الايام دى فى موضوع غريب قصه فتاة العفاض البتعالج بالمويه وكلام عن ملك جاها فى الحلم وهوس الناس بيها الحاصل شنو الناس بقت تفتش عن اى طاقه امل وحل لمشاكلها حتى لو كان عينة الشايفنو دا ؟؟ !!! .
05-30-2022, 05:01 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
سلام عاصم, تتذكر بتاع التش الكان ظهر قبل حوالى 18 سنة تقريبا في احدى قرى الجزيرة. كنت في زيارة للسودان تلك الفترة, قابلت ناس كتار من الاقارب بعلامة التشة المشهورة و الكل يقولو كنت عيان بكذا و كذا و لكن من التشة بقيت كويس.
دى علاجها بالموية ليس فيها ضرر في كل الاحوال. شايفو اخف شوية بغض النظر عن المنطق او غيرو.
05-31-2022, 07:22 AM
walid taha walid taha
تاريخ التسجيل: 01-28-2004
مجموع المشاركات: 4202
Quote: تتذكر بتاع التش الكان ظهر قبل حوالى 18 سنة تقريبا في احدى قرى الجزيرة.
بتاع التش ده يا محجوب أعتقد كان جمب كريمة ، بعرف واحد عمنا كان بيشتكي من إلتهاب مصران شديد جدا مشى ليهو تشاهو فى أسف ساقه و الحمد لله بقى كويس خالص ، بس بعد فترة للأسف رجع ليهو الإلتهاب مرة تانية .
05-31-2022, 08:31 AM
walid taha walid taha
تاريخ التسجيل: 01-28-2004
مجموع المشاركات: 4202
عاصم إزى الحال فعلا الموضوع غريب . للأسف طبعا توثيق قناة الزول ضعيف جدا جدا ويفتقر للمهنية ولا يٌملِّك أى حقيقة ! انا ما فهمت الأخ ده فى أخر الفيديو (كبا كريستالتين) فى النخلة ليه ؟ يعنى بقصد الموضوع (فشنك) ولا شنو ؟ !! الأغرب من القصة التوثيق نفسه !!
05-31-2022, 12:44 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4404
سلام للجميع~ إنقاذ الطفلة دى ضرورى. سمعت جزء من الفيديوهات ، قال إنه الطفلة صغيرة جدا فى سنها وتصرخ وخايفة. - مسألة جدها و نظره رجع - دى ظاهرة طبية ما عندها علاقة بكلامهم دا، اسمها "النظر الثانى" ودى ظاهرة مدهشة ، قريت فى كتب غابريال غارسيا ماركيز(مائة عام من العزلة والثانى نعيش لنحكى…) عن جدته أورسولا فى الرواية الأولى وكيف استعادت نظرها، وجدته الحقيقية فى الرواية الثانية وإنها أُجريت لها عملية كتاراكت. جريت قريت وسألت عما كتبه قابريل غارسيا ، وجدت المعلومة دى وأكدها الاطباء وإنها بتحصل نتيجة للتطور فى نظر البنى آدم وممكن يتخلى عن نظارات القراية لو كان بيستعملها بانتظام ولفترة طويلة، أو بتحصل لبعض الناس قبل الموية البيضاء تعتم العدسات تماما. *فشنو يبدو إن جد الطفلة نظره إتصلح نتيجة للظاهرة الطبية المدهشة دى؛ *قد يكون الطفلة دى فى نفس الزمن مارة بظرف صحى، حاجة أثرت على عقلها وبقت تشوف حاجات وياريت بدل الحاصل دا يعرضوها على طبيب أمراض عقلية او قد تكون المسكينة أهلها لسبب من الأسباب ، قرروا خدعة زى دى (ودا إحتمال ضعيف). لكن بيحصل فى عدد من المجتمعات وبلاد الدنيا حتى العاملين فيها متقدمين.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Asim Ali
Mahjob Abdalla
walid taha
هدى ميرغنى
فيس بوك
تويتر
انستقرام
يوتيوب
بنتيريست