
|
 Re: قمــرية قالـت للتــانيـة مـالـك .. إنتي لس (Re: مصطفى نور)
|
بين القماري والعصافير والبلوم والخداري
كتب/ الصادق الطيب مختار
ارتبطت المفردة الشعرية في الأغنية السودانية بالعديد من مظاهر الطبيعة ومكوناتها. وكان للطبيعة أثر كبير في صياغة وجدان الشعراء والملهمين الذين بثوا كثيراً من همومهم ولواعجهم للطبيعة والخضرة والطيور والمياه وغيرها. ولعل الطيور بأنواعها أخذت حيزاً كبيراً ومثلت في عدد من الأعمال الشعرية الغنائية (بطل الرواية) في القصيدة الغنائية، ولم تكد تخلو قصيدة غنائية من مناجاة طائر أو تحميله الأشواق أو إرساله بالشوق المستعر من مكان وجود الشاعر إلى ديار الأحبة ومهد الصبا ومسقط الرأس. ويتجلى ذلك في عدد من الأغاني التي كانت الطيور محورها الرئيس؛ إما لارتباط الشعر بالبيئة أو لكون الطائر مهيض الجناح مخلوقاً أميناً أو لعمق ارتباطه ببعضه بعضاً فاتخذه الشعراء مثالاً للوفاء وجعلوا منه ناقلاً أميناً لعواطفهم وما يجيش بخواطرهم من مكنونات الشوق والشجن، فاندلق الحنين عبر مفرداتهم مترعاً ومستعراً ينسكب ألقاً ويهتاج شوقاً.
فمثلاً.. (كل طائر مرتحل عبر البحر حملتو أشواقي الدفيقة) وهي كلمات كتبها الأستاذ "حسين بازرعة"، وشدا بها العملاق "عثمان حسين" ويصور فيها الشاعر أشواقه التي حمّلها للطائر العابر للأمواج إلى ديار محبوبته.
(يا طير يا ماشي لي أهلنا بسراع وصل رسايلنا).. للفنان "صالح الضي" وهو يناجي هذا الطائر ليوصل رسائله للأهل تعبيراً عن شوقه لهم.
(البلوم في فرعو غنى طرانا يا الحبان أهلنا).. رائعة الفنان "أحمد الجابري"، وهيج فيها طائر (البلوم) ذكرى الشاعر وذكره بأهله وأحبته عندما صدح وناح من على غصنه.
(بالله يا طير قبل ما تشرب تمر على بيت صغير).. وهنا يبث الشاعر الدبلوماسي "صلاح أحمد إبراهيم" عبر أغنية (الطير المهاجر) للعملاق "وردي" أشواقه عبر هذا الطائر العابر من مكان الشاعر إلى ديار الأحبة والأهل والمحبوبة في بيتها الصغير وهي تحيك منديلاً مطرزاً بالحرير لحبيب بعيد، طالباً منه زيادة سرعته لبلوغ مقصده مروراً بالنيل اللامع كسيف مجوهر بالنجوم من غير نظام، وهو تصوير بديع.
(قول لي يا طير الخداري قول لي وحياة حبنا).. ل"علي إبراهيم اللحو"، وفيها يتجلى الطلب من طير الخداري مشاركته الهمّ، ويدور بينهما حوار شيق.
(جيت أوادعك يا القماري لما أرحل أبقي عشرة على صغاري).. للمبدع "مجذوب أونسة" وفي هذا النص يرجو من طائر القمري أن يرعى صغاره بعد رحيله لما للقمري من وفاء واهتمام ومحنة ورقة.
(أصلو يا عصفور دا حالك من يوم ما سويتلك جناح).. شدا بها الرائع "النور الجيلاني" وجسدت أجنحة العصفور مصدر حريته فأصبح يهاجر ويترك الشاعر ثم يعود، وكان يلتمس بقاءه حيث يوجد.
(والله يا طير الرهَوْ ما كت مصدق إني بلقاك يا رهَوْ.. أشكو ليك من جور زماني وكيف رماني.. وشوف وراك الزمن كيفن بيسَوْ).. وهي للفنان القامة "حمد الريح"، وهنا تبدو الشكوى من جور الزمان ومصاعب الدهر المتجنية على الشاعر الذي لم يجد سوى طير الرهو ليبثه شكواه وما فعلته به الأيام عندما غاب عنه وتوارى، فلعل الطائر حفيظ على الأسرار ومواسٍ للشاعر الذي جرحته أظفار الهموم وأدمت وجدانه.
(ابني عشك يا قماري قشة قشة.. وعلمينا كيف على الحب دارنا يُنشا).. رائعة الشاعر الراحل "عبد المنعم عبد الحي" وغناها "سيد خليفة"، وفيها طلب مباشر للقماري بالمساعدة في تعلّم كيفية بناء بيت يقوم أساسه على المحبة والحب الصادق، كأنها هي المعلم الملهم للحب.
(والله يا قمرية قوقايك الضهرية خلاني بين البين).. للشاعر "خالد شقوري" حيث هيج (قوقاي) وهديل القمرية في هذا الوقت أشجانه التي وصف فيها حاله (بين البين) وفعل فيه صوتها ما فعل وأعاده إلى النخيل والنهر والخضرة وذكره بأحبته.
(والله نحن مع الطيور الما بتعرف ليها خرطة ولا في إيدا جواز سفر).. للمبدع "مصطفى سيد أحمد" الذي مُنح مساحة الحرية عبر هذه الطيور التي تنطلق في الفضاء بلا قيود تكبلها ولا حدود.
{ (مسدار القمرية)
وللشاعر الفنان "أحمد الفرجوني" مسدار سمّاه (القمرية)، وهو عبارة عن قصة يعبر فيها عن شوقه للمحبوبة التي كانت بعيدة عنه، ويتابع رحلة الطائر في شوق.
(والله يا سرب الحمام لمن تروح ساقية قمر سلم لي بالشوق الكتير حتى التراب حتى القميريات تقوقن في التمُر.. والله يا سرب الحمام طعم الفُراق في حلقي مُر).. وهي من أغاني الطنبور للفنان الراحل "عثمان اليمني"، يرسل عبرها تحياته إلى الأهل والنخيل وتراب أرضه.
(مداعب الغصن الرطيب.. في الروض غنى العندليب.. ورددوا غناه الطيور ترتيل أناشيد الحبور).. وهي من روائع غناء الحقيبة، التي حفلت بالوصف المشوق والحوار مع الطيور في صورة جميلة مترعة بالإبداع.
| |
|
|
|
|
|
|
|
|
|
Re: قمــرية قالـت للتــانيـة مـالـك .. إنتي لس (Re: مصطفى نور)
|
القماري
كلمات : عبد الرحمن بكراوي
الحان : مجذوب اونسة
جيت اوادعك يا القماري
ما خلاص شديت رحالي
جيت اوصيك لما ارحل
تبقي عشرة علي دياري
كل يوم تديها طلة
وقوقي لي امي وصغاري
والجميلة الفي عيونها
بهجة واشراقات حواري
والعزيز العاش مكافح
جرحن ايدي الطواري
كلمي الغيم والسحائب
في الهجير تبرى وتضاري
قولي للنيل كلميه
يسقي بستاني وخضاري
كلمي الجرف المخضر
وكلمي الطير الخداري
وقولي لي المشتاق ورايا
الرحيل ما باختياري
الوطن العشت فيهو
وليه حققت انتصاري
دايرو يقوي وعايزو يبقى
زي نجم ضواي وساري
التراب الفيهو روحي
ليهو بشتاق انا يا قماري
ياني يا نيل ليك راجع
منك اشرب واطفي ناري
| |
|
|
|
|
|
|
|
|
|
Re: قمــرية قالـت للتــانيـة مـالـك .. إنتي لس (Re: يحي قباني)
|
ﻭﺍﻟﻠﻪ ﻳﺎ ﻗﻤـﺮﻳﻪ ﻗـــــﻮﻗﺎﻳﻚ ﺍﻟﻀﻬﺮﻳﻪ
ﺧﻼﻧﻲ ﺑﻴﻦ ﺍﻟﺒﻴﻦ ﺍﻟﻴﺎﺑﺴﻲ ﻭﺍﻟﻤﺮﻭﻳﻪ
ﻗﺪﺍﻣﻲ ﻧﺎﺱ ﺍﻡ ﺯﻳﻦ ﻭﺍﻟﻤﺎﺳﻚ ﺍﻟﻄﻮﺭﻳﻪ
ﻭﺍﻟﻤﺎﻟﻲ ﺣﻠﻔﻮ ﻳﻤﻴﻦ ﻓﻮﻕ ﺍﻟﻄﻠﻘﻠﻮ ﺳﻌﻴﻪ
ﺍﻟﺸﺎﻓﻊ ﺍﻟﻤﺮﻳﻮﺩ ﻃﺎﻟﻌﻠﻮ ﺑﺮﻛﺎﻭﻳﻪ
ﻭﺍﻟﻄﻴﺮ ﻳﻮﺟﻮﺝ ﺣﻦ ﻧﺎﺍﺍﺍﺯﻝ ﻋﻠﻲ ﺍﻟﻤﺤﺮﻳﻪ
ﻳﻨﻘﺪﻟﻮ ﺑﺎﻗﻲ ﻓﻄﻴﺮ ﻳﺎﺑﺴﻠﻮ ﻓﻲ ﻛﻮﺭﻳﻪ
ﻭﺍﻟﺤﺎﺝ ﺍﺑﻮﻱ ﻧﻌﺴﺎﻥ ﻧﺎﻭﻳﻠﻮ ﻧﻮﻣﻪ ﻫﻨﻴﻪ
ﻭﺍﻟﻠﻪ ﺑﺎﻟﻘﻮﻗﺎﻱ ﺻﺪﻳﺖ ﺭﺟﻌﺖ ﺯﻣﺎﻥ
ﻭﻛﺘﻴﻦ ﺍﺑﺎﺭﻱ ﺍﻟﻀﻞ ﻣﺎﺭﻕ ﻋﻠﻰ ﺍﻟﺪﻛﺎﻥ
ﺳﺎﻳﻘﻠﻲ ﻟﻮﺭﻱ ﺻﻔﻴﺢ ﺟﺎﺭﻳﻬﻮ ﺑﻲ ﺩﻟﻘﺎﻥ
ﻭﻟﺪﺍ ﻏﺒﻴﺶ ﺩﺍﺭﻉ ﻫﺪﻣﺎ ﻗﺪﻳﻢ ﺷﺮﺑﺎﻥ
ﺍﻧﺎ ﻗﺎﻳﺘﻮ ﺍﻻ ﺍﻟﻌﻴﺪ ﻳﻠﻘﺎﻧﻲ ﻣﺎ ﺣﻔﻴﺎﻥ
ﻳﺎ ﺳﺖ ﻏﻨﺎﻭﻱ ﺍﻟﺸﻮﻕ ﺷﻦ ﺟﺎﺑﻚ ﺍﻟﺒﻨﺪﺭ
ﺍﻟﻔﻴﻬﻮ ﻧﺠﻢ ﺍﻟﻠﻴﻞ ﻳﻤﻮﺕ ﻣﺎ ﺑﻴﻈﻬﺮ
ﺣﺘﻰ ﺍﻟﺸﺠﺮ ﻣﺮﺍﺕ ﺗﻼﻗﻲ ﻣﻮ ﺍﺧﺪﺭ
ﻭﺍﻟﺰﻭﻝ ﺑﻼ ﺍﺳﺒﺎﺏ ﺗﻠﻘﻴﻬﻮ ﻳﺘﻜﺪﺭ
ﻳﻼﻛﻲ ﻳﺎ ﺍﻡ ﻗﻮﻗﺎﻱ ﻟﻠﻮﺑﻲ ﻭﺍﻟﻘﻨﻘﺮ
ﺍﻟﻤﻨﻘﻪ ﻭﺍﻟﺪﻓﻴﻖ ﻭﺍﻟﺠﺪﻭﻝ ﺍﻟﺴﺮﺳﺮ
ﻳﻼﻛﻲ ﺑﺲ ﺳﺎﻛﺖ ﻳﺎ ﺍﻟﺴﺎﺟﻌﻪ ﻧﺘﺨﺒﺮ
| |
|
|
|
|
|
|
|
|
|
Re: قمــرية قالـت للتــانيـة مـالـك .. إنتي لس (Re: يحي قباني)
|
مسدار القمرية **الفرجوني
*****************
الليله البلوم طربان اقوقي وانوح
وميذان قلبي اصبح من مكانو مفوح
علي بهما" لوين بي النتيل مسوح
لي شوفتو ترد الروح قبل ماتروح
الليله البلوم طربان يقوقي ويصيح
والعاشق ينوح لاما" صباحو يبيح
عناب الحجاذ فدع قصونو بميح
ترا الحارق حشانا ولي قلوبنا مسيح
ي قميرية نغمات الغرام ذيديهن
وسوي القوق ونماتك عقب رديهن
علي بهم النديمات ام قفر واديهن
ليهو سلامي والشوق ي ام جناح وديهن
انذلي فوق فريع قبل الفريق ي نايحه
وكتري في الطنين متل الحواره الرايحه
مربوعه بنات لينة ورطينة ومايحه
قوليلا السلام ليك ي ام ضفيره سايحه
قوليلا العشوق تعبان اذاهو مطول
يات من شافو اصبح في العليه متهول
عشان عيونك مباري البي القفار متجول
لكن لي الممات من عهدو ما متحول
كل ماشاف برق في القبله يشلع وجه
واتقافي المنام من عينو ياخد لجه
نيران الجحيم ليهو في الفراش منفجه
دكتور الغرام مع اهلو عامل حجه
قال مرضان هواك لي شفاهو مافي طريقه
في كبدو الحراب في جوفو باقه حريقه
قط ماليهو علاج غير اقرطع ريقا
والا يمددوه ويمسحو بي عريقا
طارت مني قمرية المحبه وقفت
نافضاهن علي بلد الحبيب خفت
براي خلتني ذي جاهلا يتيم اتلفت
تقطر عيني بالدمع الروية اتصفت
قمذت وصفقت وضربت هوايا فوق
وخلست بي رشيشا اصلو مو ملحوق
ناقصاهن قلب والدا روف وشفوق
شاهد في المنام دم الصغير مدفوق
قط لا اتصددت لا اتصنتت لي قوق
وسوت لي الهبوب لفح الهدم مشفوق
هوت بي صقيعا منطرح ياقوق
في شوقو البعير متل الخلال مدقوق
الصقر المضر ال لاحسب لاراعا
لي مركبن غرامي الجبدولها شراعا
شافا وانعدل ختف الجناح بي سراعا
اتجمع تقول حرحافا ماضي ضراعا
ي صقر السواد عينك تشوف الابره
يخرخر ماها جدول لاتطيب لاتبري
جناحك بي حديد شركا سريع في الهبره
يردخو للكتف ردخا منافي الجبره
علق فوق تقول نجمه وهجع شاتيها
جاها مخوي متل الصاقعه متواتيها
هيق لي الكفت لكن وقع خاتيها
قيع وانعدل عقان سبح بي تيها
حست بي هواهو اندلدمت وانصرت
وانمبرمت متل مترار فلانة الترت
هوت بي الصقيعه تقول نجمتا" خرت
وخوت جو تقول طنوب وجيبت درت
غتست في السماء وقطعت سبيبه الشوف
عقب اندسقن لي الارض بسوا" فوف
وهي بتنصر منو غادي بتسو رحيل الخوف
كبدو انسل دم داير اقصر قيدا
وهي بقت تحوت في المكر رقيده
من ربط الحبيل تب فضلتو عقيده
مقطوعه النصيب دخلت طريتو عقيده
نذلت فوق كتير اتركبت في فروعا
كلها تتجرف من السفر والروعه
قالتلو القدام قالو الارض مضروعه
وكان ماصب مطر مابنتت المضروعه
غير اليوما تام قط مابتموتلك صيدا
والبجدعا القدر قطعا حربتو تصيدا
معلوم في المقانص تربح الرصيدا
والنوم لي القماح ام الذرع حصيدا
علق يسوي جاك لامن شميشتو انجمعت
وضحكن من قماحو بروق قبلتو ولمعن
حنت لي القميرية سحيبه ماعت ودمعت
وقت الليل برد في الوعره ناو انسمعت
طلعت فوق فريع من الهبوب لواج
وجدعت شوقا بي صي البروق وجواج
رضيت بي سقط زيفه انطلق سواج
وقالت الزيف اخير لي من اضافر ابعاج
كل الليل تهلع عدتو القمرية
من ابعاج مبيته في مخافه ورية
قبل القبله تشرب وغبشتا البدرية
صبحت دارها خالية ترا السفر باكرية
حصلت الفريق واتبارو ساعه النافله
نظرت في البنات من غير حفل والحافله
لقت في محبوتي كفل ام سبيبه الجافله
وعنق اللريل وعيون الجدية الغافله
نذلت فوق فرع سيالته تبلي تنين
مراتا ترددلك نغيمها حنين
مراتا تسوي القوق معاهو طنين
يطري الذول حبيبا" منو ليهو سنين
محبوتي سمعت وفهمت نمة الغناية
ونظرت ليها بي عيون التملي تنايه
دميعة ذي نداية مقده متناية
قطرت بي الخديد متبعه مي وناية
قالت لي كيف حالو ي قميرية
تبقي علي العلي حمة عضام نارية
بتذكرني عن ساعه الهجعة وبقول ياريا
ولانساني وبقيت عندو ما مطرية
كل ما اطراهو ي قميرية ريشات فوادي يقرن
تقول عقد انقطع يجرن دموعي يترن
قلبي مرات يجر مرات يقيف اتحرن
واحس بي تياب جمر فوق لي عضاي انشرن
يعلم خالقو ي قميرية قلبي بريدو
فكري معاهو رحل شال المنام فوق ايدو
الشوق العلي ذايد تملي جديدو
والريد العلي فات العبار تحديدو
روحي ليهو ي قميرية احكي الحاصل
وقوليلو الشوق ليك ليل بالنهار متواصل
قوليلو المنام بقي بالسهر متفاضل
قوليلو كفاك نجيع عود لي ديارك واصل
روحي وسافري قميرية الله يعينك
ومن عقب الطريق مولاي ابقي ضمينك
جمعي في هواك بالشمال ويمينك
لما توصلي سيد حياك وفيهو بتنوم عينك
انا تعبته من الكتابه ومابقدر اعلق عليكم هسي ****
/
| |
|
|
|
|
|
|
| |
يحي قباني
مصطفى نور
فيس بوك
تويتر
انستقرام
يوتيوب
بنتيريست