|
|
|
 Re: يا أيها الملأ أفتوني فى امري باكر لقاح ال� (Re: مصطفى نور)
|
يا درش ....
ما تخاف يااخ .... اخد اللقاحاات الثلاثة وما تخشى الا الله ...
المهم اللقاح يكون ..امريكي او اوربي مثل فايزر او جنسون او استرزنكا ..
الصيني دا ابعد منو ... سنوفاك ..
انا اول مرة اخد اللقاح الجرعة الاولى .. ادتني ليهو ممرضة سعودية جميلة
ومن شدة ما اتكيفت منها قلت ليها حرم الا تديني واحدة في اليد التانية ... ههه
عاالم بطاالــــــــــــــــــــة ,,
| |
 
|
|
|
|
|
|
|
|
Re: يا أيها الملأ أفتوني فى امري باكر لقاح ال� (Re: محمد مجيدو)
|
محمد مجيدو
اخي الغالي
والله ضحكت لما اتشرقت كنت بشرب فى مويه والله العظيم قصتك قصه
زي الجعلي العندو سكري قطعوا ليه الكراع الشمال بدون بنج وماقال بغم ولا رجف
النسوان بره غرفه العمليه سمعهم زغردوا قال للدكتور حرم كان تقطع الرجل الثانيه اليمين
والله قلت اكتب بوست فيه مرح وفرفشه ناس المنتدي العام والساده القراء
شي يضحك فى زمن الكابه الزمن الكعب الزمن الاغبر الذي صار فيه الكل يقول نفسي نفسي
مع تحياتي
مصطفى نور
| |
|
|
|
|
|
|
|
|
|
Re: يا أيها الملأ أفتوني فى امري باكر لقاح ال� (Re: مصطفى نور)
|
مصطفى
امش انتبذ ساى
نحن اخدنا الثلاثة
وهذه الايام بدات الجرعة
الرابعة
بس انت ذكرتنى الحكاية الشعبية
البتقول في زول عندو ايراغان وعلاج الايراغان
الكى ومتجرس من الكي المهم لمن تعب
شديد جابو له البصير وبعد ماشافو حمس
سيخ للكى لمن بقى احمر دقة جسر لا دا مابنكوى بيهو
لا والتانى دا تبدلو انا خايفك لمن
تمش العيادة تعمل نفس الشى بين الامريكى والانجليزى
| |
|
|
|
|
|
|
|
|
Re: يا أيها الملأ أفتوني فى امري باكر لقاح ال� (Re: بدر الدين الأمير)
|
بدر الدين الأمير
اخي الغالي الف شكر والكاتبها الله بتبقي
بس مازي قلت ام كلثوم فى قصيده الهادي ادم الشاعر السوداني المبدع
أغداً ألقاك يا خوف فؤادي من غدٍ. يا لشوقي واحتراقي في انتظار الموعد.
آه كم أخشى غدي هذا وأرجوه اقترابا. كنت أستدنيه لكن هبته
لما أهابا. وأهلت فرحة القرب به حين استجابا. هكذا أحتمل العمر نعيماً وعذابا.
| |
|
|
|
|
|
|
|
|
|
Re: يا أيها الملأ أفتوني فى امري باكر لقاح ال� (Re: مصطفى نور)
|
معقولة تكون لغاية الان ما اخدت تطعيم الكرونا؟؟
ما في اي أعراض جانبية غير وجع في اليد لمدة يومين ...
وزي ما قال ليك ود مجيدو اخد اللقاح الأمريكي وأبعد من البريطاني والصيني ..
لكن برضه سمعنا دي إشاعات ساكت وان الأعراض الجانبية للتطعيم البريطاني والصيني
بتحدث لأربعة أشخاصا فقط من بين مليون شخص ....
اسرع اخد التطعيم قبل ما يلم فيك الكرونا وتندم ....
| |
|
|
|
|
|
|
|
|
|
Re: يا أيها الملأ أفتوني فى امري باكر لقاح ال� (Re: امتثال عبدالله)
|
ابوالريش اخبارك
وكل الاخوه والاخوات الافاضل شكرا ليكم وان شاء الله ما نكتب ليكم فى شينه وجعل الله ايامكم افراح
طبعا والله العظيم اول ايام الكرونا انا سامع ليك النس شابكه كرونا كرونا كرونا اقسم بالله انا مسطح وقلت الناس دي جنت تاني رجعت للعربات
الكرونا لانو زمان كانوا بقولوا احسن عربيه فى السوق عربيه كرونا وكرونا بتاعت الجيش فانا انا قلت العربات الكرونا رجعت بقوه زي لما عثمان حسين الفنان رجع للغناء بعد سنوات
بعد ماغني الغناء بتاعه فيصل الصحافه وعباس تلودي وقام فى زول سال عبدالعزيز محمد دواد وقال ووين يا ابودواد انت ما ظاهر قال ليه انا اظهر كيف مع الكومي العلموا
ليه عمره جديده ده
عليهم رحمه الله تعالي اجمعين
مع تحياتي
مصطفي نور
| |
|
|
|
|
|
|
|
|
|
Re: يا أيها الملأ أفتوني فى امري باكر لقاح ال� (Re: مصطفى نور)
|
السلام عليكم الاخت امتثال
تحيه طيبه
فى الرد قلت لي
ما في اي أعراض جانبية غير وجع في اليد لمدة يومين ...
اه دة الكلام المابنفع فى اليومين ديل اتصرف كيف وانا زول مدمن نت وشغلي كلو بالنت
وعايز اخد التتطعيم فى ايدي اليمين لانو الشمال فى نفس الصايد بتاع القلب
ومعني الكلام ده الشغل معاكم فى سودانيز اون لاين الا يكون رسائل صوتيه
الحل شنو اوعه يكون الحل فى البل يعني فى اللقاح هل هناك خيارات اخري
لقاح شراب لقاح شم لقاح مسح زول ياخد بدلك اللقاح اللقاح بالنظر اخبروني ودثروني
مع تحياتي
مصطفي نور
| |
|
|
|
|
|
|
|
|
 Re: يا أيها الملأ أفتوني فى امري باكر لقاح ال� (Re: مصطفى نور)
|
السلام عليكم ورحمه الله وبركاته
احب ان اطمن الجميع بانني اخذت الجرعه الاولي من لقاح الكرونا وكانت بردا وسلاما
وطبعا الخوف كان كاتلني لدرجه انو قلت للممرضه ماعندكم لقاح شراب او مسح
او بلع او لقاح بالنظر
المهم اتوكلت على الله ومديت ليها ايدي اليمين قالت لى احسن ليك الشمال عشان لو بتتكتب
ما تتعطل طبعا اتذكرت انو لازم ادخل عليكم وواشوف الموقع الحاصل فيه شنو
غايتو جنس ادمان سودانيز اون لاين ده
المهم زي ماقال زيدان ابراهيم
مديت يميني بلا كلام
ماقدرت قدامك اقيف ورجعت حابس ادمعي
المهم كتر خيركم
وربنا يسهل الجرعه الثانيه يارب الفرق شهر وربنا كريم لقيت الوقت داك
مع تحياتي
مصطفى نور
| |
|
|
|
|
|
|
| |
مصطفى نور
محمد مجيدو
ترهاقا
بدر الدين الأمير
Biraima M Adam
Abureesh
فيس بوك
تويتر
انستقرام
يوتيوب
بنتيريست