|
|
|
 Re: توثيق اشعار الدكتورة عفاف الصادق حمد الني (Re: مصطفى نور)
|
رد الدكتورة عفاف الصادق علي عركي لما قال بخاف..
انا برضي بخاف
يشيلوا الناس عقاب اسمي
ويقولوا عفاف
كلام الريدة ذوب ناس
ملك قلبي البلاك ما شاف
ويبقى الناس
كلامم ديما داش عفاف
كأنه بلانا مافيش حد
عرف الريدة اتفنن
وزاد أوصاف
تقول بس غيرنا ما فيش زول
ضاق الحب عاش في حياته
فرهد وشاف
وبرضي بخاف
يعرفوا الناس قلبي البلاك ما شاف
جام الليلة شايل الريدة بالاضعاف
وقالواكمان
خافوا عليه يتهد
لم الحب عليه كتيييييير
قلب لا شال ولا ود
ويبتسم بطيب خاطر
قال يا أحباب
سعادة الدنيا ماها تقيلة
اتوسع قلبي عليهو اتمد
ولملم ريدي يا سيدي
واد الناس حنانو وصد
وفرحانة بيك
ياليت الناس تعرف
انو قلبي عليك اتسد
وبرضي بخاف على قلبا
يرجع بكرة يتحسر
يتأوه وقولة اه تزيد اهاته يتذكر
دموع الفرحة تتبدل
يشيل اللوعة لو يقدر
يجرجر فوق سيول الدم
صغير ماهو بتصبر
من عينيك شال أطرافه
زاد الدنيا ودع ناسو
فات أبحر
لدنية ريد فيها نعيم جميل اخضر
وكيف يرجع بدون ما يخط
حروف ايديك فوق ايدي
ونبع الريدة من عينيننا يتقطر
ونبقى نعيش مواسم الدنيا فيها ربيع
ومابنرجع نخاف الناس
ومن كلماتم احنا نضيع
واشوف جنبك حنان الريد بديع ووديع
ونفرح لما الريدة بينا تذيع
ولما نضوق عصارة الحب
وفي أعماقا نحنا نضيع
| |
 
|
|
|
|
|
|
|
 Re: توثيق اشعار الدكتورة عفاف الصادق حمد الني (Re: مصطفى نور)
|
ثمار دمى
كلمات: عفاف الصادق
الحان وغناء: ابوعركي البخيت
بريق الصحو فى النجمات
جانى الليلة شايل منك الكلمات
قايل لى
انك انت جاينى
ومعدى لى
منو القال ليك انت الليلة
جايى يادوب
منو القال ليك
مهاجر هسة جوة قلوب
ومين قال ليك
ليك زمان تفتش لى
مدن ودروب
ما انت معايا فى جواى
غرستك من ثمار دمى
وبنيت منك جمال دنياى
واحبك انت فجراً طلّ
فرّح ناس
وخطّ بدمو كلمة ريد
بقت تاريخ
بنى وشيد عليها الساس
واريدك
انت مطراً جاء وسقى التيراب
وصبحت بيك حياتو خريف
وجدول فرحة فيك منساب
يناغم قلبى فيك ويقول
تعال نفرش دروب الريدة للاحباب
بزهرة حب جذورها حنان
غصونا امان
ثمارا بتدى طعم الريد
وريد بيسعد الانسان
مادام ما انت باقى معايا
فى جواى
غرستك من ثمار دمى
وبنيت منك جمال دنياى
حأبنى الدنيا جنة ريد
واعطر بيها ديما غناى
| |
|
|
|
|
|
|
|
|
|
Re: توثيق اشعار الدكتورة عفاف الصادق حمد الني (Re: مصطفى نور)
|
اجمل ما كتبتة د.عفاف الصادق في سفر زوجها الأستاذ ابوعركي البخيت. .
أقسي لحظة تمر علي
لما انت تكون مسافر ..
تبقي هي المر الحقيقة ..
وبحسب الزمن البعدي
بينا بالثانية والدقيقة ..
***
لما انت تكون مسافر
بستف الحب بين ملابسك ..
شان يلامســك،،،
كل هدماً ترتديهو..
تلاقي فيهو
قليبي حارسك ..
ولما تهدأ فوق وسادتك
تلقي روحي ملت جوانحك ..
ولما تغمض رمش عينيك
أبقي في نومك أزاحمك،،،
ولما تبقي امام مرايتـك
تلقي صورتي كست ملامحك،،
ولما تزعل من حبايبك
امحو زعلك يوم امازحك
وكل موقف من مواقفك
أبقي قــدرك ..
وأبقي فيهو أنا البشابهك
ولما تمرق لي صحابك
وكل زول بي شوق يسالمك ..
تلقي في إيديهو إيـدي
ولما بالاحضان يصافحك
تلقى في احضانه حضني
ولمحة من عينيّ تصابحـك ..
حتي في نغمة سلامو
تلقي صوتي مزج كلام
وتحس بي ،، أنا البصارحك..
***
وين تسافر مني تمشي
وين تقبل مني تبــرأ
ياني فيك أنا امتزجت
بمزج النفس البيطلع
مرة شهقة .. ومرة زفرة
اكون الدم في عروقك
وامشي في شريانك ابرى
مسلك الحب في وريدك
منه بغرف ومنه بروي
ياني ندك... وليك نديدك
عنك أكتب ومنك أقرأ ..
وإلتزاماَ بالقضية
والتمسك بالمبادي
والمبادي هي الحقيقة
والحقيقة العندي هي
لا مساومة لا مسالمة
في المقاومة
بي مداومــة
والتزاما حق تماماَ
أنا البريدك
انا البريدك
وين بتمشي بلايا درباَ
وكل درباَ تمشي فيهو ..
لي بودي
وكل حدود الدنيا عندك
هي حـــدي
واينما قبلت تلقي
إنك إنت مني ليّ
وإنك .. إنت
كل مــا عنــــدي ..
| |
|
|
|
|
|
|
|
|
|
Re: توثيق اشعار الدكتورة عفاف الصادق حمد الني (Re: مصطفى نور)
|
الآن
كلمات المبدعه عفاف الصادق
يغلبني الشوق إليك
يهزمني الشوق إلى عينيك
سلاح الشوق قوي
لا أقوى عليه ولا اقدر
الآن
أخاف اللحظة لقياك
ينبض قلبي
يدفع حبي
بين مجاري الدم
إلى بوصلة العشق
على شريان القلب
الواصل بين الروح
وبين النفس.
بين الصمت وبين الهمس
بينك انت وبيني
نصبح دوما بينا
يبقى البين القائم بينا
أخاف اللحظة لقياك
انصهر حنانا
وسط عناق الشوق
المتدفق
من جنبيك فيزهر
ينفرض العقد على جيدينا
ولا نشعر
يلاقي القلب فؤادي
ينسجم النبض الخافق
فيا
تتوحد ضربات القلب
دويا
يتدفق سريان الدم
قويا
وهمس الأنفاس على الناس
يتناثر ريا مرويا
واسبح لله تعالى
اني سكنت إليك مودة ورحمة
والآن
لا أخشى أن نصبح جسدا
تتمثل فينا أرقى الاشياء
تتوحد فينا
كل الآراء
تتواجد فينا كل الأبعاد
تتوافق فينا كل الاضاد
يتماسك فينا الانسان
نخلق وطنا للحب
والحرية للسودان
| |
|
|
|
|
|
|
|
|
|
Re: توثيق اشعار الدكتورة عفاف الصادق حمد الني (Re: مصطفى نور)
|
الشاعره عفاف الصادق والفنان ابوعركي كانوا في الطريق ماشين مدني قالت عفاف.. عركي غني لي
قال ليها
اغني ليك
وأقول شنو
ما انت أكبر
من غنايا
وانت البارحت
بيك آسايا
ياجنة فيها الحب
يا دنيا فيها الريد
بدي الناس
فرح غريد
اغني ليك وأقول شنو
عركي
عفاف ردت ليهو
اكتب فيك
وأقول شنو
ما انت أعظم
من حروف مرسومه
في كل الكتب
ما طالت معانيها اللغات
الاتكتب والما اتكتب
في الاغاني
وقول الاعاجم
في المعاني
وفي معاجم العرب
معطونة في كل العواطف
النابعة من جوه القلب
وكلامي ليك
لو قال يفسر
احساسي بيك
بيكون تعب
أو حتى يقدر
بس يعبر عن قليل
مما لديك
يبقى والله كلام كضب
| |
|
|
|
|
|
|
|
|
|
Re: توثيق اشعار الدكتورة عفاف الصادق حمد الني (Re: مصطفى نور)
|
كلمات عفاف الصادق
من اجمل القصيد والله
بحب اكيد
وشوق شديد
سأل الحبيب
انتي عايزة متين اجيك
رديت علي
في كل لحظة من الزمان
اريتك لو تجيني الآن
في المساحة الفارشة
في اعماقنا اجمل من مكان
وفي المسافة الراسمة
رغم البعد بيناتنا الامان
وفي المسامة النز شوقها
ودفقت
سالت على الارض اليباب
نبتت جنان
وسط الفرح
بيني بين لحظة مجيك
سال الحزن
انا بين اودع وبين اجيك
غبيت كتل
اشتقت ليك لما السفر
قرب يحل
ناغمت ليك
ارجاني في غيمة السحاب
لامن تظل
ارجاني في ضو القمر
لامن يطل
ارجاني في وقع المطر
ساعة يبل
ارجاني في زمنا جميل
لابد يهل
ارجاني في بيتنا الظليل
الرامي ضلو على المقيل
بين نيللي ويزن
وممي وسيبو الجميل
عند الاصيل
يديك كم احساس اصيل
متكي القمر في صدره
راقد منبسط
فرحان يتاوق للنجوم
نشوان يصفق منبسط
يعزف على وتر الحنان
اجمل كلام
قلناه نحنا وما كمل
يا حبيب في الساعة ديك
غمض عيونك فتحها
تلقاني في وشك اقيف
وافرد يدينك ريحها
وسالمني بالحضن الرهيف
في لحظة الفرح الشفيف
وفرحة الشوق العنيف
وساعة الحب العفيف
لامن اجيك
قول لي كيف اقدر اسالمك
احتويك
ويتبل شوقي الجف ريقو
وكان نشف
وترد علي روحي
الفقدتها بي وراك ونأتلف
وتشيلني في حدق العيون
وانت في الراس والكتف
والقاك باقي علي عشرة
وتلقاني باقية عليك الف
يا سلام علينا وسلام
لما نطلق نحنا للحب العنان
تبدا يا دوبها الحكاية
وتصحى بيك حاجات عمر
لا ليها اول لا نهاية
لا ليها آخر لا بداية
وياحبيب الغربة نار
كمل المعايا
ارجوك سريع لازم تجي
كتبت بيك كل الحروف
وشرحت ليك كل الظروف
رسلت ليك بي كل بريد
وصيت عليك البوسطجي
راجياك بي شوقا شديد
تصبح ملامح الارض عيد
لامن تجي
وتزهى الحروف
واكيد اكيد
الكل سعيد
والدنيا تصبح شان تشوف
شوفا جديد
| |
|
|
|
|
|
|
|
|
|
Re: توثيق اشعار الدكتورة عفاف الصادق حمد الني (Re: مصطفى نور)
|
عفاف الصادق وابوعركي البخيت
ﻗﺪﻣﺖ " ودمدني "
ﻭﺍﺣﺪ ﻣﻦ ﺃﺑﺮز
ﺃﺑﻨﺎﺋﻬﺎ ﺫﻟﻜﻢ ﻫﻮ ﺍﻟﻔﻨﺎﻥ " ﺃﺑﻮ
ﻋﺮﻛﻲ ﺍﻟﺒﺨﻴﺖ .. "
ﻭﺃﺑﻮﻋﺮﻛﻲ ﺍﻟﺒﺨﻴﺖ ﻭﻟﺪ ﻭﻧﺸﺄ
ﻭﺗﺮﻋﺮﻉ ﺑﺤﻲ ﺍﻟﺪﺑﺎﻏﺔ ﺑﻮﺩ
ﻣﺪﻧﻲ .. ﻭﻫﻮ ﻣﻦ ﺃﺳﺮﺓ
ﻣﻌﺮﻭﻓﻪ ﻓﻮﺍﻟﺪﺗﻪ ﻫﻲ "
ﺍﻟﻤﻨﻰ ﺑﺖ ﺟﺎﺩ ﺍﻟﻠﻪ ﺍﻟﺤﺎﺝ
ﺑﺎﺑﻜﺮ .. " ﻭﻫﻰ ﺃﺧﺖ ﺷﻘﻴﻘﺔ
ﻟﻌﻤﻨﺎ " ﺣﺴﻦ ﺟﺎﺩ ﺍﻟﻠﻪ "
ﺻﺎﺣﺐ ﺍﻟﻤﻄﻌﻢ ﺍﻟﺸﻬﻴﺮ
ﻟﻸﺳﻤﺎﻙ ﺑﻮﺩ ﻣﺪﻧﻲ .
ﺗﺰﻭﺝ " ﺍﺑﻮﻋﺮﻛﻲ ﺍﻟﺒﺨﻴﺖ "
ﻣﻦ ﻗﺮﻳﺒﺘﻪ ﺍﻟﺪﻛﺘﻮﺭﺓ " ﻋﻔﺎﻑ
ﺍﻟﺼﺎﺩﻕ ﺣﻤﺪ ﺍﻟﻨﻴﻞ " ﻭﻫﻰ
ﻓﻲ ﺍﻷﺻﻞ ﻣﻦ ﺍﻟﺠﺰﻳﺮﺓ ..
ﻭﻟﻜﻨﻬﺎ ﻭﻟﺪﺕ ﺑﻤﺪﻳﻨﺔ ﻧﻴﺎﻻ
ﺑﺠﻨﻮﺏ ﺩﺍﺭﻓﻮﺭ .. ﺣﻴﺚ ﻳﻌﻤﻞ
ﻭﺍﻟﺪﻫﺎ ﻫﻨﺎﻙ
ﺑﺎﻟﺘﺠﺎﺭﺓ ..ﻭﺗﻌﻤﻞ ﺣﺎﻟﻴﺎً
ﺃﺳﺘﺎﺫﺓ ﺑﻜﻠﻴﺔ ﺍﻟﺒﻨﺎﺕ ﺍﻟﺘﺎﺑﻌﺔ
ﻟﺠﺎﻣﻌﺔ ﺟﻴﺰﺍﻥ ﺑﺎﻟﻤﻤﻠﻜﺔ
ﺍﻟﻌﺮﺑﻴﺔ ﺍﻟﺴﻌﻮﺩﻳﺔ .. ﻭﺭﺯﻕ
ﻣﻨﻬﺎ " ﻣﺤﻤﺪ " ﻭﻫﻮ ﻓﻨﺎﻥ
ﻛﻮﺍﻟﺪﻩ " ﻋﺎﺯﻑ ﺃﻭﺭﻍ " .. "
ﻧﻴﻠﻮﻓﺮ " ﻫﻲ ﺍﻷﺧﺮﻯ ﺗﺘﻤﺘﻊ
ﺑﺼﻮﺕ ﺟﻤﻴﻞ ﻭﻃﺎﻟﻌﻪ
ﻷﺑﻮﻫﺎ .
ﻫﺬﺍ ﺍﻟﻔﻨﺎﻥ ﺍﻟﺮﺍﺋﻊ .. ﻭﻧﺤﻦ
ﻫﻨﺎ ﻻﻧﻄﻠﻖ ﻋﻠﻴﻪ ﻫﺬﺍ
ﺍﻟﻮﺻﻒ ﺟﺰﺍﻓﺎً .. ﻭﻟﻜﻨﻪ
ﻳﺴﺘﺤﻘﻪ ﻭﻳﻨﻄﺒﻖ ﻋﻠﻴﻪ ﺑﺤﻖ
ﻭﺣﻘﻴﻘﺔ .. ﻓﻬﻮ ﻣﻦ ﺻﻔﻮﺓ
ﺍﻟﺼﻔﻮﺓ ﻣﻦ ﺍﻟﻔﻨﺎﻧﻴﻦ
ﺍﻟﻤﺘﻤﻴﺰﻳﻦ .. ﻓﻘﺪ ﺃﺛﺮﻯ ﺣﻴﺎﺗﻨﺎ
) ﺇﻧﺘﺎﺟﺎ ﻓﻨﻴﺎً ﻭﻣﻮﺳﻴﻘﻴﺎً ..
ﻭﺃﺩﺑﻴﺎً ( .. ﻭﺟﺎﺀ ﺑﻠﻮﻧﻴﺔ ﻭﺗﻴﺎﺭ
ﺟﺪﻳﺪ ﻓﻲ ﺍﻟﻐﻨﺎﺀ ﺍﻟﺴﻮﺩﺍﻧﻲ
ﺍﻟﺮﺍﻗﻲ .. ﻓﺼﺎﺭ ﻣﻦ ﺍﻟﻌﻼﻣﺎﺕ
ﺍﻟﻤﻀﻴﺌﺔ ﻓﻲ ﺑﻠﺪﻧﺎ ﺍﻟﺤﺒﻴﺐ .
ﻫﺬﺍ ﺍﻟﻔﻨﺎﻥ ﺍﻟﻤﺘﻔﺮﺩ ﺑﺪﺃ
ﻭﺃﺷﺘﻬﺮ ﻭﻟﻔﺖ ﺍﻷﻧﻈﺎﺭ ﺇﻟﻴﻪ
ﺑﺼﻮﺗﻪ ﺍﻟﻤﻤﻴﺰ ﺣﻴﻦ ﻏﻨﻰ
ﺃﻏﻨﻴﺔ ﻓﻨﺎﻥ ﻣﺪﻧﻲ ﺍﻟﺮﺍﺣﻞ
ﻋﻤﺮ ﺃﺣﻤﺪ )ﻛﺎﻥ ﺑﺪﺭﻱ
ﻋﻠﻴﻚ ( .. ﻭﺃﻭﻝ ﻇﻬﻮﺭ ﺇﻋﻼﻣﻲ
ﻟﻪ ﻛﺎﻥ ﻓﻲ ﺑﺮﻧﺎﻣﺞ ) ﻣﻊ
ﺍﻷﻗﺎﻟﻴﻢ ( ﻟﻸﺳﺘﺎﺫ ﻋﻤﺮ
ﻋﺜﻤﺎﻥ .. ﺛﻢ ﺳﻠﻂ ﺍﻟﻀﻮﺀ
ﻋﻠﻴﻪ ﻣﺮﺓ ﺃﺧﺮﻯ ﻋﺒﺮ ﺑﺮﻧﺎﻣﺞ
) ﻣﻊ ﻓﻨﺎﻥ ( ﻟﻸﺳﺘﺎﺫ ﻣﺤﻤﺪ
ﺧﻮﺟﻠﻲ ﺻﺎﻟﺤﻴﻦ .. ﻭﻗﺪ
ﺃﻧﺘﻘﻞ ﻓﻲ ﻣﻨﺘﺼﻒ ﺍﻟﺴﺘﻴﻨﻴﺎﺕ
ﻟﻠﺨﺮﻃﻮﻡ ﻓﻲ ﻓﺘﺮﺓ ﻗﺮﻳﺒﺔ
ﺗﻘﺮﻳﺒﺎ ﻣﻦ ﺗﻠﻚ ﺍﻟﺘﻲ ﺃﻧﺘﻘﻞ
ﻓﻴﻬﺎ " ﺃﺑﻮ ﺍﻷﻣﻴﻦ "
ﻟﻠﺨﺮﻃﻮﻡ ..
ﻭﺑﺎﻟﻨﻈﺮ ﻟﻠﻌﻼﻗﺔ ﺍﻟﺤﻤﻴﻤﺔ
ﺍﻟﺘﻲ ﻛﺎﻧﺖ ﺗﺮﺑﻄﻪ ﺑـ " ﺃﺑﻮ
ﺍﻷﻣﻴﻦ "ﻓﻘﺪ ﺳﻜﻨﺎ ﻣﻌﺎ ﻓﻲ
ﺑﻴﺖ ﺍﻟﻤﺎﻝ ﺑﺎﻟﻘﺮﺏ ﻣﻦ ﻣﻨﺰﻝ
ﺍﻟﺰﻋﻴﻢ " ﺇﺳﻤﺎﻋﻴﻞ ﺍﻷﺯﻫﺮﻱ
" ﻓﻴﻤﺎ ﻛﺎﻥ ﻳﻌﺮﻑ ﺑـ " ﺑﻴﺖ
ﺍﻟﻔﻨﺎﻧﻴﻦ .. " ﻭﻛﺎﻥ ﻣﻌﻬﻢ ﻓﻲ
ﻧﻔﺲ ﺍﻟﺒﻴﺖ ﺍﻟﻔﻨﺎﻥ ﺍﻟﺮﺍﺣﻞ "
ﺧﻠﻴﻞ ﺇﺳﻤﺎﻋﻴﻞ " ﻭﺍﻷﺳﺘﺎﺫ "
ﺻﺎﻟﺢ ﺍﻟﻀﻲ.. " ﻭﺍﻷﺳﺘﺎﺫ
ﺃﺳﺤﻖ ﺍﻟﺤﻠﻨﻘﻲ .. ﺑﻌﺪﻫﺎ
ﺍﻟﺘﺤﻖ ﺑﻤﻌﻬﺪ ﺍﻟﻤﻮﺳﻴﻘﻰ
ﻭﺍﻟﻤﺴﺮﺡ ﻓﻲ ﺍﻟﺴﺒﻌﻴﻨﻴﺎﺕ ..
ﺛﻢ ﺑﺪﺃ ﻧﺠﻤﻪ ﻓﻲ ﺍﻟﻈﻬﻮﺭ
ﺷﻴﺌﺎ ﻓﺸﻴﺌﺎً .
ﻭﻣﺜﻠﻤﺎ ﻟﻢ ﻳﻘﺼﺮ ﺍﻷﺳﺘﺎﺫ
ﻓﻀﻞ ﺍﻟﻠﻪ ﻣﺤﻤﺪ ﻓﻲ
ﺍﻟﻮﻗﻮﻑ ﻣﻊ ﺍﺑﻦ ﻣﺪﻳﻨﺘﻪ
ﺍﻟﺤﺒﻴﺒـﺔ " ﺃﺑﻮ ﺍﻷﻣﻴﻦ " ﻭﻗﻒ
ﻛﺬﻟﻚ ﻣﻊ ﺍﻷﺳﺘﺎﺫ " ﺃﺑﻮﻋﺮﻛﻲ
ﺍﻟﺒﺨﻴﺖ " ﺣﻴﺚ ﻏﻨﻰ ﻟﻪ
ﺃﺑﻮﻋﺮﻛﻲ " : ﻭﻋﺪ .. " ﻭ "
ﻃﺮﻳﻖ ﺍﻟﻤﺎﺿﻲ " ﻭﺃﻛﻤﻞ "
ﺃﺑﻮ ﺍﻷﻣﻴﻦ " ﺻﻮﺭﺓ ﺍﻟﺪﻋﻢ
ﺑﺘﻠﺤﻴﻨﻬﻤﺎ .. ﻭﺗﻘﻮﻝ ﻛﻠﻤﺎﺕ "
ﻭﻋﺪ : "
ﺑﻮﻋﺪﻙ ﻳﺎ ﺫﺍﺗﻲ ﻳﺎ ﺍﻗﺮﺏ
ﻗﺮﻳﺒﺔ
ﺍﻟﻠﻴﻠﺔ ﺑﻬﺪﻳﻚ ﻧﻮﺭ ﻋﻴﻮﻧﻲ ﺑﻜﻞ
ﻃﻴﺒﺔ
ﻭﺑﻜﺮﺓ ﺑﻬﺪﻳﻚ ﺩﺑﻠﺔ ﺍﻟﺤﺐ
ﻭﺍﻟﺨﻄﻮﺑﺔ
ﺍﻱ ﺣﺎﺟﺔ ﺗﺰﻋﻠﻚ ﺣﺎﻻ ﺍﺳﻴﺒﺎ
ﻋﻨﺪﻱ ﺯﻳﻚ ﻛﻢ ﺍﻣﻴﺮﺓ ﻭﻛﻢ
ﺣﺒﻴﺒﺔ
ﻭﻋﺪﻱ ﻣﻦ ﻗﻠﺒﻲ ﻭﺍﺭﺍﺩﺗﻮ ﻭﻣﻦ
ﺿﻤﻴﺮﻱ
ﻣﺎ ﻓﻲ ﺯﻭﻝ ﺍﺟﺒﺮﻧﻲ ﻣﺎ
ﺷﺎﻭﺭﺕ ﻏﻴﺮﻱ
ﻭﻛﻞ ﻛﻠﻤﺔ ﺍﻗﻮﻻ ﺑﺘﺼﻮﺭ
ﺷﻌﻮﺭﻱ
ﺩﻱ ﺍﻟﺒﺮﻳﺪﺓ ﻭﻫﻲ ﺍﻟﺤﺘﻘﺎﺑﻞ
ﻣﺼﻴﺮﻱ
ﻣﻴﻦ ﻳﻔﺮﻕ ﺑﺎﻟﺤﺒﺎﻳﺐ ﻧﺎﺩﻯ
ﺷﻮﻗﻮ
ﺍﻻﻣﻞ ﺯﺍﺩ ﺍﻟﻌﻮﺍﻃﻒ ﻓﻲ
ﻃﺮﻳﻘﻢ
ﻭﻛﻞ ﺯﻭﻝ ﺷﺎﻳﻠﻨﻮ ﺑﺮﻳﺪﻡ ﻓﻲ
ﻃﺮﻳﻘﻢ
ﻭﺍﻟﻤﺤﺒﺔ ﺍﻟﻔﺎﻧﻴﺔ ﺭﺍﻣﻴﺔ ﻇﻼﻻ
ﻓﻮﻗﻢ
ﻣﻴﻦ ﻳﻔﺮﻕ ﺑﺎﻟﺤﺒﺎﻳﺐ ﻧﺎﺩﻯ
ﺷﻮﻗﻮ
ﺍﻻﻣﻞ ﺯﺍﺩ ﺍﻟﻌﻮﺍﻃﻒ ﻓﻲ
ﻃﺮﻳﻘﻢ
ﻭﻛﻞ ﺯﻭﻝ ﻓﻲ ﺍﻟﺪﻧﻴﺎ ﺷﺎﻳﻠﻨﻮ
ﺑﺮﻳﺪﻡ ﻓﻲ ﻃﺮﻳﻘﻢ
ﺑﻮﻋﺪﻙ ﻳﺎ ﺫﺍﺗﻲ ﻳﺎ ﺍﻗﺮﺏ
ﻗﺮﻳﺒﺔ
ﺍﻟﻠﻴﻠﺔ ﺑﻬﺪﻳﻚ ﻧﻮﺭ ﻋﻴﻮﻧﻲ ﺑﻜﻞ
ﻃﻴﺒﺔ
ﻭﺑﻜﺮﺓ ﺑﻬﺪﻳﻚ ﺩﺑﻠﺔ ﺍﻟﺤﺐ
ﻭﺍﻟﺨﻄﻮﺑﺔ
ﺍﻱ ﺣﺎﺟﺔ ﺗﺰﻋﻠﻚ ﺣﺎﻻ ﺍﺳﻴﺒﺎ
ﻋﻨﺪﻱ ﺯﻳﻚ ﻛﻢ ﺍﻣﻴﺮﺓ ﻭﻛﻢ
ﺣﺒﻴﺒﺔ
ﻫﺬﻩ ﺍﻷﻏﻨﻴﺔ ﻭﺟﺪﺕ ﻗﺒﻮﻻً
ﻛﺒﻴﺮﺍً ﻣﻦ ﺍﻟﻤﺴﺘﻤﻌﻴﻦ ... ﺛﻢ
ﺣﻘﻘﺖ ﺃﻏﻨﻴﺔ )ﻧﻮﺑﻴﺔ ( ﻟﻠﺸﺎﻋﺮ
" ﺳﻌﺪ ﺍﻟﺪﻳﻦ ﺇﺑﺮﺍﻫﻴﻢ "
ﻧﺠﺎﺣﺎً ﻛﺒﻴﺮﺍً ﺃﻳﻀﺎً ﻓﺎﻟﻜﻠﻤﺎﺕ
ﻛﺎﻧﺖ ﺟﻤﻴﻠﺔ ﻭﻛﺬﻟﻚ ﺍﻟﻠﺤﻦ ..
ﺛﻢ ﻛﺘﺐ ﻟﻪ ﺍﻟﺸﺎﻋﺮ ﺍﻷﺳﺘﺎﺫ
ﺣﺴﻦ ﺍﻟﺴﺮ ﺃﻏﻨﻴﺔ "ﺑﺨﺎﻑـ "
ﻫﺬﻩ ﺍﻷﻏﻨﻴﺔ ﻓﺎﺯﺕ ﺑﺎﻟﻤﺮﻛﺰ
ﺍﻷﻭﻝ ﻓﻲ ﻣﻬﺮﺟﺎﻥ ﺍﻷﻏﻨﻴﺔ
ﺍﻟﻌﺮﺑﻴﺔ ﻓﻲ ﺍﻟﺴﺘﻴﻨﺎﺕ
ﺑﺪﻣﺸﻖ ـ ﻭﺗﻘﻮﻝ ﺑﻌﺾ
ﻛﻠﻤﺎﺗﻬﺎ :
ﺑﺨﺎﻑ...ﺃﻧﺎ ﺑﺨﺎﻑ
ﺃﺳﺄﻝ ﻋﻠﻴﻚ ﺍﻟﻨﺎﺱ ﻭﺳﺮ
ﺍﻟﺮﻳﺪﺓ ﺑﻴﻨﺎ ﻳﺬﻳﻊ
ﻭﺃﺧﺎﻑ ﺃﻛﺘﺮ ﻛﻤﺎﻥ ﻳﺎﻏﺎﻟﻲ
ﻣﻦ ﺃﻳﺪﻱ ﺃﻧﺖ
ﺗﻀﻴﻊ ﻭﺃﻋﻴﺶ ﺑﻌﺪﻙ ﺁﻩ
ﺣﻴﺎﺗﻲ ﺟﻔﺎﻑ
ﻣﻮﺍﺳﻢ ﺭﻳﺪﻩ ﻣﺎﻓﻲ ﺭﺑﻴﻊ
ﺑﺨﺎﻑ ﻳﺎ ﺃﻧﺖ ﻟﻮ ﺟﻴﺘﻚ ﺍﻟﻤﻠﻢ
ﻓﻲ
ﺧﻄﺎﻭﻱ ﺍﻟﺸﻮﻕ ﻭﺍﺯﻭﺭ ﺑﻴﺘﻚ
ﻳﻘﻮﻟﻮ ﻋﻠﻲ ﺣﺒﻴﺘﻚ....ﺑﺨﺎﻑ ﻟﻮ
ﺑﺮﺿﻲ ﺃﻧﺖ ﺗﻘﻮﻝ ﻋﻠﻲ
ﻧﺎﺳﻴﻚ ﻭﺟﺎﻓﻴﺘﻚ !!
ﻛﻤﺎ ﻛﺘﺐ ﻟﻪ ﺍﻷﺳﺘﺎﺫ " ﺣﺴﻦ
ﺍﻟﺴﺮ " ﺃﻳﻀﺎً " ﺑﺮﻳﻖ ﺍﻟﺼﺤﻮ
.. " ﺃﻣﺎ ﺍﻟﺸﺎﻋﺮ ﺳﻌﺪ ﺍﻟﺪﻳﻦ
ﺇﺑﺮﺍﻫﻴﻢ ﻓﻘﺪ ﻛﺘﺐ ﻟﻪ ﺃﻏﻨﻴﺔ
"ﻋﻦ ﺣﺒﻴﺒﺘﻲ ﺑﺤﻜﻲ ﻟﻴﻜﻢ .."
ﻭﻛﺘﺐ ﻟﻪ ﺍﻟﺮﺋﻴﺲ ﺍﻷﺳﺒﻖ
ﻟﻨﺎﺩﻱ ﺍﻻﺗﺤﺎﺩ ﻣﺪﻧﻲ ﺍﻟﻀﺎﺑﻂ
ﺍﻹﺩﺍﺭﻱ ﺍﻟﻔﺬ " ﻛﺎﻣﻞ ﻋﺒﺪ
ﺍﻟﻤﺎﺟﺪ " : " ﺯﻳﺘﻮﻧـﺔ .. "
ﻭﺍﻷﺳﺘﺎﺫ ﻣﺤﻤﺪ ﻋﻠﻲ
ﺃﺑﻮﻗﻄﺎﻃﻲ" ﺃﻭﻋﻰ ﺗﺼﺪﻕ
.. " ﻭﻏﻨﻰ ﻟﻤﺤﻤﻮﺩ ﻣﺤﻤﺪ
ﻣﺪﻧﻲ" ﻳﺎ ﻗﻠﺐ .. " ﻭﻟﺨﻄﺎﺏ
ﺣﺴﻦ ﺃﺣﻤـﺪ " ﺻﺎﺣﺒﻪ ﻓﻲ
ﺍﻟﺰﻣﻦ ﺍﻟﺼﻌﺐ .. " ﻭﻛﺘﺐ ﻟﻪ
ﺍﻟﺸﺎﻋﺮ ﻣﺤﻤﺪ ﺣﺴﻦ ﺩﻛﺘﻮﺭ
" ﻧﻮﺑﻴﺔ .. " ﻭﻛﺘﺐ ﺍﻷﺳﺘﺎﺫ
ﻋﻮﺽ ﺃﺣﻤﺪ ﺧﻠﻴﻔﺔ ﻭﺍﺣﺪﺓ
ﻣﻦ ﺃﺟﻤﻞ ﺃﻏﺎﻧﻴﻪ " :ﻟﻮ ﻛﻨﺖ
ﻧﺎﻛﺮ ﻟﻠﻬﻮﻯ ﺯﻳﻚ.. " ﻭﻏﻨﻰ
ﻟﻠﺸﺎﻋﺮ ﺍﻷﺳﺘﺎﺫ " ﺣﺴﻴﻦ
ﺣﻤﺰﺓ" ﺟﺴﻤﻲ ﺃﻧﺘﺤﻞ "
ﻭﺗﻘﻮﻝ ﻛﻠﻤﺎﺗﻬﺎ :
ﺟﺴﻤﻲ ﺍﻧﺘﺤﻞ ﻛﻴﻒ ﺍﻟﻌﻤﻞ
ﻭﺃﻧﺖ ﺍﻟﻄﺒﻴﺐ ﻋﻨﺪﻙ ﺷــﻔﺎﻱ
ﻟﻮ ﻛﻨﺖ ﺗﺒﻌﺪ ﻓﻲ ﺯﺣﻞ
ﺃﻭ ﻳﻮﻡ ﺑﻘﻴﺖ ﻗﻤﺔﻓﻲ ﺳﻤﺎﻱ
ﻻﺑﺪ ﻓﻲ ﻳﻮﻡ ﺃﻧﺎ ﻟﻴﻚ ﺃﺻﻞ
ﻭﺍﺷﺮﺏ ﺑﺮﺍﻱ ﻣﻨﻚ ﺩﻭﺍﻱ
ﺣـﻦ ﻳﺎ ﻃﺒﻴﺐ ﻭﺍﻛﺸﻒ ﻋﻠﻲ
ﻭﺭﻳﻨﻲ ﻣـﺎ ﺳﺒﺐ ﺍﻷﻟﻢ
ﺍﻋﻄﻒ ﻋﻠﻲ ﻭﺍﺭﺣﻢ ﻋﻴﻨﻲ
ﻗﺎﻟﻮﺍ ﺍﻟﺸﻔﺎ ﺩﻭﻧﻚ ﻋﺪﻡ
ﺷﻮﻑ ﺍﻟﺪﻣﻮﻉ ﻣﺎﻟﻴﺎﺕ ﻋﻴﻨﻲ
ﺷﻮﻑ ﺍﻷﻟﻢ ﻭﻳﻦ ﺃﻧﻜﺘﻢ
ﺃﻧﺎ ﻳﺎ ﻃﺒﻴﺐ ﻗﻠﺒﻲ ﺃﻧﺠﺮﺡ
ﺑﺲ ﻛﻴﻒ ﺟﺮﺍﺣﻮ ﺑﺘﻠﺘﺌﻢ
ﺍﻟﻌﻤﺮﻭ ﻣﺎ ﺿﺎﻕ ﻳﻮﻡ ﻓﺮﺡ
ﻭﻻ ﺣﺘﻰ ﻓﻲ ﺍﻟﺪﻧﻴﺎ ﺃﺑﺘﺴﻢ
ﻛﻴﻒ ﺑﺲ ﻳﻌﻮﺩ ﻟﻴﻬﻮ ﺍﻟﻔﺮﺡ
ﻣﻦ ﺑﻌﺪ ﻣﺎ ﻋﺎﺵ ﺍﻷﻟﻢ
ﻗﻠﺒﻲ ﺍﻟﻌﺬﺏ ﻣﻦ ﺯﻣﻦ
ﻳﺸﻜﻲ ﻭ ﺁﻫﺎﺗﻮ ﺍﻟﺘﻤﻦ
ﺣﻦ ﻳﺎ ﻃﺒﻴﺐ ﺩﺍﻭﻱ ﺍﻟﻘﻠﻴﺐ
ﺍﻟﻌﺎﺵ ﺣﻴﺎﺗﻮ ﻣﻊ ﺍﻟﺤﺰﻥ
ﺿﻤﺪ ﺟﺮﺍﺣﻮ ﻭﻣﺮﻩ ﺳﻴﺒﻮ
ﻳﻨﺴﺎﻫﺎ ﻭﻳــــﻼﺕ ﺍﻟﺸﺠﻦ
ﻭﻏﻨﻰ " ﺃﺑﻮﻋﺮﻛﻲ ﺍﻟﺒﺨﻴﺖ "
ﻟﻸﺳﺘﺎﺫ " ﺍﻟﺘﻴﺠﺎﻧﻲ ﺣﺎﺝ
ﻣﻮﺳﻰ ""ﻭﺍﺣﺸﻨﻲ" ﻭﺍﻟﺘﻲ
ﻳﻘﻮﻝ ﻓﻲ ﺑﻌﺾ ﻣﻘﺎﻃﻌﻬﺎ :
ﻭﺍﺣﺸﻨﻲ
ﻳﺎ ﺍﻟﺨﻠﻴﺖ ﻣﻼﻣﺤﻚ ﻓﻲ
ﺣﻴﺎﺗﻲ
ﻳﺎ ﺍﻟﺮﺳﻴﺖ ﻣﺮﺍﺳﻴﻚ ﺟﻮﻩ
ﺫﺍﺗﻲ
ﺇﻻ ﺑﺎﻛﺮ ﻟﻤﺎ ﺗﺮﺟﻊ
ﺃﻧﺎ ﺑﺤﻜﻲ ﻟﻴﻚ ﻋﻦ ﺍﻟﺤﺼﻞ
ﻋﻦ ﺑﻌﺪ ﺍﻟﻤﺴﺎﻓﺔﻭﻗﺮﺑﻬﺎ
ﻟﻤﻦ ﻳﻔﺎﺭﻕ ﺯﻭﻝ ﻋﻴﻮﻥ
ﻏﺎﻟﻴﺎﺕ ﻋﻠﻴﻬﻮ ﻛﺘﻴﺮ ﻭﺑﺤﺒﻬﺎ
ﻭﺍﻟﻠﻪ ﺃﺣﻜﺎﻡ ﻳﺎﻗﺪﺭ
ﻭﺍﻟﻠﻪ ﺃﺣﻜﺎﻡ ﻳﺎ ﻣﺴﺎﻓﺔ ﻭﻳﺎ
ﺳﻔﺮ
ﻭﻗﺪ ﺃﺑﺪﻉ ﺃﺑﻮ ﻋﺮﻛﻲ ﻓﻲ
ﺗﻠﺤﻴﻦ ﻫﺬﻩ ﺍﻷﻏﻨﻴﺔ ﻓﻜﺎﻧﺖ
ﻣﺘﻔﺮﺩﺓ ﺑﻴﻦ ﺃﻏﻨﻴﺎﺗﻪ .. ﺃﻣﺎ
ﺍﻟﺴﻴﺪﺓ ﺍﻟﻔﻀﻠﻰ ﺣﺮﻣﻪ
ﺍﻟﺸﺎﻋﺮﺓ ﺍﻟﺪﻛﺘﻮﺭﺓ " ﻋﻔﺎﻑ
ﺍﻟﺼﺎﺩﻕ .. " ﻓﻘﺪ ﻛﺘﺒﺖ ﻟﻪ
ﺍﻟﻌﺪﻳﺪ ﻣﻦ ﺍﻷﻏﻨﻴﺎﺕ ﻧﺬﻛﺮ
ﻣﻨﻬﺎ " : ﺗﻌﺎﻟﻮﺍ ﻧﻐﻨﻰ" .. "ﻓﻲ
ﻋﻴﻨﻴﻚ ﺩﻧﻴﺎ ﻏﺮﻳﺒﺔ" .. "ﻭﻣﻦ
ﺯﻣﻦ ﺑﻌﻴﺪ .. " ﻭﻛﺘﺐ ﻟﻪ
ﺍﻟﺸﺎﻋﺮ ﺇﺳﺤﻖ ﺍﻟﺤﻠﻨﻘﻲ
ﺃﻏﻨﻴﺔ ﻭﻃﻨﻴﺔ ﺟﻤﻴﻠﺔ ﺣﻤﻠﺖ
ﺍﺳﻢ " : ﺍﻟﻤﺴﺆﻭﻟﻴﺔ .. "
ﻭﺗﻘﻮﻝ ﻛﻠﻤﺎﺗﻬﺎ :
ﺍﻯ ﺯﻭﻝ ﻳﺤﻤﻞ ﺭﺳﺎﻟﺔ
ﺃﻣﻴﻨﺔ ﺻﺎﺩﻗﺔ ﺑﻌﻴﺪ ﻣﺪﺍﻫﺎ
ﻳﻌﺮﻑ ﺍﻟﺘﺎﺭﻳﺦ
ﺑﻴﺤﺴﺐ ﻛﻞ ﺧﻄﻮﺍﺗﻮ
ﺍﻟﻤﺸﺎﻫﺎ
ﻭﺍﻟﺤﺪﻭﺩ ﺍﻟﻔﺎﺻﻠﺔ ﻫﻲ
ﻳﺒﻘﻰ ﻋﻨﺪﻧﺎ ﻣﺴﺆﻭﻟﻴﺔ
ﻭﻏﻨﻰ ﺃﺑﻮﻋﺮﻛﻲ ﺍﻟﺒﺨﻴﺖ
ﻟﻠﺸﺎﻋﺮ ﻋﻮﺽ ﺟﺒﺮﻳﻞ " :
ﺳﺖ ﺍﻟﺘﻮﺏ.. " ﻭ "ﺍﻟﺠﻤﻴﻞ
ﺍﻟﺴﺎﺩﺓ ﻭﺿﺎﺡ ﺍﻟﻤﺤﻴﺎ .."
ﻭﻗﺪﻡ ﻟﻪ ﺍﻷﺳﺘﺎﺫ ﺍﻟﺸﺎﻋﺮ "
ﻋﺒﺪ ﺍﻟﻤﺎﺟﺪ ﺧﻠﻴﻔﺔ" ﻛﻠﻤﺎﺕ
ﺃﻏﻨﻴﺘﻪ ﺍﻟﺠﻤﻴﻠﺔ " ﻗﻮﻣﻲ ﻣﻦ
ﺑﺪﺭﻱ .. " ﻭﻏﻨﻰ ﻟﻠﺸﺎﻋﺮ "
ﺧﻠﻴﻔﺔ ﺍﻟﺼﺎﺩﻕ " : " ﻓﺮﺍﻕ
.. " ﻭ " ﺩﻧﻴﺎ .." ﺃﻣﺎ ﺍﻟﺸﺎﻋﺮ
ﺍﻷﺳﺘﺎﺫ " ﻫﺎﺷﻢ ﺻﺪﻳﻖ "
ﻭﺍﻟﺬﻱ ﻛﺎﻧﺖ ﺗﺮﺑﻄﻪ
ﺑﺄﺑﻮﻋﺮﻛﻲ ﻋﻼﻗﺔ ﻭﺩﻭﺩﻩ ..
ﻓﻘﺪ ﻛﺘﺐ ﻟﻪ " : ﺃﺫﻥ
ﺍﻵﺫﺍﻥ.. " ﺃﺿﺤﻜﻲ ..
"ﺃﻣﻮﻧﻪ.. " ﻣﻌﺎﻙ ﻳﺒﻘﻰ ﺍﻟﺰﻣﻦ
ﺣﺎﺿﺮ " ..ﺍﻟﻮﺟﻊ ﺍﻟﺨﺮﺍﻓﻲ.. "
ﻣﻦ ﻣﻌﺰﺗﻚ .. ﺃﻧﺖ ﻟﻲ .. "
ﻭﺍﻟﺮﺍﺋﻌﺔ " ﻣﺎﺑﺘﺸﺒﻪ ﺍﻟﻘﻤﺮ "
ﻭﺗﻘﻮﻝ ﻛﻠﻤﺎﺗﻬﺎ :
ﻣﺎ ﺑﺘﺸﺒﻪ
ﺍﻟﻘﻤﺮ
ﺍﻟﺒﺘﺎﻭﻕ ﻣﻦ ﺳﻤﺎ
ﻻ ﺑﺘﺸﺒﻪ
ﺍﻟﺒﺤﺮ ﺍﻟﺨﺪﺍﺭ
ﻭﺟﻤﺎﻟﻬﺎ ﻣﺎﺣﺎﻕ
ﻓﻲ ﻏﻨﺎ
ﻣﺸﻴﻬﺎ ﺯﻯ
ﻗﺪﻝ ﺍﻟﺒﺸﺎﻳﺮ
ﺑﻰ ﻣﻬﻞ
ﻭﺣﺪﻳﺜﻬﺎ ﺯﻱ
ﻫﻤﺲ ﺍﻟﻨﺴﺎﻳﻢ
ﻟﻠﻨﺨﻞ ﺃﻳﺪﻳﻨﻬﺎ
ﺻﺎﺑﻐﻦ ﺍﻟﻮﺭﺩ
ﻭﺳﻼﻣﻬﺎ ﺯﻱ
ﺭﻭﻕ ﺍﻟﺠﺪﺍﻭﻝ
| |
|
|
|
|
|
|
|
|
|
Re: توثيق اشعار الدكتورة عفاف الصادق حمد الني (Re: مصطفى نور)
|
يا مصطفى
تحياتي ..
اعتقد عركي و ابو الامين سكنو بانت و ليس بيت المال
لانه هاشم صديق كان بحكي لي الحكاية دي كتير انهم اول ما جو من مدني سكنو قصاد بيته في بانت .. و دي بداية علاقته الفنية بيهم ..
الحاجة التانية .. لعركي قصة حب عنيفة قبل د. عفاف رحمها الله .. من ايام المعهد في العمارات .. وهي من تغنى لها يا نور النوار ..
| |
|
|
|
|
|
|
|
|
Re: توثيق اشعار الدكتورة عفاف الصادق حمد الني (Re: يحي قباني)
|
نور النوار♥
كلمات:ابوعركى البخيت
ﺳﻬﺮﻧﺎ ﺍﻟﻠﻴﻞ ﻭﻛﻤﻠﻨﺎﻩ ﻓﻲ ﻇﻼﻝ ﻋﻴﻨﻴﻜﻲ ﺍﻟﻨﻌﺴﺎﻧﺔ
ﻓﺮﺣﻨﺎ ﻛﺘﻴﺮ ﻓﻲ ﺳﺎﺣﺎﺗﻪ ﻓﺮﺣﺖ ﺍﻋﻤﺎﻗﻨﺎ ﺍﻟﺤﺰﻧﺎﻧﺔ
ﺳﻬﺮﻧﺎ ﺍﻟﻠﻴﻞ ﻭﻛﻤﻠﻨﺎﻩ ﻓﻲ ﻇﻼﻝ ﻋﻴﻨﻴﻜﻲ ﺍﻟﻨﻌﺴﺎﻧﺔ
ﻓﺮﺣﻨﺎ ﻛﺘﻴﺮ ﻓﻲ ﺳﺎﺣﺎﺗﻪ ﻓﺮﺣﺖ ﺍﻋﻤﺎﻗﻨﺎ ﺍﻟﺤﺰﻧﺎﻧﺔ
ﻳﺎ ﻧﻮﺭ ﺍﻟﻨﻮﺍﺭ ﻳﺎ ﻧﻮﺭﻩ ﻳﺎ ﻓﺮﺡ ﺍﻻﻓﺮﺍﺡ ﻳﺎ ﺑﻠﻮﺭﻩ
ﺳﻬﺮﻧﺎ ﺍﻟﻠﻴﻞ ﻭﻛﻤﻠﻨﺎﻩ ﻓﻲ ﻇﻼﻝ ﻋﻴﻨﻴﻜﻲ ﺍﻟﻨﻌﺴﺎﻧﺔ
ﻓﺮﺣﻨﺎ ﻛﺘﻴﺮ ﻓﻲ ﺳﺎﺣﺎﺗﻪ ﻓﺮﺣﺖ ﺍﻋﻤﺎﻗﻨﺎ ﺍﻟﺤﺰﻧﺎﻧﺔ
ﺳﻬﺮﻧﺎ ﺍﻟﻠﻴﻞ ﻭﻛﻤﻠﻨﺎﻩ ﻓﻲ ﻇﻼﻝ ﻋﻴﻨﻴﻜﻲ ﺍﻟﻨﻌﺴﺎﻧﺔ
ﻓﺮﺣﻨﺎ ﻛﺘﻴﺮ ﻓﻲ ﺳﺎﺣﺎﺗﻪ ﻓﺮﺣﺖ ﺍﻋﻤﺎﻗﻨﺎ ﺍﻟﺤﺰﻧﺎﻧﺔ
ﻳﺎ ﻧﻮﺭ ﺍﻟﻨﻮﺍﺭ ﻳﺎ ﻧﻮﺭﻩ ﻳﺎ ﻓﺮﺡ ﺍﻻﻓﺮﺍﺡ ﻳﺎ ﺑﻠﻮﺭﻩ
ﻏﻨﻴﻨﺎ ﺟﻤﺎﻟﻚ ﻓﻲ ﻏﻨﻮﻩ ﻓﻲ ﺍﻟﺒﻴﺖ ﻓﻲ ﺍﻟﺸﺎﺭﻉ ﻓﻲ ﺍﻟﻤﺴﺮﺡ
ﻭ ﺍﺭﻭﺍﺣﻨﺎ ﻋﺎﻧﻘﺖ ﺍﻟﻨﺸﻮﻩ ﻃﺮﺑﺎﻧﻪ ﺳﻌﻴﺪﻩ ﻭﺗﻤﺮﺡ
ﻏﻨﻴﻨﺎ ﺟﻤﺎﻟﻚ ﻓﻲ ﻏﻨﻮﻩ ﻓﻲ ﺍﻟﺒﻴﺖ ﻓﻲ ﺍﻟﺸﺎﺭﻉ ﻓﻲ ﺍﻟﻤﺴﺮﺡ
ﻭ ﺍﺭﻭﺍﺣﻨﺎ ﻋﺎﻧﻘﺖ ﺍﻟﻨﺸﻮﻩ ﻃﺮﺑﺎﻧﻪ ﺳﻌﻴﺪﻩ ﻭﺗﻤﺮﺡ
ﻳﺎ ﻧﻮﺭ ﺍﻟﻨﻮﺍﺭ ﻳﺎ ﻧﻮﺭﻩ ﻳﺎ ﻓﺮﺡ ﺍﻻﻓﺮﺍﺡ ﻳﺎ ﺑﻠﻮﺭﻩ
ﻳﺎ ﻧﻮﺭﻧﺎ ﻭﻧﻮﺭ ﺍﻟﻜﻮﻥ ﻛﻠﻪ ﻳﺎ ﻏﻨﻮﻩ ﻟﻔﺮﺡ ﺍﻻﻃﻔﺎﻝ
ﻋﺼﻔﻮﺭ ﺍﻟﺠﻨﻪ ﺍﻟﺼﺪﺍﺡ ﻟﻌﻴﻮﻧﻚ ﻏﻨﻰ ﻭﻛﻢ ﻗﺎﻝ
ﻳﺎ ﻧﻮﺭﻧﺎ ﻭﻧﻮﺭ ﺍﻟﻜﻮﻥ ﻛﻠﻪ ﻳﺎ ﻏﻨﻮﻩ ﻟﻔﺮﺡ ﺍﻻﻃﻔﺎﻝ
ﻋﺼﻔﻮﺭ ﺍﻟﺠﻨﻪ ﺍﻟﺼﺪﺍﺡ ﻟﻌﻴﻮﻧﻚ ﻏﻨﻰ ﻭﻛﻢ ﻗﺎﻝ
ﻳﺎ ﻧﻮﺭ ﺍﻟﻨﻮﺍﺭ ﻳﺎ ﻧﻮﺭﻩ ﻳﺎ ﻓﺮﺡ ﺍﻻﻓﺮﺍﺡ ﻳﺎ ﺑﻠﻮﺭﻩ
ﻳﺎ ﻧﻮﺭﻧﺎ ﻭﻧﻮﺭ ﺍﻟﻜﻮﻥ ﻛﻠﻪ ﻳﺎ ﻏﻨﻮﻩ ﻟﻔﺮﺡ ﺍﻻﻃﻔﺎﻝ
ﻋﺼﻔﻮﺭ ﺍﻟﺠﻨﻪ ﺍﻟﺼﺪﺍﺡ ﻟﻌﻴﻮﻧﻚ ﻏﻨﻰ ﻭﻛﻢ ﻗﺎﻝ
ﻳﺎ ﻧﻮﺭﻧﺎ ﻭﻧﻮﺭ ﺍﻟﻜﻮﻥ ﻛﻠﻪ ﻳﺎ ﻏﻨﻮﻩ ﻟﻔﺮﺡ ﺍﻻﻃﻔﺎﻝ
ﻋﺼﻔﻮﺭ ﺍﻟﺠﻨﻪ ﺍﻟﺼﺪﺍﺡ ﻟﻌﻴﻮﻧﻚ ﻏﻨﻰ ﻭﻛﻢ ﻗﺎﻝ
ﻳﺎ ﻧﻮﺭ ﺍﻟﻨﻮﺍﺭ ﻳﺎ ﻧﻮﺭﻩ ﻳﺎ ﻓﺮﺡ ﺍﻻﻓﺮﺍﺡ ﻳﺎ ﺑﻠﻮﺭﻩ
ﺳﻬﺮﻧﺎ ﺍﻟﻠﻴﻞ ﻭﻛﻤﻠﻨﺎﻩ ﻓﻲ ﻇﻼﻝ ﻋﻴﻨﻴﻜﻲ ﺍﻟﻨﻌﺴﺎﻧﺔ
ﻓﺮﺣﻨﺎ ﻛﺘﻴﺮ ﻓﻲ ﺳﺎﺣﺎﺗﻪ ﻓﺮﺣﺖ ﺍﻋﻤﺎﻗﻨﺎ ﺍﻟﺤﺰﻧﺎﻧﺔ
ﺳﻬﺮﻧﺎ ﺍﻟﻠﻴﻞ ﻭﻛﻤﻠﻨﺎﻩ ﻓﻲ ﻇﻼﻝ ﻋﻴﻨﻴﻜﻲ ﺍﻟﻨﻌﺴﺎﻧﺔ
ﻓﺮﺣﻨﺎ ﻛﺘﻴﺮ ﻓﻲ ﺳﺎﺣﺎﺗﻪ ﻓﺮﺣﺖ ﺍﻋﻤﺎﻗﻨﺎ ﺍﻟﺤﺰﻧﺎﻧﺔ
ﻳﺎ ﻧﻮﺭ ﺍﻟﻨﻮﺍﺭ ﻳﺎ ﻧﻮﺭﻩ ﻳﺎ ﻓﺮﺡ ﺍﻻﻓﺮﺍﺡ ﻳﺎ ﺑﻠﻮﺭﻩ
| |
|
|
|
|
|
|
| |
مصطفى نور
يحي قباني
فيس بوك
تويتر
انستقرام
يوتيوب
بنتيريست