|
|
|
 Re: نكته 2023 بوست فرفشه شارك معانا بنكته (Re: مصطفى نور)
|
ﻣﺴﻄﻮﻝ ﻋﻠﻲ ﻓﺮﺍﺵ ﺍﻟﻤﻮﺕ ﺍﻟﻨﺎﺱ
ﻣﺘﻠﻤﻴﻦ ﻓﻴﻮ ﻭﺷﺎﺑﻜﻨﻮ ﺍﻟﺸﻬﺎﺩﺓ ﺍﻟﺸﻬﺎﺩﻩ
ﻭﻫﻮ ﺑﺤﺮﻙ ﻓﻲ ﺧﺸﻤﻮ ﻭﺑﻌﺪ ﺗﻌﺐ
ﻗﺎﻝ :
ﺍﻟﻨﻴﻠﻴﻦ ﺩﺑﻠﻮﻡ ﺗﺠﺎﺭﻩ
😂😂😂😂😂😂😂😂
ﻣﺴﻄﻮﻝ ﻭﺍﻗﻊ ﺩﻕ ﺷﺪﻳﺪ ﻓﻲ ﻭﻟﺪﻩ .
ﺳﺄﻟﻮﻫﻮ : ﻣﺎﻟﻚ ﻣﻊ ﺍﻟﻮﻟﺪ ﻳﺎﺥ .. ! ؟
ﻗﺎﻟﻴﻬﻢ : ﺑﻜﺮﻩ ﻧﺘﻴﺠﺔ ﺍﻟﻮﻟﺪ ﻭﺍﻧﺎ ﻣﺴﺎﻓﺮ
ﺍﻟﻠﻴﻠﺔ .. !! ؟ !! ؟؟؟
😂😂😂😂😂😂😂😂
ﻣﺴﻄﻮﻝ ﻛﻞ ﻳﻮﻡ ﻳﺠﻲ ﻣﺎﺭﻱ ﺑﻲ ﺍﻟﺸﺎﺭﻉ ﻭﻳﻠﻘﻰ ﻋﺮﺑﻴﺔ ﺟﻴﺐ ﻭﺍﻗﻔﻪ
ﻭﻣﻜﺘﻮﺑﻪ ﻋﻠﻴﻬﺎ 4X4 ﻓـ ﻳﻤﺴﻚ ﻃﻮﺑﻪ ﻭﻳﻜﺘﺐ ﺟﻨﺒﻬﺎ
ﺗﺴﺎﻭﻯ 16 ﻭﺍﻟﺮﺍﺟﻞ ﺻﺎﺣﺐ ﺍﻟﻌﺮﺑﻴﺔ ﻛﻞ ﻳﻮﻡ ﻳﻮﺩﻳﻬﺎ ﺍﻟﺼﻴﺎﻧﻪ
ﻭﺗﺎﻧﻰ ﻳﻮﻡ ﻟﻤﻦ ﻳﺠﻲ ﻳﻠﻘﻰ ﻧﻔﺲ ﺍﻟﻤﻮﺿﻮﻉ ﺇﺗﻜﺮﺭ ﻟﺤﺪ ﻟﻤﺎ ﺇﺗﻐﺎﻅ ﻭﺍﺗﻀﺎﻳﻖ
... ﻓـ ﺃﺧﺮ ﻣﺮﻩ ﺍﺧﺪ ﺍﻟﻌﺮﺑﻴﺔ ﻟﻠﺼﻴﺎﻧﻪ ﻭﻗﺎﻝ ﻟﻠﻌﺎﻣﻞ ﺑﻌﺪ ﻣﺎ ﺕﻈﺒﻄﻬﺎ ﺍﻛﺘﺐ
ﺟﻨﺐ ﻛﻠﻤﺔ 4X4 ﺗﺴﺎﻭﻯ 16 ﻋﺸﺎﻥ ﺃﻧﺎ ﺧﻼﺹ ﺍﻛﺘﻔﻴﺖ ..ﺍﻟﻤﻬﻢ ﺍﻟﺮﺍﺟﻞ
ﻇﺒﻂ ﻟﻴﻪ ﺍﻟﻌﺮﺑﻴﺔ ... ﻭﻛﺘﺐ ﺟﻨﺐ 4X4 .. ﺕﺴﺎﻭﻯ 16 ﻓــ ﺍﻟﻤﺴﻄﻮل
ﺟﺎ ﻓﺎﻳﺖ ﺏﺎﻟﺸﺎﺭﻉ
ﻭﻋﺎﻳﻦ ﻟﻠﻌﺮﺑﻴﻪ ﻟﻘﻲ ﻣﻜﺘﻮﺏ ﻋﻠﻴﻬﺎ 4X4 ﺕﺴﺎﻭﻯ16 ﺷﺎﻝ ﻃﻮﺑﻪ ﻭﻛﺘﺐ
ﺟﻨﺒﻬﺎ " ﺍﻻﺟﺎﺑﻪ ﺻﺤﻴﺤﻪ ."
😂😂😂😂😂😂😂
ﺑﺘﺎﻉ ﺍﻟﻌﺮﺑﻴﻪ ﻟﺤﺪﻱ ﻫﺴﻲ
ﻓﻲ ﺍﻟﺘﺠﺎﻧﻲ ﺍﻟﻤﺎﺣﻲ
.😐😂😅😆😆😆
ﻣﺴﻄﻮﻝ ﺍﺗﺸﺎﻛﻞ ﻣﻊ ﺑﺖ ﺷﻴﻨﻪ ﺷﺪﻳﺪ ﻓﻲ ﺍﻟﻤﻮﺍﺻﻼﺕ .. ﻗﺎﻟﺖ ﻟﻴﻬﻮ ﻭﺍﻟﻠﻪ
ﺍﻧﺖ ﻟﻮ ﺭﺍﺟﻠﻲ ﻛﻨﺖ ﺧﺘﻴﺖ ﻟﻴﻚ ﺳﻢ ﻓﺎﺭ ﻓﻲ ﺍﻟﻘﻬﻮﺓ .. ﻗﺎﻝ ﻟﻴﻬﺎ ﻋﻠﻲ
ﺍﻟﻄﻼﻕ ﺍﻧﺘﻲ ﻟﻮ ﻣﺮﺗﻲ ﻛﻨﺖ ﺷﺮﺑﺘﻬﺎ ....
😂😂😂😂😂😂😂😂
ﺣﺒﺎﻳﺒﻨﺎ ﺍﻟﺸﻮﺍﻳﻘﻪ
ﻭﺍﺣﺪ ﺍﺳﺘﻠﻢ ﺣﻮﺍﻟﻪ ﻣﺮﺳﻠﻪ ﻣﻦ ﺍﻟﺴﻌﻮﺩﻳﻪ ﺍﺳﺘﻠﻢ ﺍﻟﻘﺮﻭﺵ ﻧﺼﻬﺎ ﻗﺪﻳﻤﺔ
ﻣﻘﻄﻌﻪ ﻭﻧﺼﻬﺎ ﺟﺪﻳﺪ ،
ﻭﺍﻗﻒ ﺟﻤﺐ ﺍﻟﺼﺮﺍﻑ ﻓﻲ ﺍﻟﺸﺎﺭﻉ ﻳﻌﺪ ﻓﻴﻬﺎ .. ﺑﺪﺍ ﺑﺎﻟﻘﺮﻭﺵ ﺍﻟﻘﺪﻳﻤﻪ ﻳﻌﺪﻫﺎ
ﺑﺮﺍﺣﺖ ﻳﺪﻩ ﻭﺟﻨﺒﻪ ﻭﺍﺣﺪ ﺭﺑﺎﻃﺎﺑﻲ ﻳﺘﺄﻣﻞ ﻓﻴﻪ ﻭﻫﻮ ﻳﻌﺪ ﻭﻟﻤﺎ ﻭﺻﻞ ﻋﻨﺪ
ﺍﻟﻘﺮﻭﺵ ﺍﻟﺠﺪﻳﺪﻩ ﻳﺪﻭ ﺧﻔﺖ ..
ﺍﻟﺮﺑﺎﻃﺎﺑﻲ ﻗﺎﻝ ﻟﻴﻬﻮ : ﻃﻠﻌﺖ ﺍﻟﻈﻠﻂ ﺧﻼﺹ
ﺍﻟﺰﻭﻝ ﻟﻼﻥ ﺍﺻﺎﺑﻌﻴﻦ ﻳﺪﻩ ﻳﺎﺑﺴﻪ ﻋﻮﺩ
😂😂😂😂😂😂😂😂
ﺟﻨﺲ ﻏﺘﺎﺗﺔ ﻏﺎﻳﺘﻮ
ﻭﺍﺣﺪ ﻣﺘﺰﻭﺝ ﻣﺮﺗﻴﻦ ﻭﺍﺣﺪﺓ ﺟﻌﻠﻴﺔ ﻭﺍﻟﺘﺎﻧﻴﺔ ﺷﺎﻳﻘﻴﺔ
ﺍﻟﺠﻌﻠﻴﺔ ﻭﻟﺪﺕ ﻭﻟﺪ ﺳﻤﻮﻩ ﺃﺣﻤﺪ . ﺍﻟﺸﺎﻳﻘﻴﺔ ﺑﻌﺪ ﺃﺳﺒﻮﻉ ﻭﻟﺪﺕ ﻭﻟﺪ ﺳﻤﻮﻩ
ﺳﻴﺪ ﺃﺣﻤﺪ
😂😂😂😂😂😂😂😂
ﺷﺎﻳﻘﻴﺔ ﻛﺒﻴﺮﺓ
ﻣﺎﺑﺘﺼﻠﻲ ﻭﻗﺪﺭ ﻣﺎﻳﻨﺼﺤﻮﻫﺎ ﻗﺎﻟﻮ ﻟﻴﻬﺎ ﺍﻟﺼﻼﺓ ﺑﺘﻨﻮﺭ ﻟﻴﻚ ﻗﺒﺮﻙ
ﻗﺎﻟﺖ ﻟﻴﻬﻢ ﺍﺳﻮﻱ ﺑﻴﻬﻮ ﺷﻨﻮ ﺍﻟﻨﻮﺭ
ﺗﺎﺑﺨﻲ ﻭﻻ ﻋﺎﻳﺴﻲ
ﻣﺎﺭﺍﻗﺪﺓ ﻧﺎﻳﻤﻲ
😂😂😂😂😂😂😂
ﺭﺑﺎﻃﺎﺑﻲ ﻗﺒﻀﻪ ﺗﻤﺴﺎﺡ ﻓﻲ ﺍﻟﺒﺤﺮ،،،،
ﺑﻌﺪﺗﻌﺐ ﺍﺗﻔﻚ ﻣﻨﻪ ﻭﻃﻠﻊ ﺑﺤﺒﺔ ﺟﺮﻭﺡ ﻛﺪﺍ
ﺍﻟﺠﻤﺎﻋﺔ ﺷﺎﻟﻮﻩ ﺟﺮﻱ ﻋﻠﻲ ﺍﻟﺪﻛﺘﻮﺭ .....
ﺍﻟﺪﻛﺘﻮﺭ ﻗﺎﻟﻴﻬﻢ ﺩﺍ ﻣﺎﻟﻪ !!!!!!!!!
ﻗﺎﻟﻮ ﻟﻴﻪ ﻗﺒﻀﻪ ﺗﻤﺴﺎﺡ ﺑﺲ ﻃﻠﻊ ﻣﻨﻬﺎ.
ﻗﺎﻟﻴﻬﻢ ﻃﻴﺐ ﻭﺍﻟﺘﻤﺴﺎﺡ ﻭﻳﻦ؟؟؟؟؟؟
ﺍﻟﺮﺑﺎﻃﺎﺑﻲ ﻗﺎﻟﻴﻪ ﻓﻲ ﺍﻟﺤﺮﺍﺳﺔ
😂😂😂😂😂😂😂
| |
 
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
دي حقيقه مش نكته
واحد سأل حبوبتو من
أنواع الحريم عليكم الله شوفو حبوبه دي صنفتهن كيف ؟؟؟؟
1⃣فيهن أم دماع
لا هي ست متاع
ولا هي بهيمه تنباع
عندها تركه في الضباع
عيشتها بلع وبلاع
وكل ساعتين إرجاع
مشيتها استرباع
كان عاشرتها عمرك ضاع
* * * * * * * * * * * * مباالغه
2⃣فيهن الطويله
في وقفتها ريله
سمحه وعديييله
كان اتعشت بليله
ما بتقول قليله
زي زهرة خميله
دي أجمل خليله
* * * * * * * * * * يا سلاااام*
3⃣فيهن الكفوت اللفوت
انت تجي من الخلا هي تجيك من البيوت
لا تديك قوت
ولا تخلي كلمه تفوت
ريحتها زي حروت
لا صندل ولا دروت
ودي طبعتها يوووت
تكتلك قبال تموت
* * * * * * * * * استر يااااارب*
4⃣فيهن بنت الدور
تمنحك الفرح والسرور
ريحة بيتها دلكه وبخور
عرضك مستور
وعيبك ما منشور
مالك مدخور
وخيرك موفور
وتوبك معطور
خمره وكافور
* * * * * * * * * اشي اشي عليه*
5⃣فيهن اللفاحه
ام مشيتا طلواحه
لا تديك راحه
ولا تخلي ليك مساحه
كان مشت كتاحه
وكان ضحكت قحاحه
كان اتكلمت نباحه
وكان سكتت كوم قباحه
كلها بجاحه
وفراقهاا راحه
* * * * * * عاد صدقتي يا حبوبه*
6⃣فيهن مربوعة الحريم
اوصافها زي الريم
حبها مستديم
دي فايدة التعليم
النظافة بالتعقيم
يا خشيم الاسكريم
البخطاكي يأكل نيم
* * * * * * * * * * امسكوا قوي
7⃣فيهن أم زعموط
أم رأسا قطقوط
زي ارنب القرموط
لسانها باقي سوط
كان تكلمت تجوط
توبها كل يوم مشروط
كملت فوقه الخيوط
جر ليها تلاته خطوط
واقعد معاها بي شروط
* * * * * * * * * * * الله اكبر*
8⃣فيهن قصيره وحكيمه
واخلاقها سمحه وقويمه
وقراراتها ديمه سليمه
وفوق بيتها طيبه وكريمه
مستوره راقيه وحشيمه
طباخه ماهره وفهيمه
وعشرتها طيبه وحميمه
كان فارقتها تكون بهيمه
* * * * * * * * * *
😂😂😂😂😂😂😂
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
أمثال عربيه بلغة الهنود والبنقاله...
1// سكر باب مزبوط بعدين مافي يجي هوا...
الترجمه //" الباب البجيب الريح سدو واستريح..
2// ما يسوى زياده قرقر صغير كلام مزبوت..
الترجمه //" خير الكلام ما قل ودل..
3// سيم سيم 40 نفرات..
الترجمه // يخلق من الشبه أربعين
4//" ينزل بحر هو في معلوم مين هو كذاب
الترجمه // المويه تكذب الغطاس..
5// أنا اخو في سوا سوا يضرب راجو.. انا راجو في سوا سوا يضرب نفرات مافي هندي..
الترجمه // أنا واخوي على بن عمي.. وأنا وبن عمي على الغريب..
6// انت في جاري سيم سيم حيوان بعدين أكل في شويه شويه
الترجمه // تجري جرى الوحوش غير رزقك ما بتحوش...
7// بس هو مافي حصل حليب هو كلام مافي حلو
الترجمه //" الكديس لما ما يلقى اللبن بقول عفن..
8// حصان هو يمشي كتير بعدين كله نفر كلام حماد كويس
*الترجمه // الخيل تجقلب والشكر لحماد *😂😂
| |
|
|
|
|
|
|
|
|
 Re: نكته 2023 بوست فرفشه شارك معانا بنكته (Re: مصطفى نور)
|
سلامات
مصطفي نور
هاك دي
😂😂😂😂😂😂😂😂😂😂😂..
ﺷﺎﻳﻘﻲ ﻣﺸﻰ ﺍﻟﺴﻌﻮﺩﻳﻪ ﺍﺷﺘﻐﻞ
ﺭﺍﻋﻲ ﺍﺑﻞ. ﺍﻟﺴﻌﻮﺩﻱ ﺳﺒﻌﻪ ﺷﻬﻮﺭ ﻣﺎ
ﺃﺩﺍﻫﻮ ﻣﺎﻫﻴﻪ ﻭﺍﺧﺮ ﺷﻲ ﻣﺸﻰ ﻓﺘﺢ ﻓﻴﻬﻮ
ﺑﻼﻍ ﻗﺎﻝ ﻟﻲ ﺍﻟﺸﺮﻃﻪ ﻋﻨﺪﻱ ﺭﺍﻋﻲ
ﺳﻌﺮﺍﻥ ﻋﻀﻪ ﺍﻟﻨﺎﻗﻪ ﺣﻘﺘﻲ ﺍﻟﺸﺮﻃﻪ ﺟﻮ
ﺑﺒﻨﺎﺩﻗﻬﻢ ﻗﺎﻟﻮ ﻟﻲ ﺍﻟﺴﻌﻮﺩﻱ ﻭﻳﻨﻬﺎ ﺍﻟﻨﺎﻗﻪ
ﺍﻟﻌﻀﺎﻫﺎ ﺍﻟﺮﺍﻋﻲ ﺟﺎﺏ ﻟﻴﻬﻢ ﻭﺍﺣﺪﻩ
ﻛﺤﻴﺎﻧﻪ ﻗﺎﻝ ﻟﻴﻬﻢ ﻳﺎﻫﺎ ﺩﻱ ﻃﺎﺥ ﺍﺩﻭﻫﺎ
ﻃﻠﻘﻪ ﺍﻟﺸﺎﻳﻘﻲ ﻗﺎﻝ ﻟﻴﻬﻢ ﺍﻧﺎ ﻋﻀﻴﺖ
ﻋﺸﺮﻩ ﻧﻴﺎﻕ ﻏﻴﺮ ﺩﻱ ﻗﺎﻟﻮ ﻟﻴﻬﻮ ﻃﻠﻌﻬﻦ
ﻋﺰﻝ ﺍﺣﺴﻦ ﻋﺸﺮﻩ ﻧﻴﺎﻕ ﻃﻠﻌﻬﻦ ﻗﺎﻝ
ﻟﻴﻚ ﺍﻟﺸﺮﻃﻪ ﺗﻀﺮﺏ ﻓﻴﻬﻦ ﻭﺍﺣﺪﻩ ﻭﺍﺣﺪﻩ
ﺍﻟﺴﻌﻮﺩﻱ ﻗﺎﻝ ﻟﻠﺸﺮﻃﻪ ﺍﻗﻴﻔﻮ ﺍﻟﺰﻭﻝ ﺩﺍ
ﻣﺎﺳﻌﺮﺍﻥ ﺍﻧﺎ ﻛﻀﺒﺘﻪ ﻋﻠﻴﻜﻢ ﺳﺎﻱ
ﻭﺍﻟﻌﺴﺎﻛﺮ ﺷﻐﺎﻟﻴﻦ ﻛﺘﻞ ﻓﻲ ﺍﻟﻨﻴﺎﻕ
ﺍﻟﺸﺎﻳﻘﻲ ﻗﺎﻝ ﻟﻲ ﺍﻟﻌﺴﺎﻛﺮ ﻫﻮ ﺯﺍﺗﻮ ﺍﻧﺎ
ﻋﻀﻴﺘﻮ
😂😂😂😂😂😂😂😂😂😂
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: محمد نور عودو)
|
محمد نور عودو
اخي اضحك الله فاهك وحياتك اخي الغالي
واحد مشي لي الدكتور يشكي ليهو قال ليهو: والله ي دكتور جسمي مكسر و فتران جنس فتر الدكتور قال ليهو: والله ما بتلحقني.
ﻭﺍﺣﺪﺓ ﺣﻨﻜﻮﺷﺔ ﺩﺧﻠﺖ ﻣﻄﻌﻢ ﻗﺮﺍﺻﺔ ﺻﺎﺣﺒﻮ ﺭﺑﺎﻃﺎﺑﻰ ﻗﺎﻟت ﻟﻴﻪ: ﻳﺎ ﻋﻤﻮ ﻋﻠﻴﻚ ﺍﻟﻠﻪ ﺍﺩﻳﻨﻰ ﺳﻨﺪﻭﺗﺶ ﻗﺎﻟﻴﻬﺎ: يا بتي ﻋﻨﺪﻧﺎ ﻗﺮﺍﺻﺔ ﻛﺎﻥ ﺩﺍﻳﺮﺓ ﺳﻨﺪﻭﺗﺶ ﺟﻴﺒﻰ ﺍﺑﺮﺓ ﻭﺧﻴﻂ.
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
😂 من طرائف الخدمة المدنية ..
صديقي أدمن العمل الوظيفي في وزارة المالية في قسم الكتبة والخطابات الحكومية ولا يمتلك خبرات في العلاقات مع الجنس اللطيف، رغم وسامته ولكن عشقته فوزية من قسم الإيرادات حد الجنون وصعب الوصال إلى قلبه في ذاك الزمن حيث لا موبايل ولا أي وسيلة فأرسلت له خطاباً عاطفياً عنيفاً تبثه حبها وعشقها ..
ارتبك صاحبنا وأراد أن يرد لها الجواب فكتب إليها :
الأستاذة/ فوزية
تحية طيبة..
أما بعد..
بالإشارة لخطابكم المرسل إلينا والمؤرخ بتاريخ ٥/١٢/ ١٩٨٤.
بخصوص مشاعركم ..
نفيدكم علماً.. إننا نتجاوب معكم..
وشكراً ....
ـ صورة لشئون العاملين
- صورة للمحلية
- صورة للحسابات
- صورة للملف
🤣🤣🤣😂
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
😅😂
الفنان العملاق أبو داؤود دقش ليهو كلب بعربيتو والكلب مات
الكلب طلع بتاع واحد قبطي و طلع مسجل و عندو سجل وكرت صحي
كلب مقيَّم رسمى يعني
😅
قام القبطي إشتكي أبو داؤود
و جاء يوم القضية قدام القاضي
القاضي قال لابو داؤود :
انت متهم بأنك عفصت كلب الراجل دا وكتلتو
أبو داؤود قال للقاضي :
يا مولانا انت عمرك سمعت بى كلب مات في عنقريبو ولا مات بى جلطة
ما أصلو الكلاب بتموت عفيص ودقيش في الشوارع
المحكمة كلها انفجرت بالضحك بما فيهم القاضي نفسو و القبطي تنازل و عفى لما عرف دا الفنان أبو داؤود ملك الظرافة
😂😂😂😂😂
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
ﺇﺛﻨﻴﻦ ﺍﺻﺤﺎﺏ ﺑﻴﺘﻮﻧﺴﻮ 😍
ﻭﺍﺣﺪ ﺳﺄﻝ ﺍﻟﺘﺎﻧﻲ " ﺍﻧﺖ ﻣﺮﺗﻚ ﺑﺘﺘﻌﺎﻣﻞ ﻣﻌﺎﻙ ﻛﻴﻒ ﺑﺎﻟﻠﻪ ؟
ﻗﺎﻝ ﻟﻴﻬﻮ ﻭﺍﻟﻠﻪ ﺗﻤﺎﻡ ﻭﻣﺘﻔﺎﻫﻤﻴﻦ جدا ﻳﻌﻨﻲ ﻓﻲ ﺍﻃﺎﺭ ﺍﻟﺘﻌﺎﻭﻥ ﺍﻟﺮﻭﺗﻴﻨﻲ 😙 ﻟﻀﻤﺎﻥ ﺣﻴﺎﺓ ﺍﺟﺘﻤﺎﻋﻴﺔ ﻣﺴﺘﻘﺮﻩ ﻭﺑﺴﻌﻰ ﻟﺘﻄﻮﻳﺮ ﺍﻟﺘﻌﺎﻭﻥ ﺍﻻﺳﺮﻱ 😚ﻭﺑﻔﻌﻞ ﺍﻟﻌﻤﻞ ﺍﻟﻤﺸﺘﺮﻙ ﻣﺜﻼ ﺍﻧﺎ ﻟﻮ ﺻﺤﻴﺖ ﺍﻟﺼﺒﺎﺡ ﻗﺒﻠﻴﻬﺎ .. ﺑﻌﻤﻞ
ﺍﻟﺸﺎﻱ .. ﻭﺑﻠﺒﺲ ﺍﻻﻭﻻﺩ ﻟﻠﻤﺪﺍﺭﺱ .. ﻭﻟﻮ ﺟﻴﺖ ﻣﻦ ﺍﻟﺸﻐﻞ ﺑﺪﺭﻱ ..ﻓﻲ ﻧﻔﺲ ﺍﻻﻃﺎﺭ ﺍﻟﺬﻛﺮﺗﻮ ﻟﻴﻚ ﺑﻐﺴﻞ ﺍﻟﻌﺪﺓ ﻭﺍﺳﻮﻱ ﺍﻟﻤﻼﺡ ﻭﻟﻮ ﻫﻲ ﻃﺎﻟﻌﻪ ﻧﺎﺱ ﺍﻣﻬﺎ ﻭﻋﺸﺎﻥ ﺧﻠﻖ ﺍﻳﺪﻟﻮﺟﻴﺔ ﺗﻨﺎﻏﻢ ﻣﻊ ﺍﻻﻭﻻﺩ ﺑﻤﺴﻚ ﻟﻴﻬﺎ ﺍﻟﺸﺎﻓﻌﺔ ﺍﻟﺼﻐﻴﺮﺓ .. ﻭﻟﻮ ﻗﺎﻟﺖ ﻟﻲ ﻣﻌﺰﻭﻣﺔ ﺑﺮﺓ ﺑﻘﺪﺭ ﻓﻴﻬﺎ ﺣﺘﺔ ﺍﻟﺘﻮﺍﺻﻞ ﺍﻻﺟﺘﻤﺎﻋﻲ ﺩﻱﻭﺑﻤﺸﻲ ﺍﻭﺻﻠﻬﺎ ﻭﺑﺮﺟﻊ ﻟﻴﻬﺎ ﻟﻤﺎ ﺗﺘﺼﻞ ﺗﻘﻮﻝ ﻟﻲ ﺗﻌﺎﻝ ﺭﺟﻌﻨﻲ ﻭﻟﻮ ﻗﻠﺖ ﻟﻴﻬﺎ ﺍﻋﻤﻠﻲ ﻟﻲ ﺷﺎﻱ ﻭﻗﺎﻟﺖ ﺍﺑﻴﺖ ﺑﻘﺪﺭ ﻣﺠﻬﻮﺩﺍﺕ ﺍﻻﻣﻮﻣﻪ ﻭﺍﻟﺤﺎﺟﺎﺕ ﺩﻱ .. فـ بعرﻓﻬﺎ ﺗﻌﺒﺎﻧﺔ ﺑﻘﻮﻡ ﺍﺳﻮﻳﻬﻮ ﺑﺮﺍﻱ ﻭﺑﺠﻴﺐ ﻟﻴﻬﺎ ﻛﺒﺎﻳﺔ ﻣﻌﺎﻱ ..ﻗﺎﻝ ﻟﻴﻬﻮ
ﺍﻫﺎ ﻭﺍﻧﺖ ﻣﺮﺗﻚ ﻛﻴﻒ ﻣﻌﺎﻙ ؟ ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺎ ﺑﺮﺿﻮ ﻫﺎﺭﺷﺎﻧﻲ زيك كده ..ﻟﻜﻦ ﻣﺎ ﺑﻌﺮﻑ ﺃﺭﺗﺐ ﺍﻟﻜﻼﻡ زيك 😅😅😅
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
يا درش ... سلام
بمناسبة ابوداؤد ...
قال ليك ابو داوؤد سافر في حلة في الجزيرة ..
طلع العريس بشبهو شديد ... غنى ليهم للصباح .. وبيت عندهم
تاني يوم صحى مشى يغسل وشو ..
جات ام العريس بي ضهرو مفتكراهو العريس ..
قالت ليهو ... امبارح العب دا ساهر بيكم !!!!!
اتلفت عليها وقال ليها ... العب غنى ليكم وماشي اهلو ..
الكعب العب القاعد جووه ..... ههه بقصد العريس .....
عااالم بطاالـــــــــــــــــــــة ,,
قال ليك ربطابي جاء البيت نص الليل ..
ودق الباب .. اختو قالت ليهو جاي من وين الوقت ده ؟؟
قال ليها جاي من السماء ..
قالت ليه ... نان ما كان تنزل قصاد سريرك .. داقي الباب لي شنو ....
كفاك ولا ازيدك ... ؟؟؟
عاالم بطاالـــــــــــــــــــــــة ,,,
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: محمد مجيدو)
|
محمد مجيدو
ابداع والله
وزي ماقال الفنان
زيدني من دلك شويه وكتر الاشواق علي بكره قلبك يصفو لي وتملا باالانوار
عيني في بحولر الشوق مسافر مسافر زادي نظره وابتسامه يوم اشوفك ابقي
وارسي بر السلامات القي نفسي بين ايديك انسي عيني في عينيك انسي كل الدنيا
حولي الا انت وشوقي ليك في العيون الحلوه تهت تهته للخدود سلمته امري باشتياقي
ليك بحته انتظر لو كان بعمري او تلوح بالامال اوتلمح بالوصال او تصبرني بي كلمه
حتي لو كانت محال انت لما تكون معاي مابفكر في الزمان لا بديه ولا نهايه لا الجايه
ولا الكان كل لحظه تبقي جيت كل لمحه يوم طويل من عينيك يبدي نهاري وانهي بيك
حلم الجميل زيدني من دلك شويه كتر الاشواق علي بكره قلبك يصفو لي وتملي باالانوار عينيا
| |
|
|
|
|
|
|
|
|
 Re: نكته 2023 بوست فرفشه شارك معانا بنكته (Re: مصطفى نور)
|
ﻭﺍﺣﺪ ﺟﺎﺏ ﻟﻴﻬﻮ ﺿﻴﻒ ﻓﻲ ﺍﻟﺒﻴﺖ ﻟﻠﻌﺸﺎﺀ
ﻭﻣﺎ ﻛﻠﻢ ﻣﺮﺗﻮ
ﻟﻤﺎ ﻋﺮﻓﺖ ﻗﺎﻣﺖ ﺗﺼﺮﺥ ﻭﺗﻜﻮﺭﻙ ﻣﻦ ﺍﻟﻤﻄﺒﺦ
ﻋﺸـﺎﻥ ﺍﻟﻀﻴﻒ ﻳﺴﻤﻊ ....
ﺍﻧﺎ ﻣﺶ ﻗﻠﺖ ﻟﻴﻚ ﻣﺎﺗﺠﻴﺐ ﻟﻲ ﺿﻴﻮﻑ ﺑﺪﻭﻥ ﻣﺎ ﺗﻮﺭﻳﻨﻲ ..
ﻭﻣﺎﻗﻠﺖ ﻟﻴﻚ ﻗﺒﻞ ﻣﺎﺗﺠﻲ ﺗﺘﺼﻞ ﻋﺸﺎﻥ ﺍﻗﻮﻝ ﻟﻴﻚ ﺟﻴﺐ ﻋﺸﺎ
ﻣﻌﺎﻙ ؟؟
ﻭﻣﺎﻗﻠﺖ ﻟﻴﻚ ﺍﻟﺒﻴﺖ ﻧﺎﻗﺺ ﺣﺎﺟﺎﺕ ﻣﻔﺮﻭﺽ ﻧﻤﺸﻲ ﺍﻟﺴﻮﻕ .
ﻭﻣﺎﺟﺒﺖ ﻟﻲ ﺷﻐﺎﻟﺔ ..
ﻭﺍﻧﺎ ﻫﺴﻊ ﻋﻴﺎﻧﺔ ﻭﻣﺼﺪﻋﺔ ﻭﺍﻟﺒﻴﺖ ﻣﻘﻠﺐ
ﻭﺍﻟﺼﺤﻮﻥ ﺣﻘﺖ ﺍﻟﻐﺪﺍﺀ ﻣﺎ ﻏﺴﻠﺘﻬـﻦ
ﻭﻣﺎﻋﻨﺪﻱ ﺍﺧﻼﻕ ﺃﺳﻮﻱ ﻟﻴﻜﻢ ﺷﻲ ﻭﻻ ﺣﺘﻰ ﺷﺎﻱ
ﻭﺭﻳﻨﻲ ﺑﺲ ﺟﺒﺘﻮ ﻣﻌﺎﻙ ﻟﻴﻪ ؟؟؟؟؟؟
ﻻ ﻭﺭﻳﻨﻲ ﻓﻬﻤﻚ ﺷﻨﻮ ﻳﻌﻨﻲ؟
ﻗﺎﻝ ﻟﻴﻬﺎ :
ﺍﺑﺪﺍ ﺍﻟﺮﺍﺟﻞ ﻋﺎﻭﺯ ﻳﺘﺰﻭﺝ ﺍﺧﺘﻚ ﻓﺤﺒﻴﺖ ﺍﻗﺪﻡ ﻟﻴﻪ ﻧﺼﻴﺤﺔ ﺑﻴﺎﻥ ﺑﺎﻟﻌﻤﻞ !!
😂😂😂😂😂😂😂😂 من باب الخفشات فرفش شويه
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
متزوج مرتين.. فى نص البحر إتامروا عليه قالوا ليه هسى لو المركب دا غرق، تطلع منو فينا.. عاين للشينة قال ليها انتى تعرفى تعومى موش كدا؟
نكتة المانية:
واحد كل يوم الأحد يغيب وزوجته شكت فيه.. يوم مشت الكنيسة اللى يقول ليها انه يصلى فيها.. طبعاً ما شافتو لكن حضرت الصلاة كلها..
لما رجع سألته كنت وين؟
- كنت فى الكنيسـة طبعا ح أكون وين يعنى..
- طيب.. القسيس كان يتكلم عن شنو؟
- كان يتكلم عن الذنوب
- أيواااااه.. طيب قال شنو عن الذنوووووب؟
- كان ضـدها
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: امتثال عبدالله)
|
روحك الرياضيـة يا إمتثال تشجع الواحد يقول نكتة تانية.. كنت متوقع تجى سالــة سيفك
فى شاطئ المحيط الهادى فى لوس انجلز، واحد رمى الشبكة صاد جرة كبيرة.. فتحها طلع منها الجنى المشهور وملأ الأفق حوله.. قال ليه
ياخ شوف.. أنت أنقذتنى بعد 5 الف سنة بعد سجنى النبى سليمان.. الان عندك أمنية واحدة فقط أحققها ليك.. الصياد قال ليه جداً.. أنا دائما احلم
ازور هاواى لكن لا احب السفر بالبحر، واخاف من الطيارات.. هل تقدر تبنى لى كبرى من سان فرانسسكو لحد هاواى؟.. الجنى قال ليه
يا زول قول كلام غير كدا. انت جنيت؟ ياخ فكر فى ملايين الأطنان من الأسمنت وملايين الأميال من الحديد تحت المحيط.. والاف المهندسين..
أنسى أديك فرصة تقول أمنية تانية.. الصياد فكر وفكر وعاين يمين وشمال.. قال ليه طيب.. أنا ما عارف لما المرأة تضحك هى تضحك ليه..
ولما تبكى تبكى ليه.. ف ياريت لو شرحت لى دا..
الجنى قال ليه How many lanes you want on that bridge ؟1 عايز كم مسار فى الكبرى داك؟
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
مسطول ماشي في الشارع لقوا ناس التلفزيون بقوا يسألوا فيهو :
المذيعة : رايك شنو ف عمر بن الخطاب؟؟
المسطول : عمر بن الخطاب بخاف الله لكن عمر التاني ده الله اعلم
المذيعة : لو سمحت إتكلم كويس
طيب سؤال تاني رايك شنو في مسيرة التنمية ؟
المسطول : والله المسيرة فرتقوها بالبمبان ناس الطارة قبل ما تطلع زاتو
المذيعة: لا أنا بتكلم عن التنمية العمرانية ؟
المسطول : أيوااااااا قصدك ال6 كباري العاملين بيها قوما وقعدة دي تنمية شنو ياخي
اذا كان 20 كيلو لحمه بقي بي مليون جنيه.
إنتي اسي بتنومي متعشية والله تلقاك العشاء مجازفات مع الأخوان
المذيعة : أففففف طيب شنو الممكن يجذب المستثمرين الأجانب للبلد :
المسطول : والله ناس الإسكيرتي شطفني ديل بجذبونا نحنا زاتنا خلي الأجانب
المذيعة : طيب أجمل مكان في السودان وكل الشباب بحبوهو ا وين ؟؟
المسطول : صالة المغادرة الناس دي كلها بتحبها
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
ﺍﻟﺴﻮﺩﺍﻧﻴﻴﻴﻦ ﻟﻤﺎ ﺍﻟﻮﺍﺣﺪ ﻳﻌﻤﻠﻮﺍ
ﻣﻌﺎﻫﻮ
ﻟﻘﺎﺀ..
ﺗﻬﻨﻲ ﻣﻨﻮ ﻓﻲ ﺍﻻﻫﻞ
ﺑﻬﻨﻲ ﻓﻼﻥ ﻓﻲ ﺍﻟﺴﻌﻮﺩﻳﻪ ﻭﻓﻼﻧﻪ
ﻓﻲ ﻗﻄﺮ
ﻭﺍﻟﺨﺎﻟﻪ ﻓﻲ ﺍﻣﻴﺮﻛﺎ ﻭﺍﻟﻌﻢ ﻓﻼﻥ
ﻓﻲ ﻟﻨﺪﻥ
..
..
ﺑﺎﻟﻨﺴﺒﻪ ﻟﻠﻤﺮﺯﻭﻋﻴﻦ ﻓﻲ ﺍﻟﺤﺎﺝ
ﻳﻮﺳﻒ ﻭﺍﻟﻜﻼﻛﻠﻪ ﺍﻟﻠﻔﻪ
ﻭﺑﺤﺮﻱ ﻭﺃﻣﺪﺭﻣﺎﻥ ﻭﺍﻟﺨﺮﻃﻮﻡ ﺩﻳﻞ ﻣﺎ ﻣﺤﺴﻮﺑﻴﻦ
ﺍﻫﻞ ﻭﻻ ﺍﻟﻔﻬﻢ ﺷﻨﻮ
...
| |
|
|
|
|
|
|
|
|
|
Re: نكته 2023 بوست فرفشه شارك معانا بنكته (Re: مصطفى نور)
|
ﺷﺎﻓﻊ ﺷﺎﻳﻘﻲ ﻣﺸﻰ ﻣﻊ ﺍﻣﻪ ﺍﻟﺪﻛﺎﻥ.....
ﺍﻣﻪ ﺑﺘﺸﺘﺮﻱ ﻭﻫﻮ ﺷﺎﻑ ﻗﻔﺔ ﺑﻠﺢ ﻭﻗﺎﻡ
ﻭﻗﻒ ﺟﻨﺒﻬﺎ ﻭﺗﻨﺢ ﻳﻌﺎﻳﻦ ﻟﻴﻬﺎ.....
ﺑﺘﺎﻉ ﺍﻟﺪﻛﺎﻥ ﻋﺎﻳﻦ ﻟﻴﻪ ﻛﺪﻩ ﻭﻗﺎﻡ ﻗﺎﻝ ﻟﻴﻪ
ﺷﻴﻞ ﻣﺎﺗﺨﺠﻞ...
ﺍﻟﻮﻟﺪ ﻣﺎ ﺍﺗﺤﺮﻙ ﻣﻦ ﻣﻜﺎﻧﻪ....
ﺗﺎﻧﻲ ﺑﺘﺎﻉ ﺍﻟﺪﻛﺎﻥ ﻗﺎﻝ ﻟﻴﻪ ﺷﻴﻞ ﻳﺎﻭﻟﺪ......
ﺍﻟﻮﻟﺪ ﻣﺎ ﺍﺗﺤﺮﻙ ﻣﻦ ﻣﻜﺎﻧﻪ....ﻭﻻ ﻣﺪ ﻳﺪﻩ...
ﻗﺎﻡ ﺑﺘﺎﻉ ﺍﻟﻜﺎﻥ ﺟﺎﻫﻮ ﻭﻗﺎﻝ ﻟﻴﻪ ﺍﻓﺘﺢ ﺟﻴﺒﻚ
ﻭﻣﻼ ﻳﺪﻩ ﻭﺧﺘﺎﻫﻮ ﻟﻴﻪ ﻓﻲ ﺟﻴﺒﻪ....
ﺍﻻﻡ ﺑﺮﻩ ﺳﺄﻟﺘﻪ ﺍﻧﺖ ﻳﺎﻭﻟﺪ ﻭﻗﺖ ﻗﺎﻝ ﻟﻴﻚ
ﺷﻴﻞ ﻣﺎﺷﻠﺘﺎ ﻣﺎﻟﻚ؟
ﻗﺎﻡ ﻗﺎﻝ ﻟﻴﻬﺎ:
ﻟﻜﻦ ﺍﻧﺎ ﻳﺪﻳﻨﻲ ﺻﻐﺎﺭ
ﻭﻫﻮ ﻳﺪﻳﻬﻮ ﻛﺒﺎﺭ ﻳﺎ ﺃﻣﻲ..
ﻫﻬﻬﻬﻬﻬﻬﻬﻬﻬﻬﻬﻪ XD:
ﺷﺎﻳﻘﻲ ﺗﺤﺖ ﺍﻟﺘﻤﺮﻳﻦ
| |
|
|
|
|
|
|
| |
مصطفى نور
محمد نور عودو
الزبير بشير
محمد مجيدو
Abureesh
فيس بوك
تويتر
انستقرام
يوتيوب
بنتيريست