جاءني صديقي همام وهو فنان ومصمم ملابس رجالية كان يعمل لصالح دار سعودية لصناعة الملابس في الصين منذ الصباح الباكر ة لدعوتي للغداء بحفل زواج بالسامراب كان ردي له في اليوم الحار دا لن اذهب لغدا ولا عششا قاعد في بيتنا الواحد يمرق حسي كمان قالوا السحائي حايم وما في اي علاج للسحائي في المستشفيات بالعاصمة بالله ابعد مني امشي انت المهم باسلوبه الساحر قال لي انت عايز اخبار وعارفك بتاع فارغة ومقدودة تعال معاي ح تلقي ضالتك الزول دا مقنع جدا بدون ما يفصح عن تفاصيل قال بس عرس لكين عجيب العروس عمرها 17 سنة ةالعريس عمرو 18 سنة ومن عايلة واحدة كمان والعرس نظم علي عجل المهم انا مريض شمارات والمرض اتمكن مني لدرجة اي اغراء بسيط بجرني لمكان الشمار المهم لبست ملابس كدا ومرقت معهو وصلنا السامراب كنت منذ سنوات اقول انها ضاحية شعبية ولكن العمران هنا رهيب والبيوت غاية في العصرية والتصميم المعماري الجديدة للمباني مبهر جد وصلنا كنت مراسيم عقد القران انتهت والجماعة في حالة اطعام للمعازيم والعدد قليل امكن اقل عشرين شخص لكين المائدة فاخرة بما لذا وطاب غير الفاكه قدمني صديقي لابو العريس وتعرفنا واخذني لوالد العروس وتم التعارف ومن خلال الاسماء عرفت انهم اخوة يعملون خارج الوطن مغتربيين يعني ونحن نحتسي المشروبات المبردة للحرارة بدات مغنية مغمورة تغني عرفت من خلال النقاش ان العريس طالب طب عند مامون حميده والعروس قبلت العام مختبرات طبية بالنيلين الجامعة وداهمت الجميع بسؤال العجلة في شنو عشان تزوجوا طلبة كان رد الاب ابو العروس طالب انت يا زميل ديل المعارف اللي عندهم ما عندك ولا عنديوقال لي تاني اكسر الحنك دا وجاءت زغرودة من الباب تعلن مقدم العرسان وانا اشهد مقدمهما شعرت بالرعب والخوف علي هؤلاء الصغار من التجربة ح تكون رهيبة مهما كانت الامكانات التي قدمت لهما لنجاح الزواج وحرص الاباء علي عفاف هؤلاء الصغار وهل يستمر هذا الصغير زوج مخلص لابنة عمه ام ينقلب غدا وانا هنا اكتب ما رايت بام عيني لا اعرف هل نحن نتغيير للاحسن كمجتمع ام هنالك غرائب تحصل فينا وبيننا ونحن لا نتحرك في معالجة هذه التحديات ذهبت لهما مبارك وتحدتث لهما هل هما علي علم بمرحلة الزواج في الحياة لم اجد اجابة بل ابتسامة برئية لا يحمل غير التوكل علي الله وطاعة الوالدين مبروك صغاري والف مبروك صغاري سالت ربي لهم التوفيق من قلبي ولازالت في حالة خوف وقلق #
05-20-2022, 08:28 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
السلام عليكم بوست جميل وياريت اي زول عندو مقدره على الزواج يتزوج عند سن البلوغ وليس هناك حرج ولا اي مشكله والله طيب جبت ليك عريس اصغر من عريسك رايك شنو https://web.facebook.com/843895735675284/posts/1826164927448355/؟_rdc=1and_rdrhttps://web.facebook.com/843895735675284/posts/1826164927448355/؟_rdc=1and_rdr أصغر عريس في السودان لفت الأنظار وأياديه وأرجله المخضبة بالحناء والهلال الذي يزين جبينه والحريرة التي تحيط بمعصمه ، فتى يبلغ من العمر 15 عاماً تبدوا على ملامحه علامات الطفولة والبراءة مثبتاً ذلك بلعبه البريئ بين أقرانه داخل حوش المدرسة التي التقيناه فيها وهو حافي القدمين لم يخلع عن جسده النحيل جلباب العرس ومازالت الحريره في يده والهلال على جبينه ، وبحسب ماذكر في صحيفة السوداني أن أسمه حسن علي أحمد، خرج من المدرسة من مرحلة الأساس للزواج وقال أحمد انا طلعت من (المدرسة علشان أتزوج والحمدالله الآن أنا عريس ومامشكلة إني صغير في العمر لأنو دي عاداتنا وتقاليدنا ، وقال أحمد أن العروس عمرها 13 سنة وماكملت قرايتها عشان العرس أحسن ليها لأنو رفيقاتها الفي عمرها عرسن ماشاء الله لأنو عندنا عيب البت تصل عمر معين وماتعرس) ، ويعمل أحمد العريس البالغ من العمر 15 عاماً في مجال الزراعة وقال: (من طلعت من المدرسة شغال في الزراعة مع أهلي ودي شغلة الأغلبية لأنهم بياكلو منها عيش ويربوا بيها أولادهم)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
مصطفى نور
فيس بوك
تويتر
انستقرام
يوتيوب
بنتيريست